ਸਿੱਖ ਸਿਧਾਂਤ ਬਨਾਮ ਬਾਦਲ, ਬ੍ਰਹਮਪੁਰਾ ਤੇ ਢੀਂਡਸਾ
Published : Aug 5, 2020, 5:28 pm IST
Updated : Aug 5, 2020, 5:28 pm IST
SHARE ARTICLE
 Sikh Doctrine vs. Badal, Brahmpura and Dhindsa
Sikh Doctrine vs. Badal, Brahmpura and Dhindsa

ਅਕਾਲੀ ਦਲ ਵਲੋਂ ਅਪਣੇ 100ਵੇਂ ਸਾਲ ਵਿਚ ਦਾਖ਼ਲ ਹੋਣ ਮੌਕੇ ਅਰਥਾਤ ਸ਼ਤਾਬਦੀ ਮਨਾਉਣ ਦੀਆਂ ਤਿਆਰੀਆਂ ਜਾਂ ਖ਼ੁਸ਼ੀਆਂ ਬਾਰੇ ਕਿਧਰੇ ਵੀ ਵਿਖਾਈ

ਅਕਾਲੀ ਦਲ ਵਲੋਂ ਅਪਣੇ 100ਵੇਂ ਸਾਲ ਵਿਚ ਦਾਖ਼ਲ ਹੋਣ ਮੌਕੇ ਅਰਥਾਤ ਸ਼ਤਾਬਦੀ ਮਨਾਉਣ ਦੀਆਂ ਤਿਆਰੀਆਂ ਜਾਂ ਖ਼ੁਸ਼ੀਆਂ ਬਾਰੇ ਕਿਧਰੇ ਵੀ ਵਿਖਾਈ ਜਾਂ ਸੁਣਾਈ ਨਹੀਂ ਦੇ ਰਿਹਾ ਕਿਉਂਕਿ ਇਸ ਸਮੇਂ ਬਾਦਲ ਪ੍ਰਵਾਰ ਹੀ ਪੂਰੀ ਤਰ੍ਹਾਂ ਅਕਾਲੀ ਦਲ ਉਤੇ ਕਾਬਜ਼ ਹੋਣ ਦਾ ਦਾਅਵਾ ਕਰ ਰਿਹਾ ਹੈ ਤੇ ਵਰਤਮਾਨ ਸਮੇਂ ਵਿਚ ਬਾਦਲ ਪ੍ਰਵਾਰ ਅਰਥਾਤ ਅਕਾਲੀ ਦਲ ਨੂੰ ਅਪਣੀ ਹੋਂਦ ਬਚਾਉਣ ਲਈ ਵਿਉਂਤਬੰਦੀ ਕਰਨੀ ਪੈ ਰਹੀ ਹੈ।

Master Tara SinghMaster Tara Singh

ਇਸ ਦੇ ਪਿਛੋਕੜ ਵਲ ਝਾਤ ਮਾਰੀ ਜਾਵੇ ਤਾਂ ਕਈ ਦਹਾਕੇ ਪਹਿਲਾਂ ਅਰਥਾਤ ਦੇਸ਼ ਦੀ 1947 ਵਿਚ ਹੋਈ ਵੰਡ ਸਮੇਂ ਮਾਸਟਰ ਤਾਰਾ ਸਿੰਘ ਇਸ ਦੇ ਨਿਰਵਿਵਾਦ ਪ੍ਰਧਾਨ ਸਨ। ਕੁੱਝ ਸਾਲਾਂ ਬਾਅਦ ਸੰਤ ਫਤਹਿ ਸਿੰਘ ਨੇ ਮਾਸਟਰ ਜੀ ਦੀ ਪ੍ਰਧਾਨਗੀ ਨੂੰ ਚੁਨੌਤੀ ਦਿੰਦਿਆਂ ਵੰਗਾਰਿਆ ਤੇ ਅਪਣੀ ਅਗਵਾਈ ਵਿਚ ਵਖਰਾ ਅਕਾਲੀ ਦਲ ਜਥੇਬੰਦ ਕੀਤਾ ਜਿਸ ਦੀ ਅਕਾਲੀ ਰਾਜਨੀਤੀ ਵਿਚ ਸਰਦਾਰੀ ਹੋਈ ਤੇ ਮਾਸਟਰ ਤਾਰਾ ਸਿੰਘ ਦਾ ਧੜਾ ਭਾਵੇਂ ਪਛੜ ਗਿਆ

Badal Family At Akal Takht SahibBadal Family 

ਪਰ ਦੋਵੇਂ ਧਿਰਾਂ ਦਾ ਸਿੱਖ ਸਿਧਾਂਤਾਂ ਨਾਲ ਖਿਲਵਾੜ ਕਰਨ, ਪੰਥ ਦਾ ਨੁਕਸਾਨ ਕਰਨ ਜਾਂ ਸਿੱਖ ਰਹਿਤ ਮਰਿਆਦਾ ਦਾ ਘਾਣ ਕਰਨ ਦਾ ਕੋਈ ਇਰਾਦਾ ਨਹੀਂ ਸੀ। ਦੋਵੇਂ ਧਿਰਾਂ ਪੰਥਕ ਸਿਧਾਂਤਾਂ ਉਤੇ ਪਹਿਰਾ ਦਿੰਦਿਆਂ ਪੰਥ ਦੀ ਚੜ੍ਹਦੀਕਲਾ ਲਈ ਯਤਨਸ਼ੀਲ ਰਹੀਆਂ। ਅਕਾਲੀ ਦਲ ਕਈ ਵਾਰ ਦੋਫਾੜ ਹੋਇਆ ਤੇ ਬਾਦਲ ਪ੍ਰਵਾਰ ਚਾਣਕੀਆ ਨੀਤੀ ਰਾਹੀਂ ਤਕਰੀਬਨ ਹਰ ਵਾਰ ਅਪਣੇ ਵਿਰੋਧੀ ਨੂੰ ਮਾਤ ਦੇਣ ਵਿਚ ਕਾਮਯਾਬ ਹੁੰਦਾ ਰਿਹਾ।

Golak Golak

ਭਾਵੇਂ ਅਪਣੇ ਵਿਰੋਧੀ ਨੂੰ ਢਾਹੁਣ ਲਈ ਪੰਥ ਦਾ ਨੁਕਸਾਨ ਕਰਨਾ ਹੋਵੇ, ਪੰਥਵਿਰੋਧੀ ਤਾਕਤਾਂ ਨਾਲ ਹੱਥ ਮਿਲਾਉਣਾ ਹੋਵੇ ਤੇ ਭਾਵੇਂ ਸੰਗਤਾਂ ਦੇ ਖ਼ੂਨ-ਪਸੀਨੇ ਦੀ ਕਮਾਈ ਅਰਥਾਤ ਸ਼ਰਧਾ ਵਾਲੀਆਂ ਗੋਲਕਾਂ ਦੀ ਦੁਰਵਰਤੋਂ ਕਰਨੀ ਹੋਵੇ, ਇਹ ਸੱਭ ਅਪਣੀ ਕੁਰਸੀ ਬਚਾਉਣ, ਚਮਕਾਉਣ, ਸੱਤਾ ਹਥਿਆਉਣ ਤੇ ਸਿੱਖ ਸੰਗਤਾਂ ਨੂੰ ਗੁਮਰਾਹ ਕਰਨ ਵਾਲੀਆਂ ਚਾਲਾਂ ਨਿਰੰਤਰ ਜਾਰੀ ਰਹੀਆਂ। ਦੇਸ਼ ਦੀ ਵੰਡ ਤੋਂ ਬਾਅਦ ਪ੍ਰਕਾਸ਼ ਸਿੰਘ ਬਾਦਲ ਨੇ ਅਪਣਾ ਰਾਜਸੀ ਜੀਵਨ ਸਰਗਰਮ ਕਾਂਗਰਸੀ ਵਜੋਂ ਸ਼ੁਰੂ ਕੀਤਾ ਪਰ ਸਾਰੀ ਉਮਰ ਕਾਂਗਰਸ ਨੂੰ ਨਿੰਦਣ ਤੇ ਭੰਡਣ ਦੀ ਕਲਾ ਵਰਤ ਕੇ ਪੰਜ ਵਾਰ ਮੁੱਖ ਮੰਤਰੀ ਦੀ ਕੁਰਸੀ ਉਤੇ ਬੈਠ ਕੇ ਸੱਤਾ ਦਾ ਆਨੰਦ ਮਾਣਿਆ।

Akali DalAkali Dal

ਬਾਦਲ ਨੇ ਅਕਾਲੀ ਦਲ ਵਿਚ ਸ਼ਾਮਲ ਹੋ ਕੇ ਪਹਿਲਾਂ ਦੇ ਰਵਾਇਤੀ ਜਥੇਦਾਰਾਂ ਨੂੰ ਪਿੱਛੇ ਕਰਨ ਦੀ ਨੀਤੀ ਅਪਣਾਈ। ਇਸ ਕਾਰਜ ਵਿਚ ਕਦੇ ਇਕ ਨੂੰ ਅਪਣੇ ਨਾਲ ਮਿਲਾਇਆ ਤੇ ਕਦੇ ਉਸ ਨੂੰ ਠਿੱਬੀ ਮਾਰਨ ਲਈ ਦੂਜੇ ਨਾਲ ਦੋਸਤੀ ਗੰਢ ਲਈ। ਮਿਸਾਲ ਦੇ ਤੌਰ ਉਤੇ ਹਰਚੰਦ ਸਿੰਘ ਲੌਂਗੋਵਾਲ, ਸੁਰਜੀਤ ਸਿੰਘ ਬਰਨਾਲਾ, ਗੁਰਚਰਨ ਸਿੰਘ ਟੌਹੜਾ, ਕਾਬਲ ਸਿੰਘ ਵਰਗੇ ਅਜਿਹੇ ਸਿਰਕੱਢ ਅਕਾਲੀ ਆਗੂ ਬਾਦਲ ਪ੍ਰਵਾਰ ਦੇ ਰਸਤੇ ਦਾ ਰੋੜਾ ਬਣੇ, ਕਿਸੇ ਨੂੰ ਪੁਚਕਾਰ ਕੇ ਜਾਂ ਝਿੜਕ ਕੇ ਲਾਂਭੇ ਕਰਨ ਦੀ ਨੀਤੀ ਵਿਚ ਪ੍ਰਕਾਸ਼ ਸਿੰਘ ਬਾਦਲ ਹਰ ਵਾਰ ਕਾਮਯਾਬ ਹੁੰਦੇ ਰਹੇ।

SGPCSGPC

ਉਨ੍ਹਾਂ ਅਕਾਲੀ ਦਲ ਵਲੋਂ ਪ੍ਰਵਾਨ ਕੀਤੇ ਗਏ ਆਨੰਦਪੁਰ ਸਾਹਿਬ ਦੇ ਮਤੇ ਦੀਆਂ ਸਾਰੀਆਂ ਮੰਗਾਂ ਸਮੇਤ ਪੰਥ ਨੂੰ ਦਰਪੇਸ਼ ਮੁਸ਼ਕਲਾਂ ਨੂੰ ਬਿਲਕੁਲ ਵਿਸਾਰ ਦਿਤਾ ਪਰ ਨਾਲ ਸੰਗਤਾਂ ਨੂੰ ਗੁਮਰਾਹ ਕਰਨ ਲਈ ਤਖ਼ਤਾਂ ਦੇ ਜਥੇਦਾਰਾਂ, ਸ਼੍ਰੋਮਣੀ ਕਮੇਟੀ ਤੇ ਹੋਰ ਸਿੱਖ ਸ਼ਕਲਾਂ ਵਾਲੀਆਂ ਸੰਸਥਾਵਾਂ ਜਾਂ ਜਥੇਬੰਦੀਆਂ ਦੀ ਵੀ ਖ਼ੂਬ ਦੁਰਵਰਤੋਂ ਕੀਤੀ।

Ranjit Singh BrahmpuraRanjit Singh Brahmpura

ਹੁਣ ਬਾਦਲ ਪ੍ਰਵਾਰ ਨੂੰ ਮਾਝੇ ਦੇ ਧੜੱਲੇਦਾਰ ਟਕਸਾਲੀ ਅਕਾਲੀ ਆਗੂ ਰਣਜੀਤ ਸਿੰਘ ਬ੍ਰਹਮਪੁਰਾ ਤੇ ਮਾਲਵੇ ਦੇ ਮੂਹਰਲੀ ਕਤਾਰ ਦੇ ਆਗੂ ਸੁਖਦੇਵ ਸਿੰਘ ਢੀਂਡਸਾ ਵਲੋਂ ਚੁਨੌਤੀ ਦਿਤੀ ਗਈ ਹੈ ਤੇ ਰਾਜਸੀ ਗਲਿਆਰਿਆਂ 'ਚ ਚਲਦੀਆਂ ਚਰਚਾਵਾਂ ਤੋਂ ਇਹ ਅੰਦਾਜ਼ਾ ਲਗਾਉਣਾ ਅਜੇ ਬੜਾ ਮੁਸ਼ਕਲ ਜਾਪਦਾ ਹੈ ਕਿ ਬਾਦਲਾਂ ਜਾਂ ਉਸ ਦੇ ਵਿਰੋਧੀਆਂ ਵਿਚੋਂ ਕਿਹੜੀ ਪਾਰਟੀ ਕਾਮਯਾਬ ਹੋਵੇਗੀ ਜਾਂ ਮਾਤ ਖਾ ਜਾਵੇਗੀ।

Spokesman's readers are very good, kind and understanding but ...Spokesman

 ਬਾਦਲਾਂ ਵਲੋਂ ਤਾਕਤ ਦੇ ਨਸ਼ੇ ਵਿਚ ਪੰਥ ਦੀ ਚੜ੍ਹਦੀਕਲਾ ਦੇ ਪ੍ਰਤੀਕ ਬਣ ਚੁੱਕੇ ਅਖ਼ਬਾਰ 'ਰੋਜ਼ਾਨਾ ਸਪੋਕਸਮੈਨ' ਨੂੰ ਬੰਦ ਕਰਾਉਣ, ਬਾਨੀ ਸੰਪਾਦਕ ਵਿਰੁਧ ਝੂਠੇ ਮਾਮਲੇ ਦਰਜ ਕਰਵਾਉਣ, ਸੌਦੇ ਸਾਧ ਦੇ ਚੇਲੇ-ਚੇਲੀਆਂ ਤੋਂ ਇਕੋ ਸਮੇਂਂ ਪੰਜਾਬ ਦੇ ਵੱਖ ਵੱਖ ਜ਼ਿਲ੍ਹਿਆਂ ਵਿਚ ਸਥਿਤ ਰੋਜ਼ਾਨਾ ਸਪੋਕਸਮੈਨ ਦੇ 7 ਸਬ-ਦਫ਼ਤਰ ਤਹਿਸ ਨਹਿਸ ਕਰਵਾਉਣ, ਪੱਤਰਕਾਰਾਂ ਦੀ ਬੇਇਜ਼ਤੀ ਵਰਗੀਆਂ ਸ਼ਰਮਨਾਕ ਘਟਨਾਵਾਂ ਨੂੰ ਅੰਜਾਮ ਦੇਣ ਵਾਲਿਆਂ ਵਿਰੁਧ ਕਾਰਵਾਈ ਕਰਨ ਦੀ ਜ਼ਰੂਰਤ ਹੀ ਨਾ ਸਮਝਣ ਵਰਗੀਆਂ ਬਹੁਤ ਸਾਰੀਆਂ ਹੋਰ ਉਦਾਹਰਣਾਂ ਦਿਤੀਆਂ ਜਾ ਸਕਦੀਆਂ ਹਨ।

Parkash Singh Badal And Sukhbir Singh Badal Parkash Singh Badal And Sukhbir Singh Badal

ਬਾਦਲਾਂ ਵਲੋਂ ਪੰਥ ਦਾ ਨੁਕਸਾਨ ਕਰਨ ਵਾਲੀਆਂ ਕੁੱਝ ਕੁ ਚੋਣਵੀਆਂ ਗੱਲਾਂ ਤੇ ਘਟਨਾਵਾਂ ਉਤੇ ਨਜ਼ਰ ਮਾਰੀ ਜਾਵੇ ਤਾਂ ਸੰਭਵ ਹੈ ਕਿ ਅਗਾਮੀ ਪੰਜਾਬ ਵਿਧਾਨ ਸਭਾ ਜਾਂ ਗੁਰਦਵਾਰਾ ਚੋਣਾ ਵਿਚ ਬਾਦਲ ਦਲ ਦੇ ਆਗੂਆਂ ਨੂੰ ਸਿੱਖ ਸੰਗਤਾਂ ਦੇ ਸਵਾਲਾਂ ਦੇ ਜਵਾਬ ਦੇਣ ਵਿਚ ਬੜੀ ਦਿੱਕਤ ਆਵੇਗੀ।
(ਬਾਕੀ ਅਗਲੇ ਹਫ਼ਤੇ)
ਸੰਪਰਕ :98728-10153,  ਗੁਰਿੰਦਰ ਸਿੰਘ ਕੋਟਕਪੂਰਾ

SHARE ARTICLE

ਸਪੋਕਸਮੈਨ ਸਮਾਚਾਰ ਸੇਵਾ

Advertisement

Punjab Weather Update: ਅਚਾਨਕ ਬਦਲਿਆ ਮੌਸਮ, ਪੈਣ ਲੱਗਾ ਮੀਂਹ, ਲੋਕਾਂ ਦੇ ਖਿੜੇ ਚਿਹਰੇ, ਵੇਖੋ ਦਿਲਾਂ ਨੂੰ ਠੰਢਕ .

20 Jun 2024 2:02 PM

Akali Dal 'ਤੇ Charanjit Brar ਦਾ ਮੁੜ ਵਾਰ, ਕੱਲੇ ਕੱਲੇ ਦਾ ਨਾਂਅ ਲੈ ਕੇ ਸਾਧਿਆ ਨਿਸ਼ਾਨਾ, ਵੇਖੋ LIVE

20 Jun 2024 1:36 PM

Amritsar Weather Update : Temperature 46 ਡਿਗਰੀ ਸੈਲਸੀਅਸ ਤੱਕ ਪਹੁੰਚਿਆ ਤਾਪਮਾਨ.. ਗਰਮੀ ਦਾ ਟੂਰਿਜ਼ਮ ’ਤੇ ਵੀ..

20 Jun 2024 1:02 PM

ਅੱਤ ਦੀ ਗਰਮੀ 'ਚ ਲੋਕਾਂ ਨੂੰ ਰੋਕ-ਰੋਕ ਪਾਣੀ ਪਿਆਉਂਦੇ Sub-Inspector ਦੀ ਸੇਵਾ ਦੇਖ ਤੁਸੀਂ ਵੀ ਕਰੋਗੇ ਦਿਲੋਂ ਸਲਾਮ

20 Jun 2024 11:46 AM

Bathinda News: ਇਹ ਪਿੰਡ ਬਣਿਆ ਮਿਸਾਲ 25 ਜੂਨ ਤੋਂ ਬਾਅਦ ਝੋਨਾ ਲਾਉਣ ਵਾਲੇ ਕਿਸਾਨਾਂ ਨੂੰ ਦੇ ਰਿਹਾ ਹੈ 500 ਰੁਪਏ

20 Jun 2024 10:16 AM
Advertisement