ਇਹ ਵੀਡੀਓ ਪੁਰਾਣਾ ਹੈ ਅਤੇ ਬਿਹਾਰ ਦੇ ਸਮਸਤੀਪੂਰ ਦਾ ਜਿਥੇ ਰਾਮ ਨਵਮੀ ਮੌਕੇ ਇੱਕ ਰੈਲੀ ਦੌਰਾਨ ਪੁਲਿਸ ਕਰਮੀ ਨੇ ਜੈ ਸ਼੍ਰੀ ਰਾਮ ਦੇ ਨਾਅਰੇ ਲਾਏ ਸਨ।
RSFC (Team Mohali)- ਸੋਸ਼ਲ ਮੀਡੀਆ 'ਤੇ ਇੱਕ ਵੀਡੀਓ ਵਾਇਰਲ ਹੋ ਰਿਹਾ ਹੈ। ਇਸ ਵੀਡੀਓ ਵਿਚ ਇੱਕ ਪੁਲਿਸ ਮੁਲਾਜ਼ਮ ਨੂੰ ਇੱਕ ਰੈਲੀ ਦਾ ਸਮਰਥਨ ਕਰਦੇ ਹੋਏ ਜੈ ਸ਼੍ਰੀ ਰਾਮ ਦੇ ਨਾਅਰੇ ਲਾਉਂਦੇ ਵੇਖਿਆ ਜਾ ਸਕਦਾ ਹੈ। ਦਾਅਵਾ ਕੀਤਾ ਜਾ ਰਿਹਾ ਹੈ ਕਿ ਵੀਡੀਓ ਤ੍ਰਿਪੁਰਾ ਦਾ ਹੈ ਜਿਥੇ ਹਿੰਸਾ ਦੌਰਾਨ ਪੁਲਿਸ ਕਰਮੀਆਂ ਨੇ ਮੁਸਲਿਮ ਵਿਰੋਧੀ ਰੈਲੀ ਨੂੰ ਸਮਰਥਨ ਦਿੱਤਾ ਅਤੇ ਜੈ ਸ਼੍ਰੀ ਰਾਮ ਦੇ ਨਾਅਰੇ ਲਾਏ।
ਰੋਜ਼ਾਨਾ ਸਪੋਕਸਮੈਨ ਨੇ ਆਪਣੀ ਪੜਤਾਲ ਵਿਚ ਵਾਇਰਲ ਪੋਸਟ ਗੁੰਮਰਾਹਕੁਨ ਪਾਇਆ ਹੈ। ਇਹ ਵੀਡੀਓ ਪੁਰਾਣਾ ਹੈ ਅਤੇ ਬਿਹਾਰ ਦੇ ਸਮਸਤੀਪੂਰ ਦਾ ਜਿਥੇ ਰਾਮ ਨਵਮੀ ਮੌਕੇ ਇੱਕ ਰੈਲੀ ਦੌਰਾਨ ਪੁਲਿਸ ਕਰਮੀ ਨੇ ਜੈ ਸ਼੍ਰੀ ਰਾਮ ਦੇ ਨਾਅਰੇ ਲਾਏ ਸਨ।
ਵਾਇਰਲ ਪੋਸਟ
ਟਵਿੱਟਰ ਯੂਜ਼ਰ "Dr Syed Wasimuddin" ਨੇ ਵਾਇਰਲ ਵੀਡੀਓ ਸ਼ੇਅਰ ਕਰਦਿਆਂ ਲਿਖਿਆ, "#ShameOnTripuraPolice Police officer leading VHP Rally in Tripura which is responsible for #TripuraRiots Any action against him? @AmitShah @Tripura_Police @LiveLawIndia @shatweeted"
ਇਸ ਵੀਡੀਓ ਨੂੰ ਹੇਠਾਂ ਕਲਿਕ ਕਰ ਵੇਖਿਆ ਜਾ ਸਕਦਾ ਹੈ।
#ShameOnTripuraPolice
— Dr Syed Wasimuddin (@DWasimuddin) November 2, 2021
Police officer leading VHP Rally in Tripura which is responsible for #TripuraRiots
Any action against him?@AmitShah @Tripura_Police @LiveLawIndia @shatweeted pic.twitter.com/CkC8o5nRfC
ਪੜਤਾਲ
ਪੜਤਾਲ ਦੀ ਸ਼ੁਰੂਆਤ ਕਰਦੇ ਹੋਏ ਅਸੀਂ ਇਸ ਵੀਡੀਓ ਨੂੰ ਸਭ ਤੋਂ ਪਹਿਲਾਂ ਧਿਆਨ ਨਾਲ ਵੇਖਿਆ ਅਤੇ ਵੀਡੀਓ ਦੇ ਕੀਫ਼੍ਰੇਮਸ ਕੱਢ ਉਨ੍ਹਾਂ ਨੂੰ Yandex ਰਿਵਰਸ ਇਮੇਜ ਟੂਲ ਵਿਚ ਅਪਲੋਡ ਕਰ ਸਰਚ ਕੀਤਾ।
ਵਾਇਰਲ ਵੀਡੀਓ ਪੁਰਾਣਾ ਹੈ
ਸਾਨੂੰ ਇਹ ਵੀਡੀਓ ਆਪਣੀ ਸਰਚ ਦੌਰਾਨ ਸਭ ਤੋਂ ਪਹਿਲਾਂ ਇਹ ਵੀਡੀਓ Youtube 'ਤੇ 26 ਮਾਰਚ 2018 ਦਾ ਅਪਲੋਡ ਮਿਲਿਆ। ਇਸ ਅਪਲੋਡ ਤੋਂ ਇਹ ਤਾਂ ਸਾਫ ਹੋਇਆ ਕਿ ਵਾਇਰਲ ਵੀਡੀਓ ਹਾਲੀਆ ਤਾਂ ਨਹੀਂ ਹੈ।
YT Video
ਅੱਗੇ ਵਧਦੇ ਹੋਏ ਅਸੀਂ Google Timeline ਸਰਚ ਕੀਤਾ। ਇਸ ਸਰਚ ਦੇ ਨਤੀਜੇ ਤੋਂ ਇਸ ਵੀਡੀਓ ਦੀ ਅਸਲ ਸਚਾਈ ਸਾਹਮਣੇ ਆਈ। ਸਾਨੂੰ ਇਹ ਵੀਡੀਓ Patna Live ਫੇਸਬੁੱਕ ਪੇਜ 'ਤੇ 30 ਮਾਰਚ 2018 ਦਾ ਸ਼ੇਅਰ ਕੀਤਾ ਮਿਲਿਆ। ਇਸ ਵੀਡੀਓ ਨੂੰ ਪੇਜ ਨੇ ਸ਼ੇਅਰ ਕਰਦਿਆਂ ਵੱਧ ਜਾਣਕਾਰੀ ਦਿੱਤੀ। ਪੇਜ ਨੇ ਵੀਡੀਓ ਸ਼ੇਰਤ ਕਰਦਿਆਂ ਕੈਪਸ਼ਨ ਲਿਖਿਆ, "Super Exclusive (video)समस्तीपुर के रोसड़ा में रामनवी जुलूस में पुलिसवाले का यह रूप देखकर आपके होश उड़ जायेंगे, यकीन न हो तो देखिये"
ਇਸ ਰਿਪੋਰਟ ਮੁਤਾਬਕ ਇਸ ਰੈਲੀ ਵਿਚ ਭਾਗ ਲੈਣ ਲਈ ਪੁਲਿਸ ਦੀ ਆਲੋਚਨਾ ਕੀਤੀ ਗਈ ਕਿਓਂਕਿ 2 ਸਮੂਹਾਂ ਵਿਚਕਾਰ ਝੜਪ ਤੋਂ ਬਾਅਦ ਰੋਸੇਰਾ 'ਚ ਧਾਰਾ 144 ਲਾਗੂ ਕਰ ਦਿੱਤੀ ਗਈ ਸੀ।
ਇਸ ਝੜਪ ਨੂੰ ਲੈ ਕੇ The Indian Express ਦੀ ਖਬਰ ਇਥੇ ਕਲਿਕ ਕਰ ਪੜ੍ਹੀ ਜਾ ਸਕਦੀ ਹੈ।
ਨਤੀਜਾ- ਰੋਜ਼ਾਨਾ ਸਪੋਕਸਮੈਨ ਨੇ ਆਪਣੀ ਪੜਤਾਲ ਵਿਚ ਵਾਇਰਲ ਪੋਸਟ ਗੁੰਮਰਾਹਕੁਨ ਪਾਇਆ ਹੈ। ਇਹ ਵੀਡੀਓ ਪੁਰਾਣਾ ਹੈ ਅਤੇ ਬਿਹਾਰ ਦੇ ਸਮਸਤੀਪੂਰ ਦਾ ਜਿਥੇ ਰਾਮ ਨਵਮੀ ਮੌਕੇ ਇੱਕ ਰੈਲੀ ਦੌਰਾਨ ਪੁਲਿਸ ਕਰਮੀ ਨੇ ਜੈ ਸ਼੍ਰੀ ਰਾਮ ਦੇ ਨਾਅਰੇ ਲਾਏ ਸਨ।
Claim- Video From Tripura Where Police is Supporting Anti-Muslim Rioters
Claimed By- Twitter User Dr Syed Wasimuddin
Fact Check- Misleading
