Advertisement
  ਵਿਚਾਰ   ਸੰਪਾਦਕੀ  17 Sep 2020  ਕਿਸਾਨ ਦੇ ਦਿਲੋਂ ਨਿਕਲੀ ਹੂਕ ਨਾ ਸੁਣਨ ਵਾਲੇ ਲੀਡਰ ਬਦਨਾਮੀ ਦੀ ਖੱਡ ਵਿਚ ਡਿਗ ਕੇ ਰਹਿਣਗੇ

ਕਿਸਾਨ ਦੇ ਦਿਲੋਂ ਨਿਕਲੀ ਹੂਕ ਨਾ ਸੁਣਨ ਵਾਲੇ ਲੀਡਰ ਬਦਨਾਮੀ ਦੀ ਖੱਡ ਵਿਚ ਡਿਗ ਕੇ ਰਹਿਣਗੇ

ਸਪੋਕਸਮੈਨ ਸਮਾਚਾਰ ਸੇਵਾ | ਨਿਮਰਤ ਕੌਰ
Published Sep 17, 2020, 8:28 am IST
Updated Sep 17, 2020, 8:28 am IST
ਪੰਜਾਬ ਦੇ ਸਿਆਸਤਦਾਨ ਵੀ ਸੱਤਾ ਦੀ ਅਪਣੀ ਭੁੱਖ ਕਾਰਨ ਬੇਪਰਦ ਹੋ ਗਏ ਹਨ
Farmers Protest
 Farmers Protest

ਇਕ ਵਾਰ ਫਿਰ ਕੇਂਦਰ ਸਰਕਾਰ ਨੇ ਸਿੱਧ ਕਰ ਦਿਤਾ ਹੈ ਕਿ ਉਹ ਕਿਸੇ ਤਾਨਾਸ਼ਾਹੀ ਤੋਂ ਘੱਟ ਨਹੀਂ। ਖੇਤੀਬਾੜੀ ਆਰਡੀਨੈਂਸ ਨੂੰ ਅਪਣੀ ਮਰਜ਼ੀ ਮੁਤਾਬਕ ਸੋਧ ਲਿਆ। ਇਸ ਸਰਕਾਰ ਨੇ ਸਿੱਧ ਕਰ ਦਿਤਾ ਹੈ ਕਿ ਜਦ ਇਹ ਬੰਦ ਕਮਰੇ ਵਿਚ ਕੋਈ ਫ਼ੈਸਲਾ ਕਰ ਲੈਂਦੀ ਹੈ ਤਾਂ ਫਿਰ ਕੋਈ ਦਲੀਲ ਅਪੀਲ ਇਸ ਦੇ ਕੰਨਾਂ ਵਿਚ ਨਹੀਂ ਪੈਂਦੀ। ਜਦ ਤਾਲਾਬੰਦੀ ਸਮੇਂ ਕਿਸਾਨਾਂ ਨਾਲ ਗੱਲਬਾਤ ਕੀਤੇ ਬਿਨਾਂ ਇਹ ਆਰਡੀਨੈਂਸ ਲਿਆਂਦਾ ਗਿਆ ਸੀ, ਤਦ ਤੋਂ ਇਸ ਦਾ ਵਿਰੋਧ ਚਲ ਰਿਹਾ ਹੈ। ਕਿਸਾਨ ਐਨਾ ਘਬਰਾਇਆ ਹੋਇਆ ਹੈ ਕਿ ਕੋਰੋਨਾ ਮਹਾਂਮਾਰੀ ਦਾ ਡਰ ਭੁਲਾ ਕੇ ਉਹ ਸੜਕਾਂ ਉਤੇ ਆਉਣ ਲਈ ਮਜਬੂਰ ਹੋ ਗਿਆ ਹੈ।

Farmers Protest at Mohali Farmers Protest 

ਜਦ ਵਿਰੋਧ ਏਨਾ ਜ਼ਬਰਦਸਤ ਚਲ ਰਿਹਾ ਸੀ ਤਾਂ ਸਰਕਾਰ ਕੋਲ ਦੋ ਮਿੰਟ ਦਾ ਵਕਤ ਵੀ ਨਹੀਂ ਸੀ ਕਿ ਉਹ ਕਿਸਾਨ ਨਾਲ ਬੈਠ ਕੇ ਉਸ ਦਾ ਡਰ ਹੀ ਸਮਝ ਲਵੇ। ਭਾਜਪਾ ਕਿਸਾਨਾਂ ਵਿਚੋਂ ਉਠ ਕੇ ਨਹੀਂ ਆਈ, ਕਾਰੋਬਾਰੀਆਂ ਦੀ ਪਾਰਟੀ ਹੈ। ਸੋ ਉਦਯੋਗਪਤੀਆਂ ਤੇ ਵੱਡੇ ਵਪਾਰੀਆਂ ਨਾਲ ਹੀ ਉਠਣਾ ਬੈਠਣਾ ਪਸੰਦ ਕਰਦੀ ਹੈ ਪਰ ਜਿਨ੍ਹਾਂ ਨੇ ਵੋਟ ਦੇ ਕੇ ਉਸ ਨੂੰ ਸੱਤਾ ਦੀ ਗੱਦੀ ਤੇ ਬਿਠਾਇਆ, ਉਨ੍ਹਾਂ ਵਿਚ ਬਹੁਤੇ ਵੋਟਰ ਤਾਂ ਕਿਸਾਨ ਹੀ ਹਨ।

Poor PeoplePoor People

ਭਾਜਪਾ ਦੀਆਂ ਥਾਲੀਆਂ ਵਿਚ ਵੀ ਕਿਸਾਨ ਦੀ ਮਿਹਨਤ ਹੀ ਪ੍ਰੋਸੀ ਜਾਂਦੀ ਹੈ। ਪਿਛਲੇ ਸਮੇਂ ਵਿਚ ਜੇਕਰ ਕਿਸਾਨਾਂ ਦੀ ਹੱਡ-ਭੰਨਵੀਂ ਮਿਹਨਤ ਸਦਕਾ, ਭਾਰਤ ਸਰਕਾਰ ਦੇ ਗੋਦਾਮ ਭਰੇ ਨਾ ਹੁੰਦੇ ਤੇ ਗ਼ਰੀਬਾਂ ਨੂੰ ਵੰਡਣ ਲਈ ਅਨਾਜ ਵੀ ਉਸ ਕੋਲ ਨਾ ਹੁੰਦਾ ਤਾਂ ਅੱਜ ਭਾਰਤ ਵਿਚ ਭੁਖਮਰੀ ਨਾਲ ਕੋਰੋਨਾ ਨਾਲੋਂ ਵੱਧ ਨੁਕਸਾਨ ਹੋਇਆ ਹੁੰਦਾ।

Farmers ProtestFarmers Protest

ਗੱਲ ਇਹ ਨਹੀਂ ਕਿ ਇਹ ਬਦਲਾਅ ਠੀਕ ਹੈ ਜਾਂ ਨਹੀਂ। ਗੱਲ ਇਹ ਹੈ ਕਿ ਕਿਸਾਨ ਨੂੰ ਨਾਲ ਲਏ ਬਿਨਾਂ ਇਹ ਬਿਲ ਪਾਸ ਕਰਨ ਦੀ ਕਾਹਲ ਕਿਉਂ ਵਿਖਾਈ ਜਾ ਰਹੀ ਹੈ? ਕਿਸਾਨੀ ਖੇਤਰ ਦੇ ਮਾਹਰ ਵੀ ਆਖ ਰਹੇ ਹਨ ਕਿ ਹੁਣ ਇਸ ਧਾਰਾ ਨੂੰ ਹਟਾਉਣ ਦੀ ਜ਼ਰੂਰਤ ਹੈ ਨਾਕਿ ਇਸ ਨੂੰ ਹੋਰ ਸਖ਼ਤ ਬਣਾਉਣ ਦੀ। ਇਸ ਨਾਲ ਨਿਜੀ ਉਦਯੋਗਪਤੀਆਂ ਤੇ ਵਪਾਰੀਆਂ ਦਾ ਕਿਸਾਨੀ 'ਤੇ ਦਬਦਬਾ ਵਧ ਜਾਵੇਗਾ ਅਤੇ ਉਹ ਅਪਣੇ ਗੋਦਾਮਾਂ ਵਿਚ ਅਨਾਜ ਨੂੰ ਰੱਖ ਕੇ ਕੀਮਤਾਂ ਨਾਲ ਖੇਡ ਸਕਦੇ ਹਨ ਅਤੇ ਕਿਸਾਨਾਂ ਨੂੰ ਅਪਣੇ ਪੈਸੇ ਉਤੇ ਨਿਰਭਰ ਬਣਾ ਸਕਦੇ ਹਨ।

Wheat Wheat

ਸਰਕਾਰ ਦਾ ਕਹਿਣਾ ਕੁੱਝ ਹੋਰ ਹੈ ਪਰ ਤਾਂ ਵੀ ਖੇਤੀ ਵਿਚ ਅਪਣੀ ਜਾਨ ਲਗਾਉਣ ਵਾਲੇ ਕਿਸਾਨ ਦੀ ਸੁਣਵਾਈ ਕਿਉਂ ਨਹੀਂ ਕੀਤੀ ਗਈ? ਇਸ ਬਿਲ ਦਾ ਵਿਰੋਧ ਪੰਜਾਬ ਦੇ ਕਿਸਾਨ ਹੀ ਨਹੀਂ ਬਲਕਿ ਪੂਰੇ ਭਾਰਤ ਦੇ ਕਿਸਾਨ ਕਰ ਰਹੇ ਹਨ। ਪਿਛਲੇ ਹਫ਼ਤੇ ਹਰਿਆਣਾ ਦੇ ਕਿਸਾਨਾਂ 'ਤੇ ਲਾਠੀ ਚਾਰਜ ਹੋਇਆ। ਦਿੱਲੀ ਵਿਚ ਬੈਠੀ ਸਰਕਾਰ, ਇਹ ਸਮਝ ਲਵੇ ਕਿ ਕਿਸਾਨਾਂ ਦੀ ਆਵਾਜ਼ ਵਿਰੋਧੀ ਧਿਰ ਦੀ ਪੈਦਾ ਕੀਤੀ ਹੋਈ ਨਹੀਂ ਬਲਕਿ ਜ਼ਮੀਨ ਤੋਂ ਉਠੀ ਹੈ ਅਤੇ ਕਿਸਾਨਾਂ ਦੇ ਦਿਲ 'ਚੋਂ ਉਪਜੀ ਹੈ।

Farmers ProtestFarmers Protest

ਪਰ ਇਹ ਸੱਤਾ ਦਾ ਨਸ਼ਾ ਜਦ ਸਿਰ ਚੜ੍ਹ ਬੋਲਦਾ ਹੈ ਤਾਂ ਇਸ ਨੂੰ ਹੇਠਲਿਆਂ ਦੀ ਆਵਾਜ਼ ਨਹੀਂ ਸੁਣਾਈ ਦੇਂਦੀ। ਕਦੇ ਇੰਦਰਾ ਗਾਂਧੀ ਨੂੰ ਇਹ ਭੁਲੇਖਾ ਹੋ ਗਿਆ ਸੀ ਅਤੇ ਅੱਜ ਭਾਜਪਾ ਨੂੰ ਹੋਇਆ ਪਿਆ ਹੈ। ਪੰਜਾਬ ਦੇ ਸਿਆਸਤਦਾਨ ਵੀ ਸੱਤਾ ਦੀ ਅਪਣੀ ਭੁੱਖ ਕਾਰਨ ਬੇਪਰਦ ਹੋ ਗਏ ਹਨ। ਕੇਂਦਰੀ ਮੰਤਰੀ ਤੋਮਰ ਵਲੋਂ ਕਾਂਗਰਸ ਦੀ ਸਲਾਹ ਅਨੁਸਾਰ ਕਾਨੂੰਨ ਬਣਾਉਣ ਦਾ ਦਾਅਵਾ ਕਿਸਾਨਾਂ ਨੂੰ ਅੰਦਰੋਂ ਦੁਖੀ ਕਰ ਰਿਹਾ ਹੈ ਤੇ ਕਾਂਗਰਸ ਨੂੰ ਸੱਚ ਸਾਹਮਣੇ ਲਿਆਉਣਾ ਹੀ ਪਵੇਗਾ।

Indira gandhi birth anniversaryIndira gandhi 

ਇਹ ਬਿਆਨਾਂ ਨਾਲ ਸੁਲਝਣ ਵਾਲਾ ਇਲਜ਼ਾਮ ਨਹੀਂ। ਦੂਜੇ ਪਾਸੇ ਅਕਾਲੀ ਦਲ ਦੀ ਬੀਬਾ ਬਾਦਲ ਦੇ ਦਸਤਖ਼ਤ ਇਸ ਸੋਧ ਆਰਡੀਨੈਂਸ ਦੇ ਇਤਿਹਾਸ ਵਿਚ ਦਰਜ ਹੋ ਗਏ ਹਨ। ਸੁਖਬੀਰ ਸਿੰਘ ਬਾਦਲ ਵਲੋਂ ਸਦਨ ਵਿਚ ਇਹ ਕਿਹਾ ਜਾਣਾ ਕਿ ਉਨ੍ਹਾਂ ਕੋਲੋਂ ਆਰਡੀਨੈਂਸ ਠੀਕ ਤਰ੍ਹਾਂ ਪੜ੍ਹਿਆ ਨਹੀਂ ਸੀ ਗਿਆ, ਇਹ ਗੱਲ ਹਜ਼ਮ ਨਹੀਂ ਹੋਣ ਵਾਲੀ।

Sukhbir BadalSukhbir Badal

ਪਰ ਅਜੇ ਦੋ ਹੋਰ ਖੇਤੀ ਆਰਡੀਨੈਂਸ ਸੋਧ ਬਿਲ ਬਾਕੀ ਹਨ ਅਤੇ ਦੇਸ਼ ਦੇ ਕਿਸਾਨ ਅਤੇ ਖੇਤੀ ਦੀ ਅਹਿਮੀਅਤ ਸਮਝਣ ਵਾਲੇ ਲੋਕ, ਹਰ ਸਿਆਸਤਦਾਨ ਉਤੇ ਨਜ਼ਰ ਰੱਖਣਗੇ। ਆਖ਼ਰਕਾਰ ਜੋ ਕੋਈ ਅਪਣੇ ਅੰਨਦਾਤਾ ਨਾਲ ਵੀ ਵਫ਼ਾਦਾਰੀ ਨਹੀਂ ਨਿਭਾ ਸਕਿਆ, ਉਸ ਤੋਂ ਹੋਰ ਕੀ ਉਮੀਦ ਰੱਖੀ ਜਾ ਸਕਦੀ ਹੈ? - ਨਿਮਰਤ ਕੌਰ

Advertisement
Advertisement

 

Advertisement
Advertisement