Advertisement

ਕਰਤਾਰਪੁਰ ਲਾਂਘੇ ਦੇ ਖੁਲ੍ਹਣ 'ਤੇ ਭਾਰਤ-ਪਾਕਿ ਸਰਹੱਦ ਤੇ ਆਖ਼ਰੀ ਸ਼ੁਕਰਾਨਾ ਅਰਦਾਸ ਹੋਈ

ਸਪੋਕਸਮੈਨ ਸਮਾਚਾਰ ਸੇਵਾ
Published Nov 14, 2019, 4:04 am IST
Updated Nov 14, 2019, 4:04 am IST
ਲਾਂਘਾ ਖੁਲ੍ਹਵਾਉਣ ਲਈ ਗੁਰੂ ਸਾਹਿਬ ਵਲੋਂ ਕੀਤੇ ਚਮਤਕਾਰ ਦਾ ਕੋਟਿਨ ਕੋਟ ਸ਼ੁਕਰਾਨਾ ਕੀਤਾ।
Thanks prayer on Indo-Pak Border at opening of Kartarpur corridor
 Thanks prayer on Indo-Pak Border at opening of Kartarpur corridor

ਅੰਮ੍ਰਿਤਸਰ : ਗੁਰਦਵਾਰਾ ਕਰਤਾਰਪੁਰ ਸਾਹਿਬ ਦੇ ਲਾਂਘੇ ਲਈ ਜਦੋ ਜਹਿਦ ਕਰ ਰਹੀ ਜਥੇਬੰਦੀ ਕਰਤਾਰਪੁਰ ਲਾਂਘਾ ਕਾਰਪੋਰੇਸ਼ਨ ਨੇ ਕਲ ਪੁਨਿਆ ਦੇ ਦਿਹਾੜੇ 'ਤੇ ਭਾਰਤ-ਪਾਕਿ ਸਰਹੱਦ 'ਤੇ ਅਪਣੀ ਆਖ਼ਰੀ ਅਰਦਾਸ ਕੀਤੀ ਅਤੇ ਲਾਂਘਾ ਖੁਲ੍ਹਵਾਉਣ ਲਈ ਗੁਰੂ ਸਾਹਿਬ ਵਲੋਂ ਕੀਤੇ ਚਮਤਕਾਰ ਦਾ ਕੋਟਿਨ ਕੋਟ ਸ਼ੁਕਰਾਨਾ ਕੀਤਾ। ਧੁੱਸੀ 'ਤੇ ਸੰਗਤ ਨੂੰ ਸੰਬੋਧਨ ਹੁੰਦਿਆਂ ਜਥੇਬੰਦੀ ਦੇ ਮੁਖੀ ਰਘਬੀਰ ਸਿੰਘ ਨੇ ਅੰਦੋਲਨ ਦਾ ਪਿਛਲਾ ਇਤਿਹਾਸ ਵੀ ਦੁਹਰਾਇਆ।

Kartarpur Sahib Kartarpur Corridor

Advertisement

ਉਨ੍ਹਾਂ ਦਸਿਆ ਕਿ ਜਥੇਦਾਰ ਵਡਾਲਾ ਨੂੰ ਲਾਂਘਾ ਅੰਦੋਲਨ ਲਈ ਪ੍ਰੇਰਣ ਲਈ ਉਨ੍ਹਾਂ ਵੀ ਭੂਮਿਕਾ ਨਿਭਾਈ ਸੀ ਅਤੇ 28 ਫ਼ਰਵਰੀ 2001 ਨੂੰ ਦੂਸਰੇ ਸੱਜਣਾਂ ਨਾਲ ਬੁਰਜ ਸਾਹਿਬ ਧਾਰੀਵਾਲ ਜਾ ਕੇ ਵਡਾਲਾ ਨੂੰ ਇਸ ਪਵਿੱਤਰ ਕੰਮ ਲਈ ਮਨਾਇਆ ਸੀ ਅਤੇ 2003 ਤਕ ਵਡਾਲਾ ਸਾਹਿਬ ਦੇ ਨਾਲ ਹੀ ਰਹੇ। ਬੀ.ਐਸ.ਗੁਰਾਇਆ ਨਾਲ ਮਿਲ ਕੇ ਸੰਗਤ ਲਾਂਘਾ ਕਰਤਾਰਪੁਰ ਜਥੇਬੰਦੀ ਬਣਾਈ ਅਤੇ ਅਰਦਾਸਾਂ ਦਾ ਸਿਲਸਿਲਾ ਜਾਰੀ ਰਖਿਆ। ਕੈਲੰਡਰ ਛਪਵਾਉਣ ਵਿਚ ਵੀ ਗੁਰਾਇਆ ਦੀ ਮਾਇਕ ਮਦਦ ਕਰਦੇ ਰਹੇ। ਥਾਂ-ਥਾਂ ਕੈਲੰਡਰ ਅਤੇ ਪਰਚੇ ਵੰਡੇ। ਕੁੱਝ ਸਮੇਂ ਬਾਅਦ ਗੁਰਾਇਆ ਤੋਂ ਵੱਖ ਹੋ ਪੂਰਨਮਾਸ਼ੀ ਤੇ ਅਰਦਾਸ ਕਰਨੀ ਸ਼ੁਰੂ ਕਰ ਦਿਤੀ।

Kartarpur Sahib Kartarpur Sahib Gurdwara

ਰਘਬੀਰ ਸਿੰਘ ਨੇ ਫਿਰ ਸਰਕਾਰ ਨੂੰ ਅਪੀਲ ਕੀਤੀ ਕਿ ਪਾਕਿਸਤਾਨ ਜਾਣ ਵਾਸਤੇ ਪਾਸਪੋਰਟ ਦੀ ਸ਼ਰਤ ਹਟਾਈ ਜਾਏ। ਖ਼ਾਸ ਕਰ ਜਦੋਂ ਕਿ ਬੇਗਾਨਾ ਮੁਲਕ ਬਿਨਾਂ ਪਾਸਪੋਰਟ ਲਾਂਘਾ ਦੇਣ ਨੂੰ ਤਿਆਰ ਹੈ ਤਾਂ ਅਪਣੀ ਸਰਕਾਰ ਨੂੰ ਆਧਾਰ ਕਾਰਡ ਦੇ ਆਧਾਰ 'ਤੇ ਦਾਖ਼ਲਾ ਦੇਣ ਵਿਚ ਕੀ ਮੁਸ਼ਕਲ ਹੈ? ਉਨ੍ਹਾਂ ਦਾ ਦੋਸ਼ ਹੈ ਕਿ ਇਹ ਸਰਾਸਰ ਗ਼ਰੀਬ ਸਿੱਖਾਂ ਨਾਲ ਬੇਇਨਸਾਫ਼ੀ ਹੈ ਜਿਨ੍ਹਾਂ ਕੋਲ ਪਾਸਪੋਰਟ ਨਹੀਂ ਹਨ। ਉਨ੍ਹਾਂ ਨਾਲ ਹੀ ਸਵਾਲ ਕੀਤਾ ਕਿ ਜੇ ਆਧਾਰ ਕਾਰਡ 'ਤੇ ਸਰਕਾਰ ਨੂੰ ਭਰੋਸਾ ਨਹੀਂ ਤਾਂ ਇਹ ਕਿਉਂ ਬਣਵਾ ਰਹੀ ਹੈ?

Kartarpur Sahib Kartarpur Sahib Gurdwara

ਆਖ਼ਰੀ ਸ਼ੁਕਰਾਨਾ ਅਰਦਾਸ ਮੌਕੇ ਰਘਬੀਰ ਸਿੰਘ, ਬਲਬੀਰ ਸਿੰਘ ਢੀਂਗਰਾ- ਜਨਰਲ ਸਕੱਤਰ, ਕਰਤਾਰ ਸਿੰਘ ਬਹਾਦਰ ਹੁਸੈਨ, ਰਜਿੰਦਰ ਸਿੰਘ ਪੰਡੋਰੀ, ਗੁਰਮੇਜ ਸਿੰਘ ਉਦੋਕੇ, ਸੁਲੱਖਣ ਸਿੰਘ ਸੰਗਤਪੁਰਾ, ਸਰਬਜੀਤ ਸਿੰਘ ਕਲਸੀ, ਡਾ. ਸੁਖਪਾਲ ਸਿੰਘ, ਸਤਪਾਲ ਸਿੰਘ ਦਿਆਲ-ਭੱਟੀ, ਗੁਰਮੀਤ ਸਿੰਘ ਬਾਜਵਾ ਅਤੇ ਅਮਰਜੀਤ ਸਿੰਘ ਗੁਲਾਟੀ ਅਤੇ ਦਸ਼ਮੇਸ਼ ਐਵਨਿਊ ਕਲੋਨੀ ਅੰਮ੍ਰਿਤਸਰ ਦੇ ਹੋਰ ਵੀ ਕਈ ਸੱਜਣ ਹਾਜ਼ਰ ਸਨ।

Location: India, Punjab, Amritsar
Advertisement

 

Advertisement
Advertisement