ਦੇਸ਼ ਵਿਚ ਸੁਣੀ ਤਾਂ ਹੁਣ ਧੰਨਾ ਸੇਠਾਂ ਦੀ ਹੀ ਜਾਣੀ ਹੈ!
Published : Aug 27, 2019, 1:32 am IST
Updated : Aug 27, 2019, 1:32 am IST
SHARE ARTICLE
Mukesh Ambani - Gautam Adani
Mukesh Ambani - Gautam Adani

ਬਜਟ ਦੇ ਆਉਣ ਮਗਰੋਂ, ਵਪਾਰੀ ਵਰਗ ਵਲੋਂ ਦੇਸ਼ ਦੀ ਆਰਥਕਤਾ ਬਾਰੇ ਬੜੀਆਂ ਸਖ਼ਤ ਟਿਪਣੀਆਂ ਕੀਤੀਆਂ ਜਾ ਰਹੀਆਂ ਸਨ। ਇਸ ਬਜਟ ਵਿਚ ਭਾਰਤ ਦੇ ਇਕ ਫ਼ੀ ਸਦੀ....

ਬਜਟ ਦੇ ਆਉਣ ਮਗਰੋਂ, ਵਪਾਰੀ ਵਰਗ ਵਲੋਂ ਦੇਸ਼ ਦੀ ਆਰਥਕਤਾ ਬਾਰੇ ਬੜੀਆਂ ਸਖ਼ਤ ਟਿਪਣੀਆਂ ਕੀਤੀਆਂ ਜਾ ਰਹੀਆਂ ਸਨ। ਇਸ ਬਜਟ ਵਿਚ ਭਾਰਤ ਦੇ ਇਕ ਫ਼ੀ ਸਦੀ ਉਪਰਲੇ ਉਦਯੋਗਪਤੀਆਂ ਨੂੰ ਛੱਡ ਕੇ, ਬਾਕੀ ਵਪਾਰੀ ਤੇ ਉਦਯੋਗਪਤੀ ਇਕ ਨਵੇਂ ਸੰਕਟ ਵਿਚ ਘਿਰ ਗਏ ਦੱਸੇ ਜਾ ਰਹੇ ਸਨ। ਟੈਕਸ ਦੀ ਸੀਮਾ, ਸੀ.ਐਸ.ਆਰ. ਜੋ ਕਿ ਸਮਾਜਕ ਜ਼ਿੰਮੇਵਾਰੀ ਹੈ, ਉਹ ਉਦਯੋਗਪਤੀਆਂ ਵਲੋਂ ਨਿਭਾਈ ਨਾ ਗਈ ਤੇ ਕਾਨੂੰਨੀ ਕਾਰਵਾਈ ਵਰਗੀਆਂ ਨਵੀਆਂ ਸਖ਼ਤੀਆਂ ਨੂੰ ਸਰਕਾਰ ਨੇ ਤਿੰਨ ਮਹੀਨੇ ਵਿਚ ਹੀ ਵਾਪਸ ਲੈ ਲਿਆ। 

Mukesh AmbaniMukesh Ambani

ਅਰਥ ਵਿਵਸਥਾ ਨੂੰ ਕਮਜ਼ੋਰ ਪੈਂਦੇ ਵੇਖ ਕੇ, ਨੀਤੀ ਆਯੋਗ ਦੇ ਵੀ.ਸੀ. ਵਲੋਂ ਵੀ ਟਿਪਣੀ ਕਰਨ ਕਰ ਕੇ ਸਰਕਾਰ ਨੂੰ ਅਪਣੇ ਕਦਮ ਤੇਜ਼ੀ ਨਾਲ ਚੁਕਣੇ ਪਏ। ਨੀਤੀ ਆਯੋਗ ਵਲੋਂ ਸਰਕਾਰ ਦੀ ਨਿੰਦਾ ਹੈਰਾਨੀਜਨਕ ਸੀ। ਪਰ ਇਹ ਅਮੀਰ ਦੀ ਤਾਕਤ ਹੈ ਜਿਸ ਨੇ ਸਰਕਾਰ ਨੂੰ ਅਪਣੇ ਕਦਮ ਵਾਪਸ ਲੈਣ ਲਈ ਮਜਬੂਰ ਕਰ ਦਿਤਾ। ਜਿੰਨਾ ਖ਼ਤਰਾ ਅੱਜ ਭਾਰਤੀ ਆਰਥਕਤਾ ਨੂੰ ਦਰਪੇਸ਼ ਹੈ, ਜਿੰਨੀਆਂ ਚੇਤਾਵਨੀਆਂ ਅੱਜ ਦਰਪੇਸ਼ ਆ ਰਹੀਆਂ ਹਨ, ਓਨੀਆਂ ਪਿਛਲੇ ਚਾਰ ਸਾਲਾਂ ਤੋਂ ਨੋਟਬੰਦੀ ਤੋਂ ਬਾਅਦ ਲਗਾਤਾਰ ਆਉਂਦੀਆਂ ਰਹੀਆਂ ਹਨ ਪਰ ਸਰਕਾਰ ਨੇ ਅਪਣਾ ਫ਼ੈਸਲਾ ਨਹੀਂ ਸੀ ਬਦਲਿਆ। ਅੱਜ ਆਜ਼ਾਦ ਸੋਚ ਦਾ ਝੰਡਾ ਅਖ਼ਬਾਰਾਂ ਨੇ ਚੁਕਿਆ ਹੈ ਤੇ ਸਰਕਾਰ ਨੇ ਕਾਗ਼ਜ਼ ਉਤੇ 10 ਫ਼ੀ ਸਦੀ ਟੈਕਸ ਲਗਾ ਕੇ ਆਜ਼ਾਦ ਸੋਚ ਦੀ ਕੀਮਤ ਹੋਰ ਮਹਿੰਗੀ ਕਰ ਦਿਤੀ ਹੈ। ਸੰਸਦ ਵਿਚ ਰੌਲਾ ਪਾਇਆ ਗਿਆ ਪਰ ਫਿਰ ਵੀ ਉਹ ਟੈਕਸ ਵਾਪਸ ਨਹੀਂ ਹੋਇਆ। ਯਾਨੀ 1 ਫ਼ੀ ਸਦੀ ਅਮੀਰ ਧੰਨਾ ਸੇਠਾਂ ਤੋਂ ਬਿਨਾਂ, ਹੋਰ ਕਿਸੇ ਦੀ ਆਵਾਜ਼ ਦੀ ਕੋਈ ਅਹਿਮੀਅਤ ਨਹੀਂ ਰਹੀ। 

Gautam AdaniGautam Adani

ਅਮੀਰ ਉਦਯੋਗਪਤੀਆਂ ਦੀ ਤਾਕਤ ਦਾ ਲੋਹਾ ਮੰਨ ਕੇ ਸਰਕਾਰ ਨੇ ਇਕ ਵਾਰ ਫਿਰ ਸਾਬਤ ਕਰ ਦਿਤਾ ਹੈ ਕਿ ਸਰਕਾਰ ਨੂੰ ਕੇਵਲ ਇਕ ਵਰਗ ਹੀ ਝੁਕਾ ਸਕਦਾ ਹੈ। ਉਦਯੋਗਪਤੀਆਂ ਨੇ ਨਿਰਮਲਾ ਸੀਤਾਰਮਨ ਦੀ ਬਹੁਤ ਪ੍ਰਸ਼ੰਸਾ ਕੀਤੀ ਹੈ ਕਿ ਉਨ੍ਹਾਂ ਨੇ ਉਦਯੋਗਪਤੀਆਂ ਦੀ ਸੁਣੀ ਤੇ ਵਾਜਬ ਕਦਮ ਉਠਾਏ। ਕੀ ਹੁਣ ਉਦਯੋਗਪਤੀਆਂ ਨੂੰ ਮਿਲੇ ਲਾਭ ਅਸਲ ਵਿਚ ਆਮ ਇਨਸਾਨ ਦੀ ਮਦਦ ਕਰਨਗੇ ਜਾਂ ਕੰਮ ਆਉਣਗੇ? ਕਦੇ ਸਰਕਾਰ ਆਮ ਇਨਸਾਨਾਂ ਦੀ ਵੀ ਸੁਣੇਗੀ ਜਾਂ ਨਹੀਂ?
-ਨਿਮਰਤ ਕੌਰ

Location: India, Punjab

SHARE ARTICLE

ਸਪੋਕਸਮੈਨ ਸਮਾਚਾਰ ਸੇਵਾ

Advertisement

Advocate Sunil Mallan Statement on Leaders and Migrants: ਲੀਡਰਾਂ ਨੇ ਸਾਰੇ ਪ੍ਰਵਾਸੀਆਂ ਦੀਆਂ ਬਣਵਾਈਆਂ ਵੋਟਾਂ

15 Sep 2025 3:01 PM

Sukhjinder Randhawa Interview On Rahul Gandhi Punjab'S Visit In Dera Baba nanak Gurdaspur|News Live

15 Sep 2025 3:00 PM

"100 ਰੁਪਏ ਲੁੱਟ ਕੇ 2 ਰੁਪਏ ਦੇ ਕੇ ਆਖੇ ਮੈਂ ਵੱਡਾ ਦਾਨੀ, Sukhbir Badal ਨੂੰ ਸਿੱਧੇ ਹੋਏ Gurdeep Brar | SGPC

13 Sep 2025 1:07 PM

Hoshiarpur Child Muder Case : ਆਹ ਪਿੰਡ ਨਹੀਂ ਰਹਿਣ ਦਵੇਗਾ ਇੱਕ ਵੀ ਪਰਵਾਸੀ, ਜੇ ਰਹਿਣਾ ਪਿੰਡ 'ਚ ਤਾਂ ਸੁਣ ਲਓ ਕੀ.

13 Sep 2025 1:06 PM

ਕਿਸ਼ਤਾਂ 'ਤੇ ਲਿਆ New Phone, ਘਰ ਲਿਜਾਣ ਸਾਰ ਥਾਣੇ 'ਚੋਂ ਆ ਗਈ ਕਾਲ,Video ਦੇਖ ਕੇ ਤੁਹਾਡੇ ਵੀ ਉੱਡ ਜਾਣਗੇ ਹੋਸ਼

12 Sep 2025 3:27 PM
Advertisement