ਦਿੱਲੀ ਗੁਰਦਵਾਰਾ ਪ੍ਰਬੰਧਕ ਕਮੇਟੀ ਦਾ ‘ਪ੍ਰਧਾਨ’ ਗੁਰਬਾਣੀ ਤੇ ਪੰਜਾਬੀ ਪੜ੍ਹਨੋਂ ਲਿਖਣੋਂ ਵੀ ਆਤੁਰ!
Published : Sep 23, 2021, 8:11 am IST
Updated : Sep 23, 2021, 12:06 pm IST
SHARE ARTICLE
Manjinder Singh Sirsa
Manjinder Singh Sirsa

ਜੇ ਦਿੱਲੀ ਗੁਰਦਵਾਰਾ ਪ੍ਰਬੰਧਕ ਕਮੇਟੀ ਦੇ ਮੁਖੀ ਰਹਿ ਚੁੱਕੇ ਮਨਜਿੰਦਰ ਸਿੰਘ ਸਿਰਸਾ ਗੁਰੂ ਗ੍ਰੰਥ ਸਾਹਿਬ ਦੀ ਬਾਣੀ ਵੀ ਸ਼ੁਧ ਨਹੀਂ ਪੜ੍ਹ ਸਕਦੇ ਤਾਂ ਵਿਚਾਰ ਕਰਨਾ ਬਣਦਾ ਹੀ ਹੈ।

ਅੱਜ ਦੀ ਖ਼ਬਰ ਹੈ ਕਿ ਕੈਨੇਡਾ ਵਿਚ 16 ਪੰਜਾਬੀ ਚਿਹਰੇ, ਕੈਨੇਡੀਅਨ ਪਾਰਲੀਮੈਂਟ ਲਈ ਚੁਣੇ ਜਾ ਕੇ, ਕੈਨੇਡਾ ਦੀ ਸਰਗਰਮ ਸਿਆਸਤ ਦਾ ਹਿੱਸਾ ਬਣ ਗਏ। ਇਨ੍ਹਾਂ ਵਿਚ ਜਿਥੇ 14 ਦੂਜੀ ਵਾਰ ਜਾਂ ਵੱਧ ਵਾਰ ਲੋਕਾਂ ਦਾ ਵਿਸ਼ਵਾਸ ਹਾਸਲ ਕਰਨ ਵਾਲੇ ਬਣੇ, ਉਥੇ ਦਿੱਲੀ ਸਿੱਖ ਗੁੁਰਦਵਾਰਾ ਪ੍ਰਬੰਧਕ ਕਮੇਟੀ ਦੇ ਸਾਬਕਾ ਪ੍ਰਧਾਨ ਮਨਜਿੰਦਰ ਸਿੰਘ ਸਿਰਸਾ ਦਿੱਲੀ ਕਮੇਟੀ ਦੀ ਚੋਣ ਹਾਰਨ ਤੋਂ ਬਾਅਦ ਗੁਰਮੁਖੀ ਦਾ ਇਮਤਿਹਾਨ ਵੀ ਪਾਸ ਨਾ ਕਰ ਸਕੇ। ਬਚਪਨ ਵਿਚ ਸੁਣੀ ਸਾਖੀ ਯਾਦ ਆਉਂਦੀ ਹੈ ਕਿ ਬਾਬਾ ਨਾਨਕ ਇਕ ਅਜਿਹੇ ਪਿੰਡ ਗਏ ਜਿਥੋਂ ਦੇ ਲੋਕ ਚੰਗੇ ਨਹੀਂ ਸਨ, ਤਾਂ ਉਨ੍ਹਾਂ ਨੇ ਜਾਂਦੇ ਹੋਏ ਬਚਨ ਕੀਤੇ ਕਿ ‘ਸਦਾ ਇਕ ਥਾਂ ਟਿਕੇੇ ਰਹੋ’।

Manjinder Singh SirsaManjinder Singh Sirsa

ਫਿਰ ਇਕ ਚੰਗੇ ਪਿੰਡ ਗਏ ਤਾਂ ਬਾਅਦ ਵਿਚ ਬਚਨ ਕੀਤੇ ਕਿ ‘ਟਿਕ ਕੇ ਕਿਸੇ ਥਾਂ ਕਦੇ ਨਾ ਬੈਠੋ’। ਜਦ ਹੈਰਾਨ ਹੋਏ ਭਾਈ ਮਰਦਾਨਾ ਨੇ ਸਵਾਲ ਕੀਤਾ ਤਾਂ ਉਨ੍ਹਾਂ ਨੂੰ ਦਸਿਆ ਗਿਆ ਕਿ ਮਾੜੇ ਬੰਦੇ ਇਕ ਥਾਂ ਟਿਕੇ ਹੋਏ ਹੀ ਭਲੇ ਤੇ ਚੰਗੇ ਮਨੁੱਖ, ਚੰਗਿਆਈ ਫੈਲਾਉਣ ਲਈ ਬਾਹਰ ਨਸਦੇ ਭਜਦੇ ਹੀ ਭਲੇ। ਅੱਜ ਵੇਖ ਕੇ ਲਗਦਾ ਹੈ ਕਿ ਸਾਡੇ ਵਿਚੋਂ ਜਿਹੜੇ ਵਿਦੇਸ਼ਾਂ ਵਿਚ ਚਲੇ ਗਏ, ਉਨ੍ਹਾਂ ਅੰਦਰਲੀ ਸਿੱਖੀ ਪੰਜਾਬ ਵਿਚ ਰਹਿੰਦੇ ਲੋਕਾਂ ਨਾਲ ਜ਼ਿਆਦਾ ਪੱਕੀ ਹੈ। ਵਿਦੇਸ਼ਾਂ ਵਿਚ ਰਹਿੰਦੇ ਪੰਜਾਬੀਆਂ ਦੀ ਦੂਜੀ ਤੀਜੀ ਪੀੜ੍ਹੀ ਸ਼ਾਇਦ ਧਰਮ ਵਿਚ ਇਸ ਕਦਰ ਪੱਕੀ ਨਾ ਹੋਵੇ ਪਰ ਉਹ ਇਨਸਾਨ ਤਾਂ ਚੰਗੇ ਹੋਣਗੇ। ਜਿਸ ਤਰ੍ਹਾਂ ਵਿਦੇਸ਼ਾਂ ਵਿਚ ਜਾ ਕੇ ਹਰ ਦੇਸ਼ ਵਿਚ ਪੰਜਾਬੀ ਅਤੇ ਸਿੱਖ ਨਾਮਣਾ ਖੱਟ ਰਹੇ ਹਨ, ਉਸ ਉਤੇ ਫ਼ਖ਼ਰ ਤਾਂ ਹੋਣ ਲਗਦਾ ਹੈ ਪਰ ਨਾਲ ਨਾਲ ਹੀ ਇਹ ਵੀ ਸੋਚਣਾ ਪੈਂਦਾ ਹੈ ਕਿ ਇਥੇ ਰਹਿੰਦੇ ਪੰਜਬੀਆਂ ਵਿਚ ਕੀ ਕਮੀ ਸੀ ਜੋ ਇਹ ਏਨੇ ਪਛੜ ਗਏ ਹਨ?

DSGMC DSGMC

ਜੇ ਦਿੱਲੀ ਗੁਰਦਵਾਰਾ ਪ੍ਰਬੰਧਕ ਕਮੇਟੀ ਦੇ ਮੁਖੀ ਰਹਿ ਚੁੱਕੇ ਮਨਜਿੰਦਰ ਸਿੰਘ ਸਿਰਸਾ ਗੁਰੂ ਗ੍ਰੰਥ ਸਾਹਿਬ ਦੀ ਬਾਣੀ ਵੀ ਸ਼ੁਧ ਨਹੀਂ ਪੜ੍ਹ ਸਕਦੇ ਤਾਂ ਵਿਚਾਰ ਕਰਨਾ ਬਣਦਾ ਹੀ ਹੈ। ਮਨਜਿੰਦਰ ਸਿੰਘ ਸਿਰਸਾ ਗੁਰੂ ਤੇਗ਼ ਬਹਾਦਰ ਕਾਲਜ ਤੋਂ ਬੀ.ਏ. ਪੰਜਾਬੀ ਕਰ ਚੁੱਕੇ ਹਨ। ਇਸ ਤੋਂ ਤਾਂ ਕਾਲਜਾਂ ਦੀਆਂ ਡਿਗਰੀਆਂ ਬਾਰੇ ਹੀ ਸ਼ੰਕੇ ਉਠ ਖੜੇ ਹੁੰਦੇ ਹਨ ਕਿਉਂਕਿ ਪੰਜਾਬੀ ਦੇ ਵਿਦਿਆਰਥੀ ਦੀ ਪੜ੍ਹਾਈ ਐਮ.ਏ. ਪੱਧਰ ਦੀ ਹੁੰਦੀ ਹੈ। ਗੁਰਮੁਖੀ ਅਜਿਹਾ ਵਿਸ਼ਾ ਨਹੀਂ ਕਿ ਤੁਸੀਂ ਪੜ੍ਹਨਾ ਭੁਲ ਜਾਉ। ਜਿਹੜਾ ਵੀ ਕੋਈ, ਕਿਸੇ ਗੁਰਦਵਾਰਾ ਕਮੇਟੀ ਦੀ ਸੰਭਾਲ ਦਾ ਜ਼ਿੰਮੇਵਾਰ ਹੋਵੇ, ਉਸ ਨੂੰ ਗੁਰੂ ਗ੍ਰੰਥ ਸਾਹਿਬ ਵਿਚ ਦਿਤੀ ਵਿਚਾਰਧਾਰਾ ਤਾਂ ਹੀ ਸਮਝ ਵਿਚ ਆਏਗੀ (ਤੇ ਆਉਣੀ ਚਾਹੀਦੀ ਵੀ ਹੈ) ਜੇ ਉਹ ਹਰ ਰੋਜ਼ ਗੁਰਬਾਣੀ ਅਰਥਾਂ ਸਮੇਤ ਪੜ੍ਹੇ ਤੇ ਵਿਚਾਰ ਕਰੇ। ਪਰ ਉਸ ਤੋਂ ਵੀ ਜ਼ਿਆਦਾ ਜ਼ਰੂਰੀ ਇਹ ਹੈ ਕਿ ਤੁਸੀਂ ਝੂਠ ਨਾ ਬੋਲੋ ਤੇ ਸਰਟੀਫ਼ੀਕੇਟਾਂ ਦੇ ਓਹਲੇ ਸਚਾਈ ਲੁਕਾਉਣ ਦੀ ਕੋਸ਼ਿਸ਼ ਨਾ ਕਰੋ। ਇਸ ਪੂਰੇ ਮਾਮਲੇ ਵਿਚ ਜੋ ਕਿਰਕਰੀ ਹੋਈ, ਉਹ ਸਿਰਫ਼ ਕੈਨੇਡਾ ਵਲ ਵੇਖ ਕੇ ਹੀ ਕੁਝ ਸ਼ਾਂਤ ਹੁੰਦੀ ਹੈ।

GurbaniGurbani

ਕੈਨੇਡਾ ਦੇ ਸਿੱਖ ਤੇ ਪੰਜਾਬੀ ਚਿਹਰੇ ਅਪਣੇ ਸਰੂਪ ਕਰ ਕੇ ਨਹੀਂ ਜਿੱਤੇ ਤੇ ਨਾ ਹੀ ਪੰਜਾਬੀ ਵੋਟਾਂ ਕਰ ਕੇ ਬਲਕਿ ਉਹ ਅਪਣੀ ਵਖਰੀ ਪਹਿਚਾਣ ਦੇ ਬਾਵਜੂਦ ਅਪਣੇ ਕਿਰਦਾਰ ਕਾਰਨ ਗੋਰਿਆਂ ਦਾ ਵਿਸ਼ਵਾਸ ਵਾਰ ਵਾਰ ਜਿੱਤਣ ਵਿਚ ਸਫ਼ਲ ਹੋਏ ਹਨ। ਹਰਜੀਤ ਸਿੰਘ ਸੱਜਣ ਵਰਗੇ ਗੁਰਸਿੱਖ ਨੂੰ ਕੈਨੇਡਾ ਦੇਸ਼ ਦੀ ਸੁਰੱਖਿਆ ਦੀ ਜ਼ਿੰਮੇਵਾਰੀ ਸੌਂਪ ਦਿਤੀ ਜਾਣੀ ਨਾ ਸਿਰਫ਼ ਕੈਨੇਡਾ ਵਿਚ ਸੱਭ ਨੂੰ ਬਰਾਬਰ ਮੰਨਣ ਦੀ ਸੋਚ ਵਿਖਾਉਂਦੀ ਹੈ ਸਗੋਂ ਸੱਜਣ ਦੀ ਸੋਚ ਦੀ ਜਿੱਤ ਵੀ ਹੈ ਜੋ ਵਖਰਾ ਦਿਸਣ ਦੇ ਬਾਵਜੂਦ ਵੀ ਵੱਡੇ ਫ਼ਰਕ ਨਾਲ ਜਿੱਤ ਜਾਂਦੇ ਹਨ। ਜਗਮੀਤ ਸਿੰਘ ਕੈਨੇਡਾ ਦੀ ਸਿਆਸਤ ਦਾ ਇਕ ਵੱਡਾ ਚਿਹਰਾ ਹਨ ਜੋ ਜਸਟਿਨ ਟਰੂਡੋ ਨਾਲ ਮਿਲ ਕੇ ਦੂਜੀ ਵਾਰ ਸਰਕਾਰ ਬਣਾਉਣ ਜਾ ਰਹੇ ਹਨ।

Jagmeet Singh Member of ParliamentJagmeet Singh 

ਭਾਰਤ ਵਿਚ ਮਹਿਬੂਬਾ ਮੁਫ਼ਤੀ ਨੇ ਆਖਿਆ ਹੈ ਕਿ ਸਿੱਖ ਖ਼ਾਲਿਸਤਾਨੀ ਮੰਨੇ ਜਾਂਦੇ ਹਨ। ਸਾਡੇ ਕਿਸਾਨ ਵੀ ਇਸੇ ਨਾਹਰੇ ਨੂੰ ਲੈ ਕੇ ਦਬਾਏ ਜਾਣ ਤੇ ਬਦਨਾਮ ਕੀਤੇ ਜਾਣ ਦਾ ਦੁਖ ਸਹਿੰਦੇ ਆ ਰਹੇ ਹਨ। ਜਿਥੇ ਭਾਰਤ ਵਿਚ ਧਰਮ ਦੇ ਨਾਂ ਤੇ ਪਾਖੰਡ ਦਾ ਮਾਹੌਲ ਪ੍ਰਧਾਨ ਹੈ,ਉਥੇ ਹੁਣ ਪੰਜਾਬ ਸਮੇਤ ਗੁਰਦਵਾਰਿਆਂ ਵਿਚ ਵੀ ਇਹ ਬੁਰਾਈ ਘਰ ਕਰ ਚੁੱਕੀ ਹੈ। ਇਹ ਉਹ ਬੁਰਾਈ ਹੈ ਜੋ ਧਰਮ ਨੂੰ ਕਮਜ਼ੋਰ ਬਣਾ ਰਹੀ ਹੈ। ਗੁਰਦਵਾਰਿਆਂ ਦੇ ਪ੍ਰਬੰਧਕ, ਚੋਣਾਂ ਰਾਹੀਂ, ਉਹ ਲੋਕ ਬਣ ਗਏ ਹਨ ਜਿਨ੍ਹਾਂ ਨੂੰ ਨਾ ਸਿੱਖੀ ਦਾ ਕੁੱਝ ਆਉਂਦਾ ਹੈ, ਨਾ ਪੰਜਾਬੀ ਲਿਖਣੀ ਪੜ੍ਹਨੀ। ਗੁਰਬਾਣੀ ਪੜ੍ਹਨੀ ਤੇ ਸਮਝਣੀ ਵੀ ਉਨ੍ਹਾਂ ਲਈ ਹਿਮਾਲੀਆ ਤੇ ਚੜ੍ਹਨ ਵਰਗੀ ਗੱਲ ਹੈ। ਫਿਰ ਵੀ ਉਹ ਗੁਰਦਵਾਰਾ ਸਟੇਜਾਂ ਤੋਂ ਉਪਦੇਸ਼ ਦੇਂਦੇ ਹਨ, ਤਨਖ਼ਾਹਦਾਰ ਪੁਜਾਰੀਆਂ ਕੋਲੋਂ ਭਲੇ ਲੋਕਾਂ ਵਿਰੁਧ ਹੁਕਮਨਾਮੇ ਜਾਰੀ ਕਰਵਾ ਕੇ ਉਨ੍ਹਾਂ ਨੂੰ ਅਪਮਾਨਤ ਕਰਦੇ ਹਨ ਤੇ ਸਿੱਖੀ ਦੀ ਨਈਆ ਡੁਬੋਣ ਦਾ ਯਤਨ, ਦਿੱਲੀ ਦੇ ਹਾਕਮਾਂ ਨਾਲ ਮਿਲ ਕੇ ਕਰਦੇ ਰਹਿੰਦੇ ਹਨ। ਮਨਜਿੰਦਰ ਸਿੰਘ ਸਿਰਸਾ ਤਾਂ ਐਲਾਨੀਆਂ, ਗੁਰਦਵਾਰਾ ਪ੍ਰਬੰਧਕ ਕਮੇਟੀ ਦੇ ਪ੍ਰਧਾਨ ਦੇ ਨਾਲ ਨਾਲ ਬੀਜੇਪੀ ਦੇ ਐਮ.ਐਲ.ਏ. ਵੀ ਰਹੇ ਹਨ। ਕੌਣ ਬਚਾਏਗਾ ਸਿੱਖੀ ਨੂੰ ?                    -ਨਿਮਰਤ ਕੌਰ

SHARE ARTICLE

ਸਪੋਕਸਮੈਨ ਸਮਾਚਾਰ ਸੇਵਾ , ਨਿਮਰਤ ਕੌਰ

Advertisement

ਬਾਬਾ ਤਰਸੇਮ ਸਿੰਘ ਦੇ ਕਤਲ ਦਾ CCTV, ਦੇਖੋ ਕਿਵੇਂ ਕੁਰਸੀ 'ਤੇ ਬੈਠੇ ਬਾਬਾ ਤਰਸੇਮ ਸਿੰਘ ਨੂੰ ਬਦਮਾਸ਼ਾਂ ਨੇ ਮਾਰੀਆਂ..

28 Mar 2024 4:40 PM

'ਸਾਈਕਲ ਦਾ ਵੀ ਸਟੈਂਡ ਹੁੰਦਾ, ਆਹ ਰਿੰਕੂ ਦਾ ਕੋਈ ਸਟੈਂਡ ਹੀ ਨਹੀਂ, ਮੈਂ ਤਾਂ ਹੈਰਾਨ ਹਾਂ'

28 Mar 2024 3:17 PM

Debate: BJP ਨੇ ਪੰਜਾਬ 'ਚ ਮਚਾਈ ਤਰਥੱਲੀ, ਪੱਟ ਲਏ ਵੱਡੇ ਲੀਡਰ! ਚੱਲਦੀ ਡਿਬੇਟ 'ਚ ਭਿੜ ਗਏ AAP ਤੇ BJP ਆਗੂ, ਰੱਜ ਕੇ

28 Mar 2024 3:09 PM

ਬੱਸ ਤੇ ਕਾਰ ਦੀ ਸਿੱਧੀ ਟੱਕਰ ਮਚ ਗਿਆ ਚੀਕ-ਚਿਹਾੜਾ ਫਿਰੋਜ਼ਪੁਰ ਦੇ ਜੀਰਾ ’ਚ ਵਾਪਰਿਆ ਦਰਦਨਾਕ ਹਾਦਸਾ

28 Mar 2024 1:08 PM

Punjab 'ਚ ਵਿਕ ਰਿਹਾ ਨਕਲੀ ਸੀਮਿੰਟ! Ambuja ਤੇ ACC ਸੀਮਿੰਟ ਦੇ ਗੱਟਿਆਂ ਨਾਲ ਭਰਿਆ ਟਰੱਕ Police ਨੇ ਫੜਿਆ

28 Mar 2024 12:50 PM
Advertisement