‘ਡੋਰ’, ‘ਮਰਦਾਨੀ’, ‘ਇਕਬਾਲ’, ‘ਏਕ ਹਸੀਨਾ ਥੀ’ ਵਰਗੀਆਂ ਫਿਲਮਾਂ ਦਾ ਸੰਪਾਦਨ ਕਰ ਚੁੱਕੇ ਪ੍ਰਸਿੱਧ ਬਾਲੀਵੁੱਡ ਸੰਪਾਦਕ ਸੰਜੀਵ ਦੱਤਾ ਦਾ ਐਤਵਾਰ ਨੂੰ ਦੇਹਾਂਤ ਹੋ ਗਿਆ।
ਕੋਲਕਾਤਾ: ‘ਡੋਰ’, ‘ਮਰਦਾਨੀ’, ‘ਇਕਬਾਲ’, ‘ਏਕ ਹਸੀਨਾ ਥੀ’ ਵਰਗੀਆਂ ਫਿਲਮਾਂ ਦਾ ਸੰਪਾਦਨ ਕਰ ਚੁੱਕੇ ਪ੍ਰਸਿੱਧ ਬਾਲੀਵੁੱਡ ਸੰਪਾਦਕ ਸੰਜੀਵ ਦੱਤਾ ਦਾ ਐਤਵਾਰ ਨੂੰ ਦੇਹਾਂਤ ਹੋ ਗਿਆ। ਉਹ 54 ਸਾਲ ਦੇ ਸਨ। ਸੰਜੀਵ ਦੱਤਾ ਕੁਝ ਸਾਲਾਂ ਤੋਂ ਕੋਲਕਾਤਾ ਵਿਚ ਰਹਿ ਰਹੇ ਸਨ ਅਤੇ ਉਹ ਐਫਟੀਆਈਆਈ ਦੇ ਸਾਬਕਾ ਵਿਦਿਆਰਥੀ ਸਨ।
Bollywood Editor Sanjeev Dutta Dies
ਉਹ ਕਾਫ਼ੀ ਲੰਬਾ ਸਮਾਂ ਨਾਗੇਸ਼ ਕੁਕੁਨੂਰ ਦੇ ਨਾਲ ਜੁੜੇ ਸਨ ਅਤੇ ਉਹਨਾਂ ਨੇ ਉਹਨਾਂ ਦੀਆਂ ਲਗਭਗ ਸਾਰੀਆਂ ਫ਼ਿਲਮਾਂ ਦਾ ਸੰਪਦਾਨ ਕੀਤਾ। ਨਾਗੇਸ਼ ਕੁਕੁਨੂਰ ਫਿਲਹਾਲ ਕੈਨੇਡਾ ਵਿਚ ਹਨ ਅਤੇ ਉਹਨਾਂ ਨੇ ਦੱਤਾ ਦੇ ਦੇਹਾਂਤ ਦੀ ਪੁਸ਼ਟੀ ਕੀਤੀ ਹੈ। ਫ਼ਿਲਮਕਾਰ ਸੁਜਾਏ ਘੋਸ਼ ਨੇ ਵੀ ਟਵੀਟ ਕਰ ਕੇ ਸੰਜੀਵ ਦੱਤਾ ਦੇ ਦੇਹਾਂਤ ‘ਤੇ ਦੁੱਖ ਦਾ ਪ੍ਰਗਟਾਵਾ ਕੀਤਾ ਹੈ।
Bollywood Editor Sanjeev Dutta Dies
ਸੰਜੀਵ ਦੱਤ ਨੂੰ ਬਾਲੀਵੁੱਡ ਤੋਂ ਕਾਫ਼ੀ ਪਿਆਰ ਮਿਲਿਆ। ਸਾਲ 2004 ਵਿਚ ਸ੍ਰੀਰਾਮ ਰਾਘਵਨ ਨਿਰਦੇਸ਼ਤ ਫਿਲਮ ‘ਏਕ ਹਸੀਨਾ ਥੀ’ ਲਈ ਉਹਨਾਂ ਨੂੰ ਵਧੀਆ ਸੰਪਾਦਕ ਦਾ ਜ਼ੀ ਸਿਨੇ ਅਵਾਰਡ ਮਿਲਿਆ ਸੀ। ਇਸ ਤੋਂ ਬਾਅਦ 2014 ਵਿਚ ਆਈ ਰਾਣੀ ਮੁਖਰਜੀ ਦੀ ਫ਼ਿਲਮ ‘ਮਰਦਾਨੀ’ (2014) ਲਈ ਉਹਨਾਂ ਨੂੰ ਸਕਰੀਨ ਅਵਾਰਡ ਮਿਲਿਆ ਸੀ। ਬੰਗਾਲੀ ਫ਼ਿਲਮ ‘ਸਾਹਿਬ ਬੀਬੀ ਗੋਲਾਮ’ (2016) ਲਈ ਸੰਜੀਵ ਨੇ ਪੂਰਬੀ ਖੇਤਰ ਦਾ ਫਿਲਮਫੇਅਰ ਅਵਾਰਡ ਜਿੱਤਿਆ ਸੀ।
Punjabi News ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ Facebook ਤੇ ਲਾਈਕ Twitter ਤੇ follow ਕਰੋ।
