ਬਾਦਲ-ਵਿਰੋਧੀ ਸਰਗਰਮ ਪਰ ਬਾਦਲਕੇ ਵੀ ਚੋਣਾਂ ਰੋਕਣ ਲਈ ਓਨੇ ਹੀ ਸਰਗਰਮ
ਅੰਮ੍ਰਿਤਸਰ : ਸਿੱਖਾਂ ਦੀ ਮਹਾਨ ਸੰਸਥਾ ਸ਼੍ਰੋਮਣੀ ਗੁਰਦਵਾਰਾ ਪ੍ਰਬੰਧਕ ਕਮੇਟੀ ਦੀ ਚੋਣ ਕਰਵਾਉਣ ਦਾ ਮੁੱਦਾ ਗਰਮਾਇਆ ਹੈ।
Photo
ਮਿਲੇ ਵੇਰਵਿਆਂ ਮੁਤਾਬਕ ਸੁਖਦੇਵ ਸਿੰਘ ਢੀਂਡਸਾ ਦੀ ਅਗਵਾਈ ਹੇਠ ਉਨ੍ਹਾਂ ਨਾਲ ਜੁੜੇ, ਅਕਾਲੀ ਦਲ 1920 ਦੇ ਪ੍ਰਧਾਨ ਰਵੀਇੰਦਰ ਸਿੰਘ ਸਾਬਕਾ ਸਪੀਕਰ, ਅਕਾਲੀ ਦਲ ਟਕਸਾਲੀ, ਭਾਈ ਰਣਜੀਤ ਸਿੰਘ ਸਾਬਕਾ ਜਥੇਦਾਰ, ਬਾਬਾ ਸਰਬਜੋਤ ਸਿੰਘ ਬੇਦੀ, ਆਲ ਇੰਡੀਆ ਸਿੱਖ ਸਟੂਡੈਂਟਸ ਫ਼ੈਡਰੇਸ਼ਨ ਪ੍ਰਧਾਨ ਮਨਜੀਤ ਸਿੰਘ ਭੋਮਾ, ਬਲਵਿੰਦਰ ਸਿੰਘ ਜੰਮੂ ਆਦਿ ਇਕ ਮੰਚ ਬਾਦਲਾਂ ਵਿਰੁਧ ਬਣਾਉਣਗੇ ਅਤੇ ਬਕਾਇਦਾ ਪਾਰਟੀ ਢਾਂਚਾ ਬਣਾਉਣ ਦੇ ਨਾਲ-ਨਾਲ, ਅਪਣਾ ਦ੍ਰਿਸ਼ਟੀਕੋਣ ਜਨਤਕ ਕਰਨ ਬਾਅਦ ਸੱਭ ਤੋਂ ਪਹਿਲਾਂ ਸ਼੍ਰੋਮਣੀ ਕਮੇਟੀ ਚੋਣਾਂ ਲਈ ਇਕ ਅਹਿਮ ਨੀਤੀ ਘੜਣਗੇ।
Photo
ਜਿਸ ਵਾਸਤੇ ਉਹ ਹਮਖਿਆਲੀ ਪੰਥਕ ਧਿਰਾਂ ਦਾ ਸਹਿਯੋਗ ਲੈਣ ਉਪਰੰਤ ਆਮ ਤੇ ਸਿੱਖਾਂ ਤਕ ਪਹੁੰਚ ਕਰਨਗੇ। ਵਿਰੋਧੀ ਸੁਖਦੇਵ ਸਿੰਘ ਢੀਂਡਸਾ ਤੇ ਉਨ੍ਹਾਂ ਦੇ ਹਮਾਇਤੀ ਇਹ ਚੋਣ ਕਰਵਾਉਣ ਲਈ ਹਰ ਹੀਲਾ ਵਰਤਣ ਦੇ ਦਾਅਵੇ ਕਰ ਰਹੇ ਹਨ। ਦੂਸਰੇ ਪਾਸੇ ਸ਼੍ਰੋਮਣੀ ਅਕਾਲੀ ਦਲ 'ਤੇ ਕਾਬਜ਼ ਬਾਦਲ ਪਰਵਾਰ ਸਿੱਖਾਂ ਦੀ ਮਿੰਨੀ ਸੰਸਦ ਦੀ ਚੋਣ ਨਾ ਹੋਣ ਦੇਣ ਲਈ ਅਪਣਾ ਰਸੂਖ਼ ਵਰਤ ਰਿਹਾ ਹੈ। ਬਾਦਲਾਂ ਦੀ ਸਾਂਝ ਭਾਜਪਾ ਨਾਲ ਹੋਣ ਕਰ ਕੇ ਮੋਦੀ ਹਕੂਮਤ ਅਜੇ ਉਨ੍ਹਾਂ ਦੀ ਮੰਨ ਰਹੀ ਹੈ।
Photo
ਇਸ ਦੀ ਚੋਣ ਕਰਵਾਉਣ ਲਈ ਸੱਭ ਤੋਂ ਪਹਿਲਾਂ ਚੋਣ ਕਮਿਸ਼ਨ ਦੀ ਨਿਯੁਕਤੀ ਕੇਂਦਰ ਸਰਕਾਰ ਨੇ ਕਰਨੀ ਹੈ। ਇਹ ਦਫ਼ਤਰ ਇਸ ਵੇਲੇ ਬੰਦ ਹੈ। ਪੰਥਕ ਲੀਡਰਸ਼ਿਪ ਦਾ ਦੋਸ਼ ਹੈ ਕਿ ਇਸ ਮਹਾਨ ਸੰਸਥਾ ਦੀ ਚੋਣ ਪੰਜਾਬੀ ਸੂਬਾ ਬਣਨ ਬਾਅਦ ਕਦੇ ਵੀ ਨਿਸ਼ਚਤ ਸਮੇਂ 'ਤੇ ਨਹੀਂ ਹੋਈ।
Photo
ਸੁਪਰੀਮ ਕੋਰਟ ਵਿਚ ਕੇਸ ਹੋਣ ਕਰ ਕੇ ਇਸ ਦੀ ਚੋਣ ਕਰਵਾਉਣ ਲਈ ਮੋਦੀ ਸਰਕਾਰ ਕੋਲ ਪਹੁੰਚ ਕਰਨ, ਅਦਾਲਤੀ ਕੇਸ ਦਾ ਨਿਪਟਾਰਾ ਹੋਣ ਬਾਅਦ ਹਰਿਆਣਾ ਦੇ ਸਿੱਖਾਂ ਨੂੰ ਮਿਲਣਾ ਪੈਣਾ ਹੈ। ਜੋ ਹਰਿਆਣਾ ਦੀ ਵਖਰੀ ਕਮੇਟੀ ਬਣਾਉਣ ਲਈ ਕੇਸ ਲੜ ਰਹੇ ਹਨ। ਇਸ ਤੋਂ ਸਪਸ਼ਟ ਹੈ ਕਿ ਬਾਦਲ ਪਰਵਾਰ ਨੇ ਸਿੱਖ ਸੰਗਠਨਾਂ ਨੂੰ ਜੱਫਾ ਮਾਰਿਆ ਹੈ। ਬਾਦਲ ਪਰਵਾਰ ਤੋਂ ਕਬਜ਼ਾ ਛੁਡਵਾਉਣ ਲਈ ਤਿੱਖੇ ਘੋਲ ਦੀ ਲੋੜ ਹੈ।
