Advertisement
  ਮਨੋਰੰਜਨ   ਬਾਲੀਵੁੱਡ  04 Jun 2020  'ਅਮਰੀਕਾ ਨੂੰ ਛੱਡ ਭਾਰਤ ਦੇ ਹਾਲਾਤਾਂ ਵੱਲ ਧਿਆਨ ਦਿਓ', ਅਭੈ ਦਿਓਲ ਨੇ ਸਿਤਾਰਿਆਂ ਨੂੰ ਪੜ੍ਹਾਇਆ ਪਾਠ

'ਅਮਰੀਕਾ ਨੂੰ ਛੱਡ ਭਾਰਤ ਦੇ ਹਾਲਾਤਾਂ ਵੱਲ ਧਿਆਨ ਦਿਓ', ਅਭੈ ਦਿਓਲ ਨੇ ਸਿਤਾਰਿਆਂ ਨੂੰ ਪੜ੍ਹਾਇਆ ਪਾਠ

ਏਜੰਸੀ
Published Jun 4, 2020, 4:22 pm IST
Updated Jun 4, 2020, 4:36 pm IST
ਅਮਰੀਕਾ ਵਿਚ ਕਾਲੇ ਜਾਰਜ ਫਲਾਇਡ ਦੀ ਮੌਤ ਤੋਂ ਬਾਅਦ ਕਈ ਥਾਵਾਂ 'ਤੇ ਪ੍ਰਦਰਸ਼ਨ ਜਾਰੀ ਹੈ।
Abhay Deol
 Abhay Deol

ਨਵੀਂ ਦਿੱਲੀ: ਅਮਰੀਕਾ ਵਿਚ ਕਾਲੇ ਜਾਰਜ ਫਲਾਇਡ ਦੀ ਮੌਤ ਤੋਂ ਬਾਅਦ ਕਈ ਥਾਵਾਂ 'ਤੇ ਪ੍ਰਦਰਸ਼ਨ ਜਾਰੀ ਹੈ। ਅਮਰੀਕਾ ਵਿਚ ਕਈ ਥਾਵਾਂ 'ਤੇ ਹਿੰਸਕ ਪ੍ਰਦਰਸ਼ਨ ਵੀ ਹੋ ਰਹੇ ਹਨ। ਭਾਰਤ ਵਿਚ ਵੀ ਕਈ ਸੋਸ਼ਲ ਮੀਡੀਆ ਯੂਜ਼ਰਸ ਅਤੇ ਸਿਤਾਰੇ ਇਸ ਮਾਮਲੇ 'ਤੇ ਅਪਣੇ ਸੁਝਾਅ ਦੇ ਰਹੇ ਹਨ।

George FloydGeorge Floyd

ਕਰੀਨਾ ਕਪੂਰ ਖ਼ਾਨ, ਕਰਨ ਜੌਹਰ, ਪ੍ਰਿਯੰਕਾ ਚੋਪੜਾ ਆਦਿ ਸਿਤਾਰਿਆਂ ਨੇ ਬਲੈਕ ਲਾਈਵਜ਼ ਮੈਟਰਨ ਯਾਨੀ 'ਕਾਲੇ ਲੋਕਾਂ ਦੀ ਜ਼ਿੰਦਗੀ ਵੀ ਮਾਇਨੇ ਰੱਖਦੀ ਹੈ' ਹੈਸ਼ਟੈਗ ਦੀ ਵਰਤੋਂ ਕਰਦੇ ਹੋਏ ਕਾਲਿਆਂ ਦੇ ਅੰਦੋਲਨ ਵਿਚ ਸਮਰਥਨ ਦਿੱਤਾ ਹੈ। ਹਾਲਾਂਕਿ ਕੁਝ ਅਜਿਹੇ ਸਿਤਾਰੇ ਵੀ ਹਨ ਜੋ ਇਹਨਾਂ ਸਿਤਾਰਿਆਂ ਦੀ ਹਿਪੋਕ੍ਰੇਸੀ 'ਤੇ ਸਵਾਲ ਚੁੱਕ ਰਹੇ ਹਨ ਤੇ ਇਹਨਾਂ ਨੂੰ ਸਲਾਹ ਦੇ ਰਹੇ ਹਨ ਕਿ ਅਮਰੀਕਾ ਤੋਂ ਪਹਿਲਾਂ ਇਹਨਾਂ ਲੋਕਾਂ ਨੂੰ ਅਪਣੇ ਦੇਸ਼ ਵਿਚ ਹੋ ਰਹੀ ਨਾਇਨਸਾਫੀ ਖਿਲਾਫ ਖੜ੍ਹੇ ਹੋਣਾ ਚਾਹੀਦਾ ਹੈ।

Abhay DeolAbhay Deol

ਇਹਨਾਂ ਵਿਚ ਜੋ ਸਭ ਤੋਂ ਪਹਿਲਾ ਨਾਂਅ ਆਉਂਦਾ ਹੈ, ਉਹ ਹੈ ਅਭੈ ਦਿਓਲ। ਅਭੈ ਨੇ ਇਕ ਤਸਵੀਰ ਸ਼ੇਅਰ ਕੀਤੀ, ਜਿਸ ਵਿਚ ਲਿਖਿਆ ਸੀ- ਪ੍ਰਵਾਸੀਆਂ, ਗਰੀਬਾਂ ਅਤੇ ਘੱਟ ਗਿਣਤੀਆਂ ਦੀ ਜ਼ਿੰਦਗੀ ਵੀ ਮਾਇਨੇ ਰੱਖਦੀ ਹੈ। #migrantlivesmatter #minoritylivesmatter #poorlivesmatter ।

Instagram PostInstagram Post

ਉਨ੍ਹਾਂ ਨੇ ਅੱਗੇ ਲਿਖਿਆ-ਸ਼ਾਇਦ ਹੁਣ ਇਸ ਦਾ ਵੀ ਸਮਾਂ ਆ ਗਿਆ ਹੈ? ਹੁਣ ਜਦੋਂ 'ਬੇਇਨਸਾਫੀ ਪ੍ਰਤੀ ਚੇਤੰਨ' ਭਾਰਤੀ ਮਸ਼ਹੂਰ ਹਸਤੀਆਂ ਅਤੇ ਮੱਧ ਵਰਗ ਨੇ ਅਮਰੀਕੀ ਪ੍ਰਣਾਲੀ ਵਿਚਲੀ ਨਸਲਵਾਦ ਵਿਰੁੱਧ ਇਕਜੁੱਟਤਾ ਦਿਖਾਈ ਹੈ, ਸ਼ਾਇਦ ਉਹ ਦੇਖਣ ਕਿ ਇਹ ਉਨ੍ਹਾਂ ਦੇ ਘਰ ਵਿਚ ਕਿਵੇਂ ਫੈਲਿਆ ਹੋਇਆ ਹੈ।

Abhay DeolAbhay Deol

ਅਮਰੀਕਾ ਨੇ ਦੁਨੀਆ ਵਿਚ ਹਿੰਸਾ ਫੈਲਾਈ ਹੈ, ਉਨ੍ਹਾਂ ਨੇ ਦੁਨੀਆ ਨੂੰ ਇਕ ਵਧੇਰੇ ਖਤਰਨਾਕ ਸਥਾਨ ਬਣਾਇਆ ਹੈ। ਉਨ੍ਹਾਂ ਨੂੰ ਆਪਣੇ ਮਾੜੇ ਕਰਮਾਂ ਦਾ ਫਲ ਮਿਲਣਾ ਹੀ ਸੀ। ਮੈਂ ਇਹ ਨਹੀਂ ਕਹਿ ਰਿਹਾ ਕਿ ਉਨ੍ਹਾਂ ਨਾਲ ਅਜਿਹਾ ਹੋਣਾ ਚਾਹੀਦਾ ਹੈ, ਪਰ ਮੈਂ ਕਹਿ ਰਿਹਾ ਹਾਂ ਕਿ ਪੂਰੀ ਤਸਵੀਰ ਦੇਖੋ।

Instagram PostInstagram Post

ਮੈਂ ਕਹਿੰਦਾ ਹਾਂ ਕਿ ਆਪਣੇ ਦੇਸ਼ ਦੀਆਂ ਸਮੱਸਿਆਵਾਂ 'ਤੇ ਆਪਣੀ ਆਵਾਜ਼ ਬੁਲੰਦ ਕਰੋ। ਧਿਆਨ ਨਾਲ ਦੇਖਿਆ ਜਾਵੇ ਤਾਂ ਸਮੱਸਿਆ ਬਿਲਕੁਲ ਓਹੀ ਹੈ। ਮੈਂ ਕਹਿ ਰਿਹਾ ਹਾਂ ਕਿ ਉਨ੍ਹਾਂ ਕੋਲੋਂ ਪ੍ਰੇਰਣਾ ਲਵੋ ਪਰ ਜੋ ਉਹ ਕਰ ਰਹੇ, ਉਸ ਦੀ ਨਕਲ ਨਾ ਕਰੋ। ਆਪ ਕੁਝ ਕਰੋ। ਅਪਣਾ ਅੰਦੋਲਨ ਬਣਾਓ।

Location: India, Delhi, New Delhi
Advertisement
Advertisement

 

Advertisement