ਅਰਸਲਾਨ ਖਾਨ ਸਾਬਕਾ ਅੰਤਰਰਾਸ਼ਟਰੀ ਬੈਡਮਿੰਟਨ ਖਿਡਾਰੀ ਵੀ ਹੈ, ਜੋ ਪਾਕਿਸਤਾਨ ਲਈ ਅੰਤਰਰਾਸ਼ਟਰੀ ਪੱਧਰ 'ਤੇ ਖੇਡਿਆ ਹੈ
ਚੰਡੀਗੜ੍ਹ (ਮੁਸਕਾਨ ਢਿੱਲੋਂ) :ਭਾਰਤ ਅਤੇ ਪਾਕਿਸਤਾਨ ਵਿਚਕਾਰ ਜਬਰਦਸਤ ਦੁਸ਼ਮਣੀ ਦੇ ਬਾਵਜੂਦ ਪਾਕਿਸਤਾਨੀ ਡਰਾਮੇ ਅਕਸਰ ਭਾਰਤ ਤੋਂ ਪ੍ਰਸ਼ੰਸਾ ਪ੍ਰਾਪਤ ਕਰਦੇ ਰਹੇ ਹਨ।ਭਾਰਤੀ ਡੇਲੀ ਸੋਪਾਂ ਦੀ ਬਜਾਏ ਪਾਕਿਸਤਾਨੀ ਡ੍ਰਾਮਾ ਦੇ ਭਾਰਤ ਵਿੱਚ ਬਹੁਤ ਸਾਰੇ ਲੋਕਾਂ ਦੀ ਪਸੰਦ ਦਾ ਕਾਰਨ ਇਹ ਹੈ ਕਿ ਪਾਕਿਸਤਾਨੀ ਡਰਾਮੇ ਇੱਕ ਵਧੀਆ ਕਹਾਣੀ, ਸ਼ਾਨਦਾਰ ਅਦਾਕਾਰੀ ਅਤੇ ਅਸਲੀਅਤ ਦੇ ਨੇੜੇ ਹੁੰਦੇ ਹਨ।
ਹਾਲ ਹੀ ਵਿੱਚ ਅਦਾਕਾਰ ਅਤੇ ਮਾਡਲ ਅਰਸਲਾਨ ਖਾਨ ਨੇ ਖੁਲਾਸਾ ਕੀਤਾ ਹੈ ਕਿ ਉਸਨੂੰ ਇੱਕ ਭਾਰਤੀ ਕਾਸਟਿੰਗ ਏਜੰਸੀ ਤੋਂ ਹਿੰਦੀ ਟੀਵੀ ਸ਼ੋਅ "ਉਡਾਰੀਆ" ਵਿੱਚ ਪ੍ਰਮੁੱਖ ਭੂਮਿਕਾ ਲਈ ਇੱਕ ਪੇਸ਼ਕਸ਼ ਮਿਲੀ ਹੈ। ਇੰਸਟਾਗ੍ਰਾਮ ਦੇ ਸਵਾਲ-ਜਵਾਬ ਸੈਸ਼ਨ ਦੌਰਾਨ, ਇੱਕ ਪ੍ਰਸ਼ੰਸਕ ਨੇ ਅਰਸਲਾਨ ਦੀ ਭਾਰਤੀ ਦਿੱਖ ਵੱਲ ਇਸ਼ਾਰਾ ਕੀਤਾ ਅਤੇ ਪੁੱਛਿਆ ਕਿ ਕੀ ਉਹ ਬਾਲੀਵੁੱਡ ਵਿੱਚ ਕੰਮ ਕਰਨ ਲਈ ਤਿਆਰ ਹਨ।
ਅਰਸਲਾਨ ਨੇ ਇਸ ਗੱਲ ਦਾ ਜਵਾਬ ਦਿੰਦੇ ਹੋਏ ਸਰਗੁਣ ਮਹਿਤਾ ਨਾਲ ਆਪਣੀ ਗੱਲਬਾਤ ਦਾ ਇੱਕ ਸਕ੍ਰੀਨਸ਼ੌਟ ਸਾਂਝਾ ਕਰ ਦੱਸਿਆ ਕਿ ਉਸਨੂੰ ਅਸਲ ਵਿੱਚ ਹਾਲ ਹੀ ਵਿੱਚ ਇੱਕ ਭਾਰਤੀ ਟੀਵੀ ਡਰਾਮੇ ਵਿੱਚ ਅਭਿਨੈ ਕਰਨ ਦੀ ਪੇਸ਼ਕਸ਼ ਮਿਲੀ ਹੈ। ਸਰਗੁਣ ਨੇ ਉਸਦੀ ਪ੍ਰਤਿਭਾ ਦੀ ਪ੍ਰਸ਼ੰਸਾ ਕੀਤੀ ਅਤੇ ਆਪਣੇ ਸ਼ੋ "ਉਡਾਰੀਆ" ਲਈ ਪੇਸ਼ਕਸ਼ ਕੀਤੀ। ਦਿਲਚਸਪ ਗੱਲ ਇਹ ਹੈ ਕਿ, ਭਾਰਤੀ ਕਾਸਟਿੰਗ ਏਜੰਸੀ ਨੇ ਸ਼ੁਰੂ ਵਿੱਚ ਉਸ ਦੇ ਸ਼ਾਨਦਾਰ ਦਿੱਖ ਕਾਰਨ ਮੰਨ ਲਿਆ ਸੀ ਕਿ ਉਹ ਭਾਰਤੀ ਹੈ ਪਰ ਇਹ ਜਾਣ ਕੇ ਉਨ੍ਹਾਂ ਨੂੰ ਬੜੀ ਹੈਰਾਨੀ ਹੋਈ ਕਿ ਉਹ ਭਾਰਤ ਨਹੀਂ ਸਗੋਂ ਪਾਕਿਸਤਾਨ ਤੋਂ ਹਨ।
ਅਰਸਲਾਨ ਖਾਨ ਇੱਕ ਮਸ਼ਹੂਰ ਪਾਕਿਸਤਾਨੀ ਅਦਾਕਾਰ ਅਤੇ ਮਾਡਲ ਹੈ, ਜਿਸਦਾ ਜਨਮ ਕਰਾਚੀ, ਪਾਕਿਸਤਾਨ ਵਿੱਚ ਹੋਇਆ ਸੀ। ਅਰਸਲਾਨ ਖਾਨ ਸਾਬਕਾ ਅੰਤਰਰਾਸ਼ਟਰੀ ਬੈਡਮਿੰਟਨ ਖਿਡਾਰੀ ਵੀ ਹੈ, ਜੋ ਪਾਕਿਸਤਾਨ ਲਈ ਅੰਤਰਰਾਸ਼ਟਰੀ ਪੱਧਰ 'ਤੇ ਖੇਡਿਆ ਹੈ।ਉਸਨੇ ਫਰਵਰੀ 2023 ਵਿੱਚ ਪਾਕਿਸਤਾਨੀ ਡਰਾਮਾ ਅਦਾਕਾਰਾ ਅਤੇ ਮਾਡਲ ਹੀਰਾ ਖਾਨ ਨਾਲ ਇੱਕ ਗੂੜ੍ਹੇ ਵਿਆਹ ਸਮਾਗਮ ਵਿੱਚ ਵਿਆਹ ਕਰਵਾ ਲਿਆ। ਨੇਟਿਜ਼ਨਸ ਦਾ ਮੰਨਣਾ ਹੈ ਕਿ ਅਰਸਲਾਨ ਖਾਨ ਕਾਰਤਿਕ ਆਰੀਅਨ ਨਾਲ ਕਾਫੀ ਮਿਲਦਾ ਜੁਲਦਾ ਹੈ।
