Auto Refresh
Advertisement

ਵਿਚਾਰ, ਸੰਪਾਦਕੀ

ਕਿਸਾਨ ਲੀਡਰਸ਼ਿਪ ਦਾ ਹਰ ਹੁਕਮ ਮੰਨ ਕੇ ਹੀ ਸਫ਼ਲਤਾ ਪ੍ਰਾਪਤ ਕੀਤੀ ਜਾ ਸਕਦੀ ਹੈ

Published Oct 21, 2021, 7:44 am IST | Updated Oct 21, 2021, 8:25 am IST

ਇਹ ਆਮ ਭਾਰਤੀ ਦੇ ਸੰਘਰਸ਼ ਤੇ ਕੁਰਬਾਨੀ ਦੀ ਦਾਸਤਾਨ ਹੈ ਜੋ 700 ਤੋਂ ਵੱਧ ਸ਼ਹਾਦਤਾਂ ਵੀ ਦੇ ਚੁਕੀ ਹੈ

Success can only be achieved by obeying every command of the peasant leadership
Success can only be achieved by obeying every command of the peasant leadership

 

ਕਿਸਾਨੀ ਸੰਘਰਸ਼ ਵਿਚ ਨਵਾਂ ਮੋੜ ਆ ਗਿਆ ਹੈ। ਕੁੱਝ ਤਸਵੀਰਾਂ ਤੇ ਜਾਣਕਾਰੀ ਸਾਹਮਣੇ ਆਈ ਹੈ ਜਿਸ ਵਿਚ ਨਿਹੰਗ ਬਾਬਾ ਅਮਨ ਸਿੰਘ ਕੇਂਦਰੀ ਖੇਤੀ ਮੰਤਰੀ ਨਰਿੰਦਰ ਤੋਮਰ, ਕੇਂਦਰੀ ਰਾਜ ਮੰਤਰੀ ਕੈਲਾਸ਼ ਚੌਧਰੀ, ਪੰਜਾਬ ਦਾ ਇਕ ਸਾਬਕਾ ਪੁਲਿਸ ਅਫ਼ਸਰ ਜਿਸ ਦੀ ਡੀ.ਜੀ.ਪੀ. ਸੈਣੀ ਨਾਲ ਲੜਾਈ ਵਿਚ ਕਾਫ਼ੀ ਸਿੰਘ ਪੁਲਿਸ ਵਲੋਂ ਚੁਕੇ ਤੇ ਮਾਰੇ ਜਾਣ ਦੇ ਪ੍ਰਗਟਾਵੇ ਹੋਏ, ਭਾਜਪਾ ਆਗੂ ਸੁਖਮਿੰਦਰ ਗਰੇਵਾਲ ਸਮੇਤ ਖੜੇ ਹਨ। ਮੰਤਰੀ ਨਰਿੰਦਰ ਤੋਮਰ ਵਲੋਂ ਨਿਹੰਗ ਬਾਬਾ ਅਮਨ ਸਿੰਘ ਨੂੰ ਸਿਰੋਪਾ ਵੀ ਪਾਇਆ ਗਿਆ ਅਤੇ ਇਕ ਬੈਠਕ ਦੀਆਂ ਤਸਵੀਰਾਂ ਹਨ ਜਿਥੇ ਕਿਸਾਨੀ ਮੁੱਦੇ ਨੂੰ ਹੱਲ ਕਰਨ ਦੀਆਂ ਗੱਲਾਂ ਹੋਈਆਂ ਸਨ।

 

Nihang Aman Singh With BJP Leaders Nihang Aman Singh With BJP Leaders

 

ਇਹ ਜਾਣਕਾਰੀ ਮਿਲਣ ਤੋਂ ਬਾਅਦ ਚਰਚਾਵਾਂ ਸ਼ੁਰੂ ਹੋ ਗਈਆਂ ਕਿ ਜਿਸ ਤਰ੍ਹਾਂ ਲਖਬੀਰ ਸਿੰਘ ਦਾ ਕਤਲ ਹੋਇਆ, ਕੀ ਉਹ ਸੰਘਰਸ਼ ਨੂੰ ਨੁਕਸਾਨ ਪਹੁੰਚਾਉਣ ਅਤੇ ਕਿਸਾਨਾਂ ਨੂੰ ਝੁਕਾਉਣ ਦੀ ਇਕ ਸਾਜ਼ਸ਼ ਦਾ ਹਿੱਸਾ ਤਾਂ ਨਹੀਂ ਸੀ? ਲਖਬੀਰ ਸਿੰਘ ਦੇ ਕਤਲ ਤੇ ਬਹੁਤ ਸਵਾਲ ਚੁਕੇ ਜਾ ਰਹੇ ਹਨ, ਖ਼ਾਸ ਕਰ ਕੇ ਸਬੂਤਾਂ ਬਾਰੇ ਤੇ ਇਹ ਵੀ ਕਿ ਕਬੂਲਨਾਮੇ ਦਾ ਵੀਡੀਉ ਕਿਉਂ ਨਹੀਂ ਬਣਾਇਆ ਗਿਆ ਜਦਕਿ ਬਾਕੀ ਹਰ ਛੋਟੇ ਵੱਡੇ ਕਾਰੇ ਦਾ ਵੀਡੀਉ ਬਣਾ ਲਿਆ ਜਾਂਦਾ ਸੀ? ਕੁੱਝ ਨਿਹੰਗ ਸਿੰਘਾਂ ਵਲੋਂ ਆਖ ਦਿਤਾ ਗਿਆ ਕਿ ਉਹ ਅਜੇ ਸਾਜ਼ਸ਼ ਬਾਰੇ ਕੁੱਝ ਨਹੀਂ ਆਖਣਗੇ।

 

Farmers Protest Farmers Protest

 

ਨਿਹੰਗ ਸਿੰਘਾਂ ਨੇ 27 ਨੂੰ ਕਿਸਾਨ ਆਗੂਆਂ ਨਾਲ ਵੀ ਖੁਲ੍ਹੀ ਗੱਲਬਾਤ ਕਰ ਕੇ ਉਨ੍ਹਾਂ ਨੂੰ ਇਕ ਚੁਨੌਤੀ ਵੀ ਦਿਤੀ ਹੈ ਕਿਉਂਕਿ ਕਿਸਾਨੀ ਸੰਘਰਸ਼ ਦੇ ਆਗੂ ਚਾਹੁੰਦੇ ਹਨ ਕਿ ਕੋਈ ਉਹ ਸ਼ਖ਼ਸ ਜੋ ਸੱਚ ਦੇ ਰਾਹ ਤੇ ਨਹੀਂ ਚਲ ਸਕਦਾ, ਉਹ ਦਿੱਲੀ ਦੇ ਬਾਰਡਰ ਉਤੇ ਨਾ ਬੈਠੇ। ਉਨ੍ਹਾਂ ਦਾ ਕਹਿਣਾ ਹੈ ਕਿ ਲੜਾਈ ਸਿਰਫ਼ ਤੇ ਸਿਰਫ਼ ਕਿਸਾਨਾਂ ਦੇ ਹੱਕਾਂ ਦੀ ਹੈ। ਇਸੇ ਕਰ ਕੇ 26 ਜਨਵਰੀ ਨੂੰ ਜੋ ਨੌਜਵਾਨ ਆਗੂ ਜਿਵੇਂ ਦੀਪ ਸਿੱਧੂ ਜੋ ਕਿਸਾਨੀ ਸੰਘਰਸ਼ ਰਾਹੀਂ ਅਪਣੀ ਸਿਆਸਤ ਦੀ ਲੜਾਈ ਚਲਾਉਣਾ ਚਾਹੁੰਦੇ ਸਨ, ਨੂੰ ਬਾਹਰ ਕੱਢ ਦਿਤਾ ਗਿਆ। ਉਹ ਵੀ ਸਹੀ ਫ਼ੈਸਲਾ ਸੀ ਕਿਉਂਕਿ ਕਿਸਾਨ ਤਾਂ ਅਕਾਲੀ ਦਲ ਨਾਲ ਖੇਤੀ ਕਾਨੂੰਨਾਂ ਦੇ ਘੜਨ ਵਿਚ ਅਪਣਾ ਯੋਗਦਾਨ ਪਾਉਣ ਕਰ ਕੇ ਨਾਰਾਜ਼ ਹਨ ਜਦਕਿ ਦੀਪ ਸਿੱਧੂ ਅਕਾਲੀ ਦਲ ਨੂੰ ਹੀ ਪੰਜਾਬ ਦੀ ਉਮੀਦ ਮੰਨਦੇ ਹਨ। ਉਹ ਉਨ੍ਹਾਂ ਦੀ ਸਿਆਸੀ ਵਿਚਾਰਧਾਰਾ ਹੈ ਪਰ ਇਸ ਸਮੇਂ ਕਿਸਾਨ, ਸਿਆਸਤ ਤੋਂ ਦੂਰ ਰਹਿਣਾ ਚਾਹੁੰਦੇ ਹਨ। 

 

 

Akali DalAkali Dal

ਜਿਥੇ ਕਿਸਾਨ ਸਿਰਫ਼ ਖੇਤੀ ਕਾਨੂੰਨਾਂ ਤੇ ਗੱਲ ਕਰਨਾ ਚਾਹੁੰਦੇ ਹਨ, ਬਾਕੀ ਲੋਕਾਂ ਦੇ ਮਨਾਂ ਵਿਚ ਕਈ ਹੋਰ ਮਸਲੇ ਵੀ ਹੁੰਦੇ ਹਨ। ਜਿਵੇਂ ਦੀਪ ਸਿੱਧੂ ਪੰਜਾਬ ਦੀ ਸਿਆਸਤ ਵਿਚ ਥਾਂ ਬਣਾਉਣ ਦੀ ਤਲਾਸ਼ ਵਿਚ ਹੈ ਤੇ ਸ਼ਾਇਦ ਨਿਹੰਗ ਬਾਬੇ ਵੀ ਕਿਸੇ ਹੋਰ ਇਰਾਦੇ ਨਾਲ ਭਾਜਪਾ ਦੇ ਆਗੂਆਂ ਨੂੰ ਮਿਲ ਰਹੇ ਹਨ। ਦਰਅਸਲ ਅੱਜ ਤਕ ਦੁਨੀਆਂ ਦੇ ਇਤਿਹਾਸ ਵਿਚ ਇਸ ਤਰ੍ਹਾਂ ਦਾ ਅੰਦੋਲਨ ਨਹੀਂ ਹੋਇਆ। ਇਸ ਦੀ ਸਫ਼ਲਤਾ ਦੀ ਕਹਾਣੀ ਅਜੇ ਲਿਖੀ ਜਾਣੀ ਹੈ ਭਾਵੇਂ ਅਜੇ ਕਾਨੂੰਨ ਰੱਦ ਹੋਣ ਦਾ ਟੀਚਾ ਸਰ ਨਹੀਂ ਹੋਇਆ। ਇਹ ਦੁਨੀਆਂ ਦਾ ਇਕਲੌਤਾ ਮਹਾਂਅੰਦੋਲਨ ਹੈ ਜਿਸ ਵਿਚ ਸਿਆਸਤਦਾਨਾਂ ਦਾ ਕੋਈ ਯੋਗਦਾਨ ਨਹੀਂ ਤੇ ਇਹ ਪੂਰੀ ਤਰ੍ਹਾਂ ਆਮ ਕਿਸਾਨ ਤੇ ਨਿਰਭਰ ਹੋ ਕੇ ਚਲ ਰਿਹਾ ਹੈ।

Farmers Protest Farmers Protest

 

ਇਹ ਆਮ ਭਾਰਤੀ ਦੇ ਸੰਘਰਸ਼ ਤੇ ਕੁਰਬਾਨੀ ਦੀ ਦਾਸਤਾਨ ਹੈ ਜੋ 700 ਤੋਂ ਵੱਧ ਸ਼ਹਾਦਤਾਂ ਵੀ ਦੇ ਚੁਕੀ ਹੈ ਅਤੇ ਇਸ ਦਾ ਇਤਿਹਾਸਕ ਮਹੱਤਵ ਤੇ ਕਿਸਾਨ ਦੀ ਜ਼ਿੰਦਗੀ ਉਤੇ ਇਸ ਦੇ ਅਸਰ ਨੂੰ ਵੇਖ ਕੇ ਜ਼ਰੂਰੀ ਬਣ ਜਾਂਦਾ ਹੈ ਕਿ ਅੱਜ ਤੋਂ ਕੋਈ ਵੀ ਧੜਾ ਵਖਰਿਆਂ ਹੋ ਕੇ, ਸਰਕਾਰ ਨਾਲ ਖੇਤੀ ਕਾਨੂੰਨਾਂ ਬਾਰੇ ਗੱਲਬਾਤ ਨਾ ਕਰੇ। ਜੇ ਕਿਸੇ ਦਾ ਸਰਕਾਰ ਨਾਲ ਲਾਗਾ-ਦੇਗਾ ਜ਼ਰੂਰੀ ਹੈ ਤਾਂ ਫਿਰ ਉਹ ਸੰਘਰਸ਼ ਦਾ ਹਿੱਸਾ ਨਾ ਬਣਿਆ ਰਹੇ। ਨਿਹੰਗਾਂ ਵਲੋਂ ਕਿਸੇ ਸਾਜ਼ਸ਼ ਵਿਚ ਸ਼ਾਮਲ ਨਾ ਹੋਣ ਦੀ ਸੰਭਾਵਨਾ ਜ਼ਿਆਦਾ ਹੈ ਪਰ ਹੁਣ ਇਹ ਤਸਵੀਰਾਂ ਲੋਕਾਂ ਦੇ ਮਨਾਂ ਵਿਚ ਸ਼ੰਕਾਵਾਂ ਜ਼ਰੂਰ ਖੜੀਆਂ ਕਰ ਦੇਣਗੀਆਂ ਜਿਸ ਨਾਲ ਆਪਸੀ ਦਰਾੜਾਂ ਵਧਦੀਆਂ ਹਨ। ਸਾਰੇ ਹੀ ਕਿਸਾਨੀ ਸੰਘਰਸ਼ ਦੀ ਜਿੱਤ ਚਾਹੁੰਦੇ ਹਨ ਤੇ ਇਸੇ ਕਰ ਕੇ ਲੋੜ ਹੈ ਕਿ ਸੰਯੁਕਤ ਕਿਸਾਨ ਮੋਰਚੇ ਦੀ ਅਗਵਾਈ ਨੂੰ 100 ਫ਼ੀ ਸਦੀ ਤਕ ਕਬੂਲ ਕਰ ਕੇ ਉਸ ਦੀਆਂ ਹਦਾਇਤਾਂ ਨੂੰ ਹਰ ਹਾਲ ਵਿਚ ਮੰਨਿਆ ਜਾਵੇ।                                          -ਨਿਮਰਤ ਕੌਰ

ਸਪੋਕਸਮੈਨ ਸਮਾਚਾਰ ਸੇਵਾਨਿਮਰਤ ਕੌਰ

Advertisement

 

Advertisement

BJP ਮੰਤਰੀ Tomar ਨਾਲ Photos Viral ਹੋਣ ਤੋਂ ਬਾਅਦ Nihang Aman Singh ਦਾ Interview

20 Oct 2021 7:22 PM
ਨਵੀਂ ਪਾਰਟੀ ਦੇ ਐਲਾਨ ਤੋਂ ਬਾਅਦ ਕੈਪਟਨ ਦਾ ਵੱਡਾ ਬਿਆਨ

ਨਵੀਂ ਪਾਰਟੀ ਦੇ ਐਲਾਨ ਤੋਂ ਬਾਅਦ ਕੈਪਟਨ ਦਾ ਵੱਡਾ ਬਿਆਨ

ਸਵੇਰੇ-ਸਵੇਰੇ ਅਚਾਨਕ Amritsar Bus Stand ਪਹੁੰਚੇ Raja Warring

ਸਵੇਰੇ-ਸਵੇਰੇ ਅਚਾਨਕ Amritsar Bus Stand ਪਹੁੰਚੇ Raja Warring

ਸੋਸ਼ਲ ਮੀਡੀਆ ਸਟਾਰ ਦੀਪ ਮਠਾਰੂ 'ਤੇ ਭੜਕਿਆ ਇਹ ਪੁਲਿਸ ਮੁਲਾਜ਼ਮ!

ਸੋਸ਼ਲ ਮੀਡੀਆ ਸਟਾਰ ਦੀਪ ਮਠਾਰੂ 'ਤੇ ਭੜਕਿਆ ਇਹ ਪੁਲਿਸ ਮੁਲਾਜ਼ਮ!

Advertisement