ਅਮਿਤਾਭ ਬੱਚਨ ਇਕ ਵਾਰ ਫਿਰ ਤੋਂ ਸੋਸ਼ਲ ਮੀਡੀਆ 'ਤੇ ਗੁੱਸਾ ਹੋ ਗਏ ਹਨ। ਦਰਅਸਲ ਉਨ੍ਹਾਂ ਦਾ ਲਿਖਿਆ ਇਕ ਬਲਾਗ ਹਟਾ ਦਿਤਾ ਗਿਆ ਹੈ। ਦੱਸ ਦਈਏ ਕਿ ਅਮਿਤਾਭ ਦੇ...
ਮੁੰਬਈ : ਅਮਿਤਾਭ ਬੱਚਨ ਇਕ ਵਾਰ ਫਿਰ ਤੋਂ ਸੋਸ਼ਲ ਮੀਡੀਆ 'ਤੇ ਗੁੱਸਾ ਹੋ ਗਏ ਹਨ। ਦਰਅਸਲ ਉਨ੍ਹਾਂ ਦਾ ਲਿਖਿਆ ਇਕ ਬਲਾਗ ਹਟਾ ਦਿਤਾ ਗਿਆ ਹੈ। ਦੱਸ ਦਈਏ ਕਿ ਅਮਿਤਾਭ ਦੇ ਇਕ ਬਲਾਗ ਪੋਸਟ ਨੂੰ ਟੰਬਲਰ ਨੇ ਪ੍ਰਕਾਸ਼ਿਤ ਕਰਨ ਤੋਂ ਮਨਾ ਕਰ ਦਿਤਾ ਹੈ। ਇਸ ਗੱਲ ਤੋਂ ਅਮਿਤਾਭ ਬਹੁਤ ਗੁੱਸਾ ਹੋ ਗਏ ਹਨ ਅਤੇ ਉਨ੍ਹਾਂ ਨੇ ਟੰਬਲਰ ਛੱਡਣ ਦੀ ਧਮਕੀ ਵੀ ਦੇ ਦਿਤੀ ਹੈ। ਅਮਿਤਾਭ ਨੇ ਟਵੀਟ ਕਰ ਦੱਸਿਆ ਕਿ ਫੈਂਸ ਤੈਅ ਕਰਨ ਕਿ ਬਲਾਗ ਵਿਚ ਕੀ ਗਲਤ ਲਿਖਿਆ ਹੈ।
ਨਾਲ ਹੀ ਉਨ੍ਹਾਂ ਨੇ ਲਿਖਿਆ ਟੰਬਲਰ ਤੋਂ ਦੂਰ ਜਾਣ ਦਾ ਸਮਾਂ ਆ ਗਿਆ ਹੈ। ਦਰਅਸਲ ਅਮਿਤਾਭ ਦੀ ਪੋਸਟ ਨੂੰ ਇਹ ਕਹਿ ਕੇ ਪ੍ਰਕਾਸ਼ਿਤ ਕਰਨ ਤੋਂ ਮਨਾ ਕਰ ਦਿਤਾ ਗਿਆ ਕਿ ਉਨ੍ਹਾਂ ਦੇ ਬਲਾਗ ਵਿਚ ਕੁੱਝ ਇਤਰਾਜ਼ਯੋਗ ਗੱਲਾਂ ਹਨ।
Amitabh Bachchan blog
ਬਲਾਗ ਪੋਸਟ ਵਿਚ ਅਮਿਤਾਭ ਨੇ ਆਪਣੀ ਆਉਣ ਵਾਲੀ ਫਿਲਮ ਝੁੰਡ ਦੇ ਕਰੂ ਬਾਰੇ ਗੱਲ ਕੀਤੀ। ਇਸ ਤੋਂ ਬਾਅਦ ਉਨ੍ਹਾਂ ਨੇ ਲਿਖਿਆ ਕਿ ਇੱਥੋਂ ਉਹ ਸਿੱਧੇ ਕੰਮ 'ਤੇ ਜਾਣਗੇ, ਤਾਂਕਿ ਸਵੱਛ ਭਾਰਤ ਅਭਿਆਨ ਦੇ ਤਹਿਤ ਅਪਣੀ ਵਚਨਬੱਧਤਾ ਨੂੰ ਨਿਭਾ ਸਕਣ। ਇਸ ਤੋਂ ਬਾਅਦ ਉਨ੍ਹਾਂ ਨੇ ਇਕ ਗੁਰਦੁਆਰੇ ਜਾਣ ਦੀ ਯੋਜਨਾ ਬਾਰੇ ਦਸਿਆ। ਨਾਲ ਹੀ ਉਨ੍ਹਾਂ ਨੇ ਇਹ ਵੀ ਲਿਖਿਆ ਹੈ ਕਿ ਉਨ੍ਹਾਂ ਦੀ ਚਚੇਰੀ ਭੈਣ ਨੇ ਗੁਰੂ ਗੋਬਿੰਦ ਸਿੰਘ ਦੀ ਜਯੰਤੀ 'ਤੇ ਇਕ ਅਰਦਾਸ ਦਾ ਵੀ ਪ੍ਰਬੰਧ ਕੀਤਾ ਹੈ।
Amitabh Bachchan
ਜਦੋਂ ਉਨ੍ਹਾਂ ਦੀ ਬਲਾਗ ਪੋਸਟ ਨੂੰ ਪ੍ਰਕਾਸ਼ਿਤ ਕਰਨ ਤੋਂ ਮਨਾ ਕਰ ਦਿਤਾ ਗਿਆ ਤਾਂ ਅਮਿਤਾਭ ਨੇ ਟਵੀਟ ਕਰਦੇ ਹੋਏ ਲਿਖਿਆ ਕਿ -
T 3057 - hahahahahahahah ! Tumblr where my Blog goes has prevented my Blog of the DAY from being posted, (cont) https://t.co/h2HXywoSes
— Amitabh Bachchan (@SrBachchan) January 13, 2019
ਹਾਹਾਹਾਹਾਹਾ ! ਟੰਬਲਰ, ਜਿੱਥੇ ਮੇਰੇ ਬਲਾਗ ਜਾਂਦੇ ਹਨ, ਉਸਨੇ ਮੇਰਾ ਬਲਾਗ ਪੋਸਟ ਕਰਨ ਤੋਂ ਮਨਾ ਕਰ ਦਿਤਾ ਹੈ। ਇਹ ਕਹਿੰਦੇ ਹੋਏ ਕਿ ਇਸ ਵਿਚ ਕੁੱਝ ਇਤਰਾਜ਼ਯੋਗ ਕੰਟੈਂਟ ਹੈ.. !! ਇਕ ਵਾਰ ਇਸਨੂੰ ਪੜ੍ਹੋ ਅਤੇ ਮੈਨੂੰ ਦੱਸੋ ਕਿ ਇਸ ਵਿਚ ਕੀ ਗਲਤ ਹੈ... ਟੰਬਲਰ 'ਤੇ ਬਿਨਾਂ ਰੁਕੇ ਲਿਖਦੇ ਹੋਏ ਮੈਨੂੰ 3057 ਦਿਨ ਪੂਰੇ ਹੋ ਚੁੱਕੇ ਹਨ... !! ਟੰਬਲਰ ਤੋਂ ਦੂਰ ਜਾਣ ਦਾ ਸਮਾਂ ਆ ਗਿਆ ਹੈ।
Amitabh Bachchan
ਦੱਸ ਦਈਏ ਕਿ ਪਿਛਲੇ ਸਾਲ ਫ਼ਰਵਰੀ ਵਿਚ ਟਵਿਟਰ ਨੇ ਅਮੀਤਾਭ ਬੱਚਨ ਦੇ ਲਗਭੱਗ ਦੋ ਲੱਖ ਫਾਲੋਵਰਸ ਘੱਟ ਕਰ ਦਿਤੇ ਗਏ ਸਨ। ਅਜਿਹੇ ਵਿਚ ਅਮਿਤਾਭ ਨੇ ਟਵਿਟਰ ਛੱਡਣ ਦੀ ਧਮਕੀ ਦੇ ਦਿਤੀ ਸੀ। ਉਨ੍ਹਾਂ ਨੇ ਇਸ ਵਾਰ ਵੀ ਕੁੱਝ ਅਜਿਹਾ ਹੀ ਕੀਤਾ ਹੈ। ਇਸ ਵਾਰ ਉਨ੍ਹਾਂ ਨੇ ਟੰਬਲਰ ਛੱਡਣ ਦੀ ਗੱਲ ਕਹੀ ਹੈ।
