ਮੀਡੀਆ ਜਦੋਂ ਆਪ ਝੂਠ ਘੜ ਕੇ ਲੋਕਾਂ ਨੂੰ ਕੁਰਾਹੇ ਪਾ ਦੇਵੇ...
Published : Oct 10, 2020, 7:20 am IST
Updated : Oct 10, 2020, 7:20 am IST
SHARE ARTICLE
media
media

ਇਹ ਸੰਖਿਆ ਤੈਅ ਕਰਦੀ ਹੈ ਕਿ ਕਿੰਨੇ ਲੋਕ ਕਿਹੜਾ ਚੈਨਲ ਵੇਖ ਰਹੇ ਹਨ ਅਤੇ ਉਸ ਮੁਤਾਬਕ ਇਸ਼ਤਿਹਾਰਾਂ ਦੀ ਦਰ ਤੈਅ ਹੁੰਦੀ ਹੈ

ਸੁਸ਼ਾਂਤ ਸਿੰਘ ਰਾਜਪੂਤ ਦੀ ਖ਼ੁਦਕੁਸ਼ੀ ਤੋਂ ਬਾਅਦ ਝੁਲਿਆ ਤੂਫ਼ਾਨ ਹੁਣ ਬਾਲੀਵੁਡ ਤੋਂ ਹਟ ਕੇ ਭਾਰਤੀ ਮੀਡੀਆ ਵਲ ਆ ਗਿਆ ਹੈ। ਮੁੰਬਈ ਪੁਲਿਸ ਕਮਿਸ਼ਨਰ ਨੇ ਤਿੰਨ ਚੈਨਲਾਂ ਵਿਰੁਧ, ਅਪਣੀ ਮਸ਼ਹੂਰੀ ਲਈ, ਦਰਸ਼ਕਾਂ ਦੀ ਸੰਖਿਆ ਦੇ ਦਾਅਵਿਆਂ ਵਿਚ ਹੇਰਾਫੇਰੀ ਦੇ ਦੋਸ਼ਾਂ ਦੀ ਜਾਂਚ ਕਰਦਿਆਂ ਇਕ ਸਾਜ਼ਿਸ਼ ਦਾ ਪਰਦਾ ਫ਼ਾਸ਼ ਕਰਨਾ ਸ਼ੁਰੂ ਕੀਤਾ ਹੈ।

Sushant Singh Rajputand Sushant Singh Rajput 

ਇਹ ਸੰਖਿਆ ਤੈਅ ਕਰਦੀ ਹੈ ਕਿ ਕਿੰਨੇ ਲੋਕ ਕਿਹੜਾ ਚੈਨਲ ਵੇਖ ਰਹੇ ਹਨ ਅਤੇ ਉਸ ਮੁਤਾਬਕ ਇਸ਼ਤਿਹਾਰਾਂ ਦੀ ਦਰ ਤੈਅ ਹੁੰਦੀ ਹੈ। ਪਰ ਜਿਹੜੀ ਇਹ ਜੰਗ ਸ਼ੁਰੂ ਹੋਈ ਹੈ, ਉਹ ਸਿਰਫ਼ ਇਸ਼ਤਿਹਾਰਾਂ ਵਿਚ ਹੇਰਾਫੇਰੀ ਤਕ ਹੀ ਸੀਮਤ ਨਹੀਂ ਸਗੋਂ ਇਹ ਅੰਕੜੇ ਇਕ ਵਿਸ਼ੇਸ਼ ਮਕਸਦ ਨੂੰ ਲੈ ਕੇ ਇਸਤੇਮਾਲ ਹੁੰਦੇ ਹਨ। ਦੋ ਛੋਟੇ ਚੈਨਲਾਂ ਨਾਲ ਇਸ ਘੋਟਾਲੇ ਵਿਚ ਰਿਪਬਲਿਕ ਟੀਵੀ ਦਾ ਨਾਮ ਵੀ ਆਉਂਦਾ ਹੈ।

Arnab GoswamiArnab Goswami

ਰਿਪਬਲਿਕ ਟੀਵੀ ਦੇ ਅਰਨਬ ਗੋਸਵਾਮੀ ਨੂੰ ਭਾਰਤ ਦੀ ਨਫ਼ਰਤ ਉਗਲਦੀ ਏ.ਕੇ. 47 ਪੱਤਰਕਾਰੀ ਦਾ ਪਿਤਾ ਆਖਿਆ ਜਾ ਸਕਦਾ ਹੈ। ਹੁਣ ਜਦ ਇਨ੍ਹਾਂ ਅੰਕੜਿਆਂ ਦੀ ਹੇਰਾ-ਫੇਰੀ ਨਾਲ ਇਹ ਪ੍ਰਚਾਰ ਕੀਤਾ ਜਾਂਦਾ ਹੈ ਕਿ ਸੱਭ ਤੋਂ ਵੱਧ ਲੋਕ ਰਿਪਬਲਿਕ ਟੀਵੀ ਵੇਖਦੇ ਹਨ ਤਾਂ ਹੋਰ ਲੋਕ ਇਸ ਨਫ਼ਰਤ ਨਾਲ ਜੁੜ ਜਾਂਦੇ ਹਨ ਅਤੇ ਜਦੋਂ ਕੋਈ ਨਫ਼ਰਤ ਦਾ ਏਜੰਡਾ ਫੈਲਾਉਣਾ ਚਾਹੁੰਦਾ ਹੈ ਤਾਂ ਉਸ ਦੀ ਕਿਸਤ ਇਸ਼ਤਿਹਾਰਾਂ ਤੋਂ ਕਈ ਗੁਣਾ ਵੱਧ ਜਾਂਦੀ ਹੈ। ਇਹ ਗ਼ਲਤ ਪ੍ਰਚਾਰ ਦਾ ਤਰੀਕਾ ਸਿੱਧੇ ਇਸ਼ਤਿਹਾਰ ਤੋਂ ਕਿਤੇ ਵਧ ਆਮ ਇਨਸਾਨ 'ਤੇ ਅਸਰ ਕਰਦਾ ਹੈ।

Rhea ChakrabortyRhea Chakraborty

ਮਿਸਾਲ ਦੇ ਤੌਰ 'ਤੇ ਜੇ ਅਸੀ ਹਾਲ ਹਬਾਦਲ-ਭਾਜਪੀ ਵਿਚ ਹੋਏ ਸੱਭ ਤੋਂ ਵੱਡੇ ਵਿਵਾਦ ਬਾਰੇ ਆਮ ਭਾਰਤੀਆਂ ਨੂੰ ਪੁਛੀਏ ਤਾਂ ਜ਼ਿਆਦਾਤਰ ਲੋਕਾਂ ਦਾ ਇਹ ਕਹਿਣਾ ਹੋਵੇਗਾ ਕਿ ਸੁਸ਼ਾਂਤ ਸਿੰਘ ਰਾਜਪੂਤ ਦਾ ਕਤਲ ਹੋਇਆ ਸੀ ਤੇ ਉਸ ਦੇ ਕਤਲ ਵਿਚ ਬਾਲੀਵੁਡ ਦੇ ਵੱਡੇ ਅਦਾਕਾਰਾਂ ਦਾ ਹੱਥ ਹੈ। ਲੋਕ ਇਹ ਵੀ ਕਹਿਣਗੇ ਕਿ ਰੀਆ ਚਕਰਵਰਤੀ ਨਸ਼ੇ ਦਾ ਵਪਾਰ ਕਰਦੀ ਸੀ ਪਰ ਬਹੁਤ ਘੱਟ ਲੋਕਾਂ ਨੂੰ ਇਹ ਪਤਾ ਹੋਵੇਗਾ ਕਿ ਕਿਸਾਨ ਸੜਕਾਂ 'ਤੇ ਕਿਉਂ ਉਤਰੇ ਹੋਏ ਹਨ?

Sushant Singh RajputSushant Singh Rajput

ਅਫ਼ਸੋਸ ਦੀ ਗੱਲ ਤਾਂ ਇਹ ਹੈ ਕਿ ਆਮ ਲੋਕ ਜੋ ਕਿਸਾਨੀ ਕਿੱਤੇ ਨਾਲ ਜੁੜੇ ਹੋਏ ਹਨ, ਉਹ ਵੀ ਇਹ ਨਹੀਂ ਸਮਝਾ ਸਕਣਗੇ ਕਿ ਉਹ ਕਿਹੜੇ ਕਾਨੂੰਨ ਕਾਰਨ ਘਬਰਾਏ ਹੋਏ ਹਨ? ਇਸ ਦਾ ਕਾਰਨ ਇਹ ਹੈ ਕਿ ਮੀਡੀਆ, ਜਿਸ ਦਾ ਕੰਮ ਹੀ ਇਹ ਹੈ ਕਿ ਉਹ ਲੋਕਾਂ ਦੀਆਂ ਦੁੱਖ ਤਕਲੀਫ਼ਾਂ ਸਰਕਾਰ ਸਾਹਮਣੇ ਲਿਆਵੇ ਅਤੇ ਸਹੀ ਜਾਣਕਾਰੀ ਲੋਕਾਂ ਤਕ ਪੁਜਦੀ ਕਰੇ, ਉਹ ਵੀ ਅੱਜ ਬਹੁਤੀਆਂ ਹਾਲਤਾਂ ਵਿਚ ਝੂਠ ਨੂੰ ਸੱਚ ਬਣਾ ਕੇ ਹੀ ਲੋਕਾਂ ਸਾਹਮਣੇ ਪੇਸ਼ ਕਰਨ ਵਿਚ ਰੁੱਝਾ ਰਹਿੰਦਾ ਹੈ।

Rhea ChakrabortyRhea Chakraborty

ਇਸ ਸਾਰੇ ਮਾਮਲੇ ਵਿਚ ਸੱਭ ਤੋਂ ਵੱਡੀ ਕੀਮਤ ਰੀਆ ਚਕਰਵਰਤੀ ਨੇ ਚੁਕਾਈ ਹੈ, ਜੋ ਇਕ ਆਮ ਪਰਵਾਰ ਤੋਂ ਉੱਠੀ ਅਦਾਕਾਰ ਹੈ, ਜਿਸ ਦਾ ਕਸੂਰ ਸਿਰਫ਼ ਇਹ ਸੀ ਕਿ ਉਹ ਉਸ ਲੜਕੇ ਨਾਲ ਰਿਸ਼ਤੇ ਵਿਚ ਸੀ ਜੋ ਮਾਨਸਕ ਤਣਾਅ 'ਚੋਂ ਗੁਜ਼ਰ ਰਿਹਾ ਸੀ। ਪਰ ਦੋ ਜਣਿਆਂ ਨੇ ਮੀਡੀਆ ਚੈਨਲਾਂ ਦੀ ਇਸ ਕਮਜ਼ੋਰੀ ਦਾ ਫ਼ਾਇਦਾ ਉਠਾ ਕੇ ਦੇਸ਼ ਨੂੰ ਐਸਾ ਉਲਝਾਇਆ ਕਿ ਕਿਸੇ ਨੂੰ ਪਤਾ ਹੀ ਨਾ ਚਲਿਆ ਕਿ ਅਸਲ ਵਿਚ ਉਨ੍ਹਾਂ ਨਾਲ ਹੋ ਕੀ ਰਿਹਾ ਸੀ।

Kangna ranautKangna ranaut

ਇਕ ਪਾਸੇ ਕੰਗਣਾ ਰਣੌਤ ਅਤੇ ਦੂਜੇ ਪਾਸੇ ਅਰਨਬ ਗੋਸਵਾਮੀ ਨੇ ਅਪਣੇ ਨਫ਼ਰਤ ਭਰੇ ਇਲਜ਼ਾਮਾਂ ਨੂੰ ਪੀਲੀ ਪੱਤਰਕਾਰੀ ਨਾਲ ਜੁੜੇ ਜਾਦੂਈ ਹੇਰ-ਫੇਰ ਰਾਹੀਂ ਪੂਰੇ ਦੇਸ਼ ਵਿਚ ਫੈਲਾਅ ਦਿਤਾ। ਹੁਣ ਜਦੋਂ ਸ਼ਕਤੀਸ਼ਾਲੀ ਤਾਕਤਾਂ, ਲੋਕਾਂ ਦੇ ਜਜ਼ਬਾਤ ਨਾਲ ਖੇਡਣਾ ਚਾਹੁੰਦੀਆਂ ਹੋਣ ਤੇ ਪੈਸੇ ਦੀ ਘਾਟ ਵੀ ਨਾ ਹੋਵੇ ਤਾਂ ਮੁੱਠੀ ਭਰ ਸੱਚ ਬੋਲਣ ਵਾਲਾ ਮੀਡੀਆ ਵੀ ਹਾਰਦਾ ਲਗਦਾ ਹੈ।

yellow journalismyellow journalism

ਤਾਕਤ ਵੀ ਨਫ਼ਰਤ ਕੋਲ ਤੇ ਇਸ਼ਤਿਹਾਰ ਵੀ ਨਫ਼ਰਤ ਕੋਲ ਅਤੇ ਇਨ੍ਹਾਂ ਨੇ ਮਿਲ ਕੇ ਇਕ ਸਿਧੇ ਸਾਦੇ ਖ਼ੁਦਕੁਸ਼ੀ ਦੇ ਮਾਮਲੇ ਨੂੰ ਕਦੇ ਕਤਲ ਦੀ ਸਾਜ਼ਿਸ਼, ਕਦੇ ਮੁੰਬਈ ਪੁਲਿਸ ਦੀ ਨਾਕਾਮੀ, ਕਦੇ ਬਿਹਾਰ ਅਤੇ ਮਹਾਰਾਸ਼ਟਰ ਦੀ ਲੜਾਈ, ਕਦੇ ਕਰਨ ਜੌਹਰ, ਕਦੇ ਆਮਿਰ ਖ਼ਾਨ ਦੀ ਈਰਖਾ ਅਤੇ ਕਦੇ ਨਸ਼ੇ ਦੇ ਵਪਾਰ ਨਾਲ ਜੋੜ ਵਿਖਾਇਆ ਹੈ।

CBICBI

ਐਸੀ ਹਨੇਰੀ ਚਲਾਈ ਗਈ ਕਿ ਮੁੰਬਈ-ਬਿਹਾਰ ਦੀ ਪੁਲਿਸ, ਸੀਬੀਆਈ ਅਤੇ ਐਨਸੀਆਰ ਪੱਬਾਂ ਭਾਰ ਹੋ ਕੇ ਉਸ ਅਪਰਾਧ ਨੂੰ ਲੱਭ ਰਹੇ ਸਨ ਜੋ ਕਦੇ ਹੋਇਆ ਹੀ ਨਹੀਂ ਸੀ ਅਤੇ ਇਸ ਸਾਰੇ ਚੱਕਰ ਵਿਚ ਰੀਆ ਚਕਰਵਰਤੀ ਨੂੰ ਕੈਦਖ਼ਾਨੇ ਵਿਚ ਵੀ ਰਹਿਣਾ ਪਿਆ। ਅੰਤ ਮੁੰਬਈ ਹਾਈ ਕੋਰਟ ਨੇ ਉਸ ਨੂੰ ਰਿਹਾਅ ਕਰਵਾਇਆ ਅਤੇ ਐਨਸੀਬੀ ਨੂੰ ਫਟਕਾਰਿਆ।

Rhea ChakrabortyRhea Chakraborty

ਇਥੇ ਨੁਕਸਾਨ ਸਿਰਫ਼ ਰੀਆ ਚਕਰਵਰਤੀ ਦਾ ਹੀ ਨਹੀਂ ਹੋਇਆ ਸਗੋਂ ਬਿਹਾਰ ਦੇ ਪਰਵਾਸੀ ਮਜ਼ਦੂਰਾਂ ਦਾ ਜ਼ਿਆਦਾ ਹੋਇਆ ਹੋਵੇਗਾ, ਜਿਨ੍ਹਾਂ ਬਾਰੇ ਚਿੰਤਾ ਹੀ ਗ਼ਾਇਬ ਹੋ ਗਈ। ਇਸ ਹੇਰਾ-ਫੇਰੀ ਨੂੰ ਬੜੀ ਸੰਜੀਦਗੀ ਨਾਲ ਸਮਝਣ ਅਤੇ ਜਾਂਚਣ ਦੀ ਲੋੜ ਹੈ ਕਿਉਂਕਿ ਮੀਡੀਆ ਇਕ ਬਾਜ਼ਾਰ ਵਿਚ ਵਿਕਣ ਵਾਲਾ ਖਿਡੌਣਾ ਨਹੀਂ ਜਿਸ ਨੂੰ ਆਕਰਸ਼ਕ ਬਣਾਉਣ ਲਈ ਕੋਈ ਵੀ ਰਸਤਾ ਅਪਣਾਇਆ ਜਾ ਸਕਦਾ ਹੋਵੇ। ਮੀਡੀਆ ਲੋਕਤੰਤਰ ਦਾ ਚੌਥਾ ਥੰਮ ਹੈ ਅਤੇ ਇਸ ਨੂੰ ਆਮ ਭਾਰਤੀ ਦੀ ਆਜ਼ਾਦੀ ਲਈ ਬਚਾ ਕੇ ਰਖਣਾ ਬਹੁਤ ਜ਼ਰੂਰੀ ਹੈ।- ਨਿਮਰਤ ਕੌਰ

SHARE ARTICLE

ਸਪੋਕਸਮੈਨ ਸਮਾਚਾਰ ਸੇਵਾ , ਨਿਮਰਤ ਕੌਰ

Advertisement

ਬਾਬਾ ਤਰਸੇਮ ਸਿੰਘ ਦੇ ਕਤਲ ਦਾ CCTV, ਦੇਖੋ ਕਿਵੇਂ ਕੁਰਸੀ 'ਤੇ ਬੈਠੇ ਬਾਬਾ ਤਰਸੇਮ ਸਿੰਘ ਨੂੰ ਬਦਮਾਸ਼ਾਂ ਨੇ ਮਾਰੀਆਂ..

28 Mar 2024 4:40 PM

'ਸਾਈਕਲ ਦਾ ਵੀ ਸਟੈਂਡ ਹੁੰਦਾ, ਆਹ ਰਿੰਕੂ ਦਾ ਕੋਈ ਸਟੈਂਡ ਹੀ ਨਹੀਂ, ਮੈਂ ਤਾਂ ਹੈਰਾਨ ਹਾਂ'

28 Mar 2024 3:17 PM

Debate: BJP ਨੇ ਪੰਜਾਬ 'ਚ ਮਚਾਈ ਤਰਥੱਲੀ, ਪੱਟ ਲਏ ਵੱਡੇ ਲੀਡਰ! ਚੱਲਦੀ ਡਿਬੇਟ 'ਚ ਭਿੜ ਗਏ AAP ਤੇ BJP ਆਗੂ, ਰੱਜ ਕੇ

28 Mar 2024 3:09 PM

ਬੱਸ ਤੇ ਕਾਰ ਦੀ ਸਿੱਧੀ ਟੱਕਰ ਮਚ ਗਿਆ ਚੀਕ-ਚਿਹਾੜਾ ਫਿਰੋਜ਼ਪੁਰ ਦੇ ਜੀਰਾ ’ਚ ਵਾਪਰਿਆ ਦਰਦਨਾਕ ਹਾਦਸਾ

28 Mar 2024 1:08 PM

Punjab 'ਚ ਵਿਕ ਰਿਹਾ ਨਕਲੀ ਸੀਮਿੰਟ! Ambuja ਤੇ ACC ਸੀਮਿੰਟ ਦੇ ਗੱਟਿਆਂ ਨਾਲ ਭਰਿਆ ਟਰੱਕ Police ਨੇ ਫੜਿਆ

28 Mar 2024 12:50 PM
Advertisement