ਸ਼ਿਲਾਂਗ 'ਚ ਚਲ ਰਹੀ ਸਿੱਖ ਵਿਰੋਧੀ ਹਿੰਸਾ ਨੂੰ ਲੈਕੇ ਬੀਤੇ ਦਿਨੀਂ ਕਿੰਨੀਆਂ ਹੀ ਹਿੰਸਕ ਖਬਰਾਂ ਸਾਹਮਣੇ ਆਈਆਂ।
ਸ਼ਿਲਾਂਗ 'ਚ ਚਲ ਰਹੀ ਸਿੱਖ ਵਿਰੋਧੀ ਹਿੰਸਾ ਨੂੰ ਲੈਕੇ ਬੀਤੇ ਦਿਨੀਂ ਕਿੰਨੀਆਂ ਹੀ ਹਿੰਸਕ ਖਬਰਾਂ ਸਾਹਮਣੇ ਆਈਆਂ। ਤੇ ਇਸੇ ਹਿੰਸਾ ਦੇ ਚਲਦਿਆਂ ਸ਼ਿਲੌਂਗ 'ਚ ਇਕ ਮੰਦਭਾਗੀ ਘਟਨਾ ਵਾਪਰੀ ਜਿਸ ਵਿਚ ਇਕ ਸਿੱਖ ਡਰਾਈਵਰ ਦੇ ਟਰੱਕ ਨੂੰ ਅੱਗ ਦੇ ਹਵਾਲੇ ਕਰ ਦਿੱਤਾ ਗਿਆ। ਇਸ ਦੁਖਦ ਘਟਨਾ ਤੋਂ ਬਾਅਦ ਭਾਵੁਕ ਹੋਏ ਇਸ ਸਿੱਖ ਡਰਾਈਵਰ ਨੇ ਆਪਣੀ ਵੀਡੀਓ ਸੋਸ਼ਲ ਮੀਡਿਆ ਤੇ ਅੱਪਲੋਡ ਕੀਤੀ। ਹਿੰਸਾ ਦਾ ਸ਼ਿਕਾਰ ਹੋਏ ਇਸ ਸਿੱਖ ਡਰਾਈਵਰ ਨੇ ਵੀਡੀਓ ਵਿਚ ਪੂਰੇ ਵਿਸ਼ਵ 'ਚ ਵੱਸਦੇ ਸਿੱਖ ਭਾਇਚਾਰੇ ਨੂੰ ਉਸਦੀ ਮਦਦ ਕਰਨ ਲਈ ਅਰਜ਼ੋਈ ਕਿੱਤੀ ਤੇ ਆਪਣਾ ਫੋਨ ਨ. ਵੀ ਸਾਂਝਾ ਕੀਤਾ।
ਇਸ ਵੀਡੀਓ ਨੂੰ ਦੇਖਕੇ ਭਾਵੁਕ ਹੋਏ ਪੰਜਾਬ ਦੇ ਨਾਮੀ ਕਲਾਕਾਰ ਬੱਬੂ ਮਾਨ ਨੇ ਇਸ ਸਿੱਖ ਡਰਾਈਵਰ ਦੀ ਮਦਦ ਕਰਨ ਦਾ ਫੈਸਲਾ ਲਿਆ। ਬੱਬੂ ਮਾਨ ਨੇ ਨਾ ਸਿਰਫ਼ ਇਸ ਮੁੱਦੇ ਨੂੰ ਆਪਣੇ ਸੋਸ਼ਲ ਮੀਡਿਆ ਤੇ ਸਾਂਝਾ ਕਰਕੇ ਅਣਗਿਣਤ ਲੋਕਾਂ ਤੱਕ ਇਸ ਮਦਦ ਦੀ ਗੁਹਾਰ ਨੂੰ ਪਹੋੰਚਇਆ ਸਗੋਂ ਇਸ ਸਿੱਖ ਭਾਈ ਨੂੰ ਭਾਰਤ ਆਉਣ ਦਾ ਸੱਦਾ ਦੇਕੇ ਉਸਦੀ ਪੂਰੀ ਬਣਦੀ ਮਦਦ ਕਰਨ ਦਾ ਵੀ ਭਰੋਸਾ ਦਵਾਇਆ ਹੈ।
ਆਪਣੇ ਫੇਸਬੂਕ ਪੇਜ ਉੱਤੇ ਸਿੱਖ ਡਰਾਈਵਰ ਦਾ ਵੀਡੀਓ ਸਾਂਝਾ ਕਰਦੇ ਹੋਏ ਬੱਬੂ ਮਾਨ ਨੇ ਸਿਖਾਂ ਦਾ ਦਰਦ ਬਿਆਨ ਕਰਦਿਆਂ ਆਪਣੇ ਹੀ ਗੀਤ ਦੀਆਂ ਕੁਝ ਤੁੱਕਾਂ ਸਾਂਝੀਆਂ ਕੀਤੀਆਂ। ਹਰ ਵਾਰ ਸਮਾਜਿਕ ਮੁੱਦਿਆਂ ਨੂੰ ਦਰਸ਼ਾਉਂਦੀ, ਆਪਣੀ ਕਲਮ ਰਾਹੀਂ ਸਿੱਖ ਡਰਾਈਵਰ ਦੇ ਦਰਦ ਨੂੰ ਬਿਆਨ ਕਰਦੇ ਹੋਏ ਮਾਨ ਸਾਹਿਬ ਲਿਖਦੇ ਹਨ:
"ਛੋਟੀ ਜੀ ਗੱਲ ਉੱਤੇ ਹੋ ਜਾਂਦੇ ਦੰਗੇ, ਲੱਗਦੀਆਂ ਅੱਗਾਂ,
ਕੋਈ ਬੰਦਾ ਸੇਫ਼ ਨਹੀਂ, ਹਾਏ ਰਾਹ ਜਾਂਦਿਆਂ ਲੱਥਣ ਪੱਗਾਂ"
ਵੱਡੇ ਭਾਈ, ਅਸੀਂ ਤੇਰੇ ਨਾਲ ਆਂ ਇਸ ਦੁੱਖ ਦੀ ਘੜੀ 'ਚ ..ਤੂੰ ਪੰਜਾਬ ਆਜਾ, ਜਿੰਨੇ ਜੋਗੇ ਮਾਲਕ ਨੇ ਬਣਾਇਆ ਅਸੀਂ ਤੇਰੀ ਓੰਨੀ ਕੁ ਮਦਦ ਜ਼ਰੂਰ ਕਰਾਂਗੇ ....
ਬੇਈਮਾਨ
ਖ਼ੈਰ ਇਹ ਪਹਿਲੀ ਵਾਰ ਨਹੀਂ ਹੈ ਜਦੋਂ ਬੱਬੂ ਮਾਨ ਨੇ ਕਿਸੇ ਦੀ ਮਦਦ ਲਈ ਇਸ ਤਰਾਂਹ ਆਪਣਾ ਹੱਥ ਅੱਗੇ ਕਿੱਤਾ ਹੋਵੇ। ਉਹ ਅਕਸਰ ਹੀ ਅਜਿਹੇ ਮੁੱਦੇ ਚੱਕਦੇ ਹਨ ਤੇ ਆਮ ਲੋਕਾਂ ਲਈ ਪ੍ਰਸ਼ਾਸਨ ਤੱਕ ਨਾਲ ਭਿੜ ਜਾਂਦੇ ਹਨ। ਇਹੀ ਕਾਰਣ ਹੈ ਕਿ ਉਨ੍ਹਾਂ ਦੇ ਪ੍ਰਸ਼ੰਸਕ ਵੀ ਸਿਰਫ਼ ਇਕ ਕਲਾਕਾਰ ਵੱਜੋਂ ਨਹੀਂ ਸਗੋਂ ਬਤੌਰ ਸ਼ਕਸੀਅਤ ਬੱਬੂ ਮਾਨ ਦਾ ਸਤਿਕਾਰ ਕਰਦੇ ਹਨ ਤੇ ਉਨ੍ਹਾਂ ਨੂੰ ਦਿਲੋਂ ਪਿਆਰ ਕਰਦੇ ਹਨ।