ਬਿਹਤਰੀਨ ਫਿਲਮ, ਨਿਰਦੇਸ਼ਨ ਅਤੇ ਅਦਾਕਾਰੀ ਦਾ ਪੁਰਸਕਾਰ ਜਿੱਤਿਆ
ਜੈਪੁਰ : ਕਿਰਨ ਰਾਓ ਦੀ ਆਲੋਚਨਾਤਮਕ ਪ੍ਰਸ਼ੰਸਾ ਪ੍ਰਾਪਤ ਫ਼ਿਲਮ ‘ਲਾਪਤਾ ਲੇਡੀਜ਼’ 2025 ਦੇ ਇੰਟਰਨੈਸ਼ਨਲ ਇੰਡੀਅਨ ਫਿਲਮ ਅਕੈਡਮੀ (ਆਈਫਾ) ਅਵਾਰਡਾਂ ’ਚ ਸੱਭ ਤੋਂ ਵੱਡੀ ਜੇਤੂ ਬਣ ਕੇ ਉਭਰੀ ਹੈ, ਜਿਸ ਨੇ ਬਿਹਤਰੀਨ ਫਿਲਮ ਅਤੇ ਬਿਹਤਰੀਨ ਨਿਰਦੇਸ਼ਨ ਸਮੇਤ 10 ਟਰਾਫੀਆਂ ਜਿੱਤੀਆਂ ਹਨ।
ਫਿਲਮ ਨੂੰ ਭਾਰਤ ਦੀ ਅਧਿਕਾਰਤ ਆਸਕਰ ਐਂਟਰੀ ਬਣਾ ਕੇ ਭੇਜਿਆ ਗਿਆ ਸੀ। ਇਸ ਨੇ ਸਾਰੀਆਂ ਪ੍ਰਮੁੱਖ ਸ਼੍ਰੇਣੀਆਂ ’ਚ ਜਿੱਤ ਪ੍ਰਾਪਤ ਕੀਤੀ, ਜਿਸ ’ਚ ਰਾਓ ਨੇ ਬਿਹਤਰੀਨ ਨਿਰਦੇਸ਼ਕ ਦਾ ਪੁਰਸਕਾਰ ਜਿੱਤਿਆ, ਜਦਕਿ ਨਿਤਾਨਸ਼ੀ ਗੋਇਲ ਨੇ ਗੁੰਮ ਹੋਈ ਲਾੜੀ ਫੂਲ ਦੀ ਭੂਮਿਕਾ ਲਈ ਮੋਹਰੀ ਭੂਮਿਕਾ (ਮਹਿਲਾ) ’ਚ ਬਿਹਤਰੀਨ ਪ੍ਰਦਰਸ਼ਨ ਪ੍ਰਾਪਤ ਕੀਤਾ।
ਰਾਓ ਨੇ ਟਰਾਫੀ ਪ੍ਰਾਪਤ ਕਰਨ ਮਗਰੋਂ ਕਿਹਾ, ‘‘ਲਾਪਤਾ ਲੇਡੀਜ਼ ਵਰਗੀ ਫਿਲਮ ਲਈ ਪੁਰਸਕਾਰ ਜਿੱਤਣਾ ਇਕ ਦੁਰਲੱਭ ਸਨਮਾਨ ਹੈ। ਇਹ ਇਕ ਸ਼ਾਨਦਾਰ ਰਾਤ ਰਹੀ ਹੈ। ਇਸ ਤਰ੍ਹਾਂ ਦੀ ਫਿਲਮ ਬਣਾਉਣਾ ਇਕ ਦੁਰਲੱਭ ਸਨਮਾਨ ਹੈ।’’ ਬਾਲੀਵੁੱਡ ਸਟਾਰ ਕਾਰਤਿਕ ਆਰੀਅਨ ਨੇ ‘ਭੂਲ ਭੁਲਈਆ 3’ ਲਈ ਮੁੱਖ ਭੂਮਿਕਾ (ਪੁਰਸ਼) ’ਚ ਬਿਹਤਰੀਨ ਪ੍ਰਦਰਸ਼ਨ ਜਿੱਤਿਆ।
ਲਾਪਾਟਾ ਲੇਡੀਜ਼ ਨੇ ਕਈ ਤਕਨੀਕੀ ਸ਼੍ਰੇਣੀਆਂ ’ਚ ਵੀ ਜਿੱਤ ਪ੍ਰਾਪਤ ਕੀਤੀ, ਜਿਸ ’ਚ ਬਿਪਲਬ ਗੋਸਵਾਮੀ ਲਈ ਬਿਹਤਰੀਨ ਕਹਾਣੀ (ਮੂਲ), ਸਨੇਹਾ ਦੇਸਾਈ ਲਈ ਬਿਹਤਰੀਨ ਸਕ੍ਰੀਨਪਲੇਅ ਅਤੇ ਜਬੀਨ ਮਰਚੈਂਟ ਲਈ ਬਿਹਤਰੀਨ ਸੰਪਾਦਨ ਸ਼ਾਮਲ ਹਨ। ਪ੍ਰਸ਼ਾਂਤ ਪਾਂਡੇ ਨੂੰ ਸਜਨੀ ਗੀਤ ਲਈ ਬਿਹਤਰੀਨ ਗੀਤ ਲੇਖਕ ਨਾਲ ਸਨਮਾਨਿਤ ਕੀਤਾ ਗਿਆ ਜਦਕਿ ਰਾਮ ਸੰਪਤ ਨੂੰ ਬਿਹਤਰੀਨ ਸੰਗੀਤ ਦਾ ਸਨਮਾਨ ਮਿਲਿਆ।
ਅਦਾਕਾਰਾ ਜਾਨਕੀ ਬੋਦੀਵਾਲਾ ਨੂੰ ‘ਸ਼ੈਤਾਨ’ ’ਚ ਅਪਣੀ ਅਦਾਕਾਰੀ ਲਈ ਬਿਹਤਰੀਨ ਸਹਾਇਕ ਭੂਮਿਕਾ (ਮਹਿਲਾ) ਦਾ ਪੁਰਸਕਾਰ ਮਿਲਿਆ, ਜਦਕਿ ਰਾਘਵ ਜੁਯਾਲ ਨੂੰ ‘ਕਿਲ’ ’ਚ ਉਨ੍ਹਾਂ ਦੀ ਭੂਮਿਕਾ ਲਈ ਨਕਾਰਾਤਮਕ ਭੂਮਿਕਾ ’ਚ ਬਿਹਤਰੀਨ ਪ੍ਰਦਰਸ਼ਨ ਦਾ ਪੁਰਸਕਾਰ ਦਿਤਾ ਗਿਆ।
ਪਹਿਲੀ ਫਿਲਮ ਸ਼੍ਰੇਣੀ ’ਚ ਕੁਨਾਲ ਖੇਮੂ ਨੇ ਮਡਗਾਓਂ ਐਕਸਪ੍ਰੈਸ ਲਈ ਬਿਹਤਰੀਨ ਨਿਰਦੇਸ਼ਕ ਦਾ ਪੁਰਸਕਾਰ ਜਿੱਤਿਆ, ਜਦਕਿ ਲਕਸ਼ਯ ਲਾਲਵਾਨੀ ਨੂੰ ‘ਕਿਲ’ ’ਚ ਉਸ ਦੀ ਭੂਮਿਕਾ ਲਈ ਬਿਹਤਰੀਨ ਡੈਬਿਊ (ਪੁਰਸ਼) ਚੁਣਿਆ ਗਿਆ। ਬਿਹਤਰੀਨ ਕਹਾਣੀ (ਅਨੁਕੂਲਿਤ) ਪੁਰਸਕਾਰ ਮੈਰੀ ਕ੍ਰਿਸਮਸ ਦੀ ਟੀਮ ਨੂੰ ਦਿਤਾ ਗਿਆ ਜਿਸ ’ਚ ਸ਼੍ਰੀਰਾਮ ਰਾਘਵਨ, ਅਰਿਜੀਤ ਬਿਸਵਾਸ, ਪੂਜਾ ਸੁਰਤੀ ਅਤੇ ਅਨੁਕ੍ਰਿਤੀ ਪਾਂਡੇ ਸ਼ਾਮਲ ਸਨ।
‘ਧਾਰਾ 370’ ਲਈ ਅਰਜੁਨ ਧਵਨ, ਆਦਿੱਤਿਆ ਧਰ, ਦਿਸਿਆ ਸੁਹਾਸ ਜੰਭਲੇ ਅਤੇ ਮੋਨਲ ਠਾਕਰ ਨੇ ਬਿਹਤਰੀਨ ਸੰਵਾਦ ਟਰਾਫੀ ਜਿੱਤੀ। ਸਮਾਰੋਹ ’ਚ ਉੱਘੇ ਫਿਲਮ ਨਿਰਮਾਤਾ ਰਾਕੇਸ਼ ਰੋਸ਼ਨ ਨੂੰ ਭਾਰਤੀ ਸਿਨੇਮਾ ’ਚ ਸ਼ਾਨਦਾਰ ਪ੍ਰਾਪਤੀ ਪੁਰਸਕਾਰ ਨਾਲ ਸਨਮਾਨਿਤ ਕੀਤਾ ਗਿਆ। ਉਸ ਨੂੰ ਦਿੱਗਜ ਅਦਾਕਾਰਾ ਰੇਖਾ ਨੇ ਸਨਮਾਨਿਤ ਕੀਤਾ।
‘ਅਮਰ ਸਿੰਘ ਚਮਕੀਲਾ’ ਨੂੰ ਡਿਜੀਟਲ ਪੁਰਸਕਾਰਾਂ ’ਚ ਮਿਲਿਆ ਬਿਹਤਰੀਨ ਫ਼ਿਲਮ ਦਾ ਪੁਰਸਕਾਰ
ਜੈਪੁਰ : ਦਲਜੀਤ ਦੁਸਾਂਝ ਦੀ ਅਦਾਕਾਰੀ ਅਤੇ ਇਮਤਿਆਜ਼ ਅਲੀ ਦੇ ਨਿਰਦੇਸ਼ਨ ਵਾਲੀ ਫ਼ਿਲਮ ‘ਅਮਰ ਸਿੰਘ ਚਮਕੀਲਾ’ ਨੂੰ 2025 ਦਾ ਆਈਫ਼ਾ ਡਿਜੀਟਲ ਪੁਰਸਕਾਰ 2025 ਦਿਤਾ ਗਿਆ। ਸਨਿਚਰਵਾਰ ਰਾਤ ਹੋਏ ਪੁਰਸਕਾਰ ਸਮਾਰੋਹ ’ਚ ‘ਪੰਚਾਇਤ’ ਨੂੰ ਬਿਹਤਰੀਨ ਵੈੱਬ ਸੀਰੀਜ਼ ਚੁਣਿਆ ਗਿਆ। ‘ਦੋ ਪੱਤੀ ’ਚ ਰੋਲ ਲਈ ਕ੍ਰਿਤੀ ਸੈਨਾਨ ਨੂੰ ਬਿਹਤਰੀ ਅਦਾਕਾਰਾ ਚੁਣਿਆ ਗਿਆ ਜਦਕਿ ‘ਸੈਕਟਰ 26’ ’ਚ ਅਦਾਕਾਰੀ ਲਈ ਵਿਕਰਾਂਤ ਮੈੱਸੀ ਨੂੰ ਬਿਹਤਰੀਨ ਕਲਾਕਾਰ ਦਾ ਪੁਰਸਕਾਰ ਦਿਤਾ ਗਿਆ।
