ਸ ਗੀਤ ਨੂੰ ਹੈਰੀ ਸੀੜਾ ਨੇ ਆਪਣੀ ਕਲਮ ਨਾਲ ਕਾਗਜ਼ 'ਤੇ ਉਤਾਰਿਆ ਅਤੇ ਅਭਿਜੀਤ ਬੈਦਵਾਣ ਨੇ ਸੰਗੀਤ ਨਾਲ ਇਸ ਗੀਤ ਨੂੰ ਸ਼ਿੰਗਾਰਿਆ ਹੈ।
ਮੁਹਾਲੀ - ਮਸ਼ਹੂਰ ਪੰਜਾਬੀ ਗਾਇਕ ਜੈਰੀ ਬੁਰਜ ਆਪਣੇ ਨਵੇਂ ਗੀਤ ਹਾਲਟ ਨਾਲ ਇਕ ਵਾਰ ਫਿਰ ਸੁਰਖੀਆਂ ਵਿਚ ਆ ਗਿਆ ਹੈ। ਸ਼ੁੱਕਰਵਾਰ ਨੂੰ ਰੀਲੀਜ਼ ਹੋਇਆ ਗੀਤ ਹਾਲਟ, ਜੈਰੀ ਵੱਲੋਂ ਆਪਣੇ ਸਰੋਤਿਆਂ ਲਈ ਇੱਕ ਨਿਵੇਕਲੀ ਪੇਸ਼ਕਾਰੀ ਹੈ। ਜੈਰੀ ਦੇ ਇਸ ਗੀਤ ਨੂੰ ਸਰੋਤਿਆਂ ਵੱਲੋਂ ਬਹੁਤ ਪਿਆਰ ਦਿੱਤਾ ਜਾ ਰਿਹਾ ਤੇ ਸੋਸ਼ਲ ਮੀਡੀਆ 'ਤੇ ਇਹ ਗੀਤ ਚਰਚਾ ਦਾ ਵਿਸ਼ਾ ਬਣ ਚੁੱਕਾ ਹੈ।
ਜੈਰੀ ਬੁਰਜ ਦਾ ਗੀਤ ਹਾਲਟ ਵੈਸਟਰਨ ਤੇ ਪੰਜਾਬੀ ਸੰਗੀਤ ਦਾ ਸੁਮੇਲ ਹੈ। ਇਸ ਗੀਤ ਨੂੰ ਹੈਰੀ ਸੀੜਾ ਨੇ ਆਪਣੀ ਕਲਮ ਨਾਲ ਕਾਗਜ਼ 'ਤੇ ਉਤਾਰਿਆ ਅਤੇ ਅਭਿਜੀਤ ਬੈਦਵਾਣ ਨੇ ਸੰਗੀਤ ਨਾਲ ਇਸ ਗੀਤ ਨੂੰ ਸ਼ਿੰਗਾਰਿਆ ਹੈ। ਵਾਹੋ ਇੰਟਰਟੇਨਮੈਂਟ ਕੰਪਨੀ ਨੇ ਇਸ ਗੀਤ ਨੂੰ ਲੋਕਾਂ ਦੀ ਕਚਹਿਰੀ 'ਚ ਪੇਸ਼ ਕੀਤਾ ਹੈ ਤੇ ਰਾਜ ਕੇਸੀ ਵੱਲੋਂ ਇਸ ਗੀਤ ਦਾ ਫ਼ਿਲਮਾਂਕਣ ਕੀਤਾ ਗਿਆ ਹੈ।
ਜੈਰੀ ਪੰਜਾਬੀ ਸੰਗੀਤ ਜਗਤ 'ਚ ਲੰਬੀਆਂ ਪੁਲਾਂਘਾਂ ਪੁੱਟਦਾ ਹੋਇਆ ਅੱਗੇ ਵੱਧ ਰਿਹਾ ਹੈ। ਹੁਣ ਤੱਕ ਜੈਰੀ ਨੇ ਆਪਣੀ ਆਵਾਜ਼ ਦੇ ਨਾਲ ਵੱਖ-ਵੱਖ ਗੀਤ ਸਰੋਤਿਆਂ ਦੀ ਝੋਲੀ ਪਾਏ ਹਨ। ਜੈਰੀ ਵੱਲੋਂ ਗਾਏ ਗਏ ਗੀਤ ਜੁੱਤੀ, ਹਾਲ, 40 ਲੱਖ, ਸਰਦਾਰਨੀ, ਠੋਕ ਦਿੰਦੇ ਆ ਆਦਿ ਗੀਤ ਲੋਕਾਂ ਦੀ ਪਹਿਲੀ ਪਸੰਦ ਬਣੇ ਹਨ। ਕਿਸਾਨੀ ਅੰਦੋਲਨ ਦੌਰਾਨ ਜੈਰੀ ਵੱਲੋਂ ਗਾਇਆ ਗਿਆ ਗੀਤ 'ਸਵਰਾਜਾਂ ਵਾਲੇ' ਬਹੁਤ ਮਕਬੂਲ ਹੋਇਆ ਹੈ। ਜੈਰੀ ਪਿਛਲੇ ਕਈ ਸਾਲਾਂ ਤੋਂ ਅਨੇਕਾਂ ਗੀਤ ਪੇਸ਼ ਕਰ ਚੁੱਕਾ ਹੈ ਤੇ ਆਉਣ ਵਾਲੇ ਸਮੇਂ ਦੌਰਾਨ ਕਈ ਹੋਰ ਵੱਡੇ ਪ੍ਰੋਜੈਕਟ ਲੋਕਾਂ ਦੀ ਕਚਹਿਰੀ ਵਿਚ ਲੈ ਕੇ ਆਉਣ ਲਈ ਤਿਆਰ ਹੈ।
