ਸ਼ਾਹਰੁਖ ਖਾਨ ਨੇ ਬੇਜੋਸ ਨੂੰ ਆਪਣੀ ਫਿਲਮ ਡਾਨ ਦਾ ਡਾਇਲਾਗ ਨਾਲ ਨਾਲ ਦੁਹਰਾਉਣ ਲਈ ਕਿਹਾ।
ਨਵੀਂ ਦਿੱਲੀ- ਐਮਾਜ਼ਾਨ ਦੇ ਫਾਊਂਡਰ ਅਤੇ ਸੀਈਓ ਜੈਫ ਬੇਜੋਸ ਵੀਰਵਾਰ ਨੂੰ ਮੁੰਬਈ ਵਿਚ ਆਪਣੀ ਪ੍ਰੇਮਿਕਾ ਲਾਰੇਨ ਸਾਂਚੇਜ ਦੇ ਨਾਲ ਅਮੇਜਨ ਪ੍ਰਾਈਮ ਵੀਡੀਓ ਦੇ ਮੈਗਾ ਈਵੈਂਟ ਵਿਚ ਪਹੁੰਚੇ। ਬੇਜ਼ੋਸ, ਜੋ ਤਿੰਨ ਦਿਨਾਂ ਭਾਰਤ ਦੌਰੇ 'ਤੇ ਹਨ ਉਹਨਾਂ ਨੇ ਅਖੀਰਲੇ ਦਿਨ ਪ੍ਰੋਗਰਾਮ ਵਿਚ ਅਦਾਕਾਰ ਸ਼ਾਹਰੁਖ ਖਾਨ ਅਤੇ ਜ਼ੋਇਆ ਅਖ਼ਤਰ ਨਾਲ ਮੰਚ ਨੂੰ ਸਾਂਝਾ ਕੀਤਾ ਅਤੇ ਭਾਰਤ ਵਿੱਚ ਵੀਡੀਓ ਸਮਗਰੀ ਸੰਬੰਧੀ ਐਮਾਜ਼ਾਨ ਪ੍ਰਾਈਮ ਨਾਲ ਜੁੜੇ ਕਈ ਐਲਾਨ ਕੀਤੇ।
File Photo
ਬੇਜੋਸ ਨੇ ਕਿਹਾ ਕਿ ਭਾਰਤ ਵਿਚ ਪਿਛਲੇ ਦੋ ਸਾਲਾਂ ਵਿਚ ਐਮਾਜ਼ਾਨ ਪ੍ਰਾਈਮ ਵੀਡੀਓ ਦਾ ਦੇਖਣ ਦਾ ਸਮਾਂ 6 ਗੁਣਾ ਵਧਿਆ ਹੈ ਅਤੇ ਇਸੇ ਲਈ ਅਸੀਂ ਫੈਸਲਾ ਲਿਆ ਹੈ ਕਿ ਅਸੀਂ ਇਸ ਪਲੇਟਫਾਰਮ ਉੱਤੇ ਆਪਣਾ ਨਿਵੇਸ਼ ਦੁੱਗਣਾ ਕਰਨ ਜਾ ਰਹੇ ਹਾਂ। ਈਵੈਂਟ ਵਿਚ ਸ਼ਾਹਰੁਖ ਖਾਨ ਨੇ ਬੇਜੋਸ ਨਾਲ ਜਮ ਕੇ ਮਸਤੀ ਕੀਤੀ ਅਤੇ ਕਈ ਖਾਸ ਮੌਕਿਆ 'ਤੇ ਉਹਨਾਂ ਨੇ ਬੇਜੋਸ ਨੂੰ ਜਮ ਕੇ ਹਸਾਇਆ।
file Photo
ਸ਼ਾਹਰੁਖ ਖਾਨ ਨੇ ਬੇਜੋਸ ਨੂੰ ਆਪਣੀ ਫਿਲਮ ਡਾਨ ਦਾ ਡਾਇਲਾਗ ਨਾਲ ਨਾਲ ਦੁਹਰਾਉਣ ਲਈ ਕਿਹਾ। ਹਾਲਾਂਕਿ ਬੇਜੋਸ ਠੀਕ ਤਰ੍ਹਾਂ ਨਾਮੁਮਕਿਨ ਨਹੀਂ ਬੋਲ ਪਾਏ ਤਾਂ ਸ਼ਾਹਰੁਖ ਖਾਨ ਨੇ ਉਹਨਾਂ ਤੋਂ ਇਸ ਸ਼ਬਦ ਦੀ ਥਾਂ ਤੇ ਅੰਗਰੇਜੀ ਦਾ ਸ਼ਬਦ Immpossible ਬੁਲਵਾਇਆ। ਪ੍ਰੋਗਰਾਮ ਵਿਚ ਏ.ਆਰ ਰਹਿਮਾਨ, ਕਮਲ ਹਸਨ, ਵਿਦਿਆ ਬਾਲਨ, ਵਿਵੇਕ ਓਬਰਾਏ, ਫਰਹਾਨ ਅਖ਼ਤਰ, ਮਨੋਜ ਬਾਜਪਾਈ, ਰਾਜਕੁਮਾਰ ਰਾਓ, ਅਲੀ ਫਜ਼ਲ, ਰਿਚਾ ਚੱਡਾ, ਮਾਧਵਨ, ਵਿਸ਼ਾਲ ਭਾਰਦਵਾਜ,
File Photo
ਕਬੀਰ ਖਾਨ, ਗੁਨੀਤ ਮੌਂਗਾ, ਸਾਜਿਦ ਨਾਡੀਆਡਵਾਲਾ, ਸਪਨਾ ਪੱਬੀ, ਸ਼ਵੇਤਾ ਤ੍ਰਿਪਾਠੀ, ਸੰਤੋਸ਼ ਸਿਵਾਨ ਸਮੇਤ ਬਾਲੀਵੁੱਡ ਦੇ ਵੱਡੇ ਮਸ਼ਹੂਰ ਲੋਕ ਦਿਖਾਈ ਦਿੱਤੇ। ਬੇਜ਼ੋਸ, ਜੋ ਤਿੰਨ ਦਿਨਾਂ ਭਾਰਤ ਦੇ ਦੌਰੇ ਤੇ ਸਨ, ਨੇ ਬੁੱਧਵਾਰ ਨੂੰ ਕਿਹਾ ਸੀ ਕਿ ਅਗਲੇ 5 ਸਾਲਾਂ ਵਿਚ, ਮੇਕ ਇਨ ਇੰਡੀਆ ਉਤਪਾਦ ਲਈ 71 ਹਜ਼ਾਰ ਕਰੋੜ ਰੁਪਏ ਦੀ ਬਰਾਮਦ ਕੀਤੀ ਜਾਵੇਗੀ।
file Photo
ਦੇਸ਼ ਦੇ ਛੋਟੇ-ਦਰਮਿਆਨੇ ਕਾਰੋਬਾਰਾਂ ਨੂੰ ਡਿਜੀਟਲਾਈਜ ਕਰਨ ਲਈ 7,100 ਕਰੋੜ ਰੁਪਏ ਦਾ ਨਿਵੇਸ਼ ਵੀ ਕੀਤਾ ਜਾਵੇਗਾ। ਬੇਜੋਸ ਤਿੰਨ ਦਿਨਾਂ ਵਿਚ ਕਿਸੇ ਸਰਕਾਰੀ ਅਧਿਕਾਰੀ ਜਾਂ ਮੰਤਰੀ ਨਾਲ ਮੁਲਾਕਾਤ ਕਰਨ ਬਾਰੇ ਕੋਈ ਜਾਣਕਾਰੀ ਨਹੀਂ ਹੈ। ਬੇਜੋਸ ਨੇ ਪ੍ਰਧਾਨ ਮੰਤਰੀ ਨਾਲ ਮੁਲਾਕਾਤ ਦੀ ਮੰਗ ਵੀ ਕੀਤੀ।
