ਦਿੱਲੀ ਵਿਚ ਨਾਨਕਸ਼ਾਹ ਫ਼ਕੀਰ ਫ਼ਿਲਮ ਦਾ ਵਿਰੋਧ
Published : Apr 9, 2018, 12:45 pm IST
Updated : Apr 9, 2018, 12:45 pm IST
SHARE ARTICLE
nanak shah fakir
nanak shah fakir

ਸਿੱਖ ਨੌਜਵਾਨਾਂ ਨੇ ਆਪੋ ਆਪਣੇ ਪੱਧਰ 'ਤੇ ਦਿੱਲੀ ਦੇ ਸਿਨੇਮਾ ਨੁਮਾਇੰਦਿਆਂ ਨੂੰ ਮੰਗ ਪੱਤਰ ਦੇ ਕੇ,  ਅਗਲੇ ਹਫ਼ਤੇ ਫ਼ਿਲਮ ਜਾਰੀ ਨਾ ਕਰਨ ਦੀ ਮੰਗ ਕੀਤੀ।

ਨਵੀਂ ਦਿੱਲੀ: (ਅਮਨਦੀਪ ਸਿੰਘ) ਸ਼੍ਰੋਮਣੀ ਕਮੇਟੀ ਵਲੋਂ ਵਿਵਾਦਾਂ ਵਿਚ ਘਿਰੀ ਫ਼ਿਲਮ 'ਨਾਨਕਸ਼ਾਹ ਫ਼ਕੀਰ' ਨੂੰ ਦਿਤੀ ਕਲੀਨ ਚਿੱਟ ਵਾਪਸ ਲੈਣ ਪਿਛੋਂ ਦਿੱਲੀ ਵਿਚ ਵੀ ਇਸ ਫ਼ਿਲਮ ਦਾ ਵਿਰੋਧ  ਸ਼ੁਰੂ ਹੋ ਚੁਕਾ ਹੈ।
' ਜੱਥਾ ਸ਼੍ਰੀ ਅਕਾਲ ਤਖ਼ਤ ਸਾਹਿਬ' ਦਿੱਲੀ ਯੂਨਿਟ ਮੁਹਿੰਮ ਅਧੀਨ ਸਿੱਖ ਨੌਜਵਾਨਾਂ ਨੇ ਆਪੋ ਆਪਣੇ ਪੱਧਰ 'ਤੇ ਦਿੱਲੀ ਦੇ ਮੁਖ ਸਿਨੇਮਾਘਰਾਂ ਵਿਚ ਜਾ ਕੇ, ਉਥੇ ਸਿਨੇਮਾ ਨੁਮਾਇੰਦਿਆਂ ਨੂੰ ਮੰਗ ਪੱਤਰ ਦੇ ਕੇ,  ਅਗਲੇ ਹਫ਼ਤੇ ਫ਼ਿਲਮ ਜਾਰੀ ਨਾ ਕਰਨ ਦੀ ਮੰਗ ਕੀਤੀ।
'ਸਪੋਕਸਮੈਨ' ਨਾਲ ਗੱਲਬਾਤ ਕਰਦੇ ਹੋਏ ਸ.ਦਮਨਦੀਪ ਸਿੰਘ ਨੇ ਦਸਿਆ, "ਅਸੀਂ ਸਿਨੇਮਾ ਘਰਾਂ ਦੇ ਨੁਮਾਇੰਦਿਆਂ ਨੂੰ ਬੇਨਤੀ ਪੱਤਰ ਦੇ ਕੇ ਕਿਹਾ ਹੈ ਕਿ ਇਹ ਫ਼ਿਲਮ ਸਿੱਖਾਂ ਦੇ ਸਿਧਾਂਤਾਂ 'ਤੇ ਸੱਟ ਮਾਰਦੀ ਹੈ ਇਸ ਲਈ ਇਸਨੂੰ ਪਰਦਾਪੇਸ਼ ਨਾ ਕੀਤਾ ਜਾਵੇ।"
ਵਾਈਸ ਆਫ ਵਾਈਸ ਜੱਥੇਬੰਦੀ ਦੇ ਮਨਪ੍ਰੀਤ ਸਿੰਘ, ਸ਼੍ਰੋਮਣੀ ਯੂਥ ਅਕਾਲ ਦਲ ਦਿੱਲੀ ਦੇ ਸਾਬਕਾ ਪ੍ਰਧਾਨ ਸ.ਦਮਨਦੀਪ ਸਿੰਘ, ਸ.ਮਨਮੀਤ ਸਿੰਘ, ਸ.ਪਰਮਵੀਰ ਸਿੰਘ, ਮਨਮੀਤ ਸਿੰਘ ਤੇ ਹੋਰ ਨੌਜਵਾਨਾਂ ਨੇ ਕਈ ਸਿਨੇਮਾ ਘਰਾਂ ਵਿਚ ਨਾਨਕਸ਼ਾਹ ਫ਼ਕੀਰ ਫ਼ਿਲਮ ਦੇ ਫਲੈਕਸ ਵੀ ਲੁਹਾ ਦਿਤੇ। ਨਰੈਣਾ, ਮੋਤੀ ਨਗਰ ਫਨ, ਵੈਵ ਸਿਨੇਮਾ, ਮੂਵੀ ਟਾਈਮ, ਪੈਸੀਫਿਕ ਮਾਲ, ਸੁਭਾਸ਼ ਨਗਰ ਤੇ ਹੋਰ ਸਿਨੇਮਿਆਂ ਵਿਚ ਜਾ ਕੇ, ਨੌਜਵਾਨਾਂ ਨੇ ਮੰਗ ਪੱਤਰ ਦਿਤੇ।
' ਜੱਥਾ ਸ਼੍ਰੀ ਅਕਾਲ ਤਖ਼ਤ ਸਾਹਿਬ' ਦਿੱਲੀ ਯੂਨਿਟ' ਦੇ ਲੈਟਰਹੈੱਡ 'ਤੇ ਸਿਨੇਮਾ ਘਰਾਂ ਨੂੰ ਦਿਤੇ ਬੇਨਤੀ ਪੱਤਰਾਂ ਵਿਚ ਕਿਹਾ ਗਿਆ ਹੈ, 'ਜਿਸ ਤਰ੍ਹਾਂ ਇਸਲਾਮ ਵਿਚ ਮੁਹੰਮਦ ਸਾਹਬ ਦੀ ਫ਼ੋਟੋਆਂ ਨਹੀਂ ਚਿਤਵੀਆਂ ਜਾ ਸਕਦੀਆਂ, ਉਸੇ ਤਰ੍ਹਾਂ ਸਿੱਖ ਧਰਮ ਵਿਚ ਵੀ ਗੁਰੂਆਂ ਦੀਆਂ ਫ਼ੋਟੋਆਂ ਦੀ ਮਨਾਹੀ ਹੈ। ਸਿੱਖਾਂ ਦੇ ਰੋਸ ਪਿਛੋਂ ਵੀ ਫਿਲਮ ਪਰਦਾਪੇਸ਼ ਹੋਣ ਦੀ ਸੂਰਤ ਵਿਚ ਸਿਨੇਮਾ ਘਰ ਜ਼ਿੰਮੇਵਾਰ ਹੋਣਗੇ।'

Location: India, Delhi

SHARE ARTICLE

ਸਪੋਕਸਮੈਨ ਸਮਾਚਾਰ ਸੇਵਾ

Advertisement

kartik baggan murder Case : ਦੇਖੋ ਕਿਵੇਂ ਕੀਤਾ ਗਿਆ Ludhiana Influencer Kartik Baggan ਦਾ murder

28 Aug 2025 2:56 PM

Punjab Flood Rescue Operation : ਲੋਕਾਂ ਦੀ ਜਾਨ ਬਚਾਉਣ ਲਈ ਪਾਣੀ 'ਚ ਉਤਰਿਆ ਫੌਜ ਦਾ 'HULK'

28 Aug 2025 2:55 PM

Gurdwara Sri Kartarpur Sahib completely submerged in water after heavy rain Pakistan|Punjab Floods

27 Aug 2025 3:16 PM

400 ਬੱਚਿਆਂ ਦੇ ਮਾਂ-ਪਿਓ ਆਏ ਕੈਮਰੇ ਸਾਹਮਣੇ |Gurdaspur 400 students trapped as floodwaters |Punjab Floods

27 Aug 2025 3:13 PM

'ਅਕਾਲੀਆਂ ਦੇ ਝੂਠ ਦਾ ਪਰਦਾਫ਼ਾਸ਼, Video Edit ਕਰਕੇ Giani harpreet singh ਨੂੰ ਕੀਤਾ ਗਿਆ ਬਦਨਾਮ'| Sukhbir Badal

24 Aug 2025 3:07 PM
Advertisement