Auto Refresh
Advertisement

ਵਿਚਾਰ, ਸੰਪਾਦਕੀ

ਨਿਰਮਲਾ ਸੀਤਾਰਮਨ ਵਲੋਂ ਅੰਕੜਿਆਂ ਦੀ ਜਾਦੂਗਰੀ ਨਾਲ ‘ਰਾਹਤ ਦੇਣ’ ਦੀ ਇਕ ਹੋਰ ਭੁਲੇਖਾ-ਪਾਉ ਕੋਸ਼ਿਸ਼

Published Jun 30, 2021, 8:10 am IST | Updated Jul 1, 2021, 8:22 am IST

ਸਵਾਲ ਇਹ ਉਠ ਰਿਹਾ ਹੈ ਕਿ ਇਸ ਪੈਕੇਜ ਵਿਚ ਕੀ ਪਹਿਲਾਂ ਪੇਸ਼ ਕੀਤੇ ਜਾ ਚੁੱਕੇ ਬਜਟ ਵਿਚਲੇ ਵਾਅਦੇ ਹੀ ਦੁਬਾਰਾ ਜੋੜ ਕੇ ਦੇਸ਼ ਅੱਗੇ ਰੱਖ ਦਿਤੇ ਗਏ ਹਨ?

Nirmala Sitharaman
Nirmala Sitharaman

ਵਿੱਤ ਮੰਤਰੀ ਨਿਰਮਲਾ ਸੀਤਾਰਮਨ ਵਲੋਂ ਭਾਰਤ ਦੀ ਡਿਗਦੀ ਅਰਥ ਵਿਵਸਥਾ ਨੂੰ ਢਾਸਣਾ ਦੇਣ ਵਾਸਤੇ 6 ਲੱਖ 28 ਹਜ਼ਾਰ 993 ਕਰੋੜ ਦੀ ਨਵੀਂ ਆਰਥਕ ਹੱਲਾਸ਼ੇਰੀ ਦੇਣ ਦੀ ਕੋਸ਼ਿਸ਼ ਕੀਤੀ ਗਈ ਹੈ ਜਾਂ ਸ਼ਾਇਦ ਕੁੱਝ ਕਰਦੇ ਰਹਿਣ ਦਾ ਵਿਖਾਵਾ ਕੀਤਾ ਹੈ। ਪਰ ਕਿਸੇ ਪਾਸੇ ਖ਼ੁਸ਼ੀ ਦਾ ਮਾਹੌਲ ਨਹੀਂ ਬਲਕਿ ਇਹੀ ਚਰਚਾ ਹੈ ਕਿ ਅਸਲ ਵਿਚ ਇਹ ਹੱਲਾਸ਼ੇਰੀ ਸਵਾ ਛੇ ਲੱਖ ਕਰੋੜ ਦੀ ਨਹੀਂ ਬਲਕਿ 1.2 ਲੱਖ ਕਰੋੜ ਦੀ ਜਾਂ 60 ਹਜ਼ਾਰ ਕਰੋੜ ਦਾ ਪੈਕੇਜ ਹੀ ਹੈ।

nirmala sitharamanNirmala Sitharaman

ਹੁਣ ਸਵਾਲ ਇਹ ਉਠ ਰਿਹਾ ਹੈ ਕਿ ਇਸ ਪੈਕੇਜ ਵਿਚ ਕੀ ਪਹਿਲਾਂ ਪੇਸ਼ ਕੀਤੇ ਜਾ ਚੁੱਕੇ ਬਜਟ ਵਿਚਲੇ ਵਾਅਦੇ ਹੀ ਦੁਬਾਰਾ ਜੋੜ ਕੇ ਦੇਸ਼ ਅੱਗੇ ਰੱਖ ਦਿਤੇ ਗਏ ਹਨ? ਇਕ ਗੱਲ ਤਾਂ ਸਹੀ ਹੈ ਕਿ ਇਹ ਸੱਭ ਅੰਕੜਿਆਂ ਦਾ ਹੇਰ ਫੇਰ ਹੀ ਹੈ ਜਿਵੇਂ ਅਸੀ ਇਹ ਦਾਅਵਾ ਕਰ ਰਹੇ ਹਾਂ ਕਿ ਭਾਰਤ ਨੇ 34 ਕਰੋੜ ਟੀਕਾਕਰਨ ਕਰ ਕੇ ਅਮਰੀਕਾ ਨੂੰ ਪਿੱਛੇ ਛੱਡ ਦਿਤਾ ਹੈ। ਕਿੰਨੀ ਖ਼ੁਸ਼ੀ ਹੁੰਦੀ ਹੈ ਕਿ ਅਸੀ ਅਮਰੀਕਾ ਨੂੰ ਪਿੱਛੇ ਛੱਡ ਦਿਤਾ ਹੈ।

Corona vaccineCorona vaccine

ਪਰ ਜ਼ਿਆਦਾ ਵੱਡਾ ਸੱਚ ਇਹ ਵੀ ਹੈ ਕਿ ਅਸੀ ਅਪਣੇ ਦੇਸ਼ ਦੀ 13.7 ਫ਼ੀ ਸਦੀ ਜਨਤਾ ਨੂੰ ਅਜੇ ਟੀਕਾ ਲਗਾਇਆ ਹੈ ਜਦਕਿ ਅਮਰੀਕਾ ਨੇ ਅਪਣੀ 51.7 ਫ਼ੀ ਸਦੀ ਅਬਾਦੀ ਨੂੰ ਟੀਕਾ ਲਗਾ ਦਿਤਾ ਹੈ। ਅੱਜ ਜਿਹੜੇ ਹਾਕਮ ਦਾਅਵਾ ਕਰ ਰਹੇ ਹਨ ਕਿ ਅਸੀ 50 ਲੱਖ ਦੇ ਟੀਕੇ ਇਕ ਦਿਨ ਵਿਚ ਲਗਾ ਕੇ ਇਕ ਨਵਾਂ ਇਤਿਹਾਸ ਸਿਰਜਿਆ ਹੈ, ਉਹ ਅਪਣੇ ਹੀ ਦੇਸ਼ ਦਾ ਇਤਿਹਾਸ ਪੜ੍ਹ ਲੈਣ ਤੇ ਯਾਦ ਕਰਨ ਕਿ ਮਨਮੋਹਨ ਸਿੰਘ ਦੀ ਸਰਕਾਰ ਦੇ ਸਮੇਂ ਇਕ ਦਿਨ ਵਿਚ 17 ਕਰੋੜ ਪੋਲੀਉ ਵੈਕਸੀਨ ਦੇ ਟੀਕੇ ਲਗਾਏ ਗਏ ਸਨ।

Dr. Manmohan SinghDr. Manmohan Singh

ਅਸਲ ਵਿਚ ਭਾਰਤ ਦਾ ਸਿਹਤ ਸਿਸਟਮ ਸਾਡੀ 135 ਕਰੋੜ ਅਬਾਦੀ ਦੀ ਲੋੜ ਨੂੰ ਸਾਹਮਣੇ ਰੱਖ ਕੇ ਬਣਿਆ ਹੈ ਤੇ ਜੇਕਰ ਸਰਕਾਰ ਕੋਲ ਵੈਕਸੀਨ ਹੁੰਦੀ ਤਾਂ ਉਹ ਇਕ ਦਿਨ ਵਿਚ ਸਰਕਾਰੀ ਤੇ ਨਿਜੀ ਸਿਹਤ ਸਹੂਲਤਾਂ ਦੀ ਮਦਦ ਨਾਲ ਕਰੋੜਾਂ ਨੂੰ ਰੋਜ਼ ਵੈਕਸੀਨ ਲਗਾ ਸਕਦੀ ਸੀ। ਜੇ ਲੋਕਾਂ ਦੇ ਮਨ ਵਿਚ ਡਰ ਦਾ ਮਾਹੌਲ ਹੈ ਤਾਂ ਸਾਡੀਆਂ ਸਰਕਾਰਾਂ ਕੋਲ ਇਸ਼ਤਿਹਾਰਬਾਜ਼ੀ ਵਾਸਤੇ ਬਹੁਤ ਪੈਸਾ ਹੈ। 

Corona vaccineCorona vaccine

ਪਰ ਸਾਡੀ ਸਰਕਾਰ ਕੋਲ ਏਨੀ ਕਾਬਲੀਅਤ ਹੀ ਕਿਥੇ ਕਿ ਉਹ ਕੋਈ ਖ਼ਾਲਸ ਸੱਚਾ ਦਾਅਵਾ ਕਰ ਸਕੇ ਕਿਉਂਕਿ ਵੈਕਸੀਨ ਤਾਂ ਸਰਕਾਰ ਕੋਲ ਹੈ ਈ ਨਹੀਂ। ਸਰਕਾਰਾਂ ਕੋਲੋਂ ਕੁੱਝ ਗ਼ਲਤੀਆਂ ਵੀ ਹੋਈਆਂ ਜਦ ਉਨ੍ਹਾਂ ਨੇ ਮੁਫ਼ਤ ਵੈਕਸੀਨ ਅਪਣੇ ਗੁਆਂਢੀ ਦੇਸ਼ਾਂ ਨੂੰ ਭੇਜ ਦਿਤੀਆਂ ਤੇ ਕੁੱਝ ਹੱਦ ਤਕ ਪੈਸੇ ਦੀ ਘਾਟ ਵੀ ਉਨ੍ਹਾਂ ਦੇ ਰਸਤੇ ਦੀ ਰੁਕਾਵਟ ਬਣੀ ਹੋਈ ਹੈ। ਸੋ ਅਸਲੀਅਤ ਇਹ ਹੈ ਕਿ ਅੱਜ ਜਿਵੇਂ ਸਰਕਾਰ ਕੋਲ ਵੈਕਸੀਨ ਨਹੀਂ, ਇਸੇ ਤਰ੍ਹਾਂ ਸਰਕਾਰ ਕੋਲ ਪੈਸਾ ਵੀ ਨਹੀਂ ਕਿ ਉਹ ਦੇਸ਼ ਦੇ ਨਾਗਰਿਕਾਂ ਦੇ ਹੱਥਾਂ ਵਿਚ ਸਿੱਧਾ ਪੈਸਾ ਦੇ ਕੇ ਉਨ੍ਹਾਂ ਦੀ ਖ਼ਰੀਦ ਸ਼ਕਤੀ ਵਧਾ ਦੇਵੇ ਜਿਸ ਨਾਲ ਛੋਟੇ ਵਪਾਰ ਅਤੇ ਆਰਥਕਤਾ ਵਿਚ ਆਈ ਖੜੋਤ ਖ਼ਤਮ ਹੋ ਸਕੇ। 

PM Care Fund PM Care Fund

ਇਸ ਸਰਕਾਰ ਵਲੋਂ 2019 ਦੀਆਂ ਚੋਣਾਂ ਵਿਚ ਲੋਕਾਂ ਨੂੰ ਬੈਂਕ ਖਾਤਿਆਂ ਵਿਚ ਪੈਸਾ ਜਮ੍ਹਾਂ ਕਰਾ ਦੇਣ ਦੇ ਦਿਤੇ ਹੁਕਮ ਨਾਲ ਹੀ ਉਨ੍ਹਾਂ ਦੀ ਜਮ੍ਹਾਂ ਪੂੰਜੀ ਖ਼ਤਮ ਹੋ ਗਈ ਸੀ। ਪੀ.ਐਮ. ਕੇਅਰ ਫ਼ੰਡ ਵਿਚ ਕਿੰਨਾ ਪੈਸਾ ਆਇਆ, ਇਸ ਬਾਰੇ ਕਿਸੇ ਨੂੰ ਜਾਣਕਾਰੀ ਹੀ ਕੋਈ ਨਹੀਂ। ਸੋ ਕਿਹਾ ਨਹੀਂ ਜਾ ਸਕਦਾ ਕਿ ਉਹ ਪੈਸੇ ਨਾਲ ਕੋਵਿਡ ਵਿਚ ਕੀ ਮਦਦ ਦੇ ਸਕਦੀ ਹੈ। ਪਰ ਹੁਣ ਜੋ ਵੀ ਸਰਕਾਰ ਪੈਸਾ ਦੇਣ ਦੇ ਵਾਅਦੇ ਕਰ ਰਹੀ ਹੈ, ਉਹ ਜ਼ਿਆਦਾਤਰ ‘ਕਰਜ਼ਾ ਮੇਲਾ’ ਹੀ ਜਾਪਦਾ ਹੈ। ਨਾ ਪਹਿਲਾਂ ਲੋਕਾਂ ਨੇ ਤੇ ਇੰਡਸਟਰੀ ਨੇ ਕਰਜ਼ੇ ਲੈਣੇ ਪ੍ਰਵਾਨ ਕੀਤੇ ਸਨ, ਨਾ ਹੁਣ ਹੀ ਪ੍ਰਵਾਨ ਕਰਨਗੇ ਕਿਉਂਕਿ ਕਰਜ਼ੇ ਵਾਪਸ ਕਿਵੇਂ ਕਰਨਗੇ, ਇਸ ਬਾਰੇ ਉਹ ਕੁੱਝ ਨਹੀਂ ਜਾਣਦੇ।

Prime Minister Narendra ModiPrime Minister Narendra Modi

ਕੁੱਝ ਛੋਟੇ ਕਦਮ ਸਿਹਤ ਸਹੂਲਤਾਂ ਨਾਲ ਸਬੰਧਤ ਹਨ ਜੋ ਕਿ ਇਸੇ ਸਾਲ ਹੀ ਖ਼ਰਚੇ ਜਾਣਗੇ ਜਿਸ ਦੀ ਬਹੁਤ ਸਖ਼ਤ ਲੋੜ ਹੈ। ਪਰ ਜੇ ਪੀ.ਐਮ. ਕੇਅਰ ਫ਼ੰਡ ਵਲੋਂ ਖ਼ਰੀਦੇ ਗਏ ਵੈਂਟੀਲੇਟਰਾਂ ਵਾਂਗ ਇਹ ਵੀ ‘ਨਿਕੰਮੇ’ ਸਾਬਤ ਹੋਏ ਤਾਂ ਕੋਈ ਲਾਭ ਨਹੀਂ ਹੋਣ ਵਾਲਾ। ਸਿਰਫ਼ ਸਮਾਨ ਖ਼ਰੀਦਣ ਨਾਲ ਸਿਹਤ ਸਹੂਲਤਾਂ ਵਿਚ ਸੁਧਾਰ ਨਹੀਂ ਆ ਜਾਣਾ ਬਲਕਿ ਉਸ ਵਿਚ ਲੱਗੇ ਸਿਹਤ ਕਰਮਚਾਰੀਆਂ ਦੇ ਹੱਥਾਂ ਵਿਚ ਵੀ ਪੈਸਾ ਦੇਣਾ ਪਵੇਗਾ। 

Inflation Inflation

ਭਾਰਤ ਦੀ ਅਰਥ ਵਿਵਸਥਾ ਦੀ ਅਸਲੀਅਤ ਇਹ ਹੈ ਕਿ ਅੱਜ ਮਹਿੰਗਾਈ ਆਮ ਭਾਰਤੀ ਦੀ ਜ਼ਿੰਦਗੀ ਨੂੰ ਭੁੱਖਮਰੀ ਵਲ ਧਕੇਲ ਰਹੀ ਹੈ ਤੇ ਮਹਿੰਗਾਈ ਸਿਰਫ਼ ਕੱਚੇ ਤੇਲ ਦੀਆਂ ਕੀਮਤਾਂ ਕਾਰਨ ਨਹੀਂ, ਉਸ ਤੋਂ ਇਲਾਵਾ ਵੀ ਵੱਧ ਰਹੀ ਹੈ। ਸਰਕਾਰ ਨੇ ਇਸ ਪੈਕੇਜ ਵਿਚ 93,869 ਕਰੋੜ ਮੁਫ਼ਤ ਅਨਾਜ ਦੇਣ ਲਈ ਰਖਿਆ ਗਿਆ ਹੈ ਪਰ ਉਹ ਤਾਂ ਸਿਰਫ਼ ਐਫ਼.ਸੀ.ਆਈ ਦਾ ਕਰਜ਼ਾ ਚੁਕਾਉਣ ਦਾ ਕੰਮ ਹੀ ਕਰੇਗਾ।

Corona Virus Corona Virus

ਇੰਸ਼ੋਰੈਂਸ ਵਾਸਵੇ ਵੀ ਰਕਮ ਰੱਖੀ ਗਈ ਹੈ ਜੋ ਕਿ ਸਰਕਾਰ ਨੂੰ ਕੋਵਿਡ ਪੀੜਤਾਂ ਨੂੰ ਮੁਆਵਜ਼ਾ ਦੇਣ ਤੋਂ ਹੀ ਬਚਾਵੇਗਾ। ਵਿਦੇਸ਼ੀ ਯਾਤਰੀਆਂ ਵਾਸਤੇ ਜੋ 100 ਕਰੋੜ ਰਖਿਆ ਗਿਆ ਹੈ, ਉਹ ਵਿਦੇਸ਼ੀ ਯਾਤਰੀਆਂ ਦਾ ਖ਼ਰਚਾ ਤਾਂ ਘਟਾਏਗਾ ਪਰ ਜਿਸ ਤਰ੍ਹਾਂ ਦੇ ਹਾਲਾਤ ਦੇਸ਼ ਵਿਚ ਬਣੇ ਹੋਏ ਹਨ, ਘੱਟ ਹੀ ਲੋਕ ਭਾਰਤ ਵਿਚ ਸੈਰ ਸਪਾਟਾ ਕਰਨ ਆਉਣਗੇ। ਡਾਕਟਰ ਤਾਂ ਭਾਰਤੀਆਂ ਨੂੰ ਹੀ ਸੈਰ ਸਪਾਟੇ ਤੇ ਜਾਣ ਤੋਂ ਰੋਕ ਰਹੇ ਹਨ ਤਾਂ ਫਿਰ ਵਿਦੇਸ਼ਾਂ ਤੋਂ ਯਾਤਰੀ ਮਹਾਂਮਾਰੀ ਨਾਲ ਜੂਝਣ ਲਈ ਭਾਰਤ ਵਿਚ ਕਿਉਂ ਆਉਣਗੇ? 
-ਨਿਮਰਤ ਕੌਰ 

ਸਪੋਕਸਮੈਨ ਸਮਾਚਾਰ ਸੇਵਾਨਿਮਰਤ ਕੌਰ

Advertisement

 

Advertisement

BJP ਮੰਤਰੀ Tomar ਨਾਲ Photos Viral ਹੋਣ ਤੋਂ ਬਾਅਦ Nihang Aman Singh ਦਾ Interview

20 Oct 2021 7:22 PM
ਨਵੀਂ ਪਾਰਟੀ ਦੇ ਐਲਾਨ ਤੋਂ ਬਾਅਦ ਕੈਪਟਨ ਦਾ ਵੱਡਾ ਬਿਆਨ

ਨਵੀਂ ਪਾਰਟੀ ਦੇ ਐਲਾਨ ਤੋਂ ਬਾਅਦ ਕੈਪਟਨ ਦਾ ਵੱਡਾ ਬਿਆਨ

ਸਵੇਰੇ-ਸਵੇਰੇ ਅਚਾਨਕ Amritsar Bus Stand ਪਹੁੰਚੇ Raja Warring

ਸਵੇਰੇ-ਸਵੇਰੇ ਅਚਾਨਕ Amritsar Bus Stand ਪਹੁੰਚੇ Raja Warring

ਸੋਸ਼ਲ ਮੀਡੀਆ ਸਟਾਰ ਦੀਪ ਮਠਾਰੂ 'ਤੇ ਭੜਕਿਆ ਇਹ ਪੁਲਿਸ ਮੁਲਾਜ਼ਮ!

ਸੋਸ਼ਲ ਮੀਡੀਆ ਸਟਾਰ ਦੀਪ ਮਠਾਰੂ 'ਤੇ ਭੜਕਿਆ ਇਹ ਪੁਲਿਸ ਮੁਲਾਜ਼ਮ!

Advertisement