ਲੱਗਦਾ ਹੈ ਕਿ ਕਪਿਲ ਸ਼ਰਮਾ ਦੇ ਚੰਗੇ ਦਿਨ ਆਉਣੇ ਹੀ ਨਹੀਂ, ਕਪਿਲ ਸ਼ਰਮਾ ਦੀ ਕਾਮੇਡੀ ਵੀ ਹੁਣ ਉਨ੍ਹਾਂ ਨੂੰ ਮੁਸ਼ਕਲ ਵਿਚ ਪਾ ਰਹੀ ਹੈ....
ਲੱਗਦਾ ਹੈ ਕਿ ਕਪਿਲ ਸ਼ਰਮਾ ਦੇ ਚੰਗੇ ਦਿਨ ਆਉਣੇ ਹੀ ਨਹੀਂ। ਸ਼ੋਅ ਦੇ ਬੰਦ ਹੋਣ, ਫੋਨ 'ਤੇ ਗਾਲਾਂ ਕੱਢਣ ਅਤੇ ਬੀਮਾਰ ਹੋਣ ਦੇ ਕਾਰਨ ਲਗਾਤਾਰ ਸੁਰਖ਼ੀਆਂ ਵਿਚ ਰਹੇ ਕਪਿਲ ਸ਼ਰਮਾ ਦੀ ਕਾਮੇਡੀ ਵੀ ਹੁਣ ਉਨ੍ਹਾਂ ਨੂੰ ਮੁਸ਼ਕਲ ਵਿਚ ਪਾ ਰਹੀ ਹੈ। ਕਹਿੰਦੇ ਹਨ ਕਿ ਕਦੇ ਕਦੇ ਸਿੱਧੀਆਂ ਵੀ ਪੁੱਠੀਆਂ ਪੈਣ ਲਗ ਜਾਂਦੀਆਂ ਹਨ ਤੇ ਕਪਿਲ ਸ਼ਰਮਾ ਨਾਲ ਵੀ ਕੁੱਝ ਅਜਿਹਾ ਹੀ ਹੋ ਰਿਹਾ ਹੈ ਤਾਂਹੀ ਤਾਂ ਜਿਸ ਹੁਨਰ ਦੀ ਤਰੀਫ਼ ਹੁਣ ਤੱਕ ਪੂਰੀ ਦੁਨੀਆ ਕਰਦੀ ਸੀ ਅੱਜ ਓਹੀ ਉਸਦੀ ਮੁਸ਼ਕਿਲ ਦੀ ਨਵੀਂ ਵਜ੍ਹਾ ਬਣ ਗਿਆ ਹੈ।
Kapil Sharma
ਦਸ ਦਈਏ ਕਿ ਮਸ਼ਹੂਰ ਐਕਟਰ ਅਤੇ ਸੰਸਦ ਸ਼ਤਰੂਘਨ ਸਿਨ੍ਹਾ ਨੇ ਕਪਿਲ ਸ਼ਰਮਾ ਦੇ ਖ਼ਿਲਾਫ਼ ਆਪਣੀ ਖਾਮੋਸ਼ੀ ਤੋੜੀ ਹੈ। ਇੱਕ ਗੱਲਬਾਤ ਦੇ ਦੌਰਾਨ ਸ਼ਾਟਗਨ ਬਾਬੂ ਨੇ ਕਿਹਾ ਕਿ ਉਨ੍ਹਾਂ ਨੂੰ ਇਸ ਗੱਲ ਤੋਂ ਕੋਈ ਮੁਸ਼ਕਿਲ ਨਹੀਂ ਹੈ ਕਿ ਕੋਈ ਉਨ੍ਹਾਂ ਦੀ ਮਿਮਿਕਰੀ ਕਰੇ ਪਰ ਨਾਲ ਹੀ ਉਨ੍ਹਾਂ ਇਕ ਸੀਮਾ ਵਿਚ ਰਹਿ ਕੇ ਮਿਮਿਕਰੀ ਕਰਨ ਦੀ ਗੱਲ ਆਖੀ।
Kapil Sharma with Shatrughan Sinha
ਕਪਿਲ ਸ਼ਰਮਾ ਦੇ ਸ਼ੋਅ ਵਿਚ ਜਿਸ ਤਰ੍ਹਾਂ ਨਾਲ ਉਨ੍ਹਾਂ ਦਾ ਮਜ਼ਾਕ ਉੜਾਇਆ ਗਿਆ ਉਹ ਠੀਕ ਨਹੀਂ ਸੀ। ਸਿਨ੍ਹਾ ਨੇ ਇਹ ਵੀ ਕਿਹਾ ਕਿ ਉਨ੍ਹਾਂ ਦੀ ਧੀ ਸੋਨਾਕਸ਼ੀ ਨੇ ਵੀ ਕਈ ਵਾਰ ਕਪਿਲ ਨੂੰ ਇਸ ਗੱਲ ਲਈ ਝਿੜਕਿਆ ਸੀ ਕਿ ਉਹ ਸ਼ੋਅ ਵਿਚ ਉਨ੍ਹਾਂ ਦੇ ਪਿਤਾ ਲਈ ਇਸ ਤਰ੍ਹਾਂ ਦਾ ਮਜ਼ਾਕ ਨਾਂ ਕਰੇ ਪਰ ਉਹ ਬਾਜ਼ ਨਹੀਂ ਆਏ।
Shatrughan Sinha Kapil Sharma
ਸ਼ੋਅ ਵਿਚ ਕਪਿਲ ਨੇ ਸ਼ਤਰੂਘਨ ਸਿਨ੍ਹਾ ਦੇ ਹੱਥਾਂ ਵਾਲੇ ਹਾਵ - ਭਾਵ ਦੇ ਨਾਲ ਖ਼ਾਮੋਸ਼ ਅਤੇ ਚਪੜਗੰੰਜੂ ਵਰਗੇ ਡਾਇਲਾਗ ਬੋਲ ਕੇ ਮਿਮਿਕਰੀ ਕੀਤੀ ਸੀ। ਸ਼ਤਰੂਘਨ ਸਿਨ੍ਹਾ ਦਾ ਕਹਿਣਾ ਹੈ ਕਿ ਉਹ ਮਿਮਿਕਰੀ ਨੂੰ ਖੁੱਲੇ ਦਿਲੋਂ ਅਪਣਾਉਂਦੇ ਹਨ। ਲਤਾ ਜੀ, ਆਸ਼ਾ ਜੀ, ਬਿੱਗ ਬੀ ਸਭ ਦੀ ਲੋਕ ਮਿਮਿਕਰੀ ਕਰਦੇ ਹਨ। ਸਭ ਇਕ ਹੱਦ ਤੱਕ ਠੀਕ ਹੈ ਜਦੋਂ ਤੱਕ ਸੀਮਾ ਵਿਚ ਹੋਵੇ। ਕਪਿਲ ਨੂੰ ਵੀ ਲਿਮਿਟ ਕਰਾਸ ਨਹੀਂ ਕਰਣੀ ਚਾਹੀਦੀ ਸੀ।
Kapil Sharma with Shatrughan Sinha
ਹਾਲ ਹੀ ਵਿਚ ਸ਼ਤਰੂਘਨ ਸਿਨ੍ਹਾ ਆਪਣੇ ਹਮਸ਼ਕਲ ਦੀ ਵਜ੍ਹਾ ਨਾਲ ਚਰਚਾ ਵਿਚ ਰਹੇ। ਸਾਲ 2003 ਵਿਚ ਬਲਬੀਰ ਸਿੰਘ ਨਾਮ ਦੇ ਉਨ੍ਹਾਂ ਦੇ ਹਮਸ਼ਕਲ ਨੇ ਇਕ ਸਟਿੰਗ ਆਪਰੇਸ਼ਨ ਦੇ ਤਹਿਤ ਸ਼ਤਰੁਘਨ ਸਿਨ੍ਹਾ ਬਣ ਕੇ ਸੰਸਦ ਵਿਚ ਵੜਣ ਦੀ ਕੋਸ਼ਿਸ਼ ਕੀਤੀ ਸੀ। ਬਲਬੀਰ ਅੱਜ 80 ਸਾਲ ਦਾ ਹੋ ਚੱਕਿਆ ਹੈ 'ਤੇ ਉਨ੍ਹਾਂ 'ਤੇ ਹੁਣ ਤੱਕ ਕੇਸ ਚੱਲ ਰਿਹਾ ਹੈ। ਉਨ੍ਹਾਂ ਨੂੰ ਦੋ ਵਾਰ ਦਿਲ ਦਾ ਦੌਰਾ ਵੀ ਪਿਆ ਹੈ ਅਤੇ ਇਸ ਗੱਲ ਦਾ ਪਛਤਾਵਾ ਵੀ ਹੈ ਕਿ ਉਨ੍ਹਾਂ ਨੇ ਅਜਿਹਾ ਕਿਉਂ ਕੀਤਾ। ਹੁਣ ਤਾਂ ਸ਼ਤਰੂਘਨ ਸਿਨ੍ਹਾ ਵੀ ਕਹਿੰਦੇ ਹਨ ਕਿ ਉਸਨੂੰ ਕੁਰਬਾਨੀ ਦਾ ਬਕਰਾ ਬਣਾਇਆ ਗਿਆ ਤੇ ਹੁਣ ਉਸਨੂੰ ਮੁਆਫ਼ ਕਰ ਦੇਣਾ ਚਾਹੀਦਾ ਹੈ।
