ਹੱਤਿਆ ਦੀ ਸਾਜਿਸ਼ ਰਵੀ ਪੁਜਾਰੀ ਦੇ ਇਸ਼ਾਰੇ 'ਤੇ ਰਚੀ ਗਈ ਸੀ
ਬਾਲੀਵੁਡ 'ਚ ਦੀਆਂ ਹੁਣ ਤੱਕ ਕਈ ਹਿੱਟ ਸੁਪਰ ਹਿੱਟ ਫ਼ਿਲਮਾਂ ਦੇਣ ਵਾਲੇ ਨਿਰਮਾਤਾ ਨਿਰਦੇਸ਼ਕ ਮਹੇਸ਼ ਭੱਟ ਦੀ ਹੱਤਿਆ ਦੀ ਸਾਜਿਸ਼ ਕਰਨ ਵਾਲਿਆਂ ਨੂੰ ਅੱਜ ਮਕੋਕਾ ਕੋਰਟ ਨੇ ਡਾਨ ਰਵੀ ਪੁਜਾਰੀ ਦੇ ਗਰੋਹ ਦੇ ਚਾਰ ਮੈਬਰਾਂ ਨੂੰ 5 ਸਾਲ ਦੀ ਸਜ਼ਾ ਸੁਣਾਈ ਹੈ। ਪਹਿਲੀ ਵਾਰ 'ਚ ਤਾਂ ਇਹ ਯਕੀਨ ਕਰਨਾ ਬੇਹੱਦ ਮੁਸ਼ਕਿਲ ਹੋਵੇਗਾ ਕਿ ਨਿਰਮਾਤਾ ਮਹੇਸ਼ ਭੱਟ ਨੂੰ ਮਾਰਨ ਦੀ ਸਾਜਿਸ਼ ਰਚੀ ਗਈ ਹੋਵੇ। ਪਰ ਇਹ ਸੱਚ ਹੈ ਕਿ ਅਕਸਰ ਹੀ ਹਮੇਸ਼ਾ ਗੰਭੀਰ ਮੁੱਦਿਆਂ 'ਤੇ ਆਪਣੀ ਬੇਬਾਕ ਰਾਏ ਰੱਖਦੇ ਆਏ ਹਨ ਜਿਸ ਕਾਰਨ ਉਨ੍ਹਾਂ ਨੂੰ ਕਈ ਵਾਰ ਇਸ ਦੇ ਤਹਿਤ ਉਨ੍ਹਾਂ ਨੂੰ ਧੱਮਕੀਆਂ ਵੀ ਮਿਲ ਚੁੱਕੀਆਂ ਹਨ।
ਸਾਲ 2014 'ਚ ਮਹੇਸ਼ ਭੱਟ ਦੀ ਹੱਤਿਆ ਦੀ ਸਾਜਿਸ਼ ਰਵੀ ਪੁਜਾਰੀ ਦੇ ਇਸ਼ਾਰੇ 'ਤੇ ਰਚੀ ਗਈ ਸੀ ਪਰ ਮੁੰਬਈ ਕਰਾਈਮ ਬ੍ਰਾਂਚ ਨੇ ਉਨ੍ਹਾਂ ਦਾ ਪਲਾਨ ਫੇਲ ਕਰ ਦਿੱਤਾ ਸੀ ਅਤੇ ਹੁਣ ਮਹੇਸ਼ ਭੱਟ ਦੀ ਹੱਤਿਆ ਦੀ ਸਾਜਿਸ਼ ਰਚਣ ਦੇ ਦੋਸ਼ ਵਿਚ ਮੁੰਬਈ ਦੇ ਸਪੈਸ਼ਲ ਮਕੋਕਾ ਕੋਰਟ ਨੇ ਡਾਨ ਰਵੀ ਪੁਜਾਰੀ ਗਰੋਹ ਦੇ ਚਾਰ ਮੈਬਰਾਂ ਨੂੰ ਪੰਜ ਸਾਲ ਦੀ ਸਜ਼ਾ ਸੁਣਾਈ ਹੈ। ਤੁਹਾਨੂੰ ਦੱਸ ਦੇਈਏ ਕਿ ਫਿਲਮਕਾਰ ਮਹੇਸ਼ ਭੱਟ ਦੇ ਜੂਹੂ ਦਫਤਰ 'ਚ ਸਾਲ 2006 'ਚ ਵੀ ਫਾਈਰਿੰਗ ਕੀਤੀ ਗਈ ਸੀ ਜਿਸ ਦੀ ਪੂਰੀ ਤਰ੍ਹਾਂ ਨਾਲ ਜ਼ਿੰਮੇਦਾਰੀ ਪੁਜਾਰੀ ਗੈਂਗ ਨੇ ਲਈ ਸੀ। ਰਵੀ ਪੁਜਾਰੀ 'ਤੇ ਬਾਲੀਵੁੱਡ ਦੇ ਕਈ ਸਿਤਾਰਿਆਂ ਨੂੰ ਧਮਕੀ ਦੇਣ ਅਤੇ ਪੈਸੇ ਵਸੂਲਣ ਦਾ ਦੋਸ਼ ਲੱਗਦਾ ਰਿਹਾ ਹੈ। ਸਲਮਾਨ ਖਾਨ ਅਤੇ ਸ਼ਾਹਰੁਖ ਖਾਨ ਵਰਗੇ ਸੁਪਰ ਸਟਾਰਸ ਨੂੰ ਵੀ ਡਾਨ ਰਵੀ ਪੁਜਾਰੀ ਧਮਕੀ ਦੇ ਚੁੱਕਾ ਹੈ। ਪਰ ਇਸ ਵਾਰ ਉਸ ਦੇ ਇਹਨਾਂ ਗੁੰਡਿਆਂ ਨੂੰ ਸਜ਼ਾ ਦੇਣ 'ਚ ਪੁਲਸ ਅਤੇ ਅਦਾਲਤ ਕਾਮਯਾਬ ਰਹੀ ਆਈ। ਹੁਣ ਪੁਲਸ ਹੋਰ ਅਜਿਹੇ ਗੁੰਡਿਆਂ ਦੀ ਭਾਲ ਵਿਚ ਜੁਟ ਗਈ ਹੈ ਜੋ ਕਿ ਕੀਤੇ ਨਾ ਕੀਤੇ ਬਾਲੀਵੁਡ ਸਿਤਾਰਿਆਂ ਨੂੰ ਆਪਣਾ ਨਿਸ਼ਾਨਾ ਬਣਾਉਣ ਦੀ ਫ਼ਿਰਾਕ 'ਚ ਰਹਿੰਦੇ ਹਨ।