'ਕੇਸਰੀ' ਫ਼ਿਲਮ ਦੀ ਆਲੋਚਕਾਂ ਨੇ ਵੀ ਖੂਬ ਪ੍ਰਸ਼ੰਸ਼ਾ ਕੀਤੀ
ਨਵੀਂ ਦਿੱਲੀ- ਅਕਸ਼ੇ ਕੁਮਾਰ ਦੀ ਫ਼ਿਲਮ ਕੇਸਰੀ ਦਰਸ਼ਕਾਂ ਦਾ ਦਿਲ ਜਿੱਤਣ ਵਿਚ ਕਾਮਯਾਬ ਰਹੀ ਹੈ, ਜਿਸਦੀ ਵਜ੍ਹਾ ਨਾਲ ਫਿਲਮ ਦਾ ਬੌਕਸ ਆਫਿਸ ਕਲੈਕਸ਼ਨ ਲਗਾਤਾਰ ਵਧਦਾ ਜਾ ਰਿਹਾ ਹੈ। ਕਮਾਈ ਦੇ ਨਜਰੀਏ ਨਾਲ ਵੇਖਿਆ ਜਾਵੇ ਤਾਂ ਮੰਗਲਵਾਰ ਦੀ ਤਰ੍ਹਾਂ ਬੁੱਧਵਾਰ ਨੂੰ ਵੀ ਫਿਲਮ ਕੇਸਰੀ ਦਾ ਕਲੈਕਸ਼ਨ ਵਧੀਆ ਰਿਹਾ। ਬਾਕਸ ਆਫਿਸ ਇੰਡੀਆ ਦੇ ਮੁਤਾਬਕ ਬੁੱਧਵਾਰ ਨੂੰ ਫਿਲਮ ਨੇ 6.50 ਕਰੋੜ ਦੀ ਕਮਾਈ ਕੀਤੀ। ਇਸ ਦੇ ਨਾਲ ਫ਼ਿਲਮ 100 ਕਰੋੜ ਕਲੱਬ ਵਿਚ ਸ਼ਾਮਿਲ ਹੋ ਚੁੱਕੀ ਹੈ। ਫ਼ਿਲਮ ਨਿਰਦੇਸ਼ਕਾਂ ਦੀਆਂ ਨਿਗਾਹਾਂ ਇਸ ਵੀਕੈਂਡ ਉੱਤੇ ਰਹਿਣਗੀਆਂ।
ਕਿਉਂਕਿ ਉਂਮੀਦ ਜਤਾਈ ਜਾ ਰਹੀ ਹੈ ਕਿ ਦੂਜੇ ਹਫ਼ਤੇ ਵਿਚ ਫ਼ਿਲਮ ਦੀ ਕਮਾਈ ਇੱਕ ਵਾਰ ਫਿਰ ਤੋਂ ਰਫ਼ਤਾਰ ਫੜੇਗੀ ਅਤੇ ਫ਼ਿਲਮ (ਕੇਸਰੀ) ਕਮਾਈ ਦਾ ਨਵਾਂ ਰਿਕਾਰਡ ਕਾਇਮ ਕਰੇਗੀ। ਇਹ ਬੁੱਧਵਾਰ ਸਿਰਫ਼ ਕੇਸਰੀ ਲਈ ਚੁਣੋਤੀ ਭਰਪੂਰ ਨਹੀਂ ਰਿਹਾ ਸਗੋਂ ਸਿਨੇਮਾ ਹਾਲਾਂ ਵਿਚ ਰੀਲੀਜ਼ ਹੋਈਆਂ ਹੋਰ ਵੱਡੀਆਂ ਫਿਲਮਾਂ ਉੱਤੇ ਇਸਦਾ ਅਸਰ ਦੇਖਣ ਨੂੰ ਮਿਲਿਆ।
ਆਈਪੀਐਲ ਸੀਜਨ ਦਾ ਸਿੱਧਾ ਅਸਰ ਬਾਕਸ ਆਫਿਸ ਉੱਤੇ ਦੇਖਣ ਨੂੰ ਮਿਲ ਰਿਹਾ ਹੈ ਪਰ ਕੇਸਰੀ ਦੀ ਦਮਦਾਰ ਕਹਾਣੀ ਅਤੇ ਅਕਸ਼ੇ ਕੁਮਾਰ ਦਾ ਇਸ ਫ਼ਿਲਮ ਵਿਚ ਕੰਮ ਕਰਨਾ ਲੋਕਾਂ ਨੂੰ ਸਿਨੇਮਾ ਘਰਾਂ ਤੱਕ ਲਿਆਉਣ ਵਿਚ ਕਾਮਯਾਬ ਰਿਹਾ ਹੈ, ਹਾਲਾਂਕਿ ਪਹਿਲੇ ਦੋ ਦਿਨਾਂ ਦੇ ਮੁਕਾਬਲੇ ਦਰਸ਼ਕਾਂ ਦੀ ਗਿਣਤੀ ਵਿਚ ਗਿਰਾਵਟ ਆਈ ਹੈ ਪਰ ਹੁਣ ਵੀ ਵੀਕੈਂਡ ਤੋਂ ਉਂਮੀਦ ਜਤਾਈ ਜਾ ਰਹੀ ਹੈ ਕਿਉਂਕਿ ਕੋਈ ਵੱਡੀ ਫਿਲਮ ਇਸ ਹਫ਼ਤੇ ਰੀਲੀਜ਼ ਨਹੀਂ ਹੋਣ ਵਾਲੀ ਹੈ। ਅਕਸ਼ੇ ਕੁਮਾਰ ਅਤੇ ਪਰਣੀਤੀ ਚੋਪੜਾ ਦੀ ਫ਼ਿਲਮ ਕੇਸਰੀ ਦੇਸ਼ਾਂ ਅਤੇ ਵਿਦੇਸ਼ਾਂ ਵਿਚ ਕੁੱਲ 4200 ਸਕਰੀਨਾਂ ਉੱਤੇ ਰੀਲੀਜ਼ ਹੋਈ ਸੀ।
ਅਕਸ਼ੇ ਕੁਮਾਰ ਨੇ ਜਬਰਦਸਤ ਐਕਸ਼ਨ ਨਾਲ ਦਰਸ਼ਕਾਂ ਦਾ ਦਿਲ ਜਿੱਤ ਲਿਆ ਹੈ। ਅਕਸ਼ੇ ਕੁਮਾਰ ਅਤੇ ਪਰਣੀਤੀ ਚੋਪੜਾ ਦੀ ਫ਼ਿਲਮ ਕੇਸਰੀ ਸਾਰਾਗੜੀ ਦੇ ਲੜਾਈ ਉੱਤੇ ਅਧਾਰਿਤ ਹੈ। ਉਨ੍ਹਾਂ ਦੀ ਫਿਲਮ ਨੂੰ ਸਾਲ 2019 ਦੀ ਸਭ ਤੋਂ ਵੱਡੀ ਓਪਨਿੰਗ ਵੀ ਮਿਲੀ ਹੈ। ਅਕਸ਼ੇ ਕੁਮਾਰ ਦੀ 'ਕੇਸਰੀ' ਫ਼ਿਲਮ ਦੀ ਆਲੋਚਕਾਂ ਨੇ ਖੂਬ ਪ੍ਰਸ਼ੰਸ਼ਾ ਕੀਤੀ। ਕੇਸਰੀ ਫ਼ਿਲਮ ਦਾ ਨਿਰਦੇਸ਼ਨ ਅਨੁਰਾਗ ਸਿੰਘ ਨੇ ਕੀਤਾ ਹੈ ਅਤੇ ਕਰਣ ਜੌਹਰ ਨੇ ਇਸਨੂੰ ਪ੍ਰੋਡਿਊਸ ਕੀਤਾ ਹੈ।