2020-21 ਦਾ ਬਜਟ 'ਅਗਰ ਮਗਰ' ਨਾਲ ਲੋੜ ਤੋਂ ਵੱਧ ਬੱਝਾ ਹੋਇਆ ਹੈ!
Published : Feb 4, 2020, 8:58 am IST
Updated : Feb 4, 2020, 9:57 am IST
SHARE ARTICLE
Photo
Photo

ਇਸ ਵਹੀ-ਖਾਤੇ ਦਾ ਅਸਲ ਮੰਤਵ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੂੰ ਖ਼ੁਸ਼ ਕਰਨਾ ਹੈ ਨਾਕਿ ਗ਼ਰੀਬ ਭਾਰਤੀ ਜਨਤਾ ਨੂੰ।

ਨਿਰਮਲਾ ਸੀਤਾਰਮਨ ਇਕ ਵਾਰੀ ਫਿਰ ਅਪਣਾ ਵਹੀ ਖਾਤਾ ਚੁੱਕੀ ਭਾਰਤ ਦੀ ਆਰਥਕ ਖ਼ੁਸ਼ਹਾਲੀ ਦੀ ਚਾਬੀ ਲੈ ਕੇ ਸੰਸਦ ਵਿਚ ਪੁੱਜੇ ਅਤੇ ਇਕ ਵਾਰੀ ਫਿਰ ਤੋਂ ਅਹਿਸਾਸ ਹੋਇਆ ਕਿ ਇਸ ਵਹੀ-ਖਾਤੇ ਦਾ ਅਸਲ ਮੰਤਵ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੂੰ ਖ਼ੁਸ਼ ਕਰਨਾ ਹੈ ਨਾਕਿ ਗ਼ਰੀਬ ਭਾਰਤੀ ਜਨਤਾ ਨੂੰ। ਬਜਟ ਤੋਂ ਬਾਅਦ ਸ਼ੇਅਰ ਬਾਜ਼ਾਰ ਵੀ ਭਾਰਤ ਦੀ ਜਨਤਾ ਦੇ ਹੌਸਲੇ ਵਾਂਗ ਹੀ ਡਿਗ ਪਿਆ ਅਤੇ ਸੋਮਵਾਰ ਨੂੰ ਕਈ ਕੋਸ਼ਿਸ਼ਾਂ ਤੋਂ ਬਾਅਦ, ਧੱਕਾ ਸਟਾਰਟ ਵਰਗੀ ਪੁਰਾਣੀ ਫ਼ੀਅਟ ਗੱਡੀ ਦੀ ਚਾਲ ਚਲ ਰਿਹਾ ਹੈ।

BudgetPhoto

ਪਹਿਲਾਂ ਇਹ ਆਖਿਆ ਜਾਂਦਾ ਸੀ ਕਿ ਭਾਵੇਂ ਸਾਰੇ ਮਾਹਰ ਭਾਰਤ ਦੀ ਜੀ.ਡੀ.ਪੀ. ਬਾਰੇ ਮਾੜੀ ਭਵਿਖਬਾਣੀ ਕਰ ਰਹੇ ਸਨ ਪਰ ਸ਼ੇਅਰ ਬਾਜ਼ਾਰ ਯਾਨੀ ਕਿ ਕਾਰਪੋਰੇਟ ਕੰਪਨੀਆਂ ਤਾਂ ਠੀਕ ਚਲ ਰਹੀਆਂ ਹਨ ਅਤੇ ਉਨ੍ਹਾਂ ਨੂੰ ਅਜੇ ਵੀ ਚੰਗੇ ਭਵਿੱਖ ਦੀ ਆਸ ਅਜੇ ਬਾਕੀ ਹੈ। ਪਰ ਅੱਜ ਉਨ੍ਹਾਂ ਕੀ ਵੇਖ ਲਿਆ ਇਸ ਬਜਟ 'ਚ ਕਿ ਘਬਰਾਹਟ ਫੈਲ ਗਈ?

modiPhoto

ਜਦ ਨਿਰਮਲਾ ਸੀਤਾਰਮਨ ਨੇ ਬੋਲਣਾ ਸ਼ੁਰੂ ਕੀਤਾ ਸੀ ਤਾਂ ਜਾਪਦਾ ਸੀ ਕਿ ਸਰਕਾਰ ਨੇ ਅਪਣੀ ਜਨਤਾ ਦੇ ਦਰਦ ਨੂੰ ਸਮਝ ਲਿਆ ਹੈ। ਰੁਜ਼ਗਾਰ, ਪਛੜੇ ਵਰਗਾਂ, ਔਰਤਾਂ ਪ੍ਰਤੀ ਚਿੰਤਾ ਕਰਨ ਵਾਲੀ ਉਸਾਰੂ ਸੋਚ। ਪਰ ਜਿਉਂ ਜਿਉਂ ਅੰਕੜੇ ਆਉਂਦੇ ਗਏ, ਤਿਉਂ ਤਿਉਂ ਸਮਝ ਆਉਂਦਾ ਗਿਆ ਕਿ ਇਕ ਸਰਦੀ ਦੀ ਰਾਤ ਵਿਚ, ਵਿਖਾਵੇ ਲਈ, ਜਨਤਾ ਤੇ ਨਰਮ ਮਲਮਲ ਦੀ ਇਕ ਚਾਦਰ ਪਾਈ ਜਾ ਰਹੀ ਹੈ।

Nirmala SitharamanPhoto

ਕਈ ਥਾਂ ਤਾਂ ਚਾਦਰ ਵਿਛਾਉਣ ਦੀ ਕੋਸ਼ਿਸ਼ ਵੀ ਨਹੀਂ ਕੀਤੀ ਜਾ ਰਹੀ। ਮਨਰੇਗਾ ਲਈ ਰਖਿਆ ਪੈਸਾ ਘਟਾ ਕੇ, ਉਨ੍ਹਾਂ ਅਪਣੀ ਸਿਆਸੀ ਰੰਜਿਸ਼ ਪੂਰੀ ਕੀਤੀ, ਭਾਵੇਂ ਨੁਕਸਾਨ ਉਨ੍ਹਾਂ ਨੂੰ ਚੁਣਨ ਵਾਲੀ ਜਨਤਾ ਦਾ ਹੀ ਹੋਇਆ ਹੋਵੇ। ਜਨਤਾ ਪ੍ਰਤੀ ਜਿਸ ਚਿੰਤਾ ਦਾ ਵਾਰ ਵਾਰ ਹੋਕਾ ਦਿਤਾ ਗਿਆ ਸੀ, ਉਹ ਤਾਂ ਸਰਕਾਰ ਦੀ ਕਾਰਗੁਜ਼ਾਰੀ ਵਿਚ ਨਜ਼ਰ ਨਹੀਂ ਆ ਰਹੀ।

GDPPhoto

ਅੱਜ ਸਾਰਾ ਦੇਸ਼ ਵੰਡਿਆ ਬੈਠਾ ਹੈ। ਇਕ ਤਬਕਾ ਘਬਰਾਇਆ ਤੇ ਡਰਿਆ ਬੈਠਾ ਹੈ ਅਤੇ ਜੇ ਅਪਣੀ ਹੀ ਜਨਤਾ ਨੂੰ ਬਜਟ ਵਿਚ ਕੋਈ ਚਾਹਤ ਨਹੀਂ ਦੇ ਸਕਦੇ ਤਾਂ ਫਿਰ ਜ਼ੁਬਾਨੀ ਚਿੰਤਾ ਜਨਤਾ ਦੇ ਕਿਸ ਕੰਮ ਆਵੇਗੀ? ਚਲੋ, ਜੇ ਮੰਨ ਵੀ ਲਈਏ ਕਿ ਸਰਕਾਰ ਸਾਰਿਆਂ ਵਾਸਤੇ ਕੁੱਝ ਨਾ ਕੁੱਝ ਲੈ ਕੇ ਆਈ ਹੈ ਤਾਂ ਇਹ ਗੱਲ ਦਸਣੀ ਪਵੇਗੀ ਕਿ ਕਿਥੋਂ ਆਵੇਗਾ ਇਹ ਸਾਰਾ ਖ਼ਰਚਾ?

Air india stake sale govt approves divestment of air indiaPhoto

ਹਰ ਕਦਮ ਨਾਲ ਸਰਕਾਰ ਨੇ ਇਕ ਲਫ਼ਜ਼ ਜੋੜਿਆ ਹੈ 'ਅਗਰ'। ਅਗਰ ਏਅਰ ਇੰਡੀਆ ਵਿਕੇਗਾ, ਅਗਰ ਐਲ.ਆਈ.ਸੀ. ਦਾ ਆਈ.ਪੀ.ਓ. ਕਾਮਯਾਬ ਹੋਵੇਗਾ, ਅਗਰ ਸੂਬੇ ਅੱਗੇ ਆਉਣਗੇ, ਅਗਰ ਨਿਜੀ ਕੰਪਨੀਆਂ ਸਰਕਾਰ ਨਾਲ ਮਿਲ ਕੇ ਹਸਪਤਾਲ ਖੋਲ੍ਹਣਗੀਆਂ, ਅਗਰ ਤੁਸੀਂ ਅਪਣੀ ਸਬਸਿਡੀ ਛੱਡੋਗੇ ਆਦਿ।

Budget 2019 what modi government given to common peoplePhoto

ਇਸ ਅਗਰ ਮਗਰ ਵਿਚ ਇਹ ਗੱਲ ਸਮਝ ਵਿਚ ਆਉਂਦੀ ਹੈ ਕਿ ਇਸ ਸਰਕਾਰ ਕੋਲ ਅਪਣੇ ਕੋਲ ਖ਼ਰਚੇ ਵਾਸਤੇ ਕੁੱਝ ਵੀ ਨਹੀਂ ਅਤੇ ਉਹ ਅਪਣੇ ਬਜਟ ਲਈ ਨਿਜੀ ਦੌਲਤ ਉਤੇ ਨਿਰਭਰ ਹੈ। ਪਰ ਇਹੀ ਤਾਂ ਕਾਰਨ ਹੈ ਕਿ ਭਾਰਤ ਵਿਚ ਪਿਛਲੇ ਕੁੱਝ ਸਾਲਾਂ ਵਿਚ ਗ਼ਰੀਬੀ-ਅਮੀਰੀ ਦਾ ਫ਼ਰਕ ਵਧੀ ਜਾ ਰਿਹਾ ਹੈ ਅਤੇ ਹੁਣ ਵੀ ਜੇ ਤੁਸੀਂ ਨਿਜੀ ਕੰਪਨੀਆਂ ਨੂੰ ਹੀ ਮੌਕਾ ਦਈ ਰੱਖੋਗੇ ਤਾਂ ਫਿਰ ਇਹ ਦੂਰੀ ਹਟੇਗੀ ਕਿਸ ਤਰ੍ਹਾਂ?

Poor ChildrenPhoto

ਸਰਕਾਰ ਦੇ ਇਸ ਬਜਟ ਵਿਚਲੀ ਸੋਚ ਚੰਗੀ ਹੈ, ਖ਼ਾਸ ਕਰ ਕੇ ਊਰਜਾ ਉਤਪਾਦ ਵਧਾਉਣ ਵਾਸਤੇ ਪਰ ਸਿਰਫ਼ ਸੋਚ ਨਹੀਂ, ਹੁਣ ਤਾਂ ਠੋਸ ਕਦਮ ਚੁੱਕਣ ਦੀ ਲੋੜ ਹੈ। ਇਹ ਬਜਟ ਉਸ ਹਾਲਤ ਵਿਚ ਅਸਰਦਾਰ ਹੁੰਦਾ ਜੇ ਸਾਡਾ ਅਰਥਚਾਰਾ ਇਕ ਸਥਿਰਤਾ ਵਾਲੀ ਥਾਂ ਉਤੇ ਪਹੁੰਚ ਚੁੱਕਾ ਹੁੰਦਾ ਪਰ ਅੱਜ ਤਾਂ ਇਹ ਸੰਕਟ ਵਿਚ ਘਿਰਿਆ ਬੈਠਾ ਹੈ।

PhotoPhoto

ਸੋ ਕੀ ਇਹ ਬਜਟ ਭਾਰਤ ਨੂੰ ਅੱਜ ਅਤੇ ਆਉਣ ਵਾਲੇ ਕਲ੍ਹ ਦੀਆਂ ਮੁਸੀਬਤਾਂ ਵਾਸਤੇ ਤਿਆਰ ਕਰਦਾ ਹੈ? ਇਸ ਬਜਟ ਭਾਸ਼ਣ ਨੇ ਪਹਿਲੀ ਸਦੀ ਦੇ ਭਾਰਤੀ ਸਮਾਜ ਵਾਂਗ ਭਾਰਤ ਨੂੰ ਉਜਵਲ ਬਣਾਉਣ ਦੀ ਗੱਲ ਕੀਤੀ ਪਰ ਕੀ ਉਸ ਸਦੀ ਦੇ ਸਾਡੇ ਪੂਰਵਜਾਂ ਦੀ ਸੋਚ ਸਾਡੀ ਅੱਜ ਦੀ ਸੋਚ ਵਾਂਗ ਸੀ? ਉਹ ਲੋਕ ਅੱਗੇ ਦੀ ਸੋਚਦੇ ਸਨ, ਤਾਂ ਹੀ ਤਾਂ ਭਾਰਤ ਨੂੰ ਸੋਨੇ ਦੀ ਚਿੜੀ ਬਣਾਉਣ ਵਿਚ ਕਾਮਯਾਬ ਹੋਏ।

BJP governmentPhoto

ਪਰ ਅਸੀਂ ਉਨ੍ਹਾਂ ਦੇ ਸੁਨਹਿਰੀ ਯੁਗ ਦਾ ਨਾਂ ਲੈ ਲੈ ਕੇ ਪਿੱਛੇ ਵਲ ਵੇਖ ਕੇ, ਭਵਿੱਖ ਦਾ ਅਪਣਾ ਕੰਮ ਚਲਾਉਣਾ ਚਾਹੁੰਦੇ ਹਾਂ। ਬਜਟ ਦੀਆਂ ਅੱਖਾਂ ਵਿਚ ਅੱਖਾਂ ਪਾ ਕੇ ਵੇਖੀਏ ਤਾਂ ਇਸ ਬਜਟ ਤੋਂ ਕੋਈ ਉਮੀਦ ਨਹੀਂ ਰੱਖੀ ਜਾ ਸਕਦੀ ਪਰ ਸ਼ਾਇਦ ਇਸ ਦੇ ਲਾਗੂ ਹੋਣ ਵਿਚ ਕੁੱਝ ਅਜਿਹੀ ਕਰਾਮਾਤ ਹੋ ਜਾਵੇ ਕਿ ਭਾਰਤ ਉਤੇ ਲਟਕਦਾ ਸੰਕਟ ਟਲ ਜਾਵੇ।  -ਨਿਮਰਤ ਕੌਰ

SHARE ARTICLE

ਸਪੋਕਸਮੈਨ ਸਮਾਚਾਰ ਸੇਵਾ

Advertisement

ਬਾਬਾ ਤਰਸੇਮ ਸਿੰਘ ਦੇ ਕਤਲ ਦਾ CCTV, ਦੇਖੋ ਕਿਵੇਂ ਕੁਰਸੀ 'ਤੇ ਬੈਠੇ ਬਾਬਾ ਤਰਸੇਮ ਸਿੰਘ ਨੂੰ ਬਦਮਾਸ਼ਾਂ ਨੇ ਮਾਰੀਆਂ..

28 Mar 2024 4:40 PM

'ਸਾਈਕਲ ਦਾ ਵੀ ਸਟੈਂਡ ਹੁੰਦਾ, ਆਹ ਰਿੰਕੂ ਦਾ ਕੋਈ ਸਟੈਂਡ ਹੀ ਨਹੀਂ, ਮੈਂ ਤਾਂ ਹੈਰਾਨ ਹਾਂ'

28 Mar 2024 3:17 PM

Debate: BJP ਨੇ ਪੰਜਾਬ 'ਚ ਮਚਾਈ ਤਰਥੱਲੀ, ਪੱਟ ਲਏ ਵੱਡੇ ਲੀਡਰ! ਚੱਲਦੀ ਡਿਬੇਟ 'ਚ ਭਿੜ ਗਏ AAP ਤੇ BJP ਆਗੂ, ਰੱਜ ਕੇ

28 Mar 2024 3:09 PM

ਬੱਸ ਤੇ ਕਾਰ ਦੀ ਸਿੱਧੀ ਟੱਕਰ ਮਚ ਗਿਆ ਚੀਕ-ਚਿਹਾੜਾ ਫਿਰੋਜ਼ਪੁਰ ਦੇ ਜੀਰਾ ’ਚ ਵਾਪਰਿਆ ਦਰਦਨਾਕ ਹਾਦਸਾ

28 Mar 2024 1:08 PM

Punjab 'ਚ ਵਿਕ ਰਿਹਾ ਨਕਲੀ ਸੀਮਿੰਟ! Ambuja ਤੇ ACC ਸੀਮਿੰਟ ਦੇ ਗੱਟਿਆਂ ਨਾਲ ਭਰਿਆ ਟਰੱਕ Police ਨੇ ਫੜਿਆ

28 Mar 2024 12:50 PM
Advertisement