ਬਾਲੀਵੁੱਡ ਅਦਾਕਾਰ ਕਮਾਲ ਆਰ ਖ਼ਾਨ ਨੇ ਭਾਜਪਾ ਨੂੰ ਨਸੀਹਤ ਦਿੰਦਿਆਂ ਕਿਹਾ ਕਿ ਯੂਪੀ ਵਿਚ ਤਾਂ ਭਾਜਪਾ ਨੂੰ ਹਰਾਉਣ ਲਈ ਰਾਕੇਸ਼ ਟਿਕੈਤ ਹੀ ਕਾਫ਼ੀ ਹੈ।
ਨਵੀਂ ਦਿੱਲੀ: ਬਾਲੀਵੁੱਡ ਅਦਾਕਾਰ ਕਮਾਲ ਆਰ ਖ਼ਾਨ ਨੇ ਭਾਜਪਾ ਨੂੰ ਨਸੀਹਤ ਦਿੰਦਿਆਂ ਕਿਹਾ ਕਿ ਯੂਪੀ ਵਿਚ ਤਾਂ ਭਾਜਪਾ ਨੂੰ ਹਰਾਉਣ ਲਈ ਰਾਕੇਸ਼ ਟਿਕੈਤ ਹੀ ਕਾਫ਼ੀ ਹੈ। ਉਹਨਾਂ ਕਿਹਾ ਕਿ ਪ੍ਰਸ਼ਾਂਤ ਕਿਸ਼ੋਰ ਦੀ ਬੰਗਾਲ ਚੋਣਾਂ ਤੋਂ ਪਹਿਲਾਂ ਕਹੀ ਗੱਲ ਵੀ ਸੱਚ ਸਾਬਿਤ ਹੋਈ ਹੈ।
Rakesh tikait
ਉਹਨਾਂ ਨੇ ਟਵੀਟ ਕਰਦਿਆਂ ਕਿਹਾ, ‘ਪਿਆਰੇ ਭਗਤੋ ਕ੍ਰਿਪਾ ਕਰਕੇ ਇਸ ਗੱਲ ਨੂੰ ਨੋਟ ਕਰ ਲਓ ਕਿ ਰਾਕੇਸ਼ ਟਿਕੈਤ ਕਾਫੀ ਹੈ ਭਾਜਪਾ ਨੂੰ ਯੂਪੀ ਚੋਣਾਂ ਵਿਚ ਹਰਾਉਣ ਲਈ। ਅਖਿਲੇਸ਼ ਯਾਦਵ, ਜਯਾ ਬਚਨ, ਮਮਤਾ ਬੈਨਰਜੀ, ਪ੍ਰਿਯੰਕਾ ਗਾਂਧੀ, ਤੇਜਸਵੀ ਯਾਦਵ ਇਹ ਸਾਰੇ ਅਲੱਗ ਨੇ! ਮੈਂ ਜਾਣਦਾ ਹਾਂ ਕਿ ਮਾਇਆਵਤੀ ਤੇ ਓਵੈਸੀ ਦੋਵੇਂ ਮਿਲ ਕੇ ਭਾਜਪਾ ਦੀ ਮਦਦ ਕਰਨ ਦੀ ਕੋਸ਼ਿਸ਼ ਕਰਨਗੇ। ਪਰ ਹੁਣ ਜਨਤਾ ਬਹੁਤ ਹੁਸ਼ਿਆਰ ਹੋ ਗਈ ਹੈ’।
Kamaal R Khan
ਭਾਜਪਾ ਨੂੰ ਘੇਰਦੇ ਹੋਏ ਅਦਾਕਾਰ ਨੇ ਕਿਹਾ ਕਿ ਬੰਗਾਲ ਵਿਚ ਪ੍ਰਸ਼ਾਂਤ ਕਿਸ਼ੋਰ ਦੀ ਕਹੀ ਗੱਲ ਵੀ ਸੱਚ ਸਾਬਿਤ ਹੋਈ ਹੈ। ਉਹਨਾਂ ਨੇ ਟਵੀਟ ਕਰਦਿਆਂ ਕਿਹਾ ਕਿ, ‘ਪ੍ਰਸ਼ਾਂਤ ਕਿਸ਼ੋਰ ਨੇ ਪੱਛਮੀ ਬੰਗਾਲ ਚੋਣਾਂ ਤੋਂ ਪਹਿਲਾਂ ਟਵੀਟ ਕੀਤਾ ਸੀ- ਜੇਕਰ ਮੈਂ ਅਪਣਾ ਕੰਮ ਚੰਗੀ ਤਰ੍ਹਾਂ ਜਾਣਦਾ ਹਾਂ ਤਾਂ ਮੈਂ ਇਸ ਗੱਲ ਦੀ ਗਰੰਟੀ ਦਿੰਦਾ ਹਾਂ ਕਿ ਭਾਜਪਾ ਪੱਛਮੀ ਬੰਗਾਲ ਵਿਚ 3 ਡਿਜਿਟਸ ਤੱਕ ਕਦੀ ਨਹੀਂ ਪਹੁੰਚ ਸਕੇਗੀ’।
Prashant Kishor
ਅਦਾਕਾਰ ਨੇ ਅੱਗੇ ਲ਼ਿਖਿਆ, ‘ਪ੍ਰਸ਼ਾਂਤ ਕਿਸ਼ੋਰ ਨੇ ਕਿਹਾ ਸੀ- ਜੇਕਰ ਭਾਜਪਾ 3 ਡਿਜਿਟਸ ਤੱਕ ਪਹੁੰਚ ਜਾਂਦੀ ਹੈ ਤਾਂ ਮੈਂ ਅਪਣਾ ਕੰਮ ਕਰਨਾ ਬੰਦ ਕਰ ਦੇਵਾਂਗਾ, ਉਹ ਵੀ ਹਮੇਸ਼ਾਂ ਲਈ। ਕਹਿਣ ਤੋਂ ਭਾਵ ਕਿ ਪ੍ਰਸ਼ਾਂਤ ਕਿਸ਼ੋਰ ਨੂੰ ਅਪਣੀ ਗੱਲ ’ਤੇ ਯਕੀਨ ਸੀ’।
BJP
ਇਸ ਤੋਂ ਇਲਾਵਾ ਕੇਆਰਕੇ ਨੇ ਇਕ ਹੋਰ ਟਵੀਟ ਕੀਤਾ ਜਿਸ ਵਿਚ ਉਹਨਾਂ ਲ਼ਿਖਿਆ ਕਿ, ‘ਜੋ ਵੀ ਅੱਜ ਭਾਰਤ ਵਿਚ ਹੋ ਰਿਹਾ ਹੈ, ਉਹ ਸਭ ਸਾਡੇ ਬੇਵਕੂਫ ਸਿਆਸਤਦਾਨਾਂ ਕਾਰਨ ਹੈ। ਉਹਨਾਂ ਨੂੰ ਪਤਾ ਹੈ ਕਿ ਉਹ ਸਾਡੀਆਂ ਵੋਟਾਂ ਖਰੀਦ ਸਕਦੇ ਹਨ। ਸ਼ਰਾਬ ਅਤੇ ਬਰਿਆਨੀ ਖੁਆ ਕੇ ਉਹ ਸਾਰੀਆਂ ਵੋਟਾਂ ਅਪਣੇ ਨਾਮ ਕਰ ਸਕਦੇ ਹਨ’।
