14 ਫਰਵਰੀ ਨੂੰ ਸੀ.ਆਰ.ਪੀ.ਐਫ. ਦੇ ਕਾਫਲੇ ਤੇ ਹੋਏ ਅਤਿਵਾਦੀ ਹਮਲੇ ਦੀ ਨਿੰਦਾ ‘ਚ ਰਾਸ਼ਟਰ ਇੱਕਜੁਟ ਹੈ। ਫਿਲਮ ਨੋਟਬੁੱਕ ਦੇ ਨਿਰਮਾਤਾ ਸਲਮਾਨ ਖਾਨ ਫਿਲਮਸ ...
ਨਵੀਂ ਦਿੱਲੀ :14 ਫਰਵਰੀ ਨੂੰ ਸੀ.ਆਰ.ਪੀ.ਐਫ. ਦੇ ਕਾਫਲੇ ਤੇ ਹੋਏ ਅਤਿਵਾਦੀ ਹਮਲੇ ਦੀ ਨਿੰਦਾ ‘ਚ ਰਾਸ਼ਟਰ ਇੱਕਜੁਟ ਹੈ। ਫਿਲਮ ਨੋਟਬੁੱਕ ਦੇ ਨਿਰਮਾਤਾ ਸਲਮਾਨ ਖਾਨ ਫਿਲਮਸ ਅਤੇ ਸਿਨੇ 1 ਸਟੂਡੀਓਜ਼ ਨੇ ਸ਼ਹੀਦਾਂ ਦੇ ਪਰਿਵਾਰਾਂ ਨੂੰ 22 ਲੱਖ ਰੁਪਏ ਦੀ ਮਾਲੀ ਮਦਦ ਦੇਣ ਦਾ ਫੈਸਲਾ ਕੀਤਾ ਹੈ। ਫਿਲਮ ‘ਨੋਟਬੁੱਕ’ ਦੀ ਪੂਰੀ ਸ਼ੂਟਿੰਗ ਸਾਲ 2018 ਦੇ ਅਕਤੂਬਰ-ਨਵੰਬਰ ਮਹੀਨੇ ‘ਚ ਕਸ਼ਮੀਰ ਵਿਚ ਕੀਤੀ ਗਈ ਸੀ।
ਫਿਲਮ ਨਿਰਮਾਤਾ ਦਾ ਕਹਿਣਾ ਹੈ ਕਿ ਸਾਡਾ ਪੂਰਾ ਦਲ ਮੁੱਖ ਰੂਪ ਤੋਂ ਘਾਟੀ ‘ਚ ਭਾਰਤੀ ਸੈਨਾ, ਸੀ.ਆਰ.ਪੀ.ਐਫ ਤੇ ਕਸ਼ਮੀਰ ਦੇ ਲੋਕਾਂ ਦੀ ਕੋਸ਼ਿਸ਼ ਕਰਕੇ ਹੀ ਫਿਲਮ ਦੀ ਸ਼ੂਟਿੰਗ ਨੂੰ ਅੰਜਾਮ ਦੇ ਸਕਿਆ ਹੈ। ਅਸੀਂ ਦੇਸ਼ ਲਈ ਸ਼ਹੀਦ ਹੋ ਚੁਕੇ ਵੀਰ ਜਵਾਨਾਂ ਨੂੰ ਸ਼ਰਧਾਂਜਲੀ ਦਿੰਦੇ ਹਾਂ ਤੇ ਇਸ ਮੁਸ਼ਕਿਲ ਘੜੀ ਵਿਚ ਅਸੀਂ ਸ਼ਹੀਦਾਂ ਦੇ ਪਰਿਵਾਰਾਂ ਨਾਲ ਹਾਂ।
‘ਨੋਟਬੁੱਕ’ 2019 ‘ਚ ਰੀਲੀਜ਼ ਹੋਣ ਵਾਲੀ ਬਾਲੀਵੁੱਡ ਰੋਮਾਂਸ-ਡਰਾਮਾਂ ਫਿਲਮ ਹੈ ਜਿਸ ਵਿਚ ਜ਼ਹੀਰ ਇਕਬਾਲ ਅਤੇ ਪ੍ਰਨੂਤਨ ਬਹਲ ਮੁੱਖ ਭੂਮਿਕਾ ‘ਚ ਨਜ਼ਰ ਆਣਗੇ। ਰਾਸ਼ਟਰੀ ਪੁਰਸਕਾਰ ਵਿਜੇਤਾ ਨਿਿਤਨ ਕੱਕੜ ਵੱਲੋਂ ਨਿਰਦੇਸ਼ਤ ਇਹ ਫਿਲਮ ਸਲਮਾਨ ਖਾਨ, ਮੁਰਾਦ ਖੇਤਾਨੀ ‘ਤੇ ਅਸ਼ਵਨੀ ਵੱਲੌ ਨਿਰਮਾਣਿਤ ਕੀਤੀ ਗਈ। ਇਹ ਫਿਲਮ 29 ਮਾਰਚ 2019 ਨੂੰ ਰਿਲੀਜ਼ ਹੋਵੇਗੀ।
