ਰਾਹੁਲ ਗਾਂਧੀ ਸ਼ਾਇਦ ਸਿੱਖਾਂ ਦਾ ਮਹੱਤਵ ਸਮਝ ਗਏ ਹਨ ਪਰ ਅਕਾਲੀ ਆਪ ਹੀ ਸਮਝਣੋਂ ਹੱਟ ਗਏ ਹਨ!
Published : Oct 7, 2020, 8:24 am IST
Updated : Oct 7, 2020, 9:34 am IST
SHARE ARTICLE
Rahul Gandhi
Rahul Gandhi

ਰਾਹੁਲ ਗਾਂਧੀ ਨੂੰ ਪਟਿਆਲਾ ਵਿਚ ਅਪਣੀ ਦਾਦੀ ਇੰਦਰਾ ਦੀ ਐਮਰਜੈਂਸੀ ਅਤੇ ਸੂਬਾ ਪਧਰੀ ਆਜ਼ਾਦੀ ਲਹਿਰ ਨੂੰ ਪੰਜਾਬ ਵਿਚ ਚਲਾਉਣ ਬਾਰੇ ਪੁਛਿਆ ਗਿਆ

ਯੂ.ਪੀ. ਦੇ ਮੁੱਖ ਮੰਤਰੀ ਯੋਗੀ ਆਦਿਤਿਆ ਨਾਥ ਵਲੋਂ ਹਾਥਰਸ ਬਲਾਤਕਾਰ ਪੀੜਤ ਲੜਕੀ ਲਈ ਨਿਆਂ ਮੰਗਣ ਵਾਲਿਆਂ ਵਿਰੁਧ ਦੇਸ਼ਧ੍ਰੋਹ ਦਾ ਮੁਕੱਦਮਾ ਦਰਜ ਕੀਤਾ ਗਿਆ ਹੈ, ਜਿਨ੍ਹਾਂ ਵਿਚ ਪੱਤਰਕਾਰ ਅਤੇ ਸਮਾਜ ਸੇਵੀ ਵੀ ਸ਼ਾਮਲ ਹਨ। ਹਾਥਰਸ 'ਚ ਬਲਾਤਕਾਰ ਪੀੜਤ ਬੱਚੀ ਦੇ ਪਰਵਾਰ ਨੂੰ ਇਸ ਤਰ੍ਹਾਂ ਘਰ ਵਿਚ ਨਜ਼ਰਬੰਦ ਕੀਤਾ ਹੋਇਆ ਹੈ ਜਿਵੇਂ ਕਸ਼ਮੀਰ ਵਿਚ ਮਹਿਬੂਬਾ ਮੁਫ਼ਤੀ ਨੂੰ ਰਖਿਆ ਗਿਆ ਸੀ।

Hathras Case CM YogiCM Yogi

ਆਜ਼ਾਦ ਭਾਰਤ ਦੇ ਇਤਿਹਾਸ ਵਿਚ ਅਜਿਹਾ ਸ਼ਾਇਦ ਪਹਿਲੀ ਵਾਰ ਹੋਇਆ ਹੈ ਜਦ ਇਕ ਸੂਬਾ ਸਰਕਾਰ, ਨਿਆਂ ਲਈ ਉੱਠ ਰਹੀ ਅਵਾਜ਼ ਨੂੰ ਦਬਾਉਣ ਲਈ ਕਿਸੇ ਪੀੜਤ ਪਰਵਾਰ ਨੂੰ ਮੀਡੀਆ ਨਾਲ ਗੱਲਬਾਤ ਹੀ ਨਾ ਕਰਨ ਦੇਵੇ। ਇਹ ਪਹਿਲੀ ਵਾਰ ਵੇਖਿਆ ਕਿ ਪੁਲਿਸ ਦਾ ਹੌਸਲਾ ਏਨਾ ਵੱਧ ਗਿਆ ਹੋਵੇ ਕਿ ਉਹ ਰਾਹੁਲ ਗਾਂਧੀ 'ਤੇ ਵੀ ਲਾਠੀਆਂ ਚਲਾ ਸਕਣ ਅਤੇ ਮਰਦ ਅਫ਼ਸਰਾਂ ਵਲੋਂ ਪ੍ਰਿੰਯਕਾ ਗਾਂਧੀ ਦੇ ਕਪੜਿਆਂ ਦੀ ਖਿੱਚਧੂਹ ਕੀਤੀ ਜਾਵੇ, ਉਹ ਵੀ ਉਦੋਂ ਜਦ ਉਹ ਸਿਰਫ਼ ਇਕ ਪੀੜਤ ਪਰਵਾਰ ਨਾਲ ਦੁੱਖ ਸਾਂਝਾ ਕਰਨ ਜਾ ਰਹੇ ਹੋਣ।

Priyanka Gandhi-Rahul GandhiPriyanka Gandhi-Rahul Gandhi

ਚੰਡੀਗੜ੍ਹ ਪੁਲਿਸ ਨੇ ਵੀ ਜਦੋਂ ਅਕਾਲੀਆਂ 'ਤੇ ਲਾਠੀ ਚਾਰਜ ਕੀਤਾ ਸੀ ਤਾਂ ਹਰਸਿਮਰਤ ਕੌਰ ਬਾਦਲ, ਸੁਖਬੀਰ ਸਿੰਘ ਬਾਦਲ ਅਤੇ ਬਿਕਰਮ ਸਿੰਘ ਮਜੀਠੀਆ ਨੂੰ ਪਹਿਲਾਂ ਸੁਰੱਖਿਅਤ ਕਰ ਲਿਆ ਸੀ ਅਤੇ ਉਹ ਵੀ ਉਦੋਂ, ਜਦੋਂ ਉਹ  ਸਰਕਾਰ ਵਿਰੁਧ ਧਰਨੇ ਲਾ ਰਹੇ ਸਨ। ਸੋ ਇਕ ਆਗੂ ਦੇ ਪਿਛੇ ਖੜੇ ਹਜ਼ਾਰਾਂ ਲੋਕਾਂ ਦੀ ਰਾਏ ਦਾ ਸਤਿਕਾਰ ਕਰਨਾ ਚਾਹੀਦਾ ਹੈ, ਭਾਵੇਂ ਉਹ ਵਿਰੋਧੀ ਹੀ ਕਿਉਂ ਨਾ ਹੋਵੇ ਅਤੇ ਅਜਿਹਾ ਕਰਨ ਦੀ ਇਕ ਰੀਤ ਜਹੀ ਵੀ ਬਣ ਚੁੱਕੀ ਹੈ। ਪਰ ਉੱਤਰ ਪ੍ਰਦੇਸ਼ ਵਿਚ ਹੁਣ ਨਵੀਆਂ ਰੀਤਾਂ ਘੜੀਆਂ ਜਾ ਰਹੀਆਂ ਹਨ ਜਿਥੇ ਨਿਆਂ ਮੰਗਣ ਵਾਲਿਆਂ ਅਤੇ ਉਸ ਦਾ ਸਾਥ ਦੇਣ ਵਾਲਿਆਂ ਨੂੰ ਹੀ ਨਿਸ਼ਾਨਾ ਬਣਾਇਆ ਜਾ ਰਿਹਾ ਹੈ।

up govt law granting permanent residential accommodation former cmUP Police

ਭਾਰਤੀ ਪੱਤਰਕਾਰਤਾ ਦੀ ਆਵਾਜ਼ ਸਿਆਸੀ ਮੁੱਦਿਆਂ 'ਤੇ ਘੱਟ ਹੀ ਉਠਦੀ ਹੈ ਪਰ ਦੇਸ਼ ਨੂੰ ਯਾਦ ਹੈ ਕਿ ਜੋਤੀ ਸਿੰਘ ਉਰਫ਼ ਨਿਰਭਇਆ ਕੇਸ ਵਿਚ ਮੀਡੀਆ ਬੜਾ ਸਰਗਰਮ ਅਤੇ ਕ੍ਰਿਆਸ਼ੀਲ ਸੀ। ਜੇਕਰ ਉਸ ਲੜਕੀ ਨੂੰ ਨਿਆਂ ਮਿਲਿਆ ਤਾਂ ਸਿਰਫ਼ ਇਸ ਕਰ ਕੇ ਹੀ ਮਿਲਿਆ। ਮੀਡੀਆ ਨੇ ਭਾਰਤ ਨੂੰ ਜਗਾਇਆ ਸੀ ਅਤੇ ਹਜ਼ਾਰਾਂ ਲੋਕ ਸੜਕਾਂ 'ਤੇ ਉਤਰ ਆਏ ਸਨ। ਪਰ ਉੱਤਰ ਪ੍ਰਦੇਸ਼ ਦੇ ਮੁੱਖ ਮੰਤਰੀ ਮੁਤਾਬਕ ਹੁਣ ਇਕ ਪੀੜਤ ਲਈ ਨਿਆਂ ਮੰਗਣਾ ਦੇਸ਼ਧ੍ਰੋਹ ਹੈ। ਸੋਚੋ ਕਿ ਜੇਕਰ ਨਿਰਭਇਆ ਦੇ ਕੇਸ ਵਿਚ ਯੋਗੀ ਦਿੱਲੀ ਦੇ ਮੁੱਖ ਮੰਤਰੀ ਹੁੰਦੇ ਜਾਂ ਦੇਸ਼ ਦੇ ਪ੍ਰਧਾਨ ਮੰਤਰੀ ਹੁੰਦੇ ਤਾਂ ਅੱਜ ਸਾਡੇ ਵਿਚੋਂ ਹੀ ਨਿਰਭਇਆ ਦੇ ਹੱਕ ਵਿਚ ਅਵਾਜ਼ ਬੁਲੰਦ ਕਰ ਰਹੇ ਕਿੰਨੇ ਲੋਕਾਂ 'ਤੇ ਦੇਸ਼ਧ੍ਰੋਹ ਦਾ ਇਲਜ਼ਾਮ ਲੱਗ ਚੁੱਕਾ ਹੁੰਦਾ ਅਤੇ ਉਹ ਸ਼ਾਇਦ ਜੇਲ ਵਿਚ ਹੀ ਬੈਠੇ ਮਿਲਦੇ।

Nirbhaya CaseNirbhaya Case

ਦੇਸ਼ ਦੀ ਸੰਸਦ ਦਾ ਹਾਲ ਅੱਜ ਸੱਭ ਦੇ ਸਾਹਮਣੇ ਹੈ। ਦੇਸ਼ ਵਿਚ ਕਾਨੂੰਨ ਪਾਸ ਕਰਨ ਤੋਂ ਪਹਿਲਾਂ ਵਿਰੋਧੀ ਧਿਰ ਜਾਂ ਕਿਸੇ ਹੋਰ ਤੋਂ ਪੁਛਣ ਦੀ ਸੋਚ ਹੀ ਖ਼ਤਮ ਹੋ ਗਈ ਹੈ। ਇਸ ਤੋਂ ਸਾਫ਼ ਹੈ ਕਿ ਭਾਜਪਾ ਨੇ ਇੰਦਰਾ ਗਾਂਧੀ ਵਾਲੀਆਂ ਐਮਰਜੈਂਸੀ ਦੀਆਂ ਗਲਤੀਆਂ ਤੋਂ ਆਪ ਵੀ ਬੁਹਤ ਕੁੱਝ ਸਿਖ ਕੇ ਲੋਕਤੰਤਰ ਨੂੰ ਇਕ-ਪਾਰਟੀ ਤੰਤਰ ਦਾ ਰੂਪ ਦੇਦ ਵਾਲਿਆਂ 'ਤੇ ਤਿੱਖਾ ਵਾਰ ਕੀਤਾ ਹੈ। ਪਰ ਭਾਜਪਾ ਦੇ ਆਗੂਆਂ ਨੂੰ ਇਕ ਵਾਰ ਰਾਹੁਲ ਗਾਂਧੀ ਤੋਂ ਵੀ ਪੁਛ ਲੈਣਾ ਚਾਹੀਦਾ ਹੈ ਕਿ ਉਸ ਨੇ ਇੰਦਰਾ ਗਾਂਧੀ ਤੋਂ ਕੀ ਸਿਖਿਆ ਹੈ?

BJPBJP

ਸ਼ਾਇਦ ਰਾਹੁਲ ਤੋਂ ਪੁੱਛਣ ਮਗਰੋਂ ਉਹ ਕੁੱਝ ਹੋਰ ਜਾਗਰੂਕ ਹੋ ਜਾਣ। ਰਾਹੁਲ ਗਾਂਧੀ ਨੂੰ ਪਟਿਆਲਾ ਵਿਚ ਅਪਣੀ ਦਾਦੀ ਇੰਦਰਾ ਦੀ ਐਮਰਜੈਂਸੀ ਅਤੇ ਸੂਬਾ ਪਧਰੀ ਆਜ਼ਾਦੀ ਲਹਿਰ ਨੂੰ ਪੰਜਾਬ ਵਿਚ ਚਲਾਉਣ ਬਾਰੇ ਪੁਛਿਆ ਗਿਆ ਤਾਂ ਉਸ ਨੇ ਅਪਣੀ ਦਾਦੀ ਦੀ ਨਿੰਦਾ ਕੀਤੇ ਬਿਨਾਂ ਹੀ ਕਾਫ਼ੀ ਵੱਡਾ ਸੁਨੇਹਾ ਦੇ ਦਿਤਾ। ਉਸ ਨੇ ਆਖਿਆ ਕਿ ਤੁਸੀ ਸਿਰਫ਼ ਮੇਰੇ ਕਰਮਾਂ ਨੂੰ ਵੇਖੋ।

Rahul Gandhi-Captain Amarinder Singh Rahul Gandhi-Captain Amarinder Singh

ਰਾਹੁਲ ਨੂੰ ਐਮਰਜੈਂਸੀ ਦੌਰਾਨ ਦੀ ਇਕ ਹੀ ਗੱਲ ਯਾਦ ਸੀ ਕਿ ਜਦੋਂ ਇੰਦਰਾ ਗਾਂਧੀ ਚੋਣਾਂ ਹਾਰ ਗਈ ਸੀ ਤੇ ਉਸ ਦੇ ਨਾਲ ਵੀ ਵਾਲੇ ਉਸ ਦਾ ਸਾਥ ਛੱਡ ਗਏ ਸਨ। ਸਿਰਫ਼ ਸਿੱਖ ਹੀ ਉਸ ਨਾਲ ਰਾਖੀ ਵਾਸਤੇ ਖੜੇ ਸਨ। ਰਾਹੁਲ ਗਾਂਧੀ ਨੇ ਆਖਿਆ ਕਿ ਉਹ ਪੰਜਾਬ ਅਤੇ ਤਾਮਿਲਨਾਡੂ ਦਾ ਰਿਣੀ ਹੈ। ਉਸ ਨੇ ਇਹ ਤਾਂ ਨਹੀਂ ਆਖਿਆ ਕਿ ਉਹ ਇਨ੍ਹਾਂ ਦੋਹਾਂ ਸੂਬਿਆਂ ਦਾ ਰਿਣੀ ਕਿਉਂ ਹੈ ਪਰ ਸਮਝਣ ਵਾਲੇ ਸਮਝ ਜਾਣਗੇ ਕਿਉਂਕਿ ਰਾਹੁਲ ਗਾਂਧੀ ਨੇ ਐਮਰਜੈਂਸੀ ਤੋਂ ਉਹ ਸਬਕ ਸਿਖ ਲਿਆ ਜੋ ਭਾਜਪਾ ਨੇ ਨਹੀਂ ਸਿਖਿਆ ਜਾਪਦਾ। ਭਾਜਪਾ ਚਾਹੁੰਦੀ ਹੈ ਕਿ ਹਰ ਨਾਗਰਿਕ ਦੇਸ਼ ਵਿਚ ਇਕ ਸਿਖਾਏ ਹੋਏ ਤੋਤੇ ਵਾਂਗ ਬੋਲਦਾ ਵਾਂਗ ਬੋਲਦਾ ਰਹੇ ਅਤੇ 'ਵਾਹ ਮੋਦੀ ਜੀ, ਯੋਗੀ ਜੀ, ਵਾਹ' ਆਖਦਾ ਰਹੇ।

Indra Gandhi Indra Gandhi

ਫਿਰ ਦੇਸ਼ਧ੍ਰੋਹੀ ਕੌਣ ਹੈ, ਅਪਣੇ ਆਪ ਨੂੰ 'ਉੱਚ ਜਾਤੀ' ਅਖਵਾਉਣ ਵਾਲੇ ਕਾਤਲ ਤੇ ਬਲਾਤਕਾਰੀ ਦਰਿੰਦੇ, ਉਨ੍ਹਾਂ ਨੂੰ ਬਚਾਉਣ ਵਾਲਾ ਰਾਜ ਪ੍ਰਬੰਧ ਜਾਂ ਉਹ ਜੋ ਅਪਣੇ ਸੰਵਿਧਾਨ ਵਿਚ ਵਿਸ਼ਵਾਸ ਕਰਦੇ ਹੋਏ, ਲੋਕ ਨਿਆਂ ਦੀ ਉਮੀਦ ਲਾਈ ਬੈਠੇ ਹਨ। ਮੀਡੀਆ ਵਲੋਂ ਦਲਿਤ ਬੱਚੀਆਂ ਲਈ ਆਵਾਜ਼ ਚੁਕਣਾ ਦੇਸ਼ਧ੍ਰੋਹ ਹੈ ਤਾਂ ਫਿਰ ਸੰਵਿਧਾਨ ਕਿਥੇ ਹੈ? ਜਾਂ ਉਹ ਵੀ ਹੁਣ ਆਰਡੀਨੈਂਸ ਰਾਹੀਂ ਬਦਲ ਦਿਤਾ ਜਾਵੇਗਾ?    
- ਨਿਮਰਤ ਕੌਰ

SHARE ARTICLE

ਸਪੋਕਸਮੈਨ ਸਮਾਚਾਰ ਸੇਵਾ , ਨਿਮਰਤ ਕੌਰ

Advertisement

ਭਾਜਪਾ ਦੀ ਸੋਚ ਬਾਬੇ ਨਾਨਕ ਵਾਲੀ : Harjit Grewal ਅਕਾਲੀ ਦਲ 'ਤੇ ਰੱਜ ਕੇ ਵਰ੍ਹੇ ਭਾਜਪਾ ਆਗੂ ਅਕਾਲੀ ਦਲ ਬਾਰੇ ਕਰਤੇ

29 Mar 2024 2:07 PM

ਦੇਖੋ ਚੋਣ ਅਧਿਕਾਰੀ ਕਿਵੇਂ ਸਿਆਸੀ ਇਸ਼ਤਿਹਾਰਬਾਜ਼ੀ ਅਤੇ Paid ਖ਼ਬਰਾਂ ਉੱਤੇ ਰੱਖ ਰਿਹਾ ਹੈ ਨਜ਼ਰ, ਕਹਿੰਦਾ- ਝੂਠੀਆਂ....

29 Mar 2024 1:14 PM

Mohali ਦੇ Pind 'ਚ ਹਾਲੇ ਗਲੀਆਂ ਤੇ ਛੱਪੜਾਂ ਦੇ ਮਸਲੇ ਹੱਲ ਨਹੀਂ ਹੋਏ, ਜਾਤ-ਪਾਤ ਦੇਖ ਕੇ ਹੁੰਦੇ ਸਾਰੇ ਕੰਮ !

29 Mar 2024 11:58 AM

'ਚੋਰ ਵੀ ਕਹਿੰਦਾ ਮੈਂ ਚੋਰੀ ਨਹੀਂ ਕੀਤੀ, ਜੇ Kejriwal ਬੇਕਸੂਰ ਨੇ ਤਾਂ ਸਬੂਤ ਪੇਸ਼ ਕਰਨ'

29 Mar 2024 11:53 AM

Punjab-Delhi 'ਚ ਤੋੜੇਗੀ BJP GOVT ! ਕੌਰ ਗਰੁੱਪ ਦੀ ਮੀਟਿੰਗ ਤੋਂ ਪਹਿਲਾ ਬੋਲਿਆ ਆਗੂ, ਕੋਈ ਸਾਡੇ ਕੋਲ ਆਉਂਦਾ ਹੈ...

29 Mar 2024 11:34 AM
Advertisement