Sikh History of June 6th : ਦਰਬਾਰ ਸਾਹਿਬ ’ਚ ਫ਼ੌਜ ਦਾ ‘ਆਪ੍ਰੇਸ਼ਨ ਬਲੂਸਟਾਰ’ ਹੋਇਆ ਸੀ ਖ਼ਤਮ
Sikh History of June 6th, 'Operation Bluestar' Latest news in Punjabi ‘ਆਪ੍ਰੇਸ਼ਨ ਬਲੂਸਟਾਰ’ ਦਾ 6 ਜੂਨ ਦਾ ਸਿੱਖ ਇਤਿਹਾਸ। ਇਸ ਦਿਨ ਅੰਮ੍ਰਿਤਸਰ ਵਿਚ ਫ਼ੌਜ ਦਾ ਆਪ੍ਰੇਸ਼ਨ ਬਲੂਸਟਾਰ ਖ਼ਤਮ ਹੋਇਆ ਸੀ। 5 ਜੂਨ 1984 ਨੂੰ ਤਤਕਾਲੀ ਪ੍ਰਧਾਨ ਮੰਤਰੀ ਇੰਦਰਾ ਗਾਂਧੀ ਦੇ ਹੁਕਮ 'ਤੇ ਫ਼ੌਜ ਅੰਮ੍ਰਿਤਸਰ ਦੇ ਦਰਬਾਰ ਸਾਹਿਬ ਵਿਚ ਦਾਖ਼ਲ ਹੋਈ। ਜਰਨੈਲ ਸਿੰਘ ਭਿੰਡਰਾਂਵਾਲੇ ਅਤੇ ਖ਼ਾਲਿਸਤਾਨ ਪੱਖੀ ਕੱਟੜਪੰਥੀਆਂ ਨੇ ਫ਼ੌਜ ਦੀ ਇਸ ਹਰਕਤ 'ਤੇ ਵਿਰੋਧ ਕੀਤਾ ਅਤੇ ਬਾਅਦ ਵਿਚ ਗੋਲੀਬਾਰੀ ਕੀਤੀ।
ਇਤਿਹਾਸ ਵਿਚ ਹਰ ਦਿਨ ਕਿਸੇ ਨਾ ਕਿਸੇ ਮਹੱਤਵਪੂਰਨ ਘਟਨਾ ਨਾਲ ਜੁੜਿਆ ਹੁੰਦਾ ਹੈ। 6 ਜੂਨ ਵੀ ਇਕ ਅਜਿਹੀ ਤਾਰੀਖ਼ ਹੈ, ਜਿਸ ਦਿਨ ਕਈ ਵੱਡੀਆਂ ਘਟਨਾਵਾਂ ਨੇ ਦੇਸ਼ ਅਤੇ ਦੁਨੀਆ 'ਤੇ ਅਪਣੀ ਛਾਪ ਛੱਡੀ ਹੈ। 6 ਜੂਨ ਦਾ ਦਿਨ ਸਿੱਖਾਂ ਨੂੰ ਡੂੰਘਾ ਜ਼ਖ਼ਮ ਦੇ ਕੇ ਇਤਿਹਾਸ ਵਿਚ ਚਲਾ ਗਿਆ। ਇਸ ਦਿਨ ਦਰਬਾਰ ਸਾਹਿਬ ਵਿਚ ਫ਼ੌਜ ਦਾ ‘ਆਪ੍ਰੇਸ਼ਨ ਬਲੂਸਟਾਰ’ ਖਤਮ ਹੋਇਆ।
ਜਰਨੈਲ ਸਿੰਘ ਭਿੰਡਰਾਂਵਾਲੇ ਅਤੇ ਖ਼ਾਲਿਸਤਾਨ ਪੱਖੀ ਕੱਟੜਪੰਥੀਆਂ ਨੇ ਅਕਾਲ ਤਖ਼ਤ ਦਰਬਾਰ ਸਾਹਿਬ ਵੱਲ ਵਧਦੀ ਫ਼ੌਜ ਦਾ ਸਖ਼ਤ ਵਿਰੋਧ ਕੀਤਾ ਅਤੇ ਇਸ ਦੌਰਾਨ ਦੋਵਾਂ ਪਾਸਿਆਂ ਤੋਂ ਭਾਰੀ ਗੋਲੀਬਾਰੀ ਹੋਈ। ਭਾਰੀ ਖ਼ੂਨ-ਖਰਾਬੇ ਦੇ ਵਿਚਕਾਰ, ਅਕਾਲ ਤਖ਼ਤ ਨੂੰ ਭਾਰੀ ਨੁਕਸਾਨ ਪਹੁੰਚਿਆ ਅਤੇ ਕਈ ਸਦੀਆਂ ਵਿਚ ਪਹਿਲੀ ਵਾਰ, ਦਰਬਾਰ ਸਾਹਿਬ ਵਿਚ ਗੁਰੂ ਗ੍ਰੰਥ ਸਾਹਿਬ ਦਾ ਪਾਠ ਨਹੀਂ ਕੀਤਾ ਜਾ ਸਕਿਆ। ਪਾਠ ਨਾ ਹੋਣ ਦਾ ਇਹ ਸਿਲਸਿਲਾ 6, 7 ਅਤੇ 8 ਜੂਨ ਤਕ ਜਾਰੀ ਰਿਹਾ।
