ਕੰਗਨਾ ਨੇ ਕਿਹਾ ਕਿ ਮੈਂ ਉਮੀਦ ਕਰਦੀ ਹਾਂ ਕਿ ਕਲੀਨ ਇੰਡੀਆ ਮਿਸ਼ਨ ਦੇ ਤਹਿਤ ਇਸ ਬਾਲੀਵੁੱਡ ਦੇ ਗਟਰ ਨੂੰ ਵੀ ਸਾਫ਼ ਕੀਤਾ ਜਾਣਾ ਚਾਹੀਦਾ ਹੈ।
ਮੁੰਬਈ - ਸੁਸ਼ਾਂਤ ਸਿੰਘ ਰਾਜਪੂਤ ਕੇਸ ਨੇ ਇਕ ਨਵਾਂ ਮੋੜ ਲੈ ਲਿਆ ਹੈ ਹੁਣ ਇਸ ਮਾਮਲੇ ਵਿਚ Drug Angle ਸਾਹਮਣੇ ਆਇਆ ਹੈ। ਸੁਸ਼ਾਂਤ ਮਾਮਲੇ 'ਤੇ ਆਪਣੀ ਪ੍ਰਤੀਕ੍ਰਿਆ ਦੇਣ ਅਤੇ ਬਾਲੀਵੁੱਡ ਵਿਚ ਨੈਪੋਟਿਜ਼ਮ ਬਾਰੇ ਲਗਾਤਾਰ ਚਰਚਾ ਕਰਨ ਵਾਲੀ ਕੰਗਨਾ ਰਣੌਤ ਇਕ ਵਾਰ ਫਿਰ ਸੁਰਖੀਆਂ ਵਿਚ ਆਈ ਹੋਈ ਹੈ।
ਸੁਸ਼ਾਂਤ ਮਾਮਲੇ ਵਿਚ ਨਸ਼ੇ ਦਾ ਮਾਮਲਾ ਸਾਹਮਣੇ ਆਉਣ ਤੋਂ ਬਾਅਦ ਉਸ ਨੇ ਬਾਲੀਵੁੱਡ 'ਤੇ ਝਾਤ ਮਾਰੀ ਹੈ। ਕੰਗਨਾ ਰਣੌਤ ਨੇ ਟਵੀਟ ਕਰ ਕੇ ਇਕ ਵੱਡਾ ਬਿਆਨ ਦਿੱਤਾ ਹੈ। ਉਸ ਨੇ ਲਿਖਿਆ ਕਿ ਜੇਕਰ ਬਾਲੀਵੁੱਡ ਵਿੱਚ ਨਾਰਕੋਟਿਕਸ ਟੈਸਟ ਹੁੰਦਾ ਹੈ ਤਾਂ ਕਈ ਸਿਤਾਰੇ ਜੇਲ੍ਹ ਵਿਚ ਹੋਣਗੇ।
ਕੰਗਨਾ ਰਣੌਤ ਬੇਬਾਕੀ ਨਾਲ ਆਪਣਾ ਇਹ ਬਿਆਨ ਦੁਨੀਆਂ ਸਾਹਮਣੇ ਰੱਖਦੀ ਹੈ। ਸੁਸ਼ਾਂਤ ਮਾਮਲੇ ਵਿਚ ਡਰੱਗ ਮਾਮਲਾ ਸਾਹਮਣੇ ਆਉਣ ਤੋਂ ਬਾਅਦ ਕੰਗਨਾ ਨੇ ਟਵੀਟ ਕੀਤਾ, ਜਿਸ ਵਿਚ ਉਸਨੇ ਪੀਐਮਓ ਨੂੰ ਟੈਗ ਕੀਤਾ ਅਤੇ ਲਿਖਿਆ - ਜੇਕਰ ਨਾਰਕੋਟਿਕਸ ਕੰਟਰੋਲ ਬਿਊਰੋ ਬਾਲੀਵੁੱਡ ਵਿਚ ਆ ਗਿਆ ਤਾਂ ਸਿਤਾਰੇ ਜੇਲ੍ਹ ਵਿਚ ਚਲੇ ਜਾਣਗੇ।
ਜੇ ਬਲੱਡ ਟੈਸਟ ਕੀਤਾ ਜਾਂਦਾ ਹੈ ਤਾਂ ਬਹੁਤ ਸਾਰੇ ਵੱਡੇ ਖੁਲਾਸੇ ਹੋਣਗੇ। ਮੈਂ ਉਮੀਦ ਕਰਦੀ ਹਾਂ ਕਿ ਕਲੀਨ ਇੰਡੀਆ ਮਿਸ਼ਨ ਦੇ ਤਹਿਤ ਇਸ ਬਾਲੀਵੁੱਡ ਦੇ ਗਟਰ ਨੂੰ ਵੀ ਸਾਫ਼ ਕੀਤਾ ਜਾਣਾ ਚਾਹੀਦਾ ਹੈ।
ਕੰਗਨਾ ਨੇ ਇਸ ਟਵੀਟ ਦੇ ਜ਼ਰੀਏ ਸਿਰਫ਼ ਏ ਲਿਸਟਰ ਕਹਿ ਕੇ ਬਾਲੀਵੁੱਡ ਦੇ ਵੱਡੇ ਸਿਤਾਰਿਆਂ ਨੂੰ ਕਟਹਿਰੇ ਵਿਚ ਖੜ੍ਹਾ ਕਰ ਦਿੱਤਾ ਹੈ। ਸੁਸ਼ਾਂਤ ਦੇ ਪ੍ਰਸ਼ੰਸਕ ਵੀ ਕੰਗਨਾ ਦੇ ਟਵੀਟ 'ਤੇ ਟਿੱਪਣੀ ਕਰ ਰਹੇ ਹਨ।
ਕੰਗਨਾ ਰਣੌਤ ਲਗਾਤਾਰ ਸੁਸ਼ਾਂਤ ਕੇਸ ਵਿਚ ਆਪਣਾ ਬਿਆਨ ਸੋਸ਼ਲ ਮੀਡੀਆ ਜਰੀਏ ਦੇ ਰਹੀ ਹੈ। ਤੇ ਹੁਣ ਸੁਸ਼ਾਂਤ ਦੀ ਭੈਣ ਸ਼ਵੇਤਾ ਵੀ ਕੰਗਨਾ ਦੇ ਹੱਕ ਵਿਚ ਖੜ੍ਹੀ ਹੈ ਤੇ ਉਸ ਦੀ ਤਾਰੀਫ਼ ਕਰ ਰਹੀ ਹੈ।
Requesting @PMOIndia @narendramodi to look into providing security for Kangana @KanganaTeam so that she can help with the investigation of @narcoticsbureau. ???? https://t.co/sJmEiTBAdM
— shweta singh kirti (@shwetasinghkirt) August 26, 2020