ਚੰਡੀਗੜ੍ਹ: ਪ੍ਰਸਿੱਧ ਗਾਇਕ ਗੁਰਦਾਸ ਮਾਨ ਦੇ ਬੇਟੇ ਗੁਰਿਕ ਮਾਨ ਅਤੇ ਸਾਬਕਾ ਮਿਸ ਇੰਡੀਆ ਅਤੇ ਅਦਾਕਾਰਾ ਸਿਮਰਨ ਕੌਰ ਮੁੰਡੀ ਸ਼ੁੱਕਰਵਾਰ ਨੂੰ ਵਿਆਹ ਦੇ ਬੰਧਨ ਵਿੱਚ ਬੰਨ ਗਏ। ਮਾਲ ਰੋਡ ਸਥਿਤ ਗੁਰਦੁਆਰਾ ਸ਼੍ਰੀ ਗੁਰੂ ਸਿੰਘ ਸਭਾ ‘ਚ ਦੋਨਾਂ ਦਾ ਆਨੰਦ ਕਾਰਜ ਹੋਇਆ। ਇਸਤੋਂ ਬਾਅਦ ਹੋਟਲ ਨੀਮਰਾਣਾ ਵਿੱਚ ਲਗਪਗ 600 ਮਹਿਮਾਨਾਂ ਲਈ ਕੋਲੋਨਿਅਲ ਲੰਚ ਦਾ ਪ੍ਰਬੰਧ ਕੀਤਾ ਗਿਆ।
Gurdas Maan Son Wedding
ਵਿਆਹ ਸਮਾਗਮ ਲਈ ਗੁਰਦਾਸ ਮਾਨ ਵੀਰਵਾਰ ਨੂੰ ਹੀ ਪੂਰੇ ਪਰਵਾਰ ਅਤੇ ਰਿਸ਼ਤੇਦਾਰਾਂ ਦੇ ਨਾਲ ਪਟਿਆਲਾ ਪਹੁੰਚ ਗਏ ਸਨ। ਸ਼ੁੱਕਰਵਾਰ ਦੁਪਹਿਰ ਕਰੀਬ 12 ਬਜੇ ਮਾਨ ਪਰਵਾਰ ਗੁਰਦੁਆਰਾ ਸ਼੍ਰੀ ਗੁਰੁ ਸਿੰਘ ਸਭਾ ਪੁੱਜੇ। ਬੇਟੇ ਦੇ ਆਨੰਦ ਕਾਰਜ ਤੋਂ ਬਾਅਦ ਜਿਵੇਂ ਹੀ ਗੁਰਦਾਸ ਮਾਨ ਬਾਹਰ ਪੁੱਜੇ ਤਾਂ ਗੁਰਦੁਆਰਾ ਸਾਹਿਬ ਵਿੱਚ ਲੋਕਾਂ ਨੇ ਉਨ੍ਹਾਂ ਨੂੰ ਘੇਰ ਲਿਆ।
Gurdas Maan Son Wedding
ਗੁਰਦਾਸ ਮਾਨ ਨੇ ਵੀ ਕਿਸੇ ਨੂੰ ਨਿਰਾਸ਼ ਨਹੀਂ ਕੀਤਾ ਅਤੇ ਪ੍ਰਸ਼ੰਸਕਾਂ ਦੇ ਨਾਲ ਖੂਬ ਸੇਲਫੀਆਂ ਖਿੱਚਵਾਈਆਂ। ਉੱਥੇ ਹੀ ਕਈ ਨਾਮਵਾਰ ਗਾਇਕ ਅਤੇ ਅਦਾਕਾਰ ਗੁਰਿਕ ਮਾਨ ਦੇ ਵਿਆਹ ਮੌਕੇ ਖਿੱਚ ਦਾ ਕੇਂਦਰ ਬਣੇ, ਬੱਬੂ ਮਾਨ, ਬਾਦਸ਼ਾਹ, ਜੈਜੀ ਬੀ ਹੋਰ ਵੀ ਕਈ ਵੱਡੇ-ਵੱਡੇ ਗਾਇਕਾਂ ਨੇ ਸ਼ਿਰਕਤ ਕੀਤੀ। ਦੀਪਿਕਾ-ਰਣਬੀਰ ਦੇ ਵਿਆਹ ‘ਚ ਜਿਸ ਸੰਜੈ ਵਜੀਰਾਨੀ ਨੇ ਕੈਟਰਿੰਗ ਕੀਤੀ ਸੀ।
Gurdas maan Son Wedding
ਸ਼ੁੱਕਰਵਾਰ ਨੂੰ ਗੁਰਦਾਸ ਮਾਨ ਦੇ ਬੇਟੇ ਗੁਰਿਕ ਮਾਨ ਦੇ ਵਿਆਹ ‘ਚ ਵੀ ਉਨ੍ਹਾਂ ਨੇ ਹੀ ਮਹਿਮਾਨਾਂ ਲਈ ਖਾਣਾ ਬਣਵਾਇਆ। ਹਾਈ ਪ੍ਰੋਫਾਇਲ ਮਹਿਮਾਨਾਂ ਨੂੰ ਉਨ੍ਹਾਂ ਦੀ ਪਸੰਦ ਦੀਆਂ ਸ਼ਾਨਦਾਰ ਡਿਸ਼ੇਜ ਪਰੋਸੀਆਂ ਜਾ ਸਕਣ, ਇਸ ਗੱਲ ‘ਤੇ ਪੂਰਾ ਧਿਆਨ ਦਿੱਤਾ ਗਿਆ ਸੀ। ਸਾਰੇ ਮਹਿਮਾਨਾਂ ਨੂੰ ਬੈਠਾ ਕੇ ਖਾਣਾ ਸਰਵ ਕੀਤਾ ਗਿਆ। ਇਸਤੋਂ ਲਈ ਟੇਬਲਾਂ ਨੂੰ ਬੇਹੱਦ ਸ਼ਾਨਦਾਰ ਢੰਗ ਨਾਲ ਸਜਾਇਆ ਗਿਆ ਸੀ।
Gurdas Maan Son Wedding
ਮੈਨਿਊ ਵਿੱਚ ਗੁਰਿਕ ਮਾਨ ਦੇ ਵਿਦੇਸ਼ੀ ਮਹਿਮਾਨਾਂ ਲਈ ਖਾਸ ਪ੍ਰਬੰਧ ਸੀ। ਵੇਲਕਮ ਡਰਿੰਕਸ ਵਿੱਚ ਟੈਮਾਰਿੰਡ ਮੈਗਰੀਟਾ ਖਾਸ ਸੀ। ਕਲਾਸਿਕਲ ਡਿਸ਼ੇਜ ਵਿੱਚ ਨਾਨ ਵੇਜੀਟੇਰਿਅਨ ਮਹਿਮਾਨਾਂ ਲਈ ਮੁਰਗ ਈਰਾਨੀ ਟਿੱਕਿਆ, ਅੰਮ੍ਰਿਤਸਰੀ ਫਿਸ਼ ਫਰਾਈ ਸੀ, ਉਥੇ ਹੀ ਵੇਜੀਟੇਰਿਅਨ ਲਈ ਭਿੰਡੀ ਕੁਰਕੁਰੀ ਅਤੇ ਦਾਲ ਬੁਖਾਰਾ ਸੀ। ਮਿੱਠੇ ਵਿੱਚ ਬੇਲਜਿਅਨ ਚਾਕਲੇਟ ਆਇਸਕਰੀਮ, ਐਪਲ ਕਰੰਬਲ ਕਸਟਰਡ, ਸੀਤਾਫਲ ਰਸਮਲਾਈ ਅਤੇ ਮੂੰਗ ਦਾਲ ਹਲਵਾ ਸੀ। ਕੁਲ 21 ਤਰ੍ਹਾਂ ਦੇ ਮਿੱਠੇ ਮਹਿਮਾਨਾਂ ਨੂੰ ਪਰੋਸੇ ਗਏ।
