ਕੀ ਗੁਰੂ ਨਾਨਕ ਸਾਹਿਬ ਵੈਟੀਕਨ ਸਿਟੀ ਗਏ ਸਨ? ਇਤਿਹਾਸਕ ਦਸਤਾਵੇਜ਼ਾਂ ਤੇ ਇਤਿਹਾਸਕਾਰਾਂ ਦੀ ਮੰਨੀ ਜਾਵੇ ਤਾਂ ਗੁਰੂ ਨਾਨਕ ਸਾਹਿਬ ਸੰਨ 1518 ਈਸਵੀਂ ਵਿਚ...
ਤਰਨਤਾਰਨ : ਕੀ ਗੁਰੂ ਨਾਨਕ ਸਾਹਿਬ ਵੈਟੀਕਨ ਸਿਟੀ ਗਏ ਸਨ? ਇਤਿਹਾਸਕ ਦਸਤਾਵੇਜ਼ਾਂ ਤੇ ਇਤਿਹਾਸਕਾਰਾਂ ਦੀ ਮੰਨੀ ਜਾਵੇ ਤਾਂ ਗੁਰੂ ਨਾਨਕ ਸਾਹਿਬ ਸੰਨ 1518 ਈਸਵੀਂ ਵਿਚ ਵੈਟੀਕਨ ਗਏ ਸਨ ਜਿਸ ਨੂੰ ਵੈਟੀਕਨ ਸਿਟੀ ਵਿਚ ਸਥਿਤ ਪੌਪ ਦੇ ਦਫ਼ਤਰ ਨੇ ਵੀ ਤਸਦੀਕ ਕੀਤਾ ਹੈ। ਪੌਪ ਦੇ ਦਫ਼ਤਰ ਅਨੁਸਾਰ ਗੁਰੂ ਨਾਨਕ ਸਾਹਿਬ ਨਾਲ ਇਕ ਸਾਥੀ ਵੀ ਸੀ ਜਿਸ ਬਾਰੇ ਮੰਨਿਆ ਜਾਂਦਾ ਹੈ ਕਿ ਉਹ ਭਾਈ ਮਰਦਾਨਾ ਸਨ।
ਇਤਿਹਾਸ ਦੇ ਸਰੋਤ ਦਸਦੇ ਹਨ ਕਿ ਗੁਰੂ ਸਾਹਿਬ ਨਾਲ ਮਾਰਟਿਨ ਲੂਥਰ ਵੀ ਸੀ ਜੋ ਯੂਰਪ ਤੋਂ ਆਇਆ ਹੋਇਆ ਸੀ ਤੇ ਗੁਰੂ ਸਾਹਿਬ ਨੂੰ ਮੱਕਾ ਵਿਖੇ ਮਿਲਿਆ ਸੀ। ਮਾਰਟਿਨ ਲੂਥਰ ਅਰਬੀ ਭਾਸ਼ਾ ਦਾ ਵੀ ਗਿਆਤਾ ਸੀ ਤੇ ਉਸ ਨੇ ਪੌਪ ਤੇ ਗੁਰੂ ਨਾਨਕ ਸਾਹਿਬ ਦੀ ਗੱਲਬਾਤ ਨੂੰ ਅੰਗਰੇਜ਼ੀ ਤੋਂ ਅਰਬੀ ਅਤੇ ਅਰਬੀ ਤੋਂ ਅੰਗਰੇਜ਼ੀ ਵਿਚ ਤਰਜਮਾ ਕੀਤਾ। ਇਤਿਹਾਸਕ ਦਸਤਾਵੇਜ਼ ਦਸਦੇ ਹਨ ਕਿ 27 ਫ਼ਰਵਰੀ 2013 ਨੂੰ ਪੌਪ ਦੇ ਦਫ਼ਤਰ ਨੇ ਪੌਪ ਬੇਨਡੀਕਿਟ-12, ਆਰਕ ਆਫ਼ ਬਿਸ਼ਪ ਡੋਮ ਜੋਜ਼ ਰੋਨਾਲਡੋ ਰਿਬੈਰੋ ਦੀ ਹਾਜ਼ਰੀ ਵਿਚ ਇਹ ਗੱਲ ਸਵੀਕਾਰ ਕੀਤੀ
ਕਿ ਗੁਰੂ ਨਾਨਕ ਸਾਹਿਬ ਵੈਟੀਕਨ ਸਿਟੀ ਆਏ ਸਨ ਤੇ ਉਹ ਮੋਸੋਲੀਆ ਆਫ਼ ਓਲਡ ਸੈਂਟ ਪੀਟਰ ਬੇਸਿਲੀਨ ਵਿਚ ਕਈ ਦਿਨ ਰੁਕੇ ਸਨ। ਅਮਰੀਕਾ ਦੇ ਇਟਲੀ ਵਿਚ ਰਾਜਦੂਤ ਰਹੇ ਥਾਮਸ ਨੈਲਸਨ ਨੇ ਅਪਣੀ ਕਿਤਾਬ ਜੋ 'ਨੈਲਸਨ ਇਨਸਾਈਕਲੋਪੀਡੀਆ' ਨਾਮ ਨਾਲ ਮਸ਼ਹੂਰ ਹੈ ਤੇ ਜੋ 1920 ਦੇ ਆਸ ਪਾਸ ਪ੍ਰਕਾਸ਼ਤ ਹੋਈ ਸੀ, ਵਿਚ ਵੀ ਬਾਬੇ ਨਾਨਕ ਦੀ ਇਸ ਫੇਰੀ ਦਾ ਜ਼ਿਕਰ ਮਿਲਦਾ ਹੈ।
ਕਿਹਾ ਜਾਂਦਾ ਹੈ ਕਿ ਗੁਰੂ ਨਾਨਕ ਸਾਹਿਬ ਨੇ ਉਸ ਵੇਲੇ ਦੇ ਪੌਪ ਨੂੰ ਸਮਝਾਇਆ ਸੀ ਕਿ ਹਰ ਵਿਅਕਤੀ ਇਕ ਸਮਾਨ ਹੈ ਤੇ ਉਸ ਵੇਲੇ ਅੰਗਰੇਜ਼ਾਂ ਵਿਚ ਚਲਦੀ ਦਾਸ ਪ੍ਰਥਾ ਦਾ ਗੁਰੂ ਸਾਹਿਬ ਨੇ ਡੱਟ ਕੇ ਵਿਰੋਧ ਕੀਤਾ ਸੀ। ਗੁਰੂ ਸਾਹਿਬ ਨਾਲ ਹੋਈ ਗੱਲਬਾਤ ਤੋਂ ਬਾਅਦ ਹੀ ਪੌਪ ਨੇ ਦਾਸ ਪ੍ਰਥਾ ਖ਼ਤਮ ਕਰਨ ਲਈ ਅਪਣਾ ਬਿਆਨ ਜਾਰੀ ਕੀਤਾ ਸੀ।
