Advertisement

ਪੰਜਾਬੀ ਸਿਨੇਮਾ ਨੂੰ ਕੁੱਝ ਵੱਖਰਾ ਦੇ ਕੇ ਜਾਵੇਗੀ ਫ਼ਿਲਮ ‘ਮਿੱਟੀ ਦਾ ਬਾਵਾ’!

ਏਜੰਸੀ | Edited by : ਸੁਖਵਿੰਦਰ ਕੌਰ
Published Oct 12, 2019, 10:33 am IST
Updated Oct 12, 2019, 10:46 am IST
ਕੁਲਜੀਤ ਸਿੰਘ ਮਲਹੋਤਰਾ ਮੁੰਬਈ ਦੇ ਜੰਮਪਲ ਹਨ ਤੇ ਪਿਛਲੇ ਕਈ ਸਾਲਾਂ ਤੋਂ ਫਿਲਮ ਖੇਤਰ ਵਿਚ ਸਰਗਰਮ ਹਨ।
Mitti Da Bawa
 Mitti Da Bawa

ਜਲੰਧਰ: ‘ਨਾਨਕ ਨਾਮ ਜਹਾਜ ਹੈ’, ‘ਮਨ ਜੀਤੇ ਜਗ ਜੀਤ’, ‘ਮਿੱਤਰ ਪਿਆਰੇ ਨੂੰ’, ‘ਦੁੱਖ ਭੰਜਨ ਤੇਰਾ ਨਾਮ’ ਆਦਿ ਉਸ ਦੌਰ ਦੀਆਂ ਸਿਰਮੌਰ ਧਾਰਮਿਕ ਫਿਲਮਾਂ ਹਨ, ਜਿਨ੍ਹਾਂ ਨੇ ਧਾਰਮਿਕ ਭਾਵਨਾਵਾਂ ਵਾਲੇ ਨਿਰੋਲ ਪਰਿਵਾਰਕ ਸਿਨੇਮਾ ਦਾ ਮੁੱਢ ਬੰਨ੍ਹਿਆ। ਇਹ ਫਿਲਮਾਂ ਅੱਜ ਵੀ ਦਰਸ਼ਕਾਂ ਦੇ ਚੇਤਿਆਂ ਵਿਚ ਵਸੀਆਂ ਹੋਈਆਂ ਹਨ। ਅਜਿਹੀ ਹੀ ਇੱਕ ਹੋਰ ਧਾਰਮਿਕ ਫਿਲਮ ‘ਮਿੱਟੀ ਦਾ ਬਾਵਾ’ ਇਨ੍ਹੀਂ ਦਿਨੀਂ ਗੁਰੂ ਨਾਨਕ ਦੇਵ ਜੀ ਦੇ 550ਵੇਂ ਪ੍ਰਕਾਸ਼ ਪੁਰਬ ਨੂੰ ਸਮਰਪਿਤ ਬਣਾਈ ਗਈ ਹੈ, ਜੋ 18 ਅਕਤੂਬਰ ਨੂੰ ਰਿਲੀਜ਼ ਹੋ ਰਹੀ ਹੈ।

Mitti Da Bawa Mitti Da Bawa

Advertisement

ਕੁਲਜੀਤ ਸਿੰਘ ਮਲਹੋਤਰਾ ਮੁੰਬਈ ਦੇ ਜੰਮਪਲ ਹਨ ਤੇ ਪਿਛਲੇ ਕਈ ਸਾਲਾਂ ਤੋਂ ਫਿਲਮ ਖੇਤਰ ਵਿਚ ਸਰਗਰਮ ਹਨ। ਉਸ ਦੇ ਪਿਤਾ ਸ਼ ਹਰਬੰਸ ਸਿੰਘ ਮਲਹੋਤਰਾ ਉਰਫ ਹਰੀ ਅਰਜਨ ਨਾਮੀਂ ਸੰਗੀਤਕਾਰ ਰਹੇ ਹਨ, ਜਿਨ੍ਹਾਂ ਨੇ ਆਪਣੇ ਜ਼ਮਾਨੇ ਦੀਆਂ ਅਨੇਕਾਂ ਹਿੰਦੀ ਫਿਲਮਾਂ ਵਿਚ ਸੰਗੀਤ ਦਿੱਤਾ। ਆਪਣੇ ਪਿਤਾ ਦੇ ਨਕਸ਼ੇ ਕਦਮਾਂ ‘ਤੇ ਚਲਦਿਆਂ ਕੁਲਜੀਤ ਵੀ ਫਿਲਮ ਖੇਤਰ ਵੱਲ ਆ ਗਿਆ। ਕਰੀਬ ਸੋਲਾਂ ਸਾਲ ਦੇ ਵਕਫੇ ਬਾਅਦ ਕੇ. ਐਸ਼ ਮਲਹੋਤਰਾ ਹੁਣ ‘ਮਿੱਟੀ ਦਾ ਬਾਵਾ’ ਫਿਲਮ ਲੈ ਕੇ ਆਏ ਹਨ।

Mitti Da Bawa Mitti Da Bawa

ਉਨ੍ਹਾਂ ਕਿਹਾ ਕਿ ਇਹ ਫਿਲਮ ਧਾਰਮਿਕ ਪੰਜਾਬੀ ਸਿਨੇਮਾ ਦੇ ਦਰਸ਼ਕਾਂ ਲਈ ਇੱਕ ਚੰਗਾ ਉਪਦੇਸ਼ ਦੇਵੇਗੀ ਕਿ ਅੱਜ ਦਾ ਮਨੁੱਖ ਹਰ ਵੇਲੇ ਪੈਸੇ ਪਿੱਛੇ ਭੱਜ ਰਿਹਾ ਹੈ। ਪੈਸੇ ਲਈ ਉਹ ਝੂਠ ਬੋਲਦਾ ਹੈ, ਠੱਗੀਆਂ ਮਾਰਦਾ ਹੈ। ਪੈਸੇ ਦੇ ਹੰਕਾਰ ‘ਚ ਉਹ ਕਿਸੇ ਤੋਂ ਵੀ ਨਹੀਂ ਡਰਦਾ, ਰੱਬ ਤੋਂ ਵੀ ਨਹੀਂ। ਜੇ ਡਰਦਾ ਹੈ ਤਾਂ ਸਿਰਫ ਮੌਤ ਤੋਂ…! ਸੋ ਇਹ ਫਿਲਮ ਅੱਜ ਦੇ ਮਨੁੱਖ ਨੂੰ ਮੌਤ ਦੇ ਸੱਚ ਤੋਂ ਜਾਣੂ ਕਰਵਾਉਂਦੀ ਹੈ।

Mitti Da Bawa Mitti Da Bawa

ਫਿਲਮ ਵਿਚ ਮੁੱਖ ਭੂਮਿਕਾ ਦੀ ਗੱਲ ਕਰਦਿਆਂ ਉਨ੍ਹਾਂ ਕਿਹਾ ਕਿ ਜੇ ਮੈਂ ਮੁੱਖ ਕਿਰਦਾਰ ਦੀ ਗੱਲ ਕਰਾਂ ਤਾਂ ਉਹ ਬਾਬਾ ਨਾਨਕ ਦੇਵ ਜੀ ਹੀ ਹਨ, ਜਿਨ੍ਹਾਂ ਦੀ ਰੂਹਾਨੀ ਸ਼ਖਸੀਅਤ ਦੁਆਲੇ ਇਹ ਸਾਰੀ ਕਹਾਣੀ ਘੁੰਮਦੀ ਹੈ। ਅਦਾਕਾਰ ਤਰਸੇਮ ਪੌਲ ਨੇ ਇਸ ਫਿਲਮ ਵਿਚ ਇੱਕ ਲਾਲਚੀ ਬੰਦੇ ਦਾ ਕਿਰਦਾਰ ਨਿਭਾਇਆ ਹੈ ਤੇ ਸ਼ਵਿੰਦਰ ਮਾਹਲ ਇੱਕ ਫਕੀਰ ਦੇ ਕਿਰਦਾਰ ਵਿਚ ਹੈ।

Mitti Da Bawa Mitti Da Bawa

ਇਸ ਤੋਂ ਇਲਾਵਾ ਤੇਜੀ ਸੰਧੂ, ਰਜ਼ਾ ਮੁਰਾਦ, ਨਛੱਤਰ ਗਿੱਲ, ਅਨੂੰ ਪ੍ਰਿਆ, ਮਨਪ੍ਰੀਤ ਕੌਰ, ਬੀ. ਐਨ. ਸ਼ਰਮਾ, ਹਰਜੀਤ ਵਾਲੀਆ, ਅੰਮ੍ਰਿਤਪਾਲ ਸਿੰਘ ਬਿੱਲਾ, ਜਰਨੈਲ ਸਿੰਘ ਆਦਿ ਕਲਾਕਾਰਾਂ ਨੇ ਅਹਿਮ ਕਿਰਦਾਰ ਨਿਭਾਏ ਹਨ। ਫਿਲਮ ਦੀ ਕਹਾਣੀ ਸੁਰਿੰਦਰਜੀਤ ਸਿੰਘ ਪਾਲ ਨੇ ਲਿਖੀ ਹੈ। ਸਕਰੀਨ ਪਲੇਅ ਅਤੇ ਡਾਇਲਾਗ ਕੇ. ਐਸ਼ ਮਲਹੋਤਰਾ ਤੇ ਹਰਦੇਵ ਸਿੰਘ ਨੇ ਲਿਖੇ ਹਨ।

ਫਿਲਮ ਦਾ ਸੰਗੀਤ ਹਰੀ ਅਰਜਨ ਅਤੇ ਗੁਰਮੀਤ ਸਿੰਘ ਨੇ ਦਿੱਤਾ ਹੈ। ਫਿਲਮ ਵਿਚ ਤਿੰਨ ਸ਼ਬਦ ਗੁਰਬਾਣੀ ‘ਚੋਂ ਲਏ ਗਏ ਹਨ, ਜਿਨ੍ਹਾਂ ਨੂੰ ਆਵਾਜ਼ ਮੁਹੰਮਦ ਅਜ਼ੀਜ ਤੇ ਅਰਵਿੰਦਰ ਸਿੰਘ ਨੇ ਦਿੱਤੀ ਹੈ। ਇੱਕ ਸੂਫੀਆਨਾ ਕਲਾਮ ਵੀ ਹੈ, ਜੋ ਨਛੱਤਰ ਗਿੱਲ ਤੇ ਮੰਨਤ ਨੂਰ ਦੀਆਂ ਆਵਾਜ਼ਾਂ ਵਿਚ ਹੈ।

Entertainment ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ  Facebook ਤੇ ਲਾਈਕ Twitter  ਤੇ follow ਕਰੋ।

Advertisement

 

Advertisement
Advertisement