ਪ੍ਰਿਯੰਕਾ ਦੇ ਪੂਰੇ ਸਫ਼ਰ ਵਿਚ ਕਈ ਉਤਾਰ-ਚੜਾਅ ਆਏ ਹਨ।
ਪ੍ਰਿਯੰਕਾ ਚੋਪੜਾ, ਇਕ ਅਜਿਹਾ ਨਾਮ ਜੋ ਬਰੇਲੀ ਤੋਂ ਬਾਲੀਵੁਡ ਦਾ ਸਫ਼ਰ ਕਰਨ ਤੋਂ ਬਾਅਦ ਅੱਜ ਹਾਲੀਵੁਡ ਵਿਚ ਵੀ ਪੈਰ ਜਮ੍ਹਾ ਚੁੱਕੀ ਹੈ। ਪ੍ਰਿਯੰਕਾ ਦੇ ਪੂਰੇ ਸਫ਼ਰ ਵਿਚ ਕਈ ਉਤਾਰ-ਚੜਾਅ ਆਏ ਹਨ। ਪ੍ਰਾਇਵੇਟ ਜ਼ਿੰਦਗੀ ਜੀਣ ਵਾਲੀ ਪੀਸੀ ਦੇ ਇਸ ਸਫ਼ਰ ਬਾਰੇ 'ਚ ਹਾਲ ਹੀ ਵਿਚ ਰਿਲੀਜ਼ ਹੋਈ ਕਿਤਾਬ 'ਪ੍ਰਿਯੰਕਾ ਚੋਪੜਾ : ਦ ਡਾਰਕ ਹਾਰਸ' ਵਿਚ ਲਿਖਿਆ ਗਿਆ ਹੈ। ਇਸ ਕਿਤਾਬ ਨੂੰ ਜਰਨਲਿਸਟ ਭਾਰਤੀ ਪ੍ਰਧਾਨ ਨੇ ਲਿਖਿਆ ਹੈ।
Priyanka Chopra
ਕਿਤਾਬ ਦੇ ਮੁਤਾਬਕ ਬਾਲੀਵੁਡ ਵਿਚ ਡੇਬਿਊ ਤੋਂ ਪਹਿਲਾਂ ਪ੍ਰਿਯੰਕਾ ਦੇ ਹੱਥੋਂ ਕਈ ਵੱਡੇ ਪ੍ਰੋਜੈਕਟ ਚਲੇ ਗਏ ਸੀ। ਸਭ ਤੋਂ ਪਹਿਲਾਂ ਪ੍ਰਿਯੰਕਾ ਨੂੰ ਬੌਬੀ ਦਿਓਲ ਨਾਲ ਫਿਲਮ ਦਾ ਆਫਰ ਮਿਲਿਆ ਸੀ। ਇਸ ਫਿਲਮ ਨੂੰ ਮਹੇਸ਼ ਮਾਂਜਰੇਕਰ ਡਾਇਰੈਕਟ ਕਰ ਰਹੇ ਸੀ ਅਤੇ ਵਿਜੈ ਗਲਾਨੀ ਪ੍ਰੋਡਿਊਸ ਕਰ ਰਹੇ ਸੀ।
Priyanka Chopra
ਫਿਲਮ ਦੇ ਸ਼ੁਰੂਆਤ 'ਚ ਪ੍ਰਿਯੰਕਾ ਦੇ ਸਾਬਕਾ ਮੈਨੇਜਰ ਪ੍ਰਕਾਸ਼ ਜਾਜੂ ਨੇ ਵਿਜੈ ਗਲਾਨੀ ਨੂੰ ਪ੍ਰਿਯੰਕਾ ਨਾਲ ਮੇਕਅੱਪ ਰੂਮ ਵਿਚ ਮਿਲਣ ਦੀ ਬੇਨਤੀ ਕੀਤੀ ਸੀ। ਇਸ ਮੀਟਿੰਗ ਦਾ ਕਾਰਨ ਸੀ ਪ੍ਰਿਯੰਕਾ ਦੇ ਨੱਕ ਦੀ ਸਰਜਰੀ। ਪ੍ਰਿਯੰਕਾ ਨੇ ਲੰਦਨ ਜਾ ਕੇ ਆਪਣੇ ਨੱਕ ਦੀ ਸਰਜਰੀ ਕਰਾਈ ਸੀ, ਪਰ ਸਰਜਰੀ ਵਿਚ ਥੋੜੀ ਗੜਬੜੀ ਹੋਣ ਦੀ ਵਜ੍ਹਾ ਕਰਕੇ ਨੋਜ਼ ਦਾ ਟਾਪ ਪੁਆਇੰਟ ਖ਼ਰਾਬ ਹੋ ਗਿਆ ਸੀ। ਵਿਜੈ ਗਲਾਨੀ ਨੇ ਕਿਤਾਬ ਵਿਚ ਖੁਲਾਸਾ ਕੀਤਾ, ਮੈਂ ਮੇਕਅੱਪ ਰੂਮ ਵਿਚ ਪ੍ਰਿਯੰਕਾ ਨੂੰ ਵੇਖ ਕੇ ਹੈਰਾਨ ਰਹਿ ਗਿਆ ਸੀ।
Priyanka Chopra
ਉਨ੍ਹਾਂ ਨੇ ਇਸ ਬਾਰੇ 'ਚ ਪ੍ਰਿਯੰਕਾ ਨੂੰ ਸਵਾਲ ਕੀਤਾ ਤਾਂ ਅਦਾਕਾਰਾ ਨੇ ਇਕ ਮਹੀਨੇ ਦਾ ਸਮਾਂ ਮੰਗਿਆ, ਪਰ ਇਕ ਮਹੀਨੇ ਬਾਅਦ ਵੀ ਪ੍ਰਿਯੰਕਾ ਦੀ ਨੱਕ ਠੀਕ ਨਹੀਂ ਹੋ ਸਕੀ। ਪ੍ਰਿਯੰਕਾ ਦੇ ਲੁਕ ਨੂੰ ਦੇਖ ਕੇ ਬੌਬੀ ਦਿਓਲ ਵੀ ਪ੍ਰੇਸ਼ਾਨ ਦਿਖੇ। ਆਖਰਕਾਰ ਇਸ ਫਿਲਮ ਨੂੰ ਵਿਚਾਲੇ ਹੀ ਬੰਦ ਕਰ ਦਿਤਾ ਗਿਆ।
Priyanka Chopra
ਕਿਤਾਬ ਵਿਚ ਮੇਕਅੱਪ ਆਰਟਿਸਟ ਦੇ ਦਿਤੇ ਬਿਆਨ ਮੁਤਾਬਕ ਸਰਜਰੀ ਕਾਰਨ ਪ੍ਰਿਯੰਕਾ ਸੱਤ ਤੋਂ ਅੱਠ ਮਹੀਨਿਆਂ ਲਈ ਗਾਇਬ ਹੋ ਗਈ। ਇਸ ਤੋਂ ਬਾਅਦ ਡਾਇਰੈਕਟਰ ਅਨਿਲ ਸ਼ਰਮਾ ਨੇ ਵੀ ਹੀਰੋ ਫਿਲਮ ਤੋਂ ਪ੍ਰਿਯੰਕਾ ਨੂੰ ਹਟਾਣ ਦਾ ਪਲਾਨ ਬਣਾ ਲਿਆ। ਪਰ ਉਨ੍ਹਾਂ ਦੇ ਮੈਨੇਜਰ ਦੀ ਬੇਨਤੀ ਤੋਂ ਬਾਅਦ ਪ੍ਰਿਅੰਕਾ ਨੂੰ ਹੀਰੋ ਵਿਚ ਇਕ ਰੋਲ ਦਿਤਾ ਗਿਆ।
Priyanka Chopra
ਅਨਿਲ ਸ਼ਰਮਾ ਨੇ ਦਸਿਆ ਕਿ ਪ੍ਰਿਯੰਕਾ ਨੂੰ ਸਾਇਨ ਕਰਨ ਤੋਂ ਬਾਅਦ ਮੈਂ ਕੁਝ ਹਫ਼ਤਿਆਂ ਲਈ ਅਮਰੀਕਾ ਤੇ ਕੈਨੇਡਾ ਚਲਿਆ ਗਿਆ ਪਰ ਵਾਪਸੀ ਤੋਂ ਬਾਅਦ ਮੈਨੂੰ ਪਤਾ ਚਲਿਆ ਕਿ ਪ੍ਰਿਯੰਕਾ ਨੇ ਲਿਪ ਸਰਜਰੀ ਕਰਾਈ ਹੈ ਕਿਉਂਕਿ ਉਹ ਜੂਲਿਆ ਰਾਬਰਟ ਦੀ ਤਰ੍ਹਾਂ ਲਿਪ ਕਰਨਾ ਚਾਹੁੰਦੀ ਸੀ। ਮੈਂ ਪ੍ਰਿਯੰਕਾ ਦੀਆਂ ਨਵੀਂਆਂ ਤਸਵੀਰਾਂ ਨੂੰ ਵੇਖਿਆ ਤਾਂ ਹੈਰਾਨ ਰਹਿ ਗਿਆ।
Priyanka Chopra
ਅਨਿਲ ਨੇ ਉਸ ਵਕਤ ਨੂੰ ਯਾਦ ਕਰਦੇ ਹੋਏ ਦਸਿਆ ਕਿ ਮੈਂ ਤੁਰੰਤ ਪ੍ਰਿਯੰਕਾ ਨੂੰ ਮਿਲਣ ਲਈ ਬੁਲਾਇਆ। ਉਹ ਮਾਂ ਦੇ ਨਾਲ ਮਿਲਣ ਆਈ। ਉਸ ਨੂੰ ਵੇਖ ਕੇ ਮੇਰਾ ਗੁੱਸਾ ਸੱਤਵੇਂ ਅਸਮਾਨ ਉਤੇ ਪਹੁੰਚ ਗਿਆ। ਫਿਰ ਪ੍ਰਿਅੰਕਾ ਨੇ ਦਸਿਆ ਕਿ ਲਿਪ ਸਰਜਰੀ ਨੂੰ 6-7 ਮਹੀਨੇ ਠੀਕ ਹੋਣ 'ਚ ਲੱਗ ਜਾਣਗੇ। ਇਸ ਵਿਚ ਕਈ ਫਿਲਮਾਂ ਤੋਂ ਮੈਨੂੰ ਹਟਾਇਆ ਗਿਆ ਹੈ, ਹੁਣ ਮੈਂ ਮਾਂ ਦੇ ਨਾਲ ਬਰੇਲੀ ਵਾਪਸ ਜਾ ਰਹੀ ਹਾਂ।
Priyanka Chopra
ਪ੍ਰਿਯੰਕਾ ਦੀ ਵਾਪਸੀ ਦੇ ਪਲਾਨ ਨੇ ਮੈਨੂੰ ਭਾਵੁਕ ਕਰ ਦਿਤਾ। ਮੈਂ ਕਿਹਾ ਕਿ ਤੂੰ ਵਾਪਸ ਨਹੀਂ ਜਾਏਂਗੀ, ਮੈਂ ਤੁਹਾਡਾ ਸਕਰੀਨ ਟੈਸਟ ਕਰਾਂਗਾ। ਪ੍ਰਿਯੰਕਾ ਦੇ ਲੁਕ ਨੂੰ ਠੀਕ ਕਰਨ ਲਈ ਮੇਕਅੱਪ ਮੈਨ ਨੂੰ ਬੁਲਾਇਆ ਗਿਆ ਅਤੇ ਹੀਰੋ ਵਿਚ ਸ਼ਾਰਟ ਹੇਅਰ ਦੇ ਨਾਲ ਪ੍ਰਿਯੰਕਾ ਦੇ ਰੋਲ ਨੂੰ ਫਾਇਨਲ ਕੀਤਾ ਗਿਆ।
