ਇਸ ਵੀਡੀਓ ਨੂੰ ਪਹਿਲੀ ਝੱਲਕ ਵਿਚ ਦੇਖਣ 'ਤੇ ਕੋਈ ਵੀ ਇਹ ਸਮਝੇਗਾ ਕਿ ਇਹ ਅਸਲ ਵਿਚ ਹੀ ਪ੍ਰਧਾਨਮੰਤਰੀ ਮਨਮੋਹਨ ਸਿੰਘ ਹਨ
ਭਾਰਤ ਦੇ ਸਾਬਕਾ ਪ੍ਰਧਾਨਮੰਤਰੀ ਮਨਮੋਹਨ ਸਿੰਘ 'ਤੇ ਬਨਣ ਵਾਲੀ ਫ਼ਿਲਮ 'ਦਿ ਐਕਸੀਡੈਂਟਲ ਪ੍ਰਾਇਮ ਮਿਨਿਸਟਰ' 'ਚ ਅਦਾਕਾਰ ਅਨੁਪਮ ਖ਼ੇਰ ਦੀਆਂ ਤਸਵੀਰਾਂ ਸਾਹਮਣੇ ਆਈਆਂ ਸਨ। ਜਿਨ੍ਹਾਂ ਵਿਚ ਹੂਬਹੂ ਪ੍ਰਧਾਨਮੰਤਰੀ ਲਗ ਰਹੇ ਸਨ। ਇਸੇ ਤਰ੍ਹਾਂ ਹੀ ਬੀਤੇ ਦਿਨੀ ਫ਼ਿਲਮ ਦੇ ਸੈੱਟ ਤੋਂ ਇਕ ਵੀਡੀਓ ਵਾਇਰਲ ਹੋ ਰਹੀ ਹੈ ਜਿਸ ਵਿਚ ਪ੍ਰਧਾਨਮੰਤਰੀ ਬਣੇ ਅਨੂਪਮ ਅਪਣੇ ਸਿਕਿਓਰਟੀ ਗਾਰਡਜ਼ ਦੇ ਨਾਲ ਨਿਕਲਦੇ ਹੋਏ ਦਿਖਾਈ ਦੇ ਰਹੇ ਹਨ।
ਦਸ ਦਈਏ ਕਿ ਇਸ ਫ਼ਿਲਮ ਦਾ ਨਿਰਦੇਸ਼ਨ ਫ਼ਤਹਿ ਰਤਨਾਕੇ ਕਰਣ ਜਾ ਰਹੇ ਹਨ ਅਤੇ ਇਹ ਉਨ੍ਹਾਂ ਦੀ ਪਹਿਲੀ ਫ਼ਿਲਮ ਹੈ। ਇਸ ਫ਼ਿਲਮ ਵਿੱਚ ਅਨੁਪਮ ਖੇਰ ਦੇ ਇਲਾਵਾ ਇੱਕ ਜਨੀਤਕ ਵਿਸ਼ਲੇਸ਼ਕ ਸੰਜੈ ਬਰੁਆ ਦੇ ਕਿਰਦਾਰ ਵਿੱਚ ਅਕਸ਼ੈ ਖੰਨਾ ਅਤੇ ਫ਼ਿਲਮ 'ਲਿਪਸਟਿਕ ਅੰਡਰ ਮਾਈ ਬੁਰਕਾ' ਵਿੱਚ ਨਜ਼ਰ ਆ ਚੁਕੀ ਅਦਾਕਾਰਾ ਅਹਾਨਾ ਕੁਮਰਾ ਵੀ ਅਹਿਮ ਕਿਰਦਾਰ 'ਚ ਨਜ਼ਰ ਆਵੇਗੀ ਜੋ ਕਿ ਇਸ ਫ਼ਿਲਮ 'ਚ ਪ੍ਰਿਅੰਕਾ ਗਾਂਧੀ ਦੇ ਕਿਰਦਾਰ ਵਿੱਚ ਨਜ਼ਰ ਆਵੇਗੀ। ਇਸ ਦੇ ਨਾਲ ਹੀ ਇੱਕ ਅਹਿਮ ਕਿਰਦਾਰ ਦਾ ਖੁਲਾਸਾ ਵੀ ਹੋਇਆ ਹੈ ਕਿ ਇਸ ਫ਼ਿਲਮ 'ਚ ਜਰਮਨ ਅਦਾਕਾਰ ਸੁਜੈਨ ਬਰਨਰਟ ਇਸ ਫ਼ਿਲਮ ਵਿੱਚ ਯੂਪੀਏ ਅਧਯਕਸ਼ ਸੋਨਿਆ ਗਾਂਧੀ ਦੇ ਕਿਰਦਾਰ ਵਿੱਚ ਨਜ਼ਰ ਆਵੇਗੀ। ਦੱਸ ਦਈਏ ਕਿ ਸੁਜੈਨ ਬਰਨਰਟ ਦਾ ਵਿਆਹ ਸੰਪੂਰਣ ਮਿਸ਼ਰਾ ਨਾਲ ਹੋਇਆ ਸੀ ਅਤੇ 35 ਸਾਲ ਦੀ ਬਰਨਰਟ ਕਾਫ਼ੀ ਸਾਫ਼ ਅਤੇ ਵਧੀਆ ਤਰੀਕੇ ਨਾਲ ਹਿੰਦੀ ਬੋਲ ਸਕਦੀ ਹੈ। ਉਥੇ ਹੀ ਗੱਲ ਕਰੀਏ ਫ਼ਿਲਮ 'ਦਿ ਐਕਸੀਡੈਂਟਲ ਪ੍ਰਾਇਮ ਮਿਨਿਸਟਰ' ਦੀ ਤਾਂ ਆਉਣ ਵਾਲੇ ਸਮੇਂ 'ਚ ਸੱਭ ਨੂੰ ਇਸ ਫ਼ਿਲਮ ਤੋਂ ਕਾਫੀ ਉਮੀਦਾਂ ਹਨ। ਇਹ ਫ਼ਿਲਮ 21 ਦਸੰਬਰ 2018 'ਚ ਰਲੀਜ਼ ਹੋਵੇਗੀ।