ਹਿਮਾਂਸ਼ੀ ਖੁਰਾਣਾ ਦਾ ਅਦਾਕਾਰੀ ਨੂੰ ਖੂਬ ਪਸੰਦ ਕੀਤਾ ਗਿਆ ਸੀ
ਅੱਜ ਕਲ ਕਲਾ ਜਗਤ ਵਿਚ ਇੱਕ ਟ੍ਰੇਂਡ ਕਾਫ਼ੀ ਚਲਣ ਵਿਚ ਹੈ ਕਿ ਜੋ ਗਾਇਕ ਹੈ ਉਹ ਅਦਾਕਾਰੀ ਵੱਲ ਚਲ ਪਿਆ ਹੈ ਅਤੇ ਜੋ ਅਦਾਕਾਰ ਹੈ ਉਹ ਗਾਇਕੀ ਵਲ ਚਲ ਪਿਆ ਹੈ। ਇਨ੍ਹਾਂ ਵਿਚ ਹੀ ਇਕ ਹੋਰ ਨਾਮ ਜੁੜ ਗਿਆ ਹੈ ਪੰਜਾਬੀ ਗੀਤਾਂ ਦੀ ਨਾਮਵਰ ਮਾਡਲ ਅਦਾਕਾਰਾ ਹਿਮਾਂਸ਼ੀ ਖੁਰਾਣਾ ਦਾ। ਦਸ ਦਈਏ ਕਿ ਹੁਣ ਤਕ ਅਨੇਕਾਂ ਪੰਜਾਬੀ ਮਿਊਜ਼ਿਕ ਵੀਡੀਓਜ਼ ਕਰ ਚੁੱਕੀ ਮਸ਼ਹੂਰ ਮਾਡਲ ਤੇ ਗਾਇਕਾ ਹਿਮਾਂਸ਼ੀ ਖੁਰਾਣਾ ਦਾ ਹਾਲ ਹੀ ਨਵਾਂ ਗੀਤ 'ਹਾਈ ਸਟੈਂਡਰਡ' ਰਿਲੀਜ਼ ਹੋਇਆ ਹੈ। ਇਸ ਗੀਤ ਨੂੰ ਰਾਵ ਹੰਜਰਾ ਨੇ ਲਿਖੇ ਹਨ ਤੇ ਸੰਗੀਤ ਸਨੈਪੀ ਨੇ ਦਿੱਤਾ ਹੈ।
ਦੱਸ ਦੇਈਏ ਕਿ ਹਿਮਾਂਸ਼ੀ ਖੁਰਾਣਾ ਦੇ ਗੀਤ 'ਹਾਈ ਸਟੈਂਡਰਡ' ਦੀ ਵੀਡੀਓ ਨੂੰ ਐਵੇਕਸ ਢਿੱਲੋਂ ਨੇ ਬੇਹੱਦ ਸੁਚੱਜੇ ਢੰਗ ਨਾਲ ਪੇਸ਼ ਕੀਤਾ ਹੈ। ਗੀਤ ਨੂੰ ਬਰਾਂਡ ਬੀ ਦੇ ਬੈਨਰ ਹੇਠ ਰਿਲੀਜ਼ ਕੀਤਾ ਗਿਆ ਹੈ। ਇਸ ਗੀਤ 'ਚ ਹਿਮਾਂਸ਼ੀ ਖੁਰਾਣਾ ਨੇ ਵੱਖਰੇ ਹੀ ਅੰਦਾਜ਼ ਵਿਚ ਨਜ਼ਰ ਆ ਰਹੀ ਹੈ |ਇਸ ਗੀਤ ਵਿਚ ਹਿਮਾਂਸ਼ੀ ਨੇ ਕੁੜੀ ਦੇ ਉੱਚੇ ਸਟੈਂਡਰਡ ਅਤੇ ਫੈਸ਼ਨ ਦੀ ਗੱਲ ਕੀਤੀ ਹੈ। ਦੱਸਣਯੋਗ ਹੈ ਕਿ ਹਿਮਾਂਸ਼ੀ ਖੁਰਾਣਾ ਦੇ 'ਹਾਈ ਸਟੈਂਡਰਡ' ਗੀਤ ਨੂੰ ਦਰਸ਼ਕਾਂ ਵਲੋਂ ਖੂਬ ਪਸੰਦ ਕੀਤਾ ਜਾ ਰਿਹਾ ਹੈ। ਬੀ. ਪ੍ਰਾਕ ਦੇ ਗੀਤ 'ਮਨ ਭਰਿਆ' 'ਚ ਹਿਮਾਂਸ਼ੀ ਖੁਰਾਣਾ ਦਾ ਅਦਾਕਾਰੀ ਨੂੰ ਖੂਬ ਪਸੰਦ ਕੀਤਾ ਗਿਆ ਸੀ
ਜ਼ਿਕਰਯੋਗ ਹੈ ਕਿ ਹਿਮਾਸ਼ੀ ਪਹਿਲੀ ਕਲਾਕਾਰ ਨਹੀਂ ਹੈ ਜਿਸਨੇ ਮਾਡਲਿੰਗ ਤੋਂ ਗਾਇਕੀ ਦਾ ਰੁੱਖ ਕੀਤਾ ਹੋਵੇ , ਇਸ ਤੋਂ ਪਹਿਲਾਂ ਹਿਮਾਂਸ਼ੀ ਦੀ ਹੀ ਖ਼ਾਸ ਦੋਸਤ ਅਤੇ ਮਾਡਲਿੰਗ 'ਚ ਨਾਮਵਰ ਅਦਾਕਾਰਾ ਸਾਰਾ ਗੁਰਪਾਲ ਨੇ ਵੀ ਪਿਛਲੇ ਸਾਲ ਹੀ ਗਾਇਕੀ ਦੇ ਖ਼ੇਤਰ 'ਚ ਕਦਮ ਰਖਿਆ ਸੀ ਜਿਸ ਵਿਚ ਉਨ੍ਹਾਂ ਨੇ ਸਲੋਅ ਮੋਸ਼ਨ ਗੀਤ ਗਾਇਕ ਸੀ ਜਿਸ ਨੂੰ ਲੋਕਾਂ ਨੇ ਭਰਵਾਂ ਪਿਆਰ ਦਿੱਤਾ ਸੀ।
ਹੁਣ ਇਸੇ ਰਾਹ ਪੀ ਹਿਮਾਂਸ਼ੀ ਨੂੰ ਵੀ ਉਮੀਦ ਹੈ ਕਿ ਪ੍ਰਸ਼ੰਸਕ ਬੇਹੱਦ ਪਿਆਰ ਦੇਣਗੇ। ਦਸ ਦਈਏ ਕਿ ਹਾਲ ਹੀ 'ਚ ਹਿਮਾਂਸ਼ੀ ਖਾਲਸਾ ਐਡ ਨਾਲ ਜੁੜ ਕੇ ਵੀ ਕਾਫ਼ੀ ਚਰਚਾ ਵਿਚ ਰਹੀ ਸੀ।
