ਦੇਸ਼ ਵਿਚ ‘ਆਮ’ ਆਗੂ ਢੇਰਾਂ ਵਿਚ ਪਰ ਕੋਈ ਅਸਾਧਾਰਣ ਆਗੂ ਹੀ ਸਮੇਂ ਦਾ ਆਗੂ ਬਣ ਸਕਦਾ ਹੈ
Published : Jan 21, 2022, 8:32 am IST
Updated : Jan 21, 2022, 8:32 am IST
SHARE ARTICLE
Charanjeet Channi, Bhagwant Mann
Charanjeet Channi, Bhagwant Mann

ਅੱਜ ਸਾਧਾਰਣ ਭਾਰਤੀ ਹੋਣਾ ਜ਼ਿਆਦਾ ਵੱਡੀ ਗੱਲ ਬਣ ਗਈ ਹੈ।

 

ਪੰਜਾਬ ਵਿਚ ਅੱਜ ਇਕ ਨਵੀਂ ਲੜਾਈ ਛਿੜ ਪਈ ਹੈ ਕਿ ਅਸਲ ਆਮ ਆਦਮੀ ਕੌਣ ਹੈ? ਇਹ ਲੜਾਈ ਬੇਸ਼ੱਕ ਪ੍ਰਧਾਨ ਮੰਤਰੀ ਮੋਦੀ ਨੇ ਸ਼ੁਰੂ ਕੀਤੀ ਸੀ ਜਦ ਇਹ ਦਾਅਵਾ ਕੀਤਾ  ਗਿਆ ਸੀ ਕਿ ਉਹ ਚਾਹ ਦੀ ਦੁਕਾਨ ਤੇ ਕੰਮ ਕਰਨ ਵਾਲੇ ਇਕ ‘ਆਮ’ ਭਾਰਤੀ ਸਨ। ਜੇ ਇਕ ਚਾਹ ਵੇਚਣ ਵਾਲਾ ਪ੍ਰਧਾਨ ਮੰਤਰੀ ਬਣ ਸਕਦਾ ਹੈ ਤਾਂ ਫਿਰ ਬਾਕੀ ਕਿਉਂ ਨਹੀਂ? ਜਿਥੇ ਕਦੇ ਕਿਸੇ ਵੱਡੇ ਘਰਾਣੇ ਤੋਂ ਹੋਣਾ ਤੇ ਕਿਸੇ ਰਾਜੇ ਮਹਾਰਾਜੇ ਨਾਲ ਜੁੜੇ ਹੋਣਾ ਇਕ ਫਖ਼ਰ ਵਾਲੀ ਗੱਲ ਹੁੰਦੀ ਸੀ, ਅੱਜ ਸਾਧਾਰਣ ਭਾਰਤੀ ਹੋਣਾ ਜ਼ਿਆਦਾ ਵੱਡੀ ਗੱਲ ਬਣ ਗਈ ਹੈ।

Charanjeet Channi, Arvind Kejriwal Charanjeet Channi, Arvind Kejriwal

ਇਹੀ ਲੜਾਈ ਪੰਜਾਬ ਵਿਚ‘ਆਮ’ ਆਦਮੀ ਪਾਰਟੀ ਤੇ ਕਾਂਗਰਸ ਵਿਚਕਾਰ ਚੱਲ ਰਹੀ ਹੈ। ਅਸਲ ਵਿਚ ‘ਆਮ’ ਕੌਣ ਹੈ? ‘ਆਪ’ ਦੇ ਮੁੱਖ ਮੰਤਰੀ ਉਮੀਦਵਾਰ ਭਗਵੰਤ ਮਾਨ ਜਾਂ ਮੁੱਖ ਮੰਤਰੀ ਚੰਨੀ? ਤੇ ਜਿਹੜੇ ਹੁਣ ਅਪਣੇ ਆਪ ਨੂੰ ‘ਆਮ’ ਨਹੀਂ ਅਖਵਾ ਸਕਦੇ, ਉਹ ਤਾਂ ਇਨ੍ਹਾਂ ਚਿਹਰਿਆਂ ਦੀ ‘ਆਮੀਅਤ’ ਤੇ ਇਕ ਨਜ਼ਰ ਹੀ ਫੇਰ ਸਕਦੇ ਹਨ ਤੇ ਅਮੀਰ ਤੇ ਤਾਕਤਵਰ ਸਿੱਖਾਂ ਦੀ ਸ਼ੇ੍ਰਣੀ ’ਚੋਂ ਸ਼ਾਇਦ ਅੱਵਲ ਆਉਣ ਵਾਲੇ ਸੁਖਬੀਰ ਬਾਦਲ ਇਨ੍ਹਾਂ ‘ਆਮ’ ਚਿਹਰਿਆਂ ਦਾ ਮਜ਼ਾਕ ਹੀ ਉਡਾ ਸਕਦੇ ਹਨ ਤੇ ਕਦੇ ਇਨ੍ਹਾਂ ਨੂੰ ਗ਼ਰੀਬ, ਕਦੇ ਬਾਂਦਰ ਤੇ ਕਦੇ ਕੁੱਝ ਹੋਰ ਨਾਮ ਦੇ ਕੇ ਇਨ੍ਹਾਂ ਦੀ ਛਵੀ ਕਮਜ਼ੋਰ ਕਰਨ ਦਾ ਯਤਨ ਹੀ ਕਰ ਸਕਦੇ ਹਨ।

Bhagwant MannBhagwant Mann

ਇਨ੍ਹਾਂ ਛੇੜ-ਛਾੜ ਵਾਲੀਆਂ ਗੱਲਾਂ ਨੂੰ ‘ਉੱਚ ਜਾਤੀਏ’ ਕਿਸੇ ‘ਛੋਟੀ ਜਾਤੀ’ ਵਾਲੇ ਨੂੰ ਅਪਣਾ ਬਣਾ ਕੇ ਇਨ੍ਹਾਂ ਜਾਤ-ਪਾਤ ਦੀਆਂ ਪਰਾਤਨ ਲਕੀਰਾਂ ਨੂੰ ਮਿਟਾ ਦੇਣ ਨਾਲ ਸਕੂਨ ਵੀ ਦੇਂਦੇ ਹਨ ਅਤੇ ਸਾਧਾਰਣ ਲੋਕਾਂ ਦੀ ਛਵੀ ਤੇ ਲੱਗਾ ਦਾਗ਼ ਮਿਟ ਜਾਂਦਾ ਹੈ। ਪਰ ਅੱਜ ਤੁਸੀਂ ਕੀ ਮੰਨਦੇ ਹੋ, ਕੀ ਸਾਧਾਰਣ ਤੇ ਗ਼ਰੀਬ ਪ੍ਰਵਾਰ ਤੋਂ ਆਉਣਾ ਇਕ ਗ਼ਲਤ ਰੀਤ ਹੈ? ਕੀ ਉੱਚੇ ਅਹੁਦੇ ਤੇ ਸਿਰਫ਼ ਵੱਡੇ ਪ੍ਰਵਾਰ ਵਾਲੇ ਹੀ ਬੈਠ ਸਕਦੇ ਹਨ? ਤੇ ਜਿਹੜਾ ਚਿਹਰਾ ਮੁੱਖ ਮੰਤਰੀ ਪਦ ਦਾ ਦਾਵੇਦਾਰ ਹੈ, ਕੀ ਉਹ ਸਾਧਾਰਣ ਹੀ ਹੋਣਾ ਚਾਹੀਦਾ ਹੈ?

CM CHANNICM CHANNI

ਜਿਸ ਆਗੂ ਨੇ ਅਗਲੀ ਪੀੜ੍ਹੀ ਨੂੰ ਧਿਆਨ ਵਿਚ ਰਖਦੇ ਹੋਏ ਅੱਜ ਦੀਆਂ ਜ਼ਰੂਰਤਾਂ ਨੂੰ ਖ਼ਿਆਲ ਵਿਚ ਰਖਦੇ  ਹੋਏ ਯੋਜਨਾਵਾਂ ਬਣਾਈਆਂ ਹਨ, ਕੀ ਉਹ ਅਸਲ ਵਿਚ ਸਾਧਾਰਣ ਮੰਨਿਆ ਜਾਣਾ ਚਾਹੀਦਾ ਹੈ? ਕੀ ਅਸੀਂ ਚਾਹੁੰਦੇ ਹਾਂ ਕਿ ਸਾਡਾ ਆਗੂ ਐਨਾ ਸਿਆਣਾ ਹੋਵੇ ਕਿ ਉਹ ਅੱਜ ਦੀ ਆਧੁਨਿਕ ਦੁਨੀਆਂ ਨੂੰ ਸਮਝ ਸਕੇ ਤੇ ਦੇਸ਼ ਤੇ ਵਿਦੇਸ਼ ਦੀਆਂ ਵਡੀਆਂ ਕੰਪਨੀਆਂ ਨਾਲ ਗੱਲਬਾਤ ਕਰ ਕੇ ਸਾਡੇ ਵਾਸਤੇ ਵਧੀਆ ਮੌਕੇ ਪੈਦਾ ਕਰ ਸਕੇ? ਕੀ ਸਾਡਾ ਆਗੂ ਪੜਿ੍ਹਆ ਲਿਖਿਆ ਨਾ ਹੋਵੇ? ਕੀ ਸਾਡੇ ਆਗੂ ਵਿਚ ਐਬ ਹੋਣ? ਕੀ ਸਾਡਾ ਆਗੂ ਔਰਤਾਂ ਤੇ ਪ੍ਰਵਾਰਕ ਰਿਸ਼ਤਿਆਂ ਦੀ ਕਦਰ ਕਰਨ ਵਾਲਾ ਹੋਵੇ?

Justin TrudeauJustin Trudeau

ਅੱਜ ਜੇ ਅਸੀਂ ਦੁਨੀਆਂ ਦੇ ਸੱਭ ਤੋਂ ਚਹੇਤੇ ਆਗੂਆਂ ਦੀ ਗੱਲ ਕਰੀਏ ਤਾਂ ਉਹ ਜਸਟਿਨ ਟਰੂਡੋ (ਕੈਨੇਡਾ), ਐਨਜਿਲਾ ਮਿਰਕਲ (ਜਰਮਨੀ), ਜੇਸੀਂਡਾ ਆਰਡਨ (ਨਿਊਜ਼ੀਲੈਂਡ), ਹਨ ਤੇ ਇਨ੍ਹਾਂ ਵਿਚੋਂ ਕੋਈ ਅਮੀਰ ਘਰਾਣੇ ਦਾ ਹੈ, ਕੋਈ ਸਾਧਾਰਣ, ਕੋਈ ਵੱਧ ਪੜਿ੍ਹਆ ਲਿਖਿਆ ਹੈ ਤੇ ਕੋਈ ਨਹੀਂ ਵੀ। ਪਰ ਸਾਰੇ ਹੀ ਹਮਦਰਦ, ਪ੍ਰਵਾਰਕ ਕਦਰਾਂ ਕੀਮਤਾਂ ਨੂੰ ਮੰਨਣ ਵਾਲੇ, ਦੂਰਅੰਦੇਸ਼ ਆਗੂ ਹਨ। ਇਨਸਾਨ ਭਾਵੇਂ ਅਮੀਰ ਹੋਵੇ ਜਾਂ ਗ਼ਰੀਬ, ਜੇ ਉਸ ਦੇ ਮਨ ਵਿਚ ਹਮਦਰਦੀ ਨਾ ਹੋਵੇ ਤਾਂ ਉਹ ਇਨਸਾਨ ਹੀ ਨਹੀਂ, ਫਿਰ ਆਗੂ ਕਿਉਂ ਮੰਨ ਲਿਆ ਜਾਂਦਾ ਹੈ?

Rahul Gandhi Rahul Gandhi

ਰਾਹੁਲ ਗਾਂਧੀ ਤੇ ਜਸਟਿਨ ਟਰੂਡੋ ਦੀ ਜ਼ਿੰਦਗੀ ਤੇ ਪ੍ਰਵਾਰਕ ਜ਼ਿੰਮੇਦਾਰੀ ਵਿਚ ਘੱਟ ਹੀ ਅੰਤਰ ਹੋਵੇਗਾ। ਪਰ ਸਾਡੇ ਦੇਸ਼ ਨੇ ਇਕ ਚੋਣ ਮੁਹਿੰਮ ਨੂੰ ਅਪਣੀ ਨਵੀਂ ਸੋਚ ਮੰਨ ਕੇ ਇਕ ਪ੍ਰਵਾਰਕ ਆਗੂ ਨੂੰ ਪੱਪੂ ਬਣਾ ਦਿਤਾ ਤੇ ਭਾਰਤ ਵਿਚ ਭੇਡ ਚਾਲ ਦੀ ਸੋਚ ਵਿਚ ਇਕ ਬਗ਼ਾਵਤੀ ਸੋਚ ਨੂੰ ਅਪਣਾ ਕੇ ਫ਼ੈਸਲੇ ਕਰਨ ਲੱਗ ਪਿਆ। 
ਅੱਜ ਇਨ੍ਹਾਂ ਨੂੰ ਪੁੱਛੋ ਕਿ ਤੁਹਾਡਾ ਆਗੂ ਕਿੰਨਾ ਸਾਧਾਰਣ ਹੈ ਜਾਂ ਗ਼ਰੀਬ ਹੈ? ਕੋਈ ਆਗੂ ਸਧਾਰਣ ਨਹੀਂ ਹੋ ਸਕਦਾ। ਅਸੀਂ ਉਸ ਦੀ ਗ਼ੈਰ-ਸਾਧਾਰਣ ਸੋਚ ਕਰ ਕੇ ਹੀ ਉਸ ਨੂੰ ਆਗੂ ਮੰਨਦੇ ਹਾਂ। ਸਾਡਾ ਆਗੂ ਕਿੰਨਾ ਹਮਦਰਦ ਹੈ, ਕਿੰਨਾ ਸਿਆਣਾ ਹੈ, ਕੀ ਅਪਣੀਆਂ ਪ੍ਰਵਾਰਕ ਜ਼ਿੰਮੇਦਾਰੀਆਂ ਨੂੰ ਇਮਾਨਦਾਰੀ ਨਾਲ ਨਿਭਾ ਰਿਹਾ ਹੈ? ਕਿੰਨਾ ਦਲੇਰ ਹੈ? ਕਿੰਨਾ ਸਾਹਸੀ ਹੈ? ਕੀ ਸਾਰਿਆਂ ਵਾਸਤੇ ਖੜਾ ਹੋ ਸਕਦਾ ਹੈ? ਕੀ ਉਹ ਸਹੀ ਫ਼ੈਸਲੇ ਲੈਣ ਦੀ ਤਾਕਤ ਰਖਦਾ ਹੈ? ਕੀ ਉਸ ਦਾ ਦਿਲ ਵੱਡਾ ਹੈ? ਇਹ ਗੁਣ ਇਕ ਕਿਰਦਾਰ ਨੂੰ ਗ਼ੈਰ-ਸਾਧਾਰਣ ਬਣਾਉਂਦੇ ਹਨ ਤੇ ਉਹ ਗ਼ੈਰ-ਸਾਧਾਰਣ ਆਗੂ ਹੀ ਸਾਡਾ ਆਗੂ ਬਣਨ ਦੇ ਕਾਬਲ ਹੋਵੇਗਾ।    -ਨਿਮਰਤ ਕੌਰ

 

SHARE ARTICLE

ਸਪੋਕਸਮੈਨ ਸਮਾਚਾਰ ਸੇਵਾ

Advertisement

"100 ਰੁਪਏ ਲੁੱਟ ਕੇ 2 ਰੁਪਏ ਦੇ ਕੇ ਆਖੇ ਮੈਂ ਵੱਡਾ ਦਾਨੀ, Sukhbir Badal ਨੂੰ ਸਿੱਧੇ ਹੋਏ Gurdeep Brar | SGPC

13 Sep 2025 1:07 PM

Hoshiarpur Child Muder Case : ਆਹ ਪਿੰਡ ਨਹੀਂ ਰਹਿਣ ਦਵੇਗਾ ਇੱਕ ਵੀ ਪਰਵਾਸੀ, ਜੇ ਰਹਿਣਾ ਪਿੰਡ 'ਚ ਤਾਂ ਸੁਣ ਲਓ ਕੀ.

13 Sep 2025 1:06 PM

ਕਿਸ਼ਤਾਂ 'ਤੇ ਲਿਆ New Phone, ਘਰ ਲਿਜਾਣ ਸਾਰ ਥਾਣੇ 'ਚੋਂ ਆ ਗਈ ਕਾਲ,Video ਦੇਖ ਕੇ ਤੁਹਾਡੇ ਵੀ ਉੱਡ ਜਾਣਗੇ ਹੋਸ਼

12 Sep 2025 3:27 PM

5 year old child killed in hoshiarpur : ਪ੍ਰਵਾਸੀ ਨੇ ਕਿਉਂ ਮਾਰਿਆ ਮਾਸੂਮ ਬੱਚਾ?hoshiarpur Child Muder Case

12 Sep 2025 3:26 PM

Manjinder lalpura usma kand : ਦੇਖੋ ਇਸ ਕੁੜੀ ਨਾਲ MLA lalpura ਨੇ ਕੀ ਕੀਤਾ ਸੀ ! ਕੈਮਰੇ ਸਾਹਮਣੇ ਦੱਸੀ ਗੱਲ

12 Sep 2025 3:26 PM
Advertisement