ਅੰਮ੍ਰਿਤਸਰ,
20 ਸਤੰਬਰ (ਸੁਖਵਿੰਦਰਜੀਤ ਸਿੰਘ ਬਹੋੜੂ) : ਖਾਲੜਾ ਮਿਸ਼ਨ ਆਰਗੇਨਾਈਜ਼ੇਸ਼ਨ ਦੇ ਮੀਤ
ਪ੍ਰਧਾਨ ਵਿਰਸਾ ਸਿੰਘ ਬਹਿਲਾ, ਕਾਨੂੰਨੀ ਸਲਾਹਕਾਰ ਐਡਵੋਕੇਟ ਜਗਦੀਪ ਸਿੰਘ ਰੰਧਾਵਾ,
ਸਤਵਿੰਦਰ ਸਿੰਘ ਪਲਾਸੋਰ ਅਤੇ ਪੰਜਾਬ ਮਨੁੱਖੀ ਅਧਿਕਾਰ ਸੰਗਠਨ ਦੇ ਡਿਪਟੀ ਚੇਅਰਮੈਨ
ਕ੍ਰਿਪਾਲ ਸਿੰਘ ਰੰਧਾਵਾ, ਲਾਇਰਜ਼ ਫ਼ਾਰ ਹਿਊਮਨ ਐਂਡ ਡੈਮੋਕਰੇਟਿਕ ਰਾਈਟਸ ਦੇ ਪ੍ਰਧਾਨ
ਬਲਵੰਤ ਸਿੰਘ ਐਡਵੋਕੇਟ ਨੇ ਕਿਹਾ ਕਿ ਮੀਆਂਮਾਰ ਅੰਦਰ ਰੋਹਿੰਗੀਆਂ ਮੁਸਲਮਾਨਾਂ ਦੀ ਕੀਤੀ
ਜਾ ਰਹੀ ਕੁੱਲਨਾਸ਼ ਨੇ ਇਕ ਵਾਰ ਫਿਰ 1947, 1984, 2002 ਚੇਤੇ ਕਰਾ ਦਿਤੇ ਹਨ। ਲਗਭਗ 4
ਲੱਖ 21 ਹਜ਼ਾਰ ਲੋਕ ਹਿਜ਼ਰਤ ਕਰ ਕੇ ਬੰਗਲਾਦੇਸ਼ ਪਹੁੰਚ ਚੁੱਕੇ ਹਨ।
ਆਗੂਆਂ ਨੇ ਕਿਹਾ ਕਿ ਆਰਐਸਐਸ ਨੂੰ ਮੁਤੱਸਬੀਪੁਣਾ ਛੱਡ ਕੇ ਮਨੁੱਖਤਾਵਾਦੀ ਪਹੁੰਚ ਨੂੰ ਅਪਣਾਉਣਾ ਚਾਹੀਦਾ ਹੈ।
ਭਾਰਤ
ਸਰਕਾਰ ਦੀ ਮੁਤਸਵੀ ਪਹੁੰਚ ਨੇ ਦਰਬਾਰ ਸਾਹਿਬ 'ਤੇ ਹੋਇਆ ਫ਼ੌਜੀ ਹਮਲਾ ਨਵੰਬਰ 1984
ਕਤਲੇਆਮ, ਝੂਠੇ ਮੁਕਾਬਲੇ, ਗੁਜਰਾਤ ਕਤਲੇਆਮ ਚੇਤੇ ਕਰਾ ਦਿਤੇ ਹਨ। ਪਿਛਲੇ 10 ਸਾਲਾਂ
ਅੰਦਰ ਇਨ੍ਹਾਂ ਰਿਫ਼ਊਜੀਆਂ ਵਿਰੁਧ ਅਤਿਵਾਦ ਦਾ ਇਕ ਵੀ ਕੇਸ ਦਰਜ ਨਹੀਂ ਹੋਇਆ। ਭਾਜਪਾ ਅਤੇ
ਆਰ.ਐਸ.ਐਸ. ਰਾਜਨੀਤਿਕ ਮਨੋਰਥਾ ਲਈ ਇਨ੍ਹਾਂ ਰਿਫ਼ਊਜੀਆਂ ਨੂੰ ਅਤਿਵਾਦੀ ਸਾਬਤ ਕਰਨ ਲਈ
ਸਾਰਾ ਜ਼ੋਰ ਲਾ ਰਹੇ ਹਨ। ਗੁਰੂ ਨਾਨਕ ਦੇਵ ਜੀ ਨੇ ਬਾਬਰ ਦੇ ਜੁਲਮਾਂ ਨੂੰ ਵੰਗਾਰਿਆ ਅਤੇ
ਗੁਰੂ ਅਰਜਨ ਦੇਵ ਜੀ ਨੇ ਮਨੁੱਖਤਾ ਲਈ ਸ਼ਹਾਦਤ ਦਿਤੀ।
