Auto Refresh
Advertisement

ਵਿਚਾਰ, ਸੰਪਾਦਕੀ

ਨਸ਼ਾ ਪੰਜਾਬ ਦੇ ਨੌਜਵਾਨਾਂ ਲਈ ਦੁਨੀਆਂ ਭਰ ਵਿਚ ਬਦਨਾਮੀ ਖੱਟ ਰਿਹਾ ਹੈ

Published Aug 4, 2022, 6:53 am IST | Updated Aug 4, 2022, 9:57 am IST

ਸਾਡੇ ਸੂਬੇ ਵਿਚ ਨਸ਼ਾ ਤਸਕਰੀ ਦੀ ਸਮੱਸਿਆ ਹੈ ਜਿਸ ਵਿਚ ਸਿਆਸਤਦਾਨ ਤੇ ਪੁਲਿਸ ਦੀ ਸ਼ਹਿ ਨਾਲ ਬਹੁਤ ਵੱਡਾ ਜਾਲ ਬੁਣਿਆ ਗਿਆ ਹੈ ਤੇ ਉਸ ਨੂੰ ਤੋੜਨਾ ਪਵੇਗਾ

Drug
Drug

 

ਗ੍ਰਹਿ ਮੰਤਰੀ ਅਮਿਤ ਸ਼ਾਹ ਦੇ ਚੰਡੀਗੜ੍ਹ ਦੌਰੇ ਦੌਰਾਨ ਪੰਜਾਬ ਵਿਚ ਸਰਹੱਦ ਪਾਰੋਂ ਆਉਂਦੇ ਨਸ਼ੇ ਤੇ ਕਾਬੂ ਪਾਉਣ ਦਾ ਵਾਅਦਾ ਕੀਤਾ ਗਿਆ। ਇਹ ਦੇਰ ਨਾਲ ਲਿਆ ਫ਼ੈਸਲਾ ਤਾਂ ਹੈ ਪਰ ਦਰੁਸਤ ਵੀ ਹੈ। ਭਾਜਪਾ ਹੁਣ ਤਕ ਸੱਤਾ ਵਿਚ ਭਾਈਵਾਲ ਹੋਣ ਕਾਰਨ ਇਸ ਮੁੱਦੇ ’ਤੇ ਕੰਮ ਹੀ ਨਹੀਂ ਸੀ ਕਰ ਪਾ ਰਹੀ ਕਿਉਂਕਿ ਅਕਾਲੀ ਦਲ ਨਸ਼ੇ ਦੇ ਮੁੱਦੇ ਨੂੰ ਕਬੂਲਣਾ ਹੀ ਨਹੀਂ ਸੀ ਚਾਹੁੰਦਾ। ਇਹ ਕਹਿਣਾ ਹੈ ਭਾਜਪਾ ਦਾ। ਕਾਂਗਰਸ ਦੇ ਰਾਜ ਵਿਚ ਵੀ ਇਸ ਮੁੱਦੇ ਨੂੰ ਲੈ ਕੇ ਜ਼ਿਆਦਾ ਕੰਮ ਨਹੀਂ ਕੀਤਾ ਗਿਆ। ਪਰ ਪਿਛਲੇ ਕੁੱਝ ਮਹੀਨਿਆਂ ਦੇ ਹਾਲਾਤ ਤੋਂ ਜਾਪਦਾ ਹੈ ਕਿ ਕੇਂਦਰ ਨੂੰ ਵੀ ਸਮਝ ਆ ਗਈ ਹੈ ਕਿ ਸੱਭ ਨੂੰ ਮਿਲ ਕੇ ਨਸ਼ਾ ਤਸਕਰੀ ’ਤੇ ਕਾਬੂ ਪਾਉਣਾ ਪਵੇਗਾ ਤੇ ਇਹ ਦੇਸ਼ ਦੀ ਸੁਰੱਖਿਆ ਦਾ ਮੁੱਦਾ ਹੈ ਨਾ ਕਿ ਪੰਜਾਬ ਦਾ ਜਾਂ ਅਪਣੇ ਕਰੀਬੀਆਂ ਨੂੰ ਬਚਾਉਣ ਦਾ ਹੀ। ਨਸ਼ਾ ਤਸਕਰੀ ਨਾਲ ਜਿੰਨਾ ਪੰਜਾਬ ਦਾ ਨੁਕਸਾਨ ਹੋਇਆ ਹੈ, ਉਸ ਦੀ ਪੂਰਤੀ ਕਰਨਾ ਤਾਂ ਮੁਸ਼ਕਲ ਹੋਵੇਗਾ ਪਰ ਇਸ ਪੂਰੇ ਮਾਮਲੇ ਨੂੰ ਸਮਝਣਾ ਵੀ ਬਹੁਤ ਜ਼ਰੂਰੀ ਹੈ। ਸਿੱਧੂ ਮੂਸੇਵਾਲਾ ਕਤਲ ਮਗਰੋਂ ਦਿੱਲੀ ਤੇ ਪੰਜਾਬ ਪੁਲਿਸ ਦੀ ਪ੍ਰਤੀਕਿਰਿਆ ਵਿਚ ਇਹੀ ਆਖਿਆ ਗਿਆ ਕਿ ਇਹ ਕਤਲ ਭੱਪੀ ਲਹਿਰੀ ਦੇ ਕੇਸ ਵਰਗਾ ਹੀ ਸੀ ਤੇ ਪੰਜਾਬ ਦੇ ਗੈਂਗਸਟਰ ਵੀ ਹੁਣ ਉਸ ਵਕਤ ਦੇ ਦਾਊਦ ਗੈਂਗਸਟਰ ਬਣ ਚੁੱਕੇ ਹਨ। 

Amit Shah on 2002 Gujarat riots caseAmit Shah

ਅੱਜ ਗੈਂਗਸਟਰ ਲਫ਼ਜ਼ ਪੰਜਾਬ ਦੀ ਜਵਾਨੀ ਨਾਲ ਜੁੜ ਗਿਆ ਹੈ। ਇਕ ਵਿਦੇਸ਼ੀ ਪੱਤਰਕਾਰ ਨੇ ਇਕ ਵੀਡੀਉ ਕਾਲ ਕੀਤੀ ਤਾਂ ਕੈਨੇਡਾ ਰਹਿੰਦੇ ਦੋ ਭਰਾ ਆਪਸ ਵਿਚ ਗੱਲ ਕਰ ਰਹੇ ਸਨ ਤੇ ਛੋਟਾ ਅਪਣੇ ਵੱਡੇ ਵੀਰ ਨੂੰ ਪੰਜਾਬ ਜਾਣ ਤੋਂ ਰੋਕ ਰਿਹਾ ਸੀ ਕਿ ਪੰਜਾਬ ਵਿਚ ਤਾਂ ਹੁਣ ਡਾਂਗਾਂ ਨਹੀਂ ਬੰਦੂਕਾਂ ਲੈ ਕੇ ਲੋਕ ਚਲਦੇ ਹਨ ਤੇ ਉਥੇ ਹੁਣ ਛੋਟੀ-ਛੋਟੀ ਗੱਲ ’ਤੇ ਬੰਦੂਕ ਕੱਢ ਲੈਂਦੇ ਹਨ। ਸਲਾਹ ਇਹ ਦਿਤੀ ਕਿ ਤੂੰ ਚੁੱਪ ਚਾਪ ਪ੍ਰਵਾਰ ਨੂੰ ਮਿਲੀਂ ਤੇ ਕਿਸੇ ਨਾਲ ਬਹਿਸ ਨਾ ਕਰੀਂ ਕਿਉਂਕਿ ਉਥੋਂ ਦੇ ਲੋਕਾਂ ਦਾ ਕੁੱਝ ਪਤਾ ਨਹੀਂ, ਕਦੋਂ ਗੁੱਸਾ ਖਾ ਕੇ ਆਪੋ ਤੋਂ ਬਹਰ ਹੋ ਜਾਣ।

 

 

Drug traffickingDrug

ਕਈ ਦਹਾਕਿਆਂ ਬਾਅਦ ਪੰਜਾਬ ਦੇ ਨੌਜਵਾਨਾਂ ਦੇ ਮੱਥੇ ਤੋਂ ‘ਅਤਿਵਾਦ’ ਦਾ ਦਾਗ਼ ਫਿੱਕਾ ਪੈਣਾ ਸ਼ੁਰੂ ਹੋਇਆ ਸੀ ਤੇ ਉਹ ਮੋੜਾ ਵੀ ਕਿਸਾਨੀ ਅੰਦੋਲਨ ਦੌਰਾਨ ਹੀ ਪਿਆ। ਪਰ  ਪੰਜਾਬ ਵਿਚ ਨਸ਼ੇ ਨੇ ਅਜਿਹੇ ਪੈਰ ਪਾਏ ਕਿ ਹੁਣ ਪੰਜਾਬ ਦੇ ਨੌਜੁਆਨਾਂ ਦੇ ਮੱਥੇ ’ਤੇ ਨਵਾਂ ਦਾਗ਼ ਮੜਿ੍ਹਆ ਜਾ ਰਿਹਾ ਹੈ। ਤੇ ਇਸ ਵਾਰ ਸੱਭ ਤੋਂ ਵੱਡਾ ਅੰਤਰ ਇਹ ਹੈ ਕਿ ਪਿਛਲੀ ਵਾਰ ਸਰਕਾਰੀ ਏਜੰਸੀਆਂ ਨੇ ਇਹ ਦਾਗ਼ ਲਗਾਇਆ ਸੀ ਤੇ ਬੰਦੂਕਾਂ ਹੱਥ ਵਿਚ ਫੜਾਈਆਂ ਸਨ ਪਰ ਇਸ ਵਾਰ ਅਸੀਂ ਆਪ ਇਹ ਕੰਮ ਕਰ ਰਹੇ ਹਾਂ। ਜਦੋਂ ਵਿਦੇਸ਼ਾਂ ਵਿਚ ਬੈਠੇ ਲੋਕ ਪੰਜਾਬ ਬਾਰੇ ਇਸ ਤਰ੍ਹਾਂ ਦੀਆਂ ਗੱਲਾਂ ਕਰਨਗੇ ਤਾਂ ਫਿਰ ਬਾਕੀ ਕਿਉਂ ਨਹੀਂ ਕਰਨਗੇ? ਇਹ ਲੋਕ ਇਹ ਵੀ ਦੱਸਣ ਕਿ ਕੀ ਪੰਜਾਬ ਦੇ ਸਕੂਲਾਂ ਵਿਚ ਅਮਰੀਕੀ ਸਕੂਲਾਂ ਵਾਂਗ ਬੰਦੂਕਾਂ ਚੱਲ ਰਹੀਆਂ ਹਨ ਤੇ ਕੀ ਪੰਜਾਬ ਵਿਚ ਹਰ ਰੋਜ਼ ਵੱਡੀ ਗਿਣਤੀ ਵਿਚ ਲੋਕਾਂ ਨੂੰ ਮਾਰਿਆ ਜਾ ਰਿਹਾ ਹੈ? ਨਹੀਂ, ਇਹ ਸੱਭ ਅਮਰੀਕਾ ਵਿਚ ਹੋ ਰਿਹਾ ਹੈ ਪਰ ਅੱਜ ਵੀ ਉਹ ਦੁਨੀਆਂ ਵਿਚ ਅੱਵਲ ਨੰਬਰ ਦਾ ਦੇਸ਼ ਅਖਵਾਉਂਦਾ ਹੈ। 

 

Drug mafiaDrug mafia

ਸਾਡੇ ਸੂਬੇ ਵਿਚ ਨਸ਼ਾ ਤਸਕਰੀ ਦੀ ਸਮੱਸਿਆ ਹੈ ਜਿਸ ਵਿਚ ਸਿਆਸਤਦਾਨ ਤੇ ਪੁਲਿਸ ਦੀ ਸ਼ਹਿ ਨਾਲ ਬਹੁਤ ਵੱਡਾ ਜਾਲ ਬੁਣਿਆ ਗਿਆ ਹੈ ਤੇ ਉਸ ਨੂੰ ਤੋੜਨਾ ਪਵੇਗਾ ਤਾਕਿ ਨਾ ਸਿਰਫ਼ ਸਰਹੱਦ ਪਾਰ ਤੋਂ ਨਸ਼ੇ ਦੇ ਵਪਾਰ ਨੂੰ ਰੋਕਿਆ ਜਾ ਸਕੇ ਸਗੋਂ ਨਸ਼ੇ ਨਾਲ ਜੁੜੀ ਹਿੰਸਾ ਅਤੇ ਗੁੰਡਾਗਰਦੀ ਵੀ ਰੋਕੀ ਜਾ ਸਕੇ ਅਤੇ ਪੰਜਾਬ ਦੇ ਨੌਜਵਾਨਾਂ ਨੂੰ ਹੋਰ ਬਦਨਾਮ ਨਾ ਕੀਤਾ ਜਾ ਸਕੇ।  ਸੱਚ ਇਹ ਹੈ ਕਿ ਪੰਜਾਬ ਦੀ ਜਵਾਨੀ ਦੀ ਦੁਰਵਰਤੋਂ ਸਿਆਸਤਦਾਨਾਂ ਤੇ ਉਨ੍ਹਾਂ ਦੇ ਚਮਚਿਆਂ ਨੇ ਕੀਤੀ ਹੈ, ਸਾਡੇ ਨੌਜਵਾਨ ਗੁਮਰਾਹ ਕੀਤੇ ਗਏ ਹਨ ਤੇ ਅੱਜ ਵੀ ਕੀਤੇ ਜਾ ਰਹੇ ਹਨ। ਉਨ੍ਹਾਂ ਨੂੰ ਰੋਕਣਾ ਪਵੇਗਾ ਤੇ ਇਸ ਵਾਰ ਸੱਚ ਪੂਰੀ ਤਰ੍ਹਾਂ ਦੁਨੀਆਂ ਸਾਹਮਣੇ ਲਿਆਉਣਾ ਚਾਹੀਦਾ ਹੈ ਤਾਕਿ ਸਾਡੀ ਜਵਾਨੀ ਨਿਰਾਸ਼ ਹੋ ਕੇ ਟੁਟ ਨਾ ਜਾਵੇ।
- ਨਿਮਰਤ ਕੌਰ 

ਸਪੋਕਸਮੈਨ ਸਮਾਚਾਰ ਸੇਵਾਨਿਮਰਤ ਕੌਰ

Advertisement

 

Advertisement

ਇਸ ਗੁਰਦੁਆਰੇ ਸਾਹਿਬ 'ਚ ਕੇਸਰੀ Nishan Sahib ਦੀ ਥਾਂ ਝੁਲਾ ਦਿੱਤੇ National flag? Gurudwara Imli sahib | SGPC

14 Aug 2022 12:48 PM
ਸਿਹਤ ਮੰਤਰੀ ਨੇ ਹਸਪਤਾਲ 'ਚ ਮਾਰਿਆ ਛਾਪਾ, ਡਾਕਟਰਾਂ ਦੇ ਸੁੱਕੇ ਸਾਹ! ਇਮਾਰਤ ਦੀ ਹਾਲਤ ਵੇਖ ਚੜ੍ਹ ਗਿਆ ਪਾਰਾ

ਸਿਹਤ ਮੰਤਰੀ ਨੇ ਹਸਪਤਾਲ 'ਚ ਮਾਰਿਆ ਛਾਪਾ, ਡਾਕਟਰਾਂ ਦੇ ਸੁੱਕੇ ਸਾਹ! ਇਮਾਰਤ ਦੀ ਹਾਲਤ ਵੇਖ ਚੜ੍ਹ ਗਿਆ ਪਾਰਾ

ਸਾਨੂੰ ਬਦਲਾਖੋਰੀ ਵਾਲੀ ਸਿਆਸਤ ਨਹੀਂ ਆਉਂਦੀ, ਜ਼ਮਾਨਤ ਦੇਣੀ ਜਾਂ ਨਹੀਂ ਦੇਣੀ ਅਦਾਲਤਾਂ ਦਾ ਕੰਮ : Aman Arora

ਸਾਨੂੰ ਬਦਲਾਖੋਰੀ ਵਾਲੀ ਸਿਆਸਤ ਨਹੀਂ ਆਉਂਦੀ, ਜ਼ਮਾਨਤ ਦੇਣੀ ਜਾਂ ਨਹੀਂ ਦੇਣੀ ਅਦਾਲਤਾਂ ਦਾ ਕੰਮ : Aman Arora

Hollywood ਦੀ ਐਕਸ਼ਨ ਫਿਲਮ ਵਾਂਗ ਨਸ਼ਾ ਤਸਕਰਾਂ ਨੂੰ ਫੜਨ ਵਾਲੇ SHO ਦਾ ਐਕਸਕਲੂਸਿਵ ਇੰਟਰਵਿਊ

Hollywood ਦੀ ਐਕਸ਼ਨ ਫਿਲਮ ਵਾਂਗ ਨਸ਼ਾ ਤਸਕਰਾਂ ਨੂੰ ਫੜਨ ਵਾਲੇ SHO ਦਾ ਐਕਸਕਲੂਸਿਵ ਇੰਟਰਵਿਊ

Advertisement