ਰੋਜ਼ਾਨਾ ਸਪੋਕਸਮੈਨ ਨੇ ਆਪਣੀ ਪੜਤਾਲ ਵਿਚ ਪਾਇਆ ਕਿ ਵਾਇਰਲ ਹੋ ਰਿਹਾ ਵੀਡੀਓ ਹਾਲੀਆ ਨਹੀਂ ਬਲਾਕ ਪੁਰਾਣਾ ਹੈ।
RSFC (Team Mohali)- ਸੋਸ਼ਲ ਮੀਡਿਆ 'ਤੇ ਇੱਕ ਵੀਡੀਓ ਵਾਇਰਲ ਹੋ ਰਿਹਾ ਹੈ। ਇਸ ਵੀਡੀਓ ਵਿਚ ਇੱਕ ਵੱਡੇ ਜਿਹੇ ਜਾਨਵਰ ਨੂੰ ਸੜਕ 'ਤੇ ਚਲਦੇ ਵੇਖਿਆ ਜਾ ਸਕਦਾ ਹੈ। ਹੁਣ ਦਾਅਵਾ ਕੀਤਾ ਜਾ ਰਿਹਾ ਹੈ ਕਿ ਇਹ ਵੀਡੀਓ ਫਲੋਰੀਡਾ ਦਾ ਹੈ ਜਿਥੇ ਹਰੀਕੇਨ ਦੇ ਕਾਰਨ ਇੱਕ ਸੀਲ ਸਮੁੰਦਰ ਛੱਡ ਸ਼ਹਿਰ ਵਿਚ ਆ ਗਿਆ। ਇਸ ਵੀਡੀਓ ਨੂੰ ਹਾਲੀਆ ਦੱਸਕੇ ਵਾਇਰਲ ਕੀਤਾ ਜਾ ਰਿਹਾ ਹੈ।
ਰੋਜ਼ਾਨਾ ਸਪੋਕਸਮੈਨ ਨੇ ਆਪਣੀ ਪੜਤਾਲ ਵਿਚ ਪਾਇਆ ਕਿ ਵਾਇਰਲ ਹੋ ਰਿਹਾ ਵੀਡੀਓ ਹਾਲੀਆ ਨਹੀਂ ਬਲਾਕ ਪੁਰਾਣਾ ਹੈ। ਪੜ੍ਹੋ ਪੂਰੀ ਪੜਤਾਲ
ਵਾਇਰਲ ਪੋਸਟ
ਫੇਸਬੁੱਕ ਪੇਜ "Punjabi Bulletin" ਨੇ 1 ਅਕਤੂਬਰ 2022 ਨੂੰ ਵਾਇਰਲ ਵੀਡੀਓ ਸ਼ੇਅਰ ਕਰਦਿਆਂ ਲਿਖਿਆ, "ਹਰੀਕੇਨ ਦੇ ਕਾਰਨ ਇੱਕ ਸੀਲ ਸਮੁੰਦਰ ਛੱਡ ਫਲੋਰੀਡਾ ਦੇ ਸ਼ਹਿਰ 'ਚ ਹੋਈ ਦਾਖਲ, ਵੀਡੀਓ ਵਾਇਰਲ #florida #flood #seal #hurrican #car #luxurious #internationalnews #top #viral #punjabupdate #punjabibulletin"
ਇਸ ਪੋਸਟ ਨੂੰ ਹੇਠਾਂ ਕਲਿਕ ਕਰ ਵੇਖਿਆ ਜਾ ਸਕਦਾ ਹੈ।
ਪੜਤਾਲ
ਪੜਤਾਲ ਦੀ ਸ਼ੁਰੂਆਤ ਕਰਦਿਆਂ ਅਸੀਂ ਸਭਤੋਂ ਪਹਿਲਾਂ ਇਸ ਵੀਡੀਓ ਨੂੰ ਧਿਆਨ ਨਾਲ ਵੇਖਿਆ ਅਤੇ ਵੀਡੀਓ ਦੇ ਕੀਫ਼੍ਰੇਮਸ ਕੱਢ ਉਨ੍ਹਾਂ ਨੂੰ ਗੂਗਲ ਰਿਵਰਸ ਇਮੇਜ ਟੂਲ ਵਿਚ ਅਪਲੋਡ ਕਰ ਸਰਚ ਕੀਤਾ।
ਵਾਇਰਲ ਵੀਡੀਓ ਪੁਰਾਣਾ ਅਤੇ ਚਿਲੇ (ਦੱਖਣੀ ਅਮਰੀਕਾ) ਦਾ ਹੈ
ਸਾਨੂੰ ਇਸ ਵੀਡੀਓ ਨੂੰ ਲੈ ਕੇ ਨਾਮਵਰ ਮੀਡੀਆ ਅਦਾਰੇ NDTV ਦੀ ਇੱਕ ਖਬਰ ਮਿਲੀ। ਇਹ ਖਬਰ 9 ਅਕਤੂਬਰ 2022 ਨੂੰ ਸਾਂਝੀ ਕੀਤੀ ਗਈ ਸੀ ਅਤੇ ਇਸਦਾ ਸਿਰਲੇਖ ਲਿਖਿਆ ਗਿਆ ਸੀ, "Massive Elephant Seal Found Wandering Around Coastal Town. Watch"
NDTV Report
ਖਬਰ ਅਨੁਸਾਰ, "ਇੱਕ ਵੱਡੀ ਹਾਥੀ ਸੀਲ ਨੂੰ ਚਿਲੇ ਸ਼ਹਿਰ ਦੇ ਆਲੇ-ਦੁਆਲੇ ਘੁੰਮਦਾ ਦੇਖਿਆ ਗਿਆ। "the guardian" ਦੇ ਅਨੁਸਾਰ, ਪੋਰਟੋ ਸਿਸਨੇਸ ਦੇ ਵਸਨੀਕ ਸੋਮਵਾਰ ਰਾਤ ਨੂੰ ਸਮੁੰਦਰੀ ਥਣਧਾਰੀ ਜਾਨਵਰਾਂ ਨੂੰ ਆਪਣੇ ਸ਼ਹਿਰ ਦੀਆਂ ਗਲੀਆਂ ਵਿੱਚੋਂ ਲੰਘਦੇ ਦੇਖ ਕੇ ਹੈਰਾਨ ਰਹਿ ਗਏ।"
ਇਸ ਖਬਰ ਨੂੰ the guardian ਦੀ ਰਿਪੋਰਟ ਅਧਾਰ ਬਣਾਇਆ ਗਿਆ ਸੀ ਜਿਸਨੂੰ ਇਥੇ ਕਲਿਕ ਕਰ ਪੜ੍ਹਿਆ ਜਾ ਸਕਦਾ ਹੈ।
ਇਸ ਮਾਮਲੇ ਨੂੰ ਲੈ ਕੇ Guardian ਦੀ ਵੀਡੀਓ ਰਿਪੋਰਟ ਕਲਿਕ ਕਰ ਵੇਖੀ ਜਾ ਸਕਦੀ ਹੈ।
Guardian News
ਮਤਲਬ ਸਾਫ ਸੀ ਕਿ ਵਾਇਰਲ ਹੋ ਰਿਹਾ ਵੀਡੀਓ ਹਾਲੀਆ ਨਹੀਂ ਬਲਕਿ ਦੱਖਣੀ ਅਮਰੀਕੀ ਸ਼ਹਿਰ ਚਿਲੇ ਦਾ ਪੁਰਾਣਾ ਵੀਡੀਓ ਹੈ।
ਨਤੀਜਾ- ਰੋਜ਼ਾਨਾ ਸਪੋਕਸਮੈਨ ਨੇ ਆਪਣੀ ਪੜਤਾਲ ਵਿਚ ਪਾਇਆ ਕਿ ਵਾਇਰਲ ਹੋ ਰਿਹਾ ਵੀਡੀਓ ਹਾਲੀਆ ਨਹੀਂ ਬਲਾਕ ਪੁਰਾਣਾ ਹੈ। ਵਾਇਰਲ ਹੋ ਰਿਹਾ ਵੀਡੀਓ ਦੱਖਣੀ ਅਮਰੀਕੀ ਸ਼ਹਿਰ ਚਿਲੇ ਦਾ ਅਕਤੂਬਰ 2020 ਦਾ ਵੀਡੀਓ ਹੈ।
Claim- Seal seen in Florida due to Hurricane
Claimed By- FB Page Punjabi Bulletin
Fact Check- Misleading
