Advertisement
  ਵਿਚਾਰ   ਸੰਪਾਦਕੀ  21 Sep 2020  ਦਿਨ ਉਦੋਂ ਵੀ 24 ਘੰਟੇ ਦਾ ਹੁੰਦਾ ਸੀ ਤੇ ਹੁਣ ਵੀ..

ਦਿਨ ਉਦੋਂ ਵੀ 24 ਘੰਟੇ ਦਾ ਹੁੰਦਾ ਸੀ ਤੇ ਹੁਣ ਵੀ..

ਸਪੋਕਸਮੈਨ ਸਮਾਚਾਰ ਸੇਵਾ
Published Sep 21, 2020, 9:53 am IST
Updated Sep 21, 2020, 9:53 am IST
ਮਾੜੀ ਜਹੀ ਚਾਹ ਪੀ ਕੇ ਦੁਬਾਰਾ ਟਾਈਮ ਵੇਖੋ।
24 hours
 24 hours

ਬਾਬੇ ਨਾਨਕ ਤੇ ਮਰਦਾਨਾ ਜੀ ਵੇਲੇ ਵੀ ਦਿਨ 24 ਘੰਟੇ ਦਾ ਹੁੰਦਾ  ਸੀ, ਸਾਡੇ ਬਚਪਨ ਵੇਲੇ ਵੀ। ਪਰ ਉਨ੍ਹਾਂ 24 ਘੰਟਿਆਂ ਵਿਚ ਏਨੀ ਬਰਕਤ ਸੀ ਕਿ ਬਿਆਨ ਤੋਂ ਬਾਹਰ ਹੈ। ਅਸੀ ਦੋਸਤਾਂ ਮਿੱਤਰਾਂ ਨਾਲ ਏਨਾ ਕੁੱਝ ਕਰ ਲੈਂਦੇ ਸੀ।

24 hours24 hours

ਦਰੱਖ਼ਤਾਂ ਤੇ ਵੀ ਚੜ੍ਹਨਾ, ਪਤੰਗ ਵੀ ਚੜ੍ਹਾਉਣੇ, ਕੈਰਮ ਬੋਰਡ ਵੀ ਖੇਡਣਾ, ਬੰਟੇ ਵੀ ਖੇਡਣੇ, ਦੁਪਹਿਰੇ ਮੈਂ ਗੁਲੇਲ ਵੀ ਚਲਾਉਣੀ ਤੇ ਮਾਸਟਰਾਂ ਤੋਂ ਡਰਦੇ, ਸਕੂਲ ਦਾ ਕੰਮ ਵੀ ਨਬੇੜ ਲੈਣਾ। ਏਨਾ ਕੁੱਝ ਕਰ ਕੇ ਵੀ ਪਹਾੜ ਜਿੱਡਾ ਦਿਨ ਸਾਨੂੰ ਪੁਛਦਾ ਸੀ, ਬਾਈ ਜੀ, ਕਾਕਾ ਜੀ, ਕੁੱਝ ਰਹਿ ਤਾਂ ਨਹੀਂ ਗਿਆ? ਅਜੇ ਵੀ ਮੇਰੇ ’ਚ ਬਹੁਤ ਦਮ ਹੈ ਕਿ ਹੋਰ ਕੰਮ ਸਵਾਰ ਸਕਾਂ।

Childhood daysChildhood days

ਹੁਣ ਸਵੇਰੇ 9:10 ਵਜੇ ਸੋਚੋ ਕੀ ਕਰਨਾ ਹੈ? ਮਾਰਕੀਟ ਨਿੱਕਾ ਜਿਹਾ ਕੰਮ ਕਰਨ ਜਾਉ, ਟ੍ਰੈਫ਼ਿਕ ਲਾਈਟਾਂ ਤੇ ਫਸੋ, ਫਾਟਕਾਂ ਤੇ ਫਸ ਕੇ ਗੱਡੀ ਨੂੰ ਗਾਲਾਂ ਕੱਢੋ। ਘਰ ਆਉਂਦਿਆਂ ਨੂੰ ਪੌਣੇ 2 ਵੱਜੇ ਪਏ ਹੁੰਦੇ ਹਨ। ਮਾੜੀ ਜਹੀ ਚਾਹ ਪੀ ਕੇ ਦੁਬਾਰਾ ਟਾਈਮ ਵੇਖੋ। ਸਾਢੇ ਚਾਰ।

TeaTea

ਲਉ ਜੀ ਦਿਹਾੜੀ ਇੰਜ ਖੁਰ ਗਈ ਜਿਵੇਂ ਉਂਗਲੀਆਂ ’ਚੋਂ ਰੇਤਾ ਕਿਰ ਜਾਂਦਾ ਹੈ। ਇਸੇ ਤਰ੍ਹਾਂ ਹੀ ਕੋਠਿਆਂ ਤੇ ਮੰਜੇ ਡਾਹ ਕੇ ਘਾਰੇ ਗਿਣਨੇ, ਬੁਝਾਰਤਾਂ ਪਾਉਣੀਆਂ, ਭੂਤਾਂ ਦੀਆਂ ਗੱਲਾਂ ਕਰਨੀਆਂ, ਇਕ ਕੋਠਿਉਂ ਟੱਪ-ਟੱਪ ਕਿੰਨੇ ਕੋਠੇ ਹੋਰ ਟੱਪ ਜਾਣੇ। ਲੋਕ ਗੁੱਸਾ ਵੀ ਨਹੀਂ ਕਰਦੇ ਸੀ। ਉਨ੍ਹਾਂ 24 ਘੰਟਿਆਂ ’ਚ ਬੜੀ ਬਰਕਤ ਸੀ, ਹੁਣ ਦੇ 24 ਘੰਟਿਆਂ ’ਚ ਜਾਨ ਹੀ ਨਹੀਂ ਰਹੀ। 
                                                                                                                -ਸੁੱਖਪ੍ਰੀਤ ਸਿੰਘ ਆਰਟਿਸਟ, ਸੰਪਰਕ : 0161-2774789

Location: India, Delhi, New Delhi
Advertisement
Advertisement

 

Advertisement
Advertisement