ਬਾਲੀਵੁੱਡ ਦੇ ਮਸ਼ਹੂਰ ਫ਼ਿਲਮ ਮੇਕਰ ਰਾਜਕੁਮਾਰ ਹਿਰਾਨੀ ਉਤੇ ਉਨ੍ਹਾਂ ਦੀ ਇਕ ਔਰਤ ਸਾਥੀ ਨੇ ਯੌਨ ਉਤਪੀੜਨ....
ਨਵੀਂ ਦਿੱਲੀ : ਬਾਲੀਵੁੱਡ ਦੇ ਮਸ਼ਹੂਰ ਫ਼ਿਲਮ ਮੇਕਰ ਰਾਜਕੁਮਾਰ ਹਿਰਾਨੀ ਉਤੇ ਉਨ੍ਹਾਂ ਦੀ ਇਕ ਔਰਤ ਸਾਥੀ ਨੇ ਯੌਨ ਉਤਪੀੜਨ ਦਾ ਗੰਭੀਰ ਇਲਜ਼ਾਮ ਲਗਾਇਆ ਹੈ। ਹਿਰਾਨੀ ਉਤੇ ਯੌਨ ਉਤਪੀੜਨ ਦੇ ਇਲਜ਼ਾਮ ਲੱਗਣ ਤੋਂ ਬਾਅਦ ਇਕ ਵਾਰ ਫਿਰ ਮੀਟੂ ਮੁਹਿੰਮ ਉਤੇ ਚਰਚਾ ਤੇਜ਼ ਹੋ ਗਈ ਹੈ। ਬੇਸ਼ੱਕ ਬਾਲੀਵੁੱਡ ਦੇ ਜਿਆਦਾਤਰ ਅਦਾਕਾਰ ਹਿਰਾਨੀ ਦੇ ਮਾਮਲੇ ਵਿਚ ਚੁੱਪੀ ਬਣਾਏ ਹੋਏ ਹਨ ਪਰ ਕਈ ਅਦਾਕਾਰਾਂ ਨੇ ਫਿਲਮੇਕਰ ਦੀ ਮਦਦ ਕੀਤੀ। ਅਰਸ਼ਦ ਵਾਰਸੀ ਨੇ ਹਿਰਾਨੀ ਨੂੰ ਚੰਗਾ ਇੰਨਸਾਨ ਦੱਸਿਆ ਸੀ, ਉਥੇ ਹੀ ਹੁਣ ਸ਼ਮਰਨ ਜੋਸ਼ੀ ਵੀ ਰਾਜਕੁਮਾਰ ਹਿਰਾਨੀ ਦੇ ਨਾਲ ਖੜੇ ਨਜ਼ਰ ਆ ਰਹੇ ਹਨ।
ਸ਼ਰਮਨ ਜੋਸ਼ੀ ਨੇ ਰਾਜਕੁਮਾਰ ਹਿਰਾਨੀ ਦੇ ਨਾਲ ਫ਼ਿਲਮ ਵਿਚ ਕੰਮ ਕੀਤਾ ਹੈ। ਦਿਆ ਮਿਰਜਾ ਨੇ ਇਕ ਇੰਟਰਵਿਊ ਵਿਚ ਗੱਲਬਾਤ ਦੌਰਾਨ ਰਾਜਕੁਮਾਰ ਹਿਰਾਨੀ ਉਤੇ ਲੱਗੇ ਆਰੋਪਾਂ ਉਤੇ ਅਪਣੀ ਰਾਏ ਰੱਖੀ ਸੀ। ਉਨ੍ਹਾਂ ਨੇ ਕਿਹਾ ਸੀ, ਮੈਂ ਹਿਰਾਨੀ ਸਰ ਨੂੰ ਪੰਦਰਾਂ ਸਾਲ ਤੋਂ ਜਾਣਦੀ ਹਾਂ। ਮੈਂ ਉਨ੍ਹਾਂ ਨੂੰ ਇਕ ਚੰਗੇ ਇੰਨਸਾਨ ਦੇ ਤੌਰ ਉਤੇ ਜਾਣਦੀ ਹਾਂ। ਉਨ੍ਹਾਂ ਉਤੇ ਲੱਗੇ ਆਰੋਪਾਂ ਦੀ ਖਬਰ ਨਾਲ ਮੈਂ ਹਿੱਲ ਗਈ ਹਾਂ। ਇਸ ਪੂਰੇ ਮਾਮਲੇ ਦੀ ਜਾਂਚ ਹੋਣੀ ਚਾਹੀਦੀ ਹੈ।
ਇਕ ਪਾਸੇ ਜਿਥੇ ਬਾਲੀਵੁੱਡ ਸਟਾਰ ਹਿਰਾਨੀ ਦੀ ਮਦਦ ਵਿਚ ਨਜ਼ਰ ਆ ਰਹੇ ਹਨ, ਉਥੇ ਹੀ ਆਲੋਕ ਨਾਥ ਉਤੇ ਗੰਭੀਰ ਇਲਜ਼ਾਮ ਲਗਾਉਣ ਵਾਲੀ ਔਰਤ ਇਸ ਮਾਮਲੇ ਤੋਂ ਹੈਰਾਨ ਹੈ। ਉਨ੍ਹਾਂ ਨੇ ਟਵੀਟ ਕਰਦੇ ਹੋਏ ਲਿਖੀਆ, ਮੀਟੂ ਵਿਚ ਇਕ ਨਵਾਂ ਨਾਮ ਸਾਹਮਣੇ ਆਇਆ ਹੈ। ਇਹ ਬਹੁਤ ਹੀ ਪ੍ਰੇਸ਼ਾਨ ਕਰਨ ਵਾਲਾ ਹੈ। ਸਮਝ ਨਹੀਂ ਆ ਰਿਹਾ ਕਿ ਲੜਕੀਆਂ ਹੁਣ ਕਿਸ ਉਤੇ ਭਰੋਸਾ ਕਰਨ। ਹੁਣ ਇਹ ਸਭ ਨਹੀਂ ਸਹਿਣ ਹੁੰਦਾ ਹੈ।