ਸਿਟਕੋ ਅਪਣੀ ਵਰ੍ਹੇਗੰਢ 'ਤੇ ਸੈਲਾਨੀਆਂ ਨੂੰ ਦੇਵੇਗਾ ਸਸਤੇ ਫ਼ੂਡ ਪੈਕੇਜ
Published : Feb 21, 2018, 2:02 am IST
Updated : Feb 20, 2018, 8:32 pm IST
SHARE ARTICLE

ਚੰਡੀਗੜ੍ਹ, 20 ਫ਼ਰਵਰੀ (ਸਰਬਜੀਤ ਢਿੱਲੋਂ) : ਚੰਡੀਗੜ੍ਹ ਆਉਣ ਵਾਲੇ ਸੈਲਾਨੀਆਂ ਲਈ ਸਵਾਦਿਸ਼ਟ ਖਾਣਿਆਂ ਨਾਲ ਨਿੱਘਾ ਸਵਾਗਤ ਕਰਨ ਵਾਲਾ ਪ੍ਰਸਿੱਧ ਅਦਾਰਾ 'ਸਿਟਕੋ' ਅਪਣੀ ਸਾਲਾਨਾ ਵਰ੍ਹੇਗੰਢ, ਜੋ 20 ਮਾਰਚ ਨੂੰ ਹੈ, ਮੌਕੇ ਗਾਹਕਾਂ ਨੂੰ ਵੱਧ ਤੋਂ ਵੱਧ ਅਕਰਸ਼ਿਤ ਕਨ ਤੇ ਖਿੱਚਣ ਲਈ ਕਈ ਤਰ੍ਹਾਂ ਦੇ ਸਸਤੇ ਫ਼ੂਡ ਪੈਕੇਜ, ਰਿਹਾਇਸ਼ੀ ਤੌਰ 'ਤੇ ਠਹਿਰਾਨ ਲਈ ਸਹੂਲਤਾਂ ਪ੍ਰਦਾਨ ਕਰਨ ਜਾ ਰਿਹਾ ਹੈ। ਇਸ ਸੰਸਥਾ ਵਲੋਂ ਚੰਡੀਗੜ੍ਹ ਵਿਚ ਮਾਊਂਟਵਿਊ ਸੈਕਟਰ-10, ਸ਼ਿਵਾਲਿਕਵਿਊ ਸੈਕਟਰ-17, ਅਤੇ ਹੋਟਲ ਪਾਰਕਵਿਊ ਸੈਕਟਰ-24 ਵਰਗੇ ਪ੍ਰਸਿੱਧ ਹੋਟਲ ਚਲਾਏ ਜਾ ਰਹੇ ਹਨ। ਇਨ੍ਹਾਂ ਹੋਟਲਾਂ ਵਿਚ ਦੇਸ਼ੀ ਤੇ ਵਿਦੇਸ਼ੀ ਸੈਲਾਨੀਆਂ ਵਲੋਂ ਹਰ ਸਾਲ ਲੱਖਾਂ ਦੀ ਤਾਦਾਦ ਵਿਚ ਸਵਾਦਿਸ਼ਟ ਤੇ ਹੋਰ ਭਾਂਤ-ਭਾਂਤ ਦੇ ਖਾਣਿਆਂ ਦਾ ਵਾਜਬ ਰੇਟਾਂ 'ਤੇ ਖੂਬ ਆਨੰਦ ਮਾਣਿਆ ਜਾਂਦਾ ਹੈ। ਸੂਤਰਾਂ ਅਨੁਸਾਰ ਸਿਟਕੋ ਵਲੋਂ ਚੰਡੀਗੜ੍ਹ ਸ਼ਹਿਰ ਵਿਚ ਸੁਖਨਾ ਝੀਲ, ਕਲਾ ਗਰਾਮ ਮਨੀਮਾਜਰਾ ਤੇ ਸੈਕਟਰ-34 ਵਿਚ ਵੀ ਰੈਸਤੋਰਾਂ, ਬੀਅਰ ਬਾਰਾਂ ਚਲਾਏ ਜਾਂਦੇ ਰਹੇ ਹਨ ਜਿਹੜੇ ਸ਼ਹਿਰ ਵਾਸੀਆਂ ਤੇ ਚੰਡੀਗੜ੍ਹ ਸੈਰ-ਸਪਾਟਾ ਕਰਨ ਆਉਂਦੇ ਲੋਕਾਂ ਲਈ ਅਤੇ ਵਿਆਹ-ਸ਼ਾਦੀਆਂ ਤੇ ਹੋਰ ਸਮਾਗਮਾਂ ਲਈ ਹਮੇਸ਼ਾ ਖਿੱਚ ਦਾ ਕੇਂਦਰ ਬਣ ਰਹੇ ਹਨ। ਸਿਟਕੋ ਦੇ ਇਨ੍ਹਾਂ ਹੋਟਲਾਂ ਨੇ ਹਰ ਵਿੱਤੀ ਵਰ੍ਹੇ 'ਚ ਚੰਗਾ ਮੁਨਾਫ਼ਾ ਵੀ ਕਾਮਇਆ ਹੈ। 


ਚੰਡੀਗੜ੍ਹ ਸਿਟਕੋ ਦੇ ਚੀਫ਼ ਜਨਰਲ ਮੈਨੇਜਰ ਓਮਾਸ਼ੰਕਰ ਗੁਪਤਾ ਅਨੁਸਾਰ ਸਿਟਕੋ ਦੇ ਸੈਕਟਰ-10 ਵਿਚਲੇ ਹੋਟਲ ਮਾਊਂਟਵਿਊ 'ਚ 155 ਦੇ ਕਰੀਬ ਆਲੀਸ਼ਾਨ ਕਮਰੇ ਹਨ। ਇਸ ਤੋਂ ਇਲਾਵਾ ਹੈਲਥ ਕਲੱਬ ਸਵਿਮਿੰਗ ਪੂਲ ਤੇ ਹਰ ਤਰ੍ਹਾਂ ਦੇ ਫ਼ੂਡ ਪੈਕੇਜ ਦਿਤੇ ਜਾਣਗੇ। ਉਨ੍ਹਾਂ ਕਿਹਾ ਕਿ ਇਸ ਤੋਂ ਇਲਾਵਾ ਸੈਕਟਰ-17 ਸ਼ਿਵਾਲਿਕ ਹੋਟਲ 'ਚ ਵੀ ਅਨੇਕਾਂ ਪ੍ਰਬੰਧ ਸੈਕਟਰ-24 'ਚ ਸਥਿਤ ਪੁਰਾਣੇ ਯਾਤਰੀ ਨਿਵਾਸ ਹੋਟਲ ਵਿਚ ਨਵਾਂ ਹੋਟਲ ਪਾਰਕਵਿਊ ਜਿਸ ਦੀ ਰੈਨੋਵੇਸ਼ਨ ਹੋ ਚੁਕੀ ਹੈ, ਉਥੇ ਵੀ ਸੈਲਾਨੀਆਂ ਦੇ ਠਹਿਰਨ ਲਈ ਵਿਸ਼ੇਸ਼ ਪੈਕੇਜ਼ ਦਿਤੇ ਜਾਣਗੇ। ਉਨ੍ਹਾਂ ਕਿਹਾ ਕਿ ਸਿਟਕੋ ਵਲੋਂ ਚੰਡੀਗੜ੍ਹ ਸ਼ਹਿਰਾਂ ਤੋਂ ਇਲਾਵਾ ਹਿਮਾਚਲ ਪ੍ਰਦੇਸ਼ ਸਰਕਾਰ ਨਾਲ ਵੀ ਸੈਲਾਨੀਆਂ ਦੀ ਸਹੂਲਤ ਲਈ ਇਕ ਸਮਝੌਤੇ ਅਧੀਨ ਫ਼ੂਡ ਪੈਕੇਜ ਦਿਤੇ ਜਾਣਗੇ, ਜਿਸ ਅਧੀਨ ਸੈਲਾਨੀ ਸਸਤੇ ਕਿਰਾਏ 'ਚ ਸਿਟਕੋ ਦੇ ਹੋਟਲਾਂ ਵਿਚ ਠਹਿਰ ਸਕਣਗੇ। ਇਕ ਸਵਾਲ ਦੇ ਜਵਾਬ ਵਿਚ ਉਨ੍ਹਾਂ ਕਿਹਾ ਕਿ ਸਿਟਕੋ ਵਲੋਂ ਮਨੀਮਾਜਰਾ ਤੇ ਸੈਕਟਰ-34 'ਚ ਕੁੱਝ ਸਮੇਂ ਤੋਂ ਬੰਦ ਪਏ ਰੈਸਟੋਰੈਂਟਾਂ ਨੂੰ ਦੂਜੀਆਂ ਕੰਪਨੀਆਂ ਨੂੰ ਲੀਜ਼ 'ਤੇ ਦਿਤੇ ਜਾਣ ਦੀ ਯੋਜਨਾ ਬਣਾਈ ਗਈ ਹੈ।

SHARE ARTICLE
Advertisement

ਕੁੜੀਆਂ ਨੂੰ ਛੇੜਨ ਵਾਲੇ ਜ਼ਰੂਰ ਵੇਖ ਲੈਣ ਇਹ ਵੀਡੀਓ ਪੁਲਿਸ ਨੇ ਗੰਜੇ, ਮੂੰਹ ਕਾਲਾ ਕਰ ਕੇ ਸਾਰੇ ਬਜ਼ਾਰ 'ਚ ਘੁਮਾਇਆ

29 Nov 2025 1:13 PM

'ਰਾਜਵੀਰ ਜਵੰਦਾ ਦਾ 'ਮਾਂ' ਗਾਣਾ ਸੁਣ ਕੇ ਇੰਝ ਲੱਗਦਾ ਜਿਵੇਂ ਉਸ ਨੂੰ ਅਣਹੋਣੀ ਦਾ ਪਤਾ ਸੀ'

28 Nov 2025 3:02 PM

ਦਿਲਰੋਜ਼ ਦੇ ਪਾਪਾ ਪਹੁੰਚੇ 13 ਸਾਲਾ ਕੁੜੀ ਦੀ ਅੰਤਮ ਅਰਦਾਸ 'ਚ

28 Nov 2025 3:01 PM

13 ਸਾਲਾ ਬੱਚੀ ਦੇ ਕਤਲ ਮਾਮਲੇ 'ਚ ਬੋਲੇ Jathedar Gargaj | Jalandhar Murder Case

27 Nov 2025 3:11 PM

13 ਸਾਲਾ ਕੁੜੀ ਦੇ ਕਾਤਲ ਕੋਲੋਂ ਹੁਣ ਤੁਰਿਆ ਵੀ ਨਹੀਂ ਜਾਂਦਾ, ਦੇਖੋ...

26 Nov 2025 1:59 PM
Advertisement