ਅਕਸ਼ੇ ਕੁਮਾਰ ਦਾ ਰਾਕੇਟ ਲੈਂਡ ਹੋਣ ਤੋਂ ਪਹਿਲਾਂ ਹੀ ਛੱਤ ਤੋਂ ਡਿੱਗਿਆ
ਨਵੀਂ ਦਿੱਲੀ: ਕਾਮੇਡੀ ਕਿੰਗ ਕਪਿਲ ਸ਼ਰਮਾ ਦੇ ਸ਼ੋਅ 'ਚ ਇਸ ਵਾਰ ਕੁਝ ਅਜਿਹਾ ਹੋਇਆ, ਜਿਸ ਨੇ ਸਭ ਨੂੰ ਹੈਰਾਨ ਕਰ ਦਿੱਤਾ। ਦਰਅਸਲ, ਇਸ ਹਫ਼ਤੇ 'ਮਿਸ਼ਨ ਮੰਗਲ' ਦੀ ਟੀਮ ਫਿਲਮ 'ਦਿ ਕਪਿਲ ਸ਼ਰਮਾ ਸ਼ੋਅ' ਵਿਚ ਫ਼ਿਲਮ ਦੇ ਪ੍ਰਮੋਸ਼ਨ ਲਈ ਪਹੁੰਚੀ ਸੀ। ਪਰ ਸਭ ਤੋਂ ਹੈਰਾਨ ਕਰਨ ਵਾਲੀ ਗੱਲ ਸੈੱਟ 'ਤੇ ਉਦੋਂ ਵਾਪਰੀ ਜਦੋਂ ਅਕਸ਼ੈ ਕੁਮਾਰ ਸ਼ੋਅ ਵਿਚ ਐਂਟਰੀ ਕੀਤੀ। ਅਕਸ਼ੈ ਕੁਮਾਰ 'ਦਿ ਕਪਿਲ ਸ਼ਰਮਾ ਸ਼ੋਅ' 'ਚ ਦਾਖਲ ਹੋਣ ਵਾਲੇ ਸਨ। ਪਰ ਸੈੱਟ 'ਤੇ ਉਤਰਨ ਤੋਂ ਪਹਿਲਾਂ ਉਹਨਾਂ ਦਾ ਰਾਕੇਟ ਲੈਂਡ ਹੋਣ ਤੋਂ ਪਹਿਲਾਂ ਹੀ ਛੱਤ ਤੋਂ ਡਿੱਗ ਗਿਆ, ਜਿਸ ਨੇ ਸਾਰਿਆਂ ਨੂੰ ਹੈਰਾਨ ਕਰ ਦਿੱਤਾ।
What just happened !! Meet the entire star cast of #MissionMangal only in #TheKapilSharmaShow this weekend at 9:30 @KapilSharmaK9 @kikusharda @haanjichandan @Krushna_KAS @bharti_lalli @sumona24 @Banijayasia @akshaykumar @sonakshisinha @taapsee @IamKirtiKulhari pic.twitter.com/qyxQiykNP8
— Sony TV (@SonyTV) August 9, 2019
'ਦਿ ਕਪਿਲ ਸ਼ਰਮਾ ਸ਼ੋਅ' ਦਾ ਇਹ ਵੀਡੀਓ ਸੋਨੀ ਟੀਵੀ ਦੇ ਟਵਿੱਟਰ ਅਕਾਊਂਟ 'ਤੇ ਸਾਂਝਾ ਕੀਤਾ ਗਿਆ। ਜਿਸ ਨੇ ਕਾਫ਼ੀ ਸੁਰਖੀਆਂ ਬਟੋਰੀਆਂ। ਵੀਡੀਓ ਵਿਚ ਦਿਖਾਇਆ ਗਿਆ ਕਿ ਸ਼ੋਅ ਦੇ ਸੈੱਟ 'ਤੇ ਸਭ ਤੋਂ ਪਹਿਲਾਂ 'ਦਬੰਗ' ਗਰਲ ਸੋਨਾਕਸ਼ੀ ਸਿਨਹਾ ਪਹੁੰਚੀ। ਉਨ੍ਹਾਂ ਤੋਂ ਬਾਅਦ 'ਮਿਸ਼ਨ ਮੰਗਲ' ਦੀ ਟੀਮ ਸੈੱਟ 'ਤੇ ਪਹੁੰਚਣ ਵਾਲੀ ਸੀ, ਪਰ ਅਕਸ਼ੈ ਕੁਮਾਰ ਦੀ ਐਂਟਰੀ ਦੇ ਸਮੇਂ ਹੋਏ ਹਾਦਸੇ ਨੇ ਸਭ ਨੂੰ ਹੈਰਾਨ ਕਰ ਦਿੱਤਾ। ਟਵਿੱਟਰ 'ਤੇ ਇਸ ਵੀਡੀਓ ਨੂੰ ਸਾਂਝਾ ਕਰਦੇ ਹੋਏ ਸੋਨੀ ਟੀਵੀ ਨੇ ਲਿਖਿਆ, "ਆਖ਼ਰ ਹੋਇਆ ਕੀ ਸੀ ਮਿਲੋ 'ਮਿਸ਼ਨ ਮੰਗਲ' ਦੀ ਟੀਮ ਨੂੰ''।
ਦੱਸ ਦਈਏ ਕਿ ਇਹ ਪਹਿਲਾ ਮੌਕਾ ਨਹੀਂ ਹੈ ਜਦੋਂ ‘ਦਿ ਕਪਿਲ ਸ਼ਰਮਾ ਸ਼ੋਅ’ ਵਿਚ ਕੁਝ ਨਵਾਂ ਧਮਾਕਾ ਹੋਣ ਵਾਲਾ ਹੋਵੇ। ਕਾਮੇਡੀ ਕਿੰਗ ਕਪਿਲ ਸ਼ਰਮਾ ਦਾ ਸ਼ੋਅ ਨਾ ਸਿਰਫ਼ ਆਪਣੇ ਕੰਟੈਂਟ ਦੇ ਮਾਮਲੇ ਵਿਚ ਵਧੀਆ ਹੈ ਬਲਕਿ ਸ਼ੋਅ ਹਮੇਸ਼ਾ ਟੀਆਰਪੀ ਦੀ ਦੌੜ ਵਿਚ ਹਮੇਸ਼ਾ ਅੱਗੇ ਹੁੰਦਾ ਹੈ। ਸ਼ੋਅ ਦੇ ਦੂਜੇ ਮੈਂਬਰਾਂ ਭਾਵ ਕਿਕੂ ਸ਼ਾਰਦਾ, ਕ੍ਰਿਸ਼ਣਾ ਅਭਿਸ਼ੇਕ, ਸੁਮੋਨਾ ਚੱਕਰਵਰਤੀ, ਭਾਰਤੀ ਅਤੇ ਚੰਦਨ ਪ੍ਰਭਾਕਰ ਆਪਣੀ ਅਦਾਕਾਰੀ ਅਤੇ ਗੱਲਬਾਤ ਨਾਲ ਸਾਰਿਆਂ ਨੂੰ ਹਸਾਉਂਦੇ ਅਤੇ ਖੁਸ਼ ਰੱਖਦੇ ਹਨ ਪਰ ਇਸ ਵਾਰ ਇਹ ਵੇਖਣਾ ਬਾਕੀ ਹੈ ਕਿ ਅਕਸ਼ੈ ਕੁਮਾਰ ਸੈੱਟ 'ਤੇ ਆਪਣੀ ਬੈਨਿੰਗ ਐਂਟਰੀ ਕਰਨ ਵਿਚ ਸਫ਼ਲ ਹੁੰਦੇ ਹਨ ਜਾਂ ਨਹੀਂ?