ਸਲਮਾਨ ਖਾਨ ਦੀ ਦੀਵਾਨਗੀ 'ਚ ਕੁੜੀ ਨੇ ਕੀਤੀ ਖ਼ਤਰਨਾਕ ਹਰਕਤ
ਮੁੰਬਈ : ਸਲਮਾਨ ਖਾਨ ਦੇ ਚਹੇਤੀਆਂ ਦੀ ਲਿਸਟ ਕਾਫ਼ੀ ਲੰਮੀ ਹੈ। 50 ਸਾਲ ਦੀ ਉਮਰ 'ਚ ਵੀ ਲੜਕੀਆਂ ਉਸ ਦੇ ਨਾਲ ਵਿਆਹ ਕਰਨ ਲਈ ਦੀਵਾਨੀ ਰਹਿੰਦੀਆਂ ਹਨ। ਇਸ ਗੱਲ ਦਾ ਅੰਦਾਜ਼ਾ ਇਸ ਘਟਨਾ ਤੋਂ ਲਗਾਇਆ ਜਾ ਸਕਦਾ ਹੈ। ਹਾਲ ਹੀ 'ਚ ਉਸ ਦੇ ਘਰ 'ਚ ਇਕ ਕੁੜੀ ਆ ਗਈ। ਹੱਥ 'ਚ ਤੇਜ਼ਧਾਰ ਹਥਿਆਰ ਦੇ ਨਾਲ ਉਸ ਨੇ ਖ਼ੁਦ ਨੂੰ ਜਾਨੋਂ ਮਾਰਨ ਦੀ ਧਮਕੀ ਦਿਤੀ ਅਤੇ ਸਲਮਾਨ ਖਾਨ ਨੂੰ ਅਪਣਾ ਪਤੀ ਦਸਿਆ।
ਖ਼ਬਰ ਮੁਤਾਬਕ ਕੁੱਝ ਦਿਨਾਂ ਪਹਿਲਾਂ ਦੁਪਹਿਰ ਕਰੀਬ 12.30 ਵਜੇ ਇਕ ਕੁੜੀ ਸਲਮਾਨ ਦੇ ਘਰ ਗੈਲਕਸੀ ਅਪਾਰਟਮੈਂਟ 'ਚ ਵੜ ਗਈ ਸੀ। ਇਹ ਘਟਨਾ ਉਸ ਸਮੇਂ ਹੋਈ ਜਦੋਂ ਗੇਟ 'ਤੇ ਲਗੀ ਸਕਿਉਰਟੀ ਢਿੱਲੀ ਸੀ। ਜਿਸ ਸਮੇਂ ਕੁੜੀ ਸਲਮਾਨ ਖਾਨ ਦੇ ਘਰ 'ਚ ਵੜੀ ਉਸ ਸਮੇਂ ਗੇਟ 'ਤੇ ਦੋ ਗਾਰਡ ਡਿਊਟੀ ਕਰ ਰਹੇ ਸਨ।
ਇਸ 'ਚ ਇਕ ਗਾਰਡ ਨੇ ਡਿਊਟੀ 'ਚ ਲਾਪਰਵਾਹੀ ਵਰਤੀ ਤਾਂ ਦੂਜਾ ਗਾਰਡ ਜਵਾਬ ਦੇਣ ਲਈ ਕਾਫ਼ੀ ਨਵਾਂ ਸੀ। ਨਵਾਂ ਗਾਰਡ ਕੁੜੀ ਨੂੰ ਘਰ ਦੇ ਅੰਦਰ ਆਉਣ ਤੋਂ ਰੋਕਦਾ ਇਸ ਤੋਂ ਪਹਿਲਾਂ ਹੀ ਕੁੜੀ ਭੱਜ ਕੇ ਗਲੈਕਸੀ ਅਪਾਰਟਮੈਂਟ ਦੀ ਛੱਤ 'ਤੇ ਚੜ੍ਹ ਗਈ। ਰਸਤੇ 'ਚ ਹੀ ਸਲਮਾਨ ਖਾਨ ਦੇ ਦਰਵਾਜੇ ਤੋਂ ਕੁੜੀ ਭੱਜੀ ਤਾਂ ਸਲਮਾਨ ਖਾਨ ਦੇ ਰਸੋਈਏ ਨੇ ਗੇਟ ਖੋਲ ਕੇ ਦੇਖਿਆ ਕਿ ਕੀ ਹੰਗਾਮਾ ਹੋ ਰਿਹਾ ਹੈ ਪਰ ਉਸ ਸਮੇਂ ਤਕ ਕੁੜੀ ਛੱਤ 'ਤੇ ਜਾ ਚੁਕੀ ਸੀ, ਇਹ ਕਹਿੰਦੇ ਹੋਏ ਕਿ , ਸਲਮਾਨ ਖਾਨ ਮੇਰੇ ਪਤੀ ਹਨ।
ਇੰਨਾ ਹੀ ਨਹੀਂ ਕੁੜੀ ਦੇ ਹੱਥ 'ਚ ਤੇਜ਼ਧਾਰ ਹਥਿਆਰ ਵੀ ਸੀ ਅਤੇ ਕੁੜੀ ਨੇ ਖੁਦਕੁਸ਼ੀ ਕਰਨ ਦੀ ਧਮਕੀ ਵੀ ਦਿਤੀ। ਰਿਪੋਰਟ ਮੁਤਾਬਕ, ਕੁੜੀ ਦੇ ਹੰਗਾਮੇ ਨੂੰ ਦੇਖ ਦੇ ਹੋਏ ਸਕਿਉਰਟੀ ਨੇ ਫਾਇਰਬ੍ਰਿਗੇਡ ਨੂੰ ਬੁਲਾਇਆ। ਸਮੇਂ ਤੇ ਐਕਸ਼ਨ ਲੈ ਕੇ ਕੁੜੀ ਨੂੰ ਘਰ ਤੋਂ ਕੱਢਿਆ ਗਿਆ।
