ਹੁੱਡਾ ਨੇ 2016 ਵਿਚ ਬਣੀ ਫ਼ਿਲਮ 'ਸਰਬਜੀਤ' 'ਚ ਮੌਤ ਦੀ ਸਜ਼ਾ ਭੁਗਤਣ ਵਾਲੇ ਭਾਰਤੀ ਕੈਦੀ ਦੀ ਭੂਮਿਕਾ ਨਿਭਾਈ ਸੀ।
Randeep Hooda News: ਪਾਕਿਸਤਾਨ 'ਚ ਸਰਬਜੀਤ ਸਿੰਘ ਕਤਲ ਕਾਂਡ ਦੇ ਇਕ ਦੋਸ਼ੀ ਦੀ ਗੋਲੀ ਲੱਗਣ ਕਾਰਨ ਹੋਈ ਮੌਤ 'ਤੇ ਅਦਾਕਾਰ ਰਣਦੀਪ ਹੁੱਡਾ ਨੇ ਕਿਹਾ ਕਿ ਸਰਬਜੀਤ ਸਿੰਘ ਨੂੰ ਥੋੜ੍ਹਾ ਇਨਸਾਫ਼ ਜ਼ਰੂਰ ਮਿਲਿਆ ਹੈ। ਹੁੱਡਾ ਨੇ 2016 ਵਿਚ ਬਣੀ ਫ਼ਿਲਮ 'ਸਰਬਜੀਤ' 'ਚ ਮੌਤ ਦੀ ਸਜ਼ਾ ਭੁਗਤਣ ਵਾਲੇ ਭਾਰਤੀ ਕੈਦੀ ਦੀ ਭੂਮਿਕਾ ਨਿਭਾਈ ਸੀ।
ਸਰਬਜੀਤ ਸਿੰਘ ਦੀ ਹਤਿਆ ਦਾ ਦੋਸ਼ੀ ਆਮਿਰ ਸਰਫਰਾਜ਼ ਤਾਂਬਾ ਅਤਿਵਾਦੀ ਸੰਗਠਨ ਲਸ਼ਕਰ-ਏ-ਤੋਇਬਾ (LeT) ਦੇ ਸੰਸਥਾਪਕ ਹਾਫਿਜ਼ ਸਈਦ ਦਾ ਕਰੀਬੀ ਸੀ। ਤਾਂਬਾ ਦੀ ਐਤਵਾਰ ਨੂੰ ਲਾਹੌਰ 'ਚ ਅਣਪਛਾਤੇ ਬੰਦੂਕਧਾਰੀਆਂ ਨੇ ਗੋਲੀ ਮਾਰ ਕੇ ਹਤਿਆ ਕਰ ਦਿਤੀ ਸੀ। ਸੂਤਰਾਂ ਮੁਤਾਬਕ ਮੋਟਰਸਾਈਕਲ ਸਵਾਰ ਹਮਲਾਵਰਾਂ ਨੇ ਪਾਕਿਸਤਾਨ ਦੇ ਲਾਹੌਰ ਦੇ ਇਸਲਾਮਪੁਰ ਇਲਾਕੇ 'ਚ ਤਾਂਬਾ 'ਤੇ ਹਮਲਾ ਕਰ ਦਿਤਾ, ਜਿਸ ਨੂੰ ਤੁਰੰਤ ਗੰਭੀਰ ਹਾਲਤ 'ਚ ਹਸਪਤਾਲ 'ਚ ਭਰਤੀ ਕਰਵਾਇਆ ਗਿਆ। ਇਲਾਜ ਦੌਰਾਨ ਤਾਂਬਾ ਦੀ ਮੌਤ ਹੋ ਗਈ।
ਓਮੰਗ ਕੁਮਾਰ ਦੀ ਫਿਲਮ 'ਸਰਬਜੀਤ' 'ਚ ਮੁੱਖ ਭੂਮਿਕਾ ਨਿਭਾਉਣ ਵਾਲੇ ਹੁੱਡਾ ਨੇ 'ਐਕਸ' 'ਤੇ ਇਕ ਲਿੰਕ ਸਾਂਝਾ ਕੀਤਾ ਅਤੇ ਤਾਂਬਾ ਦੀ ਮੌਤ ਦੀ ਖ਼ਬਰ 'ਤੇ ਪ੍ਰਤੀਕਿਰਿਆ ਦਿਤੀ। ਸਰਬਜੀਤ ਦੀ ਭੈਣ ਦਲਬੀਰ ਕੌਰ ਅਤੇ ਉਸ ਦੀਆਂ ਧੀਆਂ ਸਵਪਨਦੀਪ ਅਤੇ ਪੂਨਮ ਦਾ ਜ਼ਿਕਰ ਕਰਦਿਆਂ ਹੁੱਡਾ ਨੇ ਕਿਹਾ, ''ਕਰਮਾ। ਧੰਨਵਾਦ 'ਅਣਜਾਣ ਵਿਅਕਤੀ'। ਅਪਣੀ ਭੈਣ ਦਲਬੀਰ ਕੌਰ ਨੂੰ ਯਾਦ ਕਰਦੇ ਹੋਏ ਅਤੇ ਸਵਪਨਦੀਪ ਅਤੇ ਪੂਨਮ ਨੂੰ ਪਿਆਰ ਭੇਜ ਰਿਹਾ ਹਾਂ। ਅੱਜ ਸ਼ਹੀਦ ਸਰਬਜੀਤ ਸਿੰਘ ਨੂੰ ਥੋੜ੍ਹਾ ਨਿਆਂ ਜ਼ਰੂਰ ਮਿਲਿਆ ਹੈ”।
ਦਲਬੀਰ ਕੌਰ ਦੀ 2022 ਵਿਚ ਮੌਤ ਹੋ ਗਈ ਸੀ। ਸਰਬਜੀਤ ਸਿੰਘ ਨੂੰ ਅਤਿਵਾਦ ਅਤੇ ਜਾਸੂਸੀ ਦਾ ਦੋਸ਼ੀ ਠਹਿਰਾਏ ਜਾਣ ਤੋਂ ਬਾਅਦ 1991 ਵਿਚ ਪਾਕਿਸਤਾਨ ਨੇ ਮੌਤ ਦੀ ਸਜ਼ਾ ਸੁਣਾਈ ਸੀ। ਸਰਬਜੀਤ ਦੀ 49 ਸਾਲ ਦੀ ਉਮਰ ਵਿਚ 2 ਮਈ 2013 ਨੂੰ ਲਾਹੌਰ ਦੇ ਜਿਨਾਹ ਹਸਪਤਾਲ ਵਿਚ ਦਿਲ ਦਾ ਦੌਰਾ ਪੈਣ ਕਾਰਨ ਮੌਤ ਹੋ ਗਈ। ਅਪਣੀ ਮੌਤ ਤੋਂ ਇਕ ਹਫ਼ਤਾ ਪਹਿਲਾਂ ਸਰਬਜੀਤ 'ਤੇ ਉੱਚ ਸੁਰੱਖਿਆ ਵਾਲੀ ਕੋਟ ਲਖਪਤ ਜੇਲ ਦੇ ਅੰਦਰ ਤਾਂਬਾ ਅਤੇ ਹੋਰ ਕੈਦੀਆਂ ਨੇ ਘਾਤਕ ਹਮਲਾ ਕੀਤਾ ਸੀ।
(For more Punjabi news apart from Randeep Hooda thanks 'unknown men' after Sarabjit Singh's killer shot dead, stay tuned to Rozana Spokesman)
