ਕੋਰੋਨਾ ਵਾਇਰਸ ਸੰਕਟ ਨੇ ਜਰਮਨੀ ਦੇ ਹੇਸੇ ਪ੍ਰਾਂਤ ਦੇ ਵਿੱਤ ਮੰਤਰੀ ਥੌਮਸ ਸ਼ਏਫਰ ਦੀ ਜਾਨ ਲੈ ਲਈ ਹੈ। ਰਿਪੋਰਟਾਂ ਦੇ ਅਨੁਸਾਰ ਉਹਨਾਂ ਨੇ ਰੇਲ ਦੇ ਅੱਗੇ
ਜਰਮਨੀ- ਕੋਰੋਨਾ ਵਾਇਰਸ ਸੰਕਟ ਨੇ ਜਰਮਨੀ ਦੇ ਹੇਸੇ ਪ੍ਰਾਂਤ ਦੇ ਵਿੱਤ ਮੰਤਰੀ ਥੌਮਸ ਸ਼ਏਫਰ ਦੀ ਜਾਨ ਲੈ ਲਈ ਹੈ। ਰਿਪੋਰਟਾਂ ਦੇ ਅਨੁਸਾਰ ਉਹਨਾਂ ਨੇ ਰੇਲ ਦੇ ਅੱਗੇ ਛਾਲ ਮਾਰ ਕੇ ਖੁਦਕੁਸ਼ੀ ਕਰ ਲਈ। ਹੇਸੇ ਪ੍ਰਾਂਤ ਦੇ ਮੁੱਖ ਮੰਤਰੀ (ਪ੍ਰੀਮੀਅਰ) ਫੋਲਕਰ ਬੋਫੀਅਰ ਦੇ ਅਨੁਸਾਰ, ਥਾਮਸ ਸ਼ਏਫਰ ਇਹ ਸੋਚਦਿਆਂ ਬਹੁਤ ਪਰੇਸ਼ਾਨ ਸਨ ਕਿ ਕੋਰੋਨਾ ਵਾਇਰਸ ਨਾਲ ਪੈਦਾ ਹੋਏ ਆਰਥਿਕ ਸੰਕਟ ਨਾਲ ਕਿਵੇਂ ਨਜਿੱਠਿਆ ਜਾਵੇ। ਇੱਕ ਬਿਆਨ ਵਿਚ ਉਹਨਾਂ ਨੇ ਕਿਹਾ, “ਅਸੀਂ ਹੈਰਾਨ ਹਾਂ। ਇਸ 'ਤੇ ਵਿਸ਼ਵਾਸ ਨਹੀਂ ਕੀਤਾ ਜਾ ਸਕਦਾ ਅਤੇ ਅਸੀਂ ਇਸ ਤੋਂ ਬਹੁਤ ਦੁਖੀ ਹਾਂ।'
54 ਸਾਲਾ ਥਾਮਸ ਸ਼ਏਫਰ ਪਿਛਲੇ 10 ਸਾਲਾਂ ਤੋਂ ਹੇਸੇ ਦੇ ਵਿੱਤ ਮੰਤਰੀ ਸਨ। ਜਰਮਨੀ ਦੀ ਆਰਥਿਕ ਰਾਜਧਾਨੀ ਕਹੇ ਜਾਣ ਵਾਲਾ ਸ਼ਹਿਰ ਫ੍ਰੈਂਕਫਰਟ ਇਸ ਪ੍ਰਾਂਤ ਵਿਚ ਹੈ। ਡਾਇਚੇ ਬੈਂਕ ਅਤੇ ਯੂਰਪੀਅਨ ਸੈਂਟਰਲ ਬੈਂਕ ਵਰਗੀਆਂ ਕਈ ਜਾਣੀਆਂ-ਪਛਾਣੀਆਂ ਕੰਪਨੀਆਂ ਦਾ ਆਰਥਿਕ ਹੈੱਡਕੁਆਰਟਰ ਇਥੇ ਹੈ। ਫੋਲਕਰ ਬੋਫੀਅਰ ਦੇ ਅਨੁਸਾਰ, ਥੌਮਸ ਪਿਛਲੇ ਕੁਝ ਸਮੇਂ ਤੋਂ ਇਸ ਤੇ ਦਿਨ ਰਾਤ ਕੰਮ ਕਰ ਰਿਹਾ ਸੀ
ਕਿ ਕੋਰੋਨਾ ਵਾਇਰਸ ਵਰਗੀ ਮਹਾਂਮਾਰੀ ਤੋਂ ਕਾਮਗਰਾਂ ਨੂੰ ਕਿਵੇਂ ਬਚਾਇਆ ਜਾ ਸਕਦਾ ਹੈ। ਉਹਨਾਂ ਦਾ ਕਹਿਣਾ ਹੈ ਕਿ ਅਜਿਹੇ ਮੁਸ਼ਕਿਲ ਸਮੇਂ ਵਿਚ ਸਾਨੂੰ ਉਹਨਾਂ ਵਰਗੇ ਵਿਅਕਤੀ ਦੀ ਲੋੜ ਹੀ ਹੈ। ਲੋਕਪ੍ਰਿਯ ਥਾਮਸ ਦੇ ਬਾਰੇ ਵਿਚ ਕਿਹਾ ਜਾ ਰਿਹਾ ਸੀ ਕਿ ਅਗਲੇ ਮੁੱਖ ਮੰਤਰੀ ਉਹੀ ਹੋਣਗੇ। ਜਰਮਨੀ ਵਿਚ ਕੋਰੋਨਾ ਵਾਇਰਸ ਦੇ ਮਾਮਲਿਆਂ ਦਾ ਅੰਕੜਾ 52 ਤੋਂ ਪਾਰ ਹੋ ਚੁੱਕਿਆ ਹੈ। ਅਜਿਹੇ ਮਾਮਲਿਆਂ ਵਿਚ ਇਹ ਦੁਨੀਆਂ ਦੇ ਪੰਜਵੇਂ ਸਥਾਨ ਤੇ ਹੈ। ਉੱਥੇ ਕੋਰੋਨਾ ਵਾਇਰਸ ਦੇ ਹੁਣ ਤੱਕ 389 ਮੌਤਾਂ ਹੋ ਚੁੱਕੀਆਂ ਹਨ।