ਸਿੱਖਾਂ ਦੇ ਸਾਰੇ ਲੀਡਰਾਂ ਨਾਲੋਂ ਤਾਂ ਸੱਜਣ ਕੁਮਾਰ ਕੇਸ ਵਿਚ ਗਵਾਹ ਬਣੀ ਬੀਬੀ ਜਗਦੀਸ਼ ਕੌਰ ਹੀ ਮਰਦ.....
ਲੁਧਿਆਣਾ, (ਕੁਲਦੀਪ ਸਿੰਘ): ਸਿੱਖਾਂ ਦੇ ਸਾਰੇ ਲੀਡਰਾਂ ਨਾਲੋਂ ਤਾਂ ਸੱਜਣ ਕੁਮਾਰ ਕੇਸ ਵਿਚ ਗਵਾਹ ਬਣੀ ਬੀਬੀ ਜਗਦੀਸ਼ ਕੌਰ ਹੀ ਮਰਦ ਨਿਕਲੀ ਜਿਸ ਨੇ ਅਪਣੇ ਪ੍ਰਵਾਰ ਦੇ ਜੀਅ ਗੁਆ ਕੇ, ਅਤਿ ਦੀ ਮੰਦਹਾਲੀ ਵਿਚੋਂ ਗੁਜ਼ਰਦਿਆਂ ਵੀ ਸਿੱਖਾਂ ਨੂੰ ਲਾਜ ਨਹੀਂ ਲੱਗਣ ਦਿਤੀ ਤੇ ਅੰਤ ਸੱਜਣ ਕੁਮਾਰ ਦਾ ਹਸ਼ਰ ਸੱਭ ਦੇ ਸਾਹਮਣੇ ਹੈ। ਘੱਟੋ ਘੱਟ ਦਿੱਲੀ ਸਿੱਖ ਨਸਲਕੁਸ਼ੀ ਦੇ ਸਬੰਧ ਵਿਚ ਇਕ ਫ਼ੀ ਸਦੀ ਇਨਸਾਫ਼ 34 ਸਾਲਾਂ ਦੇ ਧੀਰਜ ਉਪਰੰਤ ਮਿਲਿਆ ਤਾਂ ਹੈ।
ਉਮੀਦ ਹੈ ਕੌਮ ਦੇ ਜਾਂਬਾਜ਼ ਜੋ ਇਸ ਲੜਾਈ ਵਿਚ ਅੱਗੇ ਹੋ ਕੇ ਲੜ ਰਹੇ ਨੇ, 50 ਫ਼ੀ ਸਦੀ ਇਨਸਾਫ਼ ਕਰਵਾ ਲੈਣਗੇ। ਆਹ ਸਾਡੇ ਕੈਪਟਨ ਜੀ, ਗਾਂਧੀ ਪ੍ਰਵਾਰ ਦੀ ਕਤਲਕਾਂਡਾਂ ਵਿਚ ਸ਼ਮੂਲੀਅਤ ਨੂੰ ਬੜੀ ਢੀਠਤਾਈ ਨਾਲ ਬਚਾਅ ਰਹੇ ਹਨ। ਸਮਾਂਬੱਧ ਤਰੀਕੇ ਨਾਲ ਕੀਤੇ ਗਏ ਕਤਲ ਕੀ ਰਾਜੀਵ ਗਾਂਧੀ ਦੀ ਸਹਿਮਤੀ ਤੋਂ ਬਿਨਾਂ ਹੋ ਸਕਦੇ ਸੀ? ਤੇ ਕੀ ਸੋਨੀਆ ਗਾਂਧੀ ਨੇ ਇਕ ਵਾਰ ਵੀ ਅਪਣੇ ਪਤੀ ਨੂੰ ਇਸ ਬਰਬਾਦੀ ਨੂੰ ਰੋਕਣ ਲਈ ਪ੍ਰੇਰਿਆ? ਪ੍ਰਿਯੰਕਾ ਤੇ ਰਾਹੁਲ ਉਦੋਂ ਜ਼ਰੂਰ ਬੱਚੇ ਸਨ, ਪਰ ਇਹ ਗੱਲ ਭੁੱਲਣ ਵਾਲੀ ਨਹੀਂ ਕਿ ਕਾਂਗਰਸੀ ਸਰਕਾਰਾਂ ਨੇ ਦੋਸ਼ੀਆਂ ਨੂੰ ਸਜ਼ਾ ਤੋਂ ਬਚਾਈ ਰਖਿਆ ਤੇ ਵੱਡੇ ਅਹੁਦਿਆਂ 'ਤੇ ਬਿਠਾਇਆ।
