ਕੇਲਾ ਇਕ ਬਹੁਤ ਹੀ ਆਮ ਜਿਹਾ ਫ਼ਲ ਹੈ, ਜਿਸ ਨੂੰ ਹਰ ਕੋਈ ਖਾਂਦਾ ਹੈ। ਇਹ ਫ਼ਲ ਕੁਝ ਜ਼ਿਆਦਾ ਮਹਿੰਗਾ ਵੀ ਨਹੀਂ ਹੈ।
ਚੰਡੀਗੜ੍ਹ: ਕੇਲਾ ਇਕ ਬਹੁਤ ਹੀ ਆਮ ਜਿਹਾ ਫ਼ਲ ਹੈ, ਜਿਸ ਨੂੰ ਹਰ ਕੋਈ ਖਾਂਦਾ ਹੈ। ਇਹ ਫ਼ਲ ਕੁਝ ਜ਼ਿਆਦਾ ਮਹਿੰਗਾ ਵੀ ਨਹੀਂ ਹੈ, ਇਸ ਲਈ ਇਸ ਨੂੰ ਹਰ ਵਰਗ ਦੇ ਲੋਕ ਖਾਣਾ ਪਸੰਦ ਕਰਦੇ ਹਨ। ਆਮ ਤੌਰ ‘ਤੇ ਕੇਲੇ ਦੀ ਕੀਮਤ 40 ਤੋਂ 60 ਰੁਪਏ ਦਰਜਨ ਦੇ ਵਿਚਕਾਰ ਹੁੰਦੀ ਹੈ ਪਰ ਕੀ ਤੁਸੀਂ ਕਦੇ 2 ਕੇਲਿਆਂ ਦੀ ਕੀਮਤ 442.50 ਸੁਣੀ ਹੈ? ਕੇਲਿਆਂ ਦੀ ਇੰਨੀ ਕੀਮਤ ਸੁਣ ਕੇ ਸ਼ਾਇਦ ਤੁਸੀਂ ਵੀ ਹੈਰਾਨ ਹੋ ਗਏ ਹੋਵੋਗੇ। ਪਰ ਇਹ ਸੱਚ ਹੈ।
You have to see this to believe it. Who said fruit wasn’t harmful to your existence? Ask the wonderful folks at @JWMarriottChd #goingbananas #howtogetfitandgobroke #potassiumforkings pic.twitter.com/SNJvecHvZB
— Rahul Bose (@RahulBose1) July 22, 2019
ਦਰਅਸਲ ਅਦਾਕਾਰ ਰਾਹੁਲ ਬੋਸ ਨੇ ਸੋਸ਼ਲ ਮੀਡੀਆ ‘ਤੇ ਅਪਣਾ ਵੀਡੀਓ ਸ਼ੇਅਰ ਕੀਤਾ ਹੈ। ਇਸ ਵੀਡੀਓ ਵਿਚ ਉਹਨਾਂ ਨੇ ਦੱਸਿਆ ਕਿ ਉਹ ਚੰਡੀਗੜ੍ਹ ਦੇ ਇਕ ਫਾਈਵ ਸਟਾਰ ਹੋਟਲ ਵਿਚ ਗਏ, ਜਿੱਥੇ ਜਿਮ ਵਿਚ ਵਰਕ ਆਊਟ ਕਰਨ ਤੋਂ ਬਾਅਦ ਉਹਨਾਂ ਨੇ 2 ਕੇਲੇ ਮੰਗਵਾਏ ਪਰ ਉਹ 2 ਕੇਲਿਆਂ ਦਾ ਬਿਲ ਦੇ ਕੇ ਹੈਰਾਨ ਰਹਿ ਗਏ। ਵੀਡੀਓ ਸ਼ੇਅਰ ਕਰਦੇ ਹੋਏ ਰਾਹੁਲ ਨੇ ਲ਼ਿਖਿਆ ਤੁਹਾਨੂੰ ਯਕੀਨ ਕਰਨ ਲਈ ਇਹ ਦੇਖਣਾ ਹੋਵੇਗਾ।
ਉਹਨਾਂ ਲਿਖਿਆ ਕਿ ਕੌਣ ਕਹਿੰਦਾ ਹੈ ਕਿ ਫ਼ਲ ਤੁਹਾਡੇ ਲਈ ਨੁਕਸਾਨਦਾਇਕ ਨਹੀਂ ਹਨ? ਰਾਹੁਲ ਨੇ ਵੀਡੀਓ ਵਿਚ ਬਿਲ ਵੀ ਦਿਖਾਇਆ ਹੈ। ਰਾਹੁਲ ਦੀ ਇਸ ਪੋਸਟ ‘ਤੇ ਯੂਜ਼ਰਸ ਨੇ ਕਈ ਕੁਮੈਂਟ ਕੀਤੇ ਹਨ। ਇਸ ਦੇ ਨਾਲ ਹੀ ਰਾਹੁਲ ਬੋਸ ਦੇ ਇਸ ਟਵੀਟ ‘ਤੇ ਕਈ ਲਾਈਕ ਵੀ ਆਏ ਹਨ।
Entertainment ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ Facebook ਤੇ ਲਾਈਕ Twitter ਤੇ follow ਕਰੋ