ਲਾਂਸ ਐਂਜਲਿਸ, 7 ਅਕਤੂਬਰ: ਅਦਾਕਾਰ ਜੈਕੀ ਚੈਨ ਦਾ ਕਹਿਣਾ ਹੈ ਕਿ ਉਨ੍ਹਾਂ ਨੂੰ ਪਤਾ ਹੈ ਕਿ ਹੁਣ ਉਹ ਜਵਾਨ ਨਹੀਂ ਹਨ ਅਤੇ ਕੰਮ ਕਰਦੇ ਰਹਿਣ ਲਈ ਉਨ੍ਹਾਂ ਨੂੰ ਇਕ ਕਲਾਕਾਰ ਦੇ ਤੌਰ 'ਤੇ ਅਪਣੇ ਕੰਮ ਕਰਨ ਦੇ ਤਰੀਕਿਆਂ ਵਿਚ ਬਦਲਾਅ ਲਿਆਉਣ ਦੀ ਜ਼ਰੂਰਤ ਹੈ। ਮੈਗਜ਼ੀਨ ਜੀਕਊ ਅਨੁਸਾਰ 63 ਸਾਲਾ ਅਦਾਕਾਰ ਦਾ ਕਹਿਣਾ ਹੈ ਕਿ ਉਹ ਹਮੇਸ਼ਾ ਕੇਵਲ ਐਕਸ਼ਨ ਰੋਲ ਨਹੀਂ ਕਰ ਸਕਦੇ। ਚੈਨ ਨੇ ਕਿਹਾ ਕਿ ਮੈਨੂੰ ਪਤਾ ਹੈ ਕਿ ਹੁਣ ਮੈਂ ਜਵਾਨ ਨਹੀਂ ਹਾਂ। ਮੈਂ ਲਗਾਤਾਰ ਭੱਜਦੌੜ ਨਹੀਂ ਕਰ ਸਕਦਾ। ਮੈਨੂੰ ਖ਼ੁਦ ਨੂੰ ਬਦਲਣਾ ਹੋਵੇਗਾ। ਜੈਕੀ ਚੈਨ ਐਕਸ਼ਨ ਦ੍ਰਿਸ਼ਾਂ ਲਈ ਅਦਾਕਾਰਵਾਂ ਦੇ ਬਾਡੀ ਡਬਲ ਦਾ ਇਸਤੇਮਾਲ ਕਰਨ ਅਤੇ ਖ਼ੁਦ ਸਟੰਟ ਨਾ ਕਰਨ ਦੀ ਗੱਲ ਤੋਂ ਵੀ ਨਾਖ਼ੁਸ਼ ਹਨ।                                                                                                                                                                                                                                        (ਪੀ.ਟੀ.ਆਈ)