ਐਸ਼ਵਰਿਆ ਨੇ ਅਮਰੀਕੀ ਐਕਟਰ ਤੇ ਰੈਪਰ ਫੇਰਲ ਵਿਲਿਅਮਸ ਨਾਲ ਇਕ ਹਾਟ ਫੋਟੋਸ਼ੂਟ ਕਰਵਾਇਆ ਹੈ
ਵਿਸ਼ਵ ਸੁੰਦਰੀ ਅਤੇ ਬੱਚਨ ਪਰਵਾਰ ਦੀ ਨੂੰਹ ਐਸ਼ਵਰਿਆ ਰਾਏ ਬੱਚਨ ਨੇ 44 ਦੀ ਉਮਰ ਪਾਰ ਕਰਨ ਤੋਂ ਬਾਅਦ ਵੀ ਅੱਜ ਦੀਆਂ ਨੌਜਵਾਨ ਹਸੀਨਾਵਾਂ ਤੋਂ ਘਟ ਨਹੀਂ। ਅੱਜ ਵੀ ਐਸ਼ਵਰਿਆ ਦੀ ਖ਼ੂਬਸੂਰਤੀ ਦੇ ਅੱਗੇ ਵੱਡੀਆਂ ਵੱਡੀਆਂ ਮਾਡਲਾਂ ਫਿੱਕੀਆਂ ਪੈ ਜਾਂਦੀਆਂ ਹਨ। ਜਿਸ ਦੀ ਤਾਜ਼ਾ ਮਿਸਾਲ 'ਵੋਗ ਮੈਗਜ਼ੀਨ' ਦੇ ਅਪ੍ਰੈਲ ਐਡੀਸ਼ਨ ਨੂੰ ਦੇਖਦੇ ਹੀ ਮਿਲਦੀ ਹੈ। ਜਿਸ ਵਿਚ ਐਸ਼ਵਰਿਆ ਨੇ ਅਮਰੀਕੀ ਐਕਟਰ ਤੇ ਰੈਪਰ ਫੇਰਲ ਵਿਲਿਅਮਸ ਨਾਲ ਇਕ ਹਾਟ ਫੋਟੋਸ਼ੂਟ ਕਰਵਾਇਆ ਹੈ । ਮੈਗਜ਼ੀਨ ਦੇ ਕਵਰ ਪੇਜ਼ 'ਤੇ ਛਾਈ ਐਸ਼ਵਰਿਆ ਤੇ ਫੇਰਲ ਨੂੰ ਫੈਨਜ਼ ਵਲੋਂ ਕਾਫੀ ਪਸੰਦ ਕੀਤਾ ਜਾ ਰਿਹਾ ਹੈ। 
Aishwarya Rai with Pharrell Williamsਮੈਗਜ਼ੀਨ ਦੇ ਕਵਰ 'ਤੇ ਛਪੀ ਇਸ ਤਸਵੀਰ 'ਚ ਐਸ਼ਵਰਿਆ ਨੇ ਫਿਰੋਜ਼ੀ ਰੰਗ ਦੀ ਫ੍ਰਿਲ ਵਾਲੀ ਡਰੈੱਸ ਪਾਈ ਹੈ,ਅਤੇ ਦੂਜੇ ਪਾਸੇ ਫੇਰਲ ਕਲਰਫੁੱਲ ਹੁਡੀ ਜੈਕਟ 'ਚ ਨਜ਼ਰ ਆ ਰਿਹਾ ਹੈ। ਇਨ੍ਹਾਂ ਕਪੜਿਆਂ 'ਚ ਦੋਵੇਂ ਹੀ ਕਾਫ਼ੀ ਸ਼ਾਨਦਾਰ ਲੱਗ ਰਹੇ ਹਨ । ਫੇਰਲ ਦੇ ਕੱਪੜੇ ਦੇਖ ਕੇ ਲਗ ਰਿਹਾ ਹੈ ਕਿ ਉਹ ਹੋਲੀ ਦੇ ਤਿਉਹਾਰ ਤੋਂ ਕਾਫ਼ੀ ਇੰਸਪਾਇਰ ਹੋਏ ਹਨ ।ਇਸ ਫੋਟੋਸ਼ੂਟ ਤੋਂ ਇਕ ਗੱਲ ਤਾਂ ਸਾਫ਼ ਹੈ ਕਿ ਫੇਰਲ ਦਾ ਭਾਰਤ ਪ੍ਰੇਮ ਕਾਫ਼ੀ ਜ਼ਿਆਦਾ ਹੈ। ਕਿਉਂਕਿ ਹਾਲ ਹੀ ਦੇ ਵਿਚ ਉਹ ਭਾਰਤ ਆਏ ਸਨ ਜਿਥੇ ਉਨ੍ਹਾਂ ਨੇ ਰਣਵੀਰ ਸਿੰਘ ਨਾਲ ਹੋਲੀ ਦਾ ਅਨੰਦ ਮਾਣਿਆ ਸੀ। 
Aishwarya Rai with Pharrell Williamsਆਪਣੇ ਫੋਟੋਸ਼ੂਟ ਬਾਰੇ ਗੱਲ ਕਰਦਿਆਂ ਬੱਚਨ ਨੂੰਹ ਨੇ ਦੱਸਿਆ ਕਿ ਮੈਂ ਇਸ ਸ਼ੂਟ ਦੇ ਲਈ ਕਾਫ਼ੀ ਉਤਸ਼ਾਹਿਤ ਸੀ ਪਰ ਇਸ ਲਈ ਸਮਾਂ ਕੱਢਣਾ ਮੇਰੇ ਲਈ ਬੇਹੱਦ ਮੁਸ਼ਕਿਲ ਸੀ । ਮੈਂ ਆਪਣਾ ਸਾਰਾ ਸਮਾਂ ਆਰਾਧਿਆ ਨਾਲ ਬਿਤਾਉਂਦੀ ਹਾਂ। ਹਾਲਾਂਕਿ ਮੇਰੇ ਨਾਲ ਨੈਨੀ ਵੀ ਹੁੰਦੀ ਹੈ ਪਰ ਫਿਰ ਵੀ ਮੈਂ ਆਪਣੀ ਬੇਟੀ ਨੂੰ ਸਮਾਂ ਦੇਣਾ ਚਾਹੁੰਦੀ ਹਾਂ। ਇਸ ਦੇ ਨਾਲ ਹੀ ਉਨ੍ਹਾਂ ਕਿਹਾ ਕਿ ਮੈਂ ਹੋਮਮੇਕਰਸ ਦੀ ਇੱਜ਼ਤ ਕਰਦੀ ਹਾਂ ਕਿਉਂਕਿ ਉਹ ਕਦੀ ਨਾ ਖਤਮ ਹੋਣ ਵਾਲਾ ਕੰਮ ਬਿਨਾਂ ਕਿਸੇ ਸਵਾਰਥ ਦੇ ਕਰਦਿਆਂ ਹਨ।
Aishwarya Rai with Pharrell Williamsਤੁਹਾਨੂੰ ਦਸ ਦਈਏ ਕਿ ਆਸ਼ਵਰਿਆ ਪਹਿਲਾਂ ਵੀ ਕਈ ਮੈਗਜ਼ੀਨ ਦੇ ਕਵਰ ਪੇਜ਼ ਲਈ ਫੋਟੋਸ਼ੂਟ ਕਰਵਾ ਚੁੱਕੀ ਹੈ ਪਰ ਸ਼ਾਇਦ ਇਹ ਪਹਿਲਾਂ ਮੌਕਾ ਹੈ ਜਦੋਂ ਉਹ ਕਿਸੇ ਅਮਰੀਕੀ ਸੈਲੀਬ੍ਰਿਟੀ ਨਾਲ ਮੈਗਜ਼ੀਨ ਦੇ ਕਵਰ ਪੇਜ਼ 'ਤੇ ਨਜ਼ਰ ਆਈ ਹੋਵੇ । ਇਸ ਫੋਟੋਸ਼ੂਟ ਦੇ ਚਰਚੇ ਸੋਸ਼ਲ ਮੀਡੀਆ 'ਤੇ ਕਾਫੀ ਹੋ ਰਹੀ ਹੈ। ਇਸ ਫੋਟੋਸ਼ੂਟ ਨੂੰ ਦੇਖ ਕੇ ਲਗਦਾ ਹੈ ਕਿ ਐਸ਼ਵਰਿਆ ਹਾਲੀਵੁੱਡ ਜਾ ਚੁਕੀ ਪ੍ਰਿਯੰਕਾ ਨੂੰ ਮੁਕਾਬਲਾ ਦੇ ਰਹੀ ਹੈ। 
Aishwarya Rai with Pharrell Williamsਤੁਹਾਨੂੰ ਦੱਸ ਦਈਏ ਕਿ ਬੱਚਨ ਨੂੰਹ ਇੰਨੀ ਦਿਨੀਂ 'ਫੰਨੇ ਖਾਂ' ਦੀ ਸ਼ੂਟਿੰਗ 'ਚ ਰੁੱਝੀ ਹੋਈ ਹੈ। ਜਿਸ ਦੇ ਵਿਚ ਉਨ੍ਹਾਂ ਦੇ ਨਾਲ ਅਨਿਲ ਕਪੂਰ , ਰਾਜ ਕੁਮਾਰ ਰਾਓ ਵੀ ਅਹਿਮ ਕਿਰਦਾਰ 'ਚ ਹਨ। ਇਹ ਫ਼ਿਲਮ 13 ਜੁਲਾਈ 2018 ਨੂੰ ਰਲੀਜ਼ ਹੋਵੇਗੀ। ਇਸ ਤੋਂ ਇਲਾਵਾ ਐਸ਼ਵਰਿਆ ਨੂੰ 'ਰਾਤ ਔਰ ਦਿਨ ਕੌਣ ਥੀ' ਦੇ ਰੀਮੇਕ ਲਈ ਵੀ ਅਪ੍ਰੋਚ ਕੀਤਾ ਗਿਆ ਹੈ।
Aishwarya Rai with Pharrell Williams
