ਮਸ਼ਹੂਰ ਕੋਰਿਓਗ੍ਰਾਫਰ ਅਤੇ ਨਿਰਦੇਸ਼ਕ ਰੈਮੋ ਡਿਸੂਜ਼ਾ ਦਾ ਅੱਜ 45ਵਾਂ ਜਨਮਦਿਨ ਹੈ
2 ਅਪ੍ਰੈਲ ਨੂੰ ਜਿਥੇ ਬਾਲੀਵੁੱਡ ਦੇ ਐਕਸ਼ਨ ਸਟਾਰ ਅਜੈ ਦੇਵਗਨ ਦਾ ਜਨਮਦਿਨ ਹੈ ਉਥੇ ਹੀ ਡਾਂਸ ਦੇ ਮਸ਼ਹੂਰ ਕੋਰਿਓਗ੍ਰਾਫਰ ਅਤੇ ਨਿਰਦੇਸ਼ਕ ਰੈਮੋ ਡਿਸੂਜ਼ਾ ਦਾ ਵੀ ਅੱਜ 45ਵਾਂ ਜਨਮਦਿਨ ਹੈ । ਡਾਂਸ ਦੀ ਦੁਨੀਆਂ 'ਚ ਰੈਮੋ ਨੇ ਆਪਣਾ ਨਾਮ ਕਮਾਉਣ ਦੇ ਲਈ ਸ਼ੁਰੂਆਤੀ ਦਿਨਾਂ 'ਚ ਕਾਫੀ ਸੰਘਰਸ਼ ਕੀਤਾ ਜਿਸ ਦੇ ਸਦਕਾ ਅੱਜ ਉਹ ਇੰਡਸਟਰੀ 'ਚ ਵੱਖਰੀ ਪਛਾਣ ਬਣਾ ਚੁੱਕੇ ਹਨ।
https://twitter.com/twitter/statuses/980738836547317761
ਰੇਮੋ ਨੂੰ ਨਿਰਦੇਸ਼ਨ ਦੇ ਵਿਚ ਫ਼ਿਲਮ ABCD ਤੋਂ ਸਫ਼ਲਤਾ ਮਿਲੀ ਜਿਸ ਤੋਂ ਬਾਅਦ ਉਨ੍ਹਾਂ ਨੇ ਇਸਦਾ ਭਾਗ 2 ਯਾਨੀ ABCD 2 ਬਣਾਈ ਜੋ ਬਹੁਤ ਹਿੱਟ ਹੋਈ।
ਹੁਣ ਰੈਮੋ ਦੀ ਫਿਲਮ 'ਰੇਸ 3' ਜਲਦ ਹੀ ਰਿਲੀਜ਼ ਹੋਣ ਵਾਲੀ ਹੈ ਅਤੇ ਉਸਦੀ ਟੀਮ ਨੇ ਉਸਨੂੰ ਬੇਹੱਦ ਪਿਆਰੇ ਅੰਦਾਜ਼ 'ਚ ਬਰਥਡੇ ਵਿਸ਼ ਕੀਤਾ ਹੈ । ਜਿਸ ਦੇ ਚਲਦਿਆਂ ਰੈਮੋ ਨੂੰ ਜਨਮਦਿਨ ਦੀ ਵਧਾਈ ਦਿੰਦੇ ਹੋਏ ਸਲਮਾਨ ਨੇ ਟਵਿਟਰ ਅਕਾਊਂਟ 'ਤੇ ਇਕ ਵੀਡੀਓ ਸ਼ੇਅਰ ਕੀਤੀ ਹੈ। ਇਸ ਵੀਡੀਓ 'ਚ 'ਰੇਸ 3' ਦੀ ਟੀਮ ਰੈਮੋ ਨੂੰ ਵੱਖਰੇ ਅੰਦਾਜ਼ 'ਚ ਜਨਮਦਿਨ ਦੀਆਂ ਵਧਾਈਆਂ ਦਿੰਦੇ ਨਜ਼ਰ ਆ ਰਹੇ ਹਨ। ਇਸ ਵੀਡੀਓ 'ਚ ਸਲਮਾਨ ਖਾਨ , ਡੇਜ਼ੀ ਸ਼ਾਹ , ਅਨਿਲ ਕਪੂਰ , ਬਾਬੀ ਦਿਓਲ , ਜੈਕਲੀਨ ਫਰਨਾੰਡਿਜ਼, ਰੇਮੋ ਦੀ ਪਤਨੀ ਸਮੇਤ ਹੋਰਨਾਂ ਨੇ ਵੀ ਖਾਸ ਤਰ੍ਹਾਂ ਨਾਲ ਰੇਮੋ ਨੂੰ ਜਨਮਦਿਨ ਮੁਬਾਰਕ ਕਿਹਾ। ਦਸ ਦਈਏ ਕਿ ਇਹ ਫਿਲਮ 29 ਜੂਨ ਨੂੰ ਸਿਨੇਮਾਘਰਾਂ 'ਚ ਰਿਲੀਜ਼ ਹੋਵੇਗੀ। ਦਸ ਦਈਏ ਕਿ ਰੇਮੋ ਡਿਸੂਜ਼ਾ ਬਾਲੀਵੁਡ 'ਚ ਇਕ ਬੇਹਤਰੀਨ ਕਰਿਓਗ੍ਰਾਫਰ ਦੇ ਇਲਾਵਾ ਡਾਇਰੈਕਟਰ ਵੀ ਹਨ। ਰੇਮੋ ਪਿਛਲੇ ਕਾਫੀ ਸਮੇਂ ਤੋਂ ਡਾਂਸ ਰਿਆਲਟੀ ਸ਼ੋਅ ਝਲਕ ਦਿਖਲਾਜਾ ਨੂੰ ਜੱਜ ਵੀ ਕਰਦੇ ਆ ਰਹੇ ਹਨ। ਜਿਸ ਨਾਲ ਉਹ ਆਮ ਲੋਕਾਂ ਦੇ ਸਾਹਮਣੇ ਆਏ ਅਤੇ ਲੋਕਾਂ ਦੇ ਚਹੇਤੇ ਬਣ ਗਏ। ਸਾਡੇ ਵਲੋਂ ਵੀ ਲੋਕਾਂ ਦੇ ਇਸ ਚਹੇਤੇ ਕਾਰੀਓਗ੍ਰਾਫਰ ਨੂੰ ਜਨਮ ਦਿਨ ਦੀਆਂ ਲੱਖ ਲੱਖ ਮੁਬਾਰਕਾਂ।